Државјанка на Италија била повредена денеска на Шар Планина, по што била покрената спасувачка акција, во близина на Доброшките Езера.

Поради комплексноста и непристапноста на теренот за интервенцијата бил ангажиран хеликоптер од Министерството за внатрешни работи, заедно со спасувачки тим од специјалните единици.

Во 16 часот спасувачкиот тим пристигнал на локацијата, по што повреденото лице било успешно извлечено и транспортирано до комплексот клиники „Мајка Тереза“ во Скопје, каде што му била укажана медицинска помош поради скршеница на ногата.

Во текот на целата спасувачка акција, дежурните оператори во Центарот за управување со кризи биле во постојана комуникација со лицата и во координација со ангажираните спасувачки служби.

Центарот за управување со кризи изразува благодарност до Министерството за внатрешни работи и до другите служби кои учествувале во успешното спасување.

The post 🎥 ИТАЛИЈАНКА СКРШИЛА НОГА НА ШАР ПЛАНИНА Во акцијата бил ангажиран хеликоптер на МВР appeared first on plusinfo.mk.

Скијач од Данска бил повреден при лавина на местото Церипашина, на Шар Планина, вчера, соопшти полицијата.

Полицијата вчера во 1:50 часот добила пријава за повредено лице на Попова Шапка.

– Екипа од друштво за спортски и други услуги со специјално возило во 16:10 часот го пронашла лицето Ф.М.Л. (24) од Данска, кој, според пријавеното, бил повреден од снежна лавина додека скијал. По укажаната помош, лицето со амбулантно возило е пренесено во приватна болница во Скопје – информира портпаролот на СВР Тетово, Фатмир Реџепи.

Вчера од Националниот парк Шар Планина предупредија на внимателност бидејќи било забележано значително зголемување на лавинската опасност, особено на стрмни падини со источна, југоисточна и јужна експозиција на планината.

ПРЕДУПРЕДУВАЊЕ ЗА ЗГОЛЕМЕНА ЛАВИНСКА ОПАСНОСТ НА ШАРА Избегнувајте ризични терени

The post СКИЈАЧ ОД ДАНСКА ПОВРЕДЕН ПРИ ЛАВИНА НА ЦЕРИПАШИНА Бил пренесен во приватна болница во Скопје appeared first on plusinfo.mk.

Поради последните обилни врнежи од снег, засилен ветер и пораст на дневните температури, на територијата на Националниот парк Шар Планина е забележано значително зголемување на лавинска опасност, особено на стрмни падини со источна, југоисточна и јужна експозиција, предупредуваат од Паркот.

– Апелираме до сите посетители, планинари и љубители на зимските спортови: движете се внимателно во планински услови, избегнувајте ризични и стрмни терени, користете соодветна безбедносна опрема. Планината е прекрасна, но бара одговорност. Информираноста и добрата подготовка се клучни за безбедно уживање во природата – објавија од Паркот на нивната страница на Фејсбук.

The post ПРЕДУПРЕДУВАЊЕ ЗА ЗГОЛЕМЕНА ЛАВИНСКА ОПАСНОСТ НА ШАРА Избегнувајте ризични терени appeared first on plusinfo.mk.

Националниот парк „Шар Планина“ предупредува дека во моментов на планината владее висока опасност од лавини, особено на терени над 1.700 метри надморска височина, каде што снежната покривка е нестабилна и ризикот е сериозен.

Од паркот информираат дека опасноста е резултат на комбинација од временските услови во изминатите денови – температурни промени, силен ветер и нови снежни врнежи, кои заедно со стрмниот планински рељеф создаваат услови за ненадејно активирање на лавини.

Предупредувањето доаѓа откако беше пријавена лавина на подрачјето на паркот од операторот за слободно скијање со ратраци „Ескимо спорт“. По добиената дојава, екипи на Националниот парк излегоа на терен и извршија увид на локацијата. Претходно, операторот направил пребарување со лавински уреди, при што било утврдено дека нема затрупани лица, а досега не се пријавени исчезнати лица. За среќа, инцидентот поминал без човечки жртви.

Паралелно со увидот, била спроведена и експертска анализа на стабилноста на снежната покривка од стручен тим специјализиран за безбедност во планинскиот туризам. Според проценката, лавинската опасност е оценета како степен 4 – висок ризик, според европската скала за лавинска опасност, каде што 5 е највисоко, а 1 најниско ниво на ризик.

Од Националниот парк апелираат посетителите да бидат исклучително внимателни, да избегнуваат движење низ потенцијални лавински зони и да не се упатуваат во повисоките делови на планината без придружба на стручно обучени и искусни водичи. Посетителите се повикуваат и навремено да ја пријават својата посета преку официјалната веб-страница на паркот.

Стручните служби на Националниот парк „Шар Планина“, во соработка со туристичките оператори и лавинските експерти, најавуваат дека состојбата на теренот ќе се следи постојано, а јавноста ќе биде навремено информирана за сите промени.

Од паркот потсетуваат дека иако Шар Планина нуди спектакуларни зимски пејзажи, движењето во вакви услови бара високо ниво на одговорност и информираност, бидејќи лавините се појава која тешко се предвидува и може да има сериозни последици.

The post 📷 ВИСОКА ОПАСНОСТ ОД ЛАВИНИ НА ШАР ПЛАНИНА Апел до планинарите и скијачите да не се движат без водич appeared first on plusinfo.mk.

Јавната установа Национален парк Шар Планина соопшти дека постигнала договор со операторот Eskimo Sport, кој врши дејност скијање со ратрак-машини, како и со субјектот Ресторан Арена, кој врши исклучиво угостителска дејност на територијата на Националниот парк.

„Операторот Eskimo Sport изрази целосна подготвеност за почитување на Планот за управување, Планот за движење на моторизирани возила, како и на останатите одлуки и акти што Националниот парк Шар Планина ги има донесено за регулирање на оваа материја“ – се вели во соопштението на НП Шар Планина.

Јавната установа Национален парк Шар Планина му доделила Благодарница на операторот Eskimo Sport, како признание за подготвеноста за усогласување со институционалните процедури, како и за фактот дека претставува прв оператор од ваков тип туристичка дејност.

„Овој чекор претставува значаен придонес кон воспоставување јасен и регулиран систем за вршење туристички дејности во Националниот парк, со што се обезбедуваат заштита на чувствителните живеалишта и биодиверзитетот, јасен режим на движење и надзор, зголемена безбедност за посетителите и вработените, како и развој на одговорен и одржлив планински туризам.

Јавната установа Национален парк Шар Планина останува цврсто посветена на соработка со сите субјекти кои одговорно постапуваат, ја почитуваат законската рамка и придонесуваат кон одржлив развој на туризмот во хармонија со природата. Преку дијалог, транспарентност и взаемна одговорност, продолжуваме да градиме модел во кој заштитата на природата и економскиот развој одат рака под рака, во интерес на јавноста и на идните генерации“ – се вели во објавата на НП Шар Планина.

Здружението Ескимо Спорт ДООЕЛ Тетово неодамна ги демантираше пласираните информации во јавноста дека наводно биле тргнати „диви ратраци на Шар Планина“ и објасни дека ратраците уште од 2005 година се дел од тимот кој превезува туристи скијачи фрирајдери. Од Здружението објаснија дека минатиот петок (16 јануари) операторот бил спречен заедно со странски гости да излезе на терен, од страна на ренџерите на НП Шар Планина. Притоа немало никакво преземање на ратраците, туку напротив, полицијата интервенирала по дојава од самиот оператор поради незаконско и присилно постапување на терен, по што ренџерите биле отстранети.

The post СЕ ПОМИРИЈА „ЕСКИМО СПОРТ“ И НАЦИОНАЛНИОТ ПАРК ШАР ПЛАНИНА Ратраците непречено ќе носат скијачи appeared first on plusinfo.mk.

Шпекулантско базично новинарство, базирано на еуфорија и сензационализам во корелација со несовесни лица од новопечениот Национален парк ги нарушуваат децениските туристички релации на Попова Шапка, каде фирмата која макотрпно управува со фрирајд операциите на Шар Планина речиси 20 години опслужува повеќе од 1.500 странски скијачи секоја сезона.

Скијањето со ратрак е изолиран и супер специјализиран туристички производ далеку од очите на македонската јавност, но сепак на видното поле на туристичките работници и најважно светската скијачка сцена долги години наназад, реагира СкиМакедонија во напис.

Поминале бројни патеписци и продуценти од познати и непознати медуми, угледни и авторитетни специјализрани травел магазини. Скијачки великани од Северна Америка, Западна Европа и Скандинавија.

Направена е невидена афирмација на Македонија и Шар Планина деценија наназад преку бројни насмeани лица, задоволни странски авантуристи скијачи, дипломати, амбасадори и македонски домашни гости.

Повеќето туристички капацитети односно хотели како и многу локално население директно и индиректно живеат токму од овој оператор и тие гости.

И сега наеднаш имаме некоја нова ултра бирократска институција каде наеднаш под превезот на екологија, биодиверзитет им смета се или сакаат да маваат таму каде што навидум некој може да трпи ќотек. Паралелно дозволувајќи загадување , сеча , градење диви објекти насекаде низ планината.

Во однос на најважната медиумска драма што се случи утринава каде операторот беше спречен заедно со странските гости да излезе на терен важно е да се напомене, не е точно дека полицијата интервенирала поради загрозување на безбедноста од страна на операторот, објави СкиМакедонија.

Напротив, полицијата беше повикана по дојава на самиот оператор, поради незаконско и присилно постапување на терен, по што ренџерите беа отстранети од местото на настанот, а не обратно.

Ваквото известување свесно или несвесно, а ите како непрофесионално извртување на фактите се создава лажна слика во јавноста, се нарушува угледот пред се на државата, дестинација Попова Шапка, потоа операторите, хотелите и индивидуалци со сериозни репутациски и финансиски последици.

Спротивно на изнесеното во објавите по медиуми, операторот постапувал согласно доставениот допис од Национален парк Шар Планина и нивниот официјален тарифник, врз основа на кој, по барање на самата установа, е извршена авансна уплата во износ од 5.000 евра, со образложение дека установата е самофинансирана и нема друг редовен прилив на средства.

И покрај ова, ратраците беа физички спречени да движат, без претходно навремено писмено решение, без формална забрана и без спроведување на соодветна законска постапка на лице место, што претставува пречекорување на овластувањата, а не законско постапување.

„Во овој контекст, основано сметаме дека станува збор за сплет на интереси помеѓу поединци вработени во установата Национален парк Шар Планина, како и за обид за саботажа и уништување на веќе воспоставен туристички производ, наместо за транспарентно и законско управување со заштитеното подрачје.

Логично се наметнува прашањето: зошто институција чија основна улога е развој и унапредување на одржливиот туризам во Националниот парк, игнорира препораки и настојува да спречи и уништи веќе постоечки, светски познат туристички продукт, наместо да го регулира и унапреди особено што се игнорираат многу барања од операторот кој наложува високи стандарди на работење?!

Остануваме цврсто определени за почитување на законите, заштита на природата и развој на одржлив туризам, но истовремено инсистираме на законско, транспарентно и непристрасно постапување, без селективност и без влијание на поединечни интереси”, вели операторот.

The post ПОЛИЦИЈАТА ГИ ОТСТРАНИЛА РЕНЏЕРИТЕ, А НЕ РАТРАЦИТЕ НА ПОПОВА ШАПКА Кому му пречат фрирајд скијачите? appeared first on plusinfo.mk.

Националниот парк „Шар Планина“ информира дека при теренски контроли на државен имот е утврдено нелегално вршење превоз на скијачи со ратраци, спротивно на важечката законска регулатива и правилата за заштита на природните вредности на паркот.

Од управата на паркот посочуваат дека операторот кој ја вршел дејноста немал склучено договор или спогодба со институцијата, како што е предвидено со Одлуката за режим на движење со моторни возила на територијата на Националниот парк „Шар Планина“ и со Планот за управување со паркот.

„При теренските контроли, на државен имот, беше констатирано вршење дејност скијање со пет ратраци од страна на оператор кој нема склучено соодветен договор. Како директен резултат на контролите, веднаш беше изречена забрана за движење на ратраците на операторите кои не ги исполнуваат законските услови“, соопштија од ЈУ НП „Шар Планина“.

Од Националниот парк наведуваат и дека вработените биле попречувани во извршувањето на службените задачи.

„За време на контролите, вработените беа попречени од операторот со движењето на ратраците, со што беше оневозможено спроведувањето на законските обврски. Ваквото однесување создаде директен ризик за животот и безбедноста на вработените и го наруши нормалното функционирање на институцијата“, наведуваат од паркот.

По настанот, како што информираат, ќе биде поднесена пријава до Министерството за внатрешни работи и до Државниот инспекторат за животна средина и просторно планирање.

Од Националниот парк потсетуваат дека превозот и скијањето со ратраци е дозволено исклучиво во зони за активно управување, надвор од зоните со строга заштита и само доколку постои целосна усогласеност со законските и договорните обврски.

„Со договорниот однос се воспоставува јасен режим на движење, надзор и одговорност на операторите, со цел да се намали влијанието на моторизираните активности врз чувствителните живеалишта, да се зачува биодиверзитетот и еколошката рамнотежа на паркот“, додаваат од НП „Шар Планина“.

Ренџерската служба на Националниот парк, како што најавуваат, ќе продолжи со интензивни теренски контроли и ќе презема законски мерки за секоја утврдена повреда.

The post ФАТЕНИ РАТРАЦИ БЕЗ ДОЗВОЛА ЗА ПРЕВОЗ НА СКИЈАЧИ Полицијата интервенираше по пријава на ЈУ НП „Попова Шапка“ appeared first on plusinfo.mk.

Националниот парк Шар Планина информира дека со една од нивните поставени камери снимиле мајка рис со младенче, и двете во одлична здравствена состојба. Со ова, бројката на документирани рисови на Шара се зголемува од една на три единки.

„По успехот минатата година, кога првпат снимивме мажјак на локалитетот Лешница, денеска со огромна радост објавуваме дека и мајка со младенче се регистрирани на територијата на Општина Боговиње. Овој историски момент е резултат на долгорочна, упорна и стручно спроведена работа на нашиот тим. А најубавиот дел? Колегата кој ја регистрираше снимката ја доби честа да го даде и името – мајката ја именувавме Сибел“, објавија од НП Шар Планина.

Тие споделија и факти дека балканскиот рис е територијално животно и секоја единка зазема голема територија, понекогаш и над 40 квадратни километри.

„Тоа значи дека на Шар Планина може да се очекуваат мал број стабилни единки, но секој новопотврден рис е огромен чекор напред за видот. Храната на рисот главно се состои од срна, дива коза, зајак, еребица, ситни цицачи и други видови кои се дел од шумскиот екосистем. Популациите на неговиот плен на Шара полека, но стабилно растат, што создава подобри услови за опстанок на рисот“, велат од националниот парк.

На територијата на НП Шар Планина ловот е целосно забранет, со што директно се придонесува кон заштита на рисот и неговиот плен.

The post 🎥РИСИЦА И МЛАДЕНЧЕ СНИМЕНИ НА ШАР ПЛАНИНА Националниот парк објави убава вест appeared first on plusinfo.mk.

Снимка од мечка со три мали мечиња во тетовското село Беловиште се прошири на социјалните мрежи. Жителите на селото велат дека мечките во последно време сè почесто се сретнуваат во подножјето на Шар Планина.

МЕЧКИТЕ СЕ СЕ ПОПРИСУТНИ ВО ПОДНОЖЈЕТО НА ШАРА.

ЗАБЕЛЕЖАНА МЕЧКА СО МЕЧИЊА ВО ТЕТОВСКО БЕЛОВИШТЕ. pic.twitter.com/7g0bGjELgs

— Булевар.мк (@bulevarmk) August 25, 2025

The post 📽️ МЕЧКА СО СВОИТЕ МЕЧИЊА СНИМЕНА НА ПОДНОЖЈЕТО НА ШАРА Жителите на Беловиште не се изненадени appeared first on plusinfo.mk.

Кај 5 земјоделци и пчелари во селата опфатени во Националниот парк Шар Планина кои се соочуваат со штети предизвикани од диви животни како мечките и волците поставени се соларни електрични огради за заштита на добитокот, земјоделските култури и на пчелните семејства.

Според Министерството за животна средина и просторно планирање, ова е првиот практичен чекор во спроведувањето на Националниот акционен план за кафеавата мечка.

Целта е да се заштитат добитокот, пчеларството и земјоделските култури, со намалување на конфликтите помеѓу луѓето и дивите животни.

Оваа превентивна технологија со години успешно се користи во земјите на Европската Унија и претставува одржливо решение кое ги почитува потребите на заедницата и природата. Овие модерни огради се финансирани од WWF Хрватска (Светски фонд за природата).

Спроведувањето на овој план е дел од ИПА проектот на Европската Унија и претставува значаен чекор кон зачувување на биодиверзитетот; заштита на загрозените видови; и подобрување на условите за живот на локалните заедници кои живеат во близина на живеалиштата на мечките.

Преку оваа акција, Министерството за животна средина и просторно планирање има за цел да обезбеди директна поддршка за жителите кои се соочуваат со конкретни предизвици на терен.

The post СО ЕЛЕКТРИЧНИ ОГРАДИ ЌЕ СЕ ШТИТAT ДОБИТОКОТ И ПЧЕЛИТЕ ОД НАПАДИ НА МЕЧКИ НА ШАР ПЛАНИНА Пет земјоделци опфатени со проектот за заштита на кафеавата мечка appeared first on plusinfo.mk.