Голем пожар избувна во магацин во местото Митри-Мори, во францускиот департман Сена и Марна, јавува „Ле Фигаро“, повикувајќи се на противпожарната служба.

Густи облаци црн чад биле видливи на километри околу местото на пожарот околу 21 часот, а снимките објавени на социјалните мрежи покажуваат како чадот се издига над аеродромот „Шарл де Гол“, кој се наоѓа на само неколку стотици метри од местото на несреќата.

Од управата на аеродромот за „Ле Фигаро“ соопштија дека пожарот засега не влијае врз воздушниот сообраќај.

„Во моментов пожарот нема никакви последици врз воздушниот сообраќај на аеродромот ‘Шарл де Гол’“, соопштија од аеродромската управа.

Франција веќе со недели се соочува со последиците од силниот топлотен бран што зафати голем дел од Европа. Високите температури, сушата и силниот ветер создадоа идеални услови за брзо избувнување и ширење на пожари, поради што противпожарните служби низ целата земја се во состојба на зголемена готовност.

Во изминатите денови беа регистрирани повеќе големи пожари во различни делови на Франција, а надлежните предупредуваат дека екстремно високите температури може да предизвикаат нови инциденти.

Според метеоролозите, жешката воздушна маса од Сахара ќе се задржи и во наредните денови, што дополнително го зголемува ризикот од пожари на отворено.

Француските власти ги повикаа граѓаните на зголемена претпазливост и апелираа да избегнуваат активности што би можеле да предизвикаат пожар, додека пожарникарите продолжуваат да се борат со огнените стихии, кои поради високите температури и сувата вегетација често излегуваат од контрола.

The post 📽️ ЦРН ЧАД ГО ПРЕКРИ НЕБОТО НАД „ШАРЛ ДЕ ГОЛ“ Огромен пожар избувна во близина на аеродромот во Париз appeared first on plusinfo.mk.

Претседателот на Франција, Емануел Макрон денеска изјави дека францускиот носач на авиони „Шарл де Гол“ може да биде распореден во Ормуска Теснина во рок од два до три дена откако ќе биде потврден договорот помеѓу САД и Иран.

– Со Британците формиравме мисија за да помогнеме во отворањето на Ормуска Теснина, а „Шарл де Гол“ со своите придружни сили, кои остануваат во регионот, би можеле да бидат распоредени во рок од два или три дена од потврдувањето на договорот, наведе Макрон.

The post ФРАНЦУСКИ НОСАЧ НА АВИОНИ ЌЕ ГО НАДГЛЕДУВА ОРМУСКИОТ ТЕСНЕЦ „Шарл де Гол“ ќе биде распореден откако договорот ќе биде потврден appeared first on plusinfo.mk.

Во испитувањето телефонски биле интервјуирани 1.568 морнари присутни на бродот меѓу 21 февруари и 13 април (199 не успеале да ги добијат или одбиле да одговорат ). На бродот имаше 1.064 потврдени случаи затоа што биле тестирани позитивно непосредно пред враќањето во пристаништето или за време на масовната кампања на тестирање или затоа што страдале од губење на вкус или мирис, симптоми признати како специфики на болеста.

Токму овие случаи на губење на мирисот и вкусот, овозможуваат ретроспективно да се утврдат почетоците на епидемијата. Првиот случај датира од 28 февруари. Следат два нови случаи на почетокот на март, а потоа четири се случиле за време на престојот во Брест, меѓу 14 и 16 март. Во оваа пригода, барем еден симптоматски случај е на бродот. Реконструкцијата на динамиката на епидемијата, која се разгорува многу брзо, укажува на тоа дека неколку други морнари, кои се уште се асимптоматски за време на престојот во Брест, исто така, го носеле вирусот. Генетските анализи на вирусите ги потврдуваат овие претпоставки. Циркулирале различни видови, и тие се компатибилни со првото рано воведување на вирусот во февруари, а потоа повеќекратниот вовед за време на престојот во Брест што ја „зајакнува“ епидемијата.

Една недела подоцна, веќе има околу 40 случаи, а на 30 март веќе околу стотина, кога се олабавиле правилата за социјално растојание по престојот во Брест (откажување на состаноци, намалување на зачестеноста на брифинзите, правила за спорт и др.).

На  30 март се организираше концерт на кој присуствуваа една третина од морнарите. Веројатно тоа не помогна, но не играше ниту круцијална улога во епидемијата, тврдат во нивната демонстрација авторите на студијата. Динамиката на епидемијата беше точно иста во деновите што следуваа меѓу оние кои присуствуваа на концертот и оние што не беа. Накратко, епидемијата веќе почна и не можеше да се запре. Два дена подоцна, се пријавуваат речиси 50 нови дневни случаи. Тоа е многу брутално разгорување на епидемијата. Сепак, дури на 5 април медицинската служба конечно предупреди за евентуална зараза на носачот на авиони!

-Епидемиолошкиот сигнал за можна епидемија на Ковид-19 на носачот на авиони, се чини, е откриен предоцна, посочуваат експертите.

Не можејќи да направат виролошки тестови на бродот, лекарите ја користат „историската“ дефиниција на јавното здравство во Франција: клинички знаци на акутна респираторна инфекција со треска… Откако дојде до зголемување на хоспитализациите за овие симптоми и зголемување бројот на консултации ги натераат лекарите да помислат на Ковид-19.

Популацијата на носачот на авиони е прилично млада и има добра здравствена состојба, сериозните случаи може да го претставуваат само видливиот дел на ледениот брег (студијата, исто така, ќе идентификува само 29 сериозни случаи на крајот, или 2,4 отсто ). Исто така, од 22 март знаевме дека губењето на мирис или вкус е симптом. Иронично, оваа студија го потврдува тоа извонредно: околу половина од заразените морнари страдаат од анозмија (57 отсто) и / или агнузија (47 отсто).

Ден по оваа доцна предупредување, епидемијата веќе го достигна својот врв … Два дена подоцна, на 8 април, на морнарите (конечно) им беа дадени маски.

– Тешко е да се направи поделба помеѓу ефективноста на широко распространетата употреба на маската и големиот број на заразени лица, што, де факто, доведува до крај на епидемија, се истакнува во студијата. Вирусот очигледно не успева да зарази нови луѓе, патем, тоа докажува дека инфекцијата сепак им дава имунитет.

Повеќе од 65 отсто од екипажот на „Шарл-де Гол“ се заразени.

Процентот на асимптоматски случаи на носачот на авиони е 13 отсто и се совпаѓа со 17 отсто пронaјдени во Крепи-ан-Валоа, во Оаз, во друга студија на случај спроведена од Институтот Пастер. Студијата меѓу другото го потврдува она што веќе се знае за болеста: возраста и прекумерната тежина се главните фактори на ризик за развој на сериозна форма, додека тутунот многу чудно штити од инфекција со вирусот.

Од 1.600 морнари кои се наоѓаат во „Шарл-де Гол“, нешто повеќе од една третина се пушачи. Ова го потврди изненадувачкиот факт што веќе е забележан во другите студии: пушачите имаат помала веројатност да заболат од Ковид-19 од другите. Процентот на пушачи кај „заразените“ е всушност 32 отсто додека е 45 отсто во групата што не заболила од оваа болест. Од сите испитани фактори, дебелината, крвната група и возраста, пушењето го има најголемото влијание врз ризикот од заболување.

– Полот, возраста, индекс на телесна маса и крвната група не се разликуваа (значително) помеѓу заболeните и незаболeните, се забележува во извештајот од Центарот за епидемиологија и јавно здравје на армијата. Од друга страна, откако ќе се зарази со болеста, машкиот пол, возраста и прекумерната телесна тежина го зголемуваат ризикот од развој на сериозна форма, која веќе е добро утврдена од почетокот на епидемијата. Студијата исто така открива дека „пушењето било заштитен фактор за тешки форми“, што е многу повеќе изненадувачки. Од 29 сериозни случаи регистрирани на бродот, само двајца пациенти биле активни пушачи. Но затоа, 20 од нив биле со прекумерна тежина, со индекс на телесна маса поголема од 25, многу јасен знак за важноста на овој фактор на ризик кај младите луѓе кои го сочинувале најголем дел од екипажот (72 отсто под 35 години).

The post Деталната eпидемиолошка истрага од „Шарл де Гол“ важна за подобро запознавање со ковид-19 appeared first on plusinfo.mk.

Портпаролот на француската морнарица Ерик Лаво изјави дека е тоа конечен број на инфицираните на носачот на авиони, откако вчера беше информирано за 1.081 заболен.

Околу 50 отсто од заразените морнари не покажуваат симптоми на болеста.

The post На носачот на авиони „Шарл де Гол“ од 1760 морнари, заразени се 1046 appeared first on plusinfo.mk.