The post МИСТЕРИОЗНИ ДВИЖЕЊА ВО ШАХТИТЕ ВО БЛИЗИНА НА ХОТЕЛОТ НА НЕТАНЈАХУ ВО ЊУЈОРК Што ги тера луѓето да влегуваат во канализацијата? appeared first on plusinfo.mk.

Екипите на ЈП „Водовод и канализација“ – Скопје денеска, како и секојдневно во континуитет, вршат интензивно расчистување на канализациската линија, шахтите и сливниците, со цел да се обезбеди непречено прифаќање и одведување на атмосферските води и да се намали ризикот од поплавување на критичните точки во градот, соопшти Град Скопје.

– Согласно најавите на УХМР, во попладневните часови се очекува силно невреме. Кризниот штаб на Град Скопје одржа состанок, целосно е мобилизиран, а екипите ќе бидат постојано присутни на терен, подготвени навремено да интервенираат и да се справат со можните последици. Сите расположливи човечки и технички капацитети се ставени во функција, со цел заштита на граѓаните, имотот и градската инфраструктура, како и спречување поголеми штети. Ваквите активности се спроведуваат секојдневно, но за ефикасно функционирање на системот неопходна е и одговорност од сите нас – велат од Градот.

Од градската управа апелираат до граѓаните да не фрлаат отпад во шахтите, сливниците и на јавните површини, бидејќи тој го блокира протокот и оневозможува правилно одведување на дождовната вода.

Град Скопје останува буден, мобилизиран и во целосна служба на граѓаните.

The post ГРАД СКОПЈЕ ПОДГОТВЕН ЗА НЕВРЕМЕ Се чистат шахти, сливници, канализации appeared first on plusinfo.mk.

Од Центарот за управување со кризи (ЦУК) попладнево алармираа за две отворени шахти во општина Аеродром, што претставуваат опасност за граѓаните.

Како што појаснуваат, минатата седмица преку социјалните медиуми биле пријавени две отворени шахти – едната спроти трговскиот центар „Скопјанка“, а другата веднаш по подземниот премин на булеварот Кузман Јосифовски – Питу, кај зграда број 28, пред „Спортлајф“.

Како што наведуваат од ЦУК, веднаш биле информирани надлежните од Јавното претпријатие „Водовод и канализација“ на Град Скопје. Оттаму им било кажано дека и двете шахти се во сопственост на станарите и на деловните објекти во околните згради.

Објавено е и видео на каналот на Јутјуб на ЦУК, каде директорот Стојанче Ангелов упатува апел за итно преземање мерки околу шахтата спроти ТЦ „Скопјанка“. Тој нагласува дека постои ризик некој сериозно да се повреди.

The post 🎥 ДВЕ ОТВОРЕНИ ШАХТИ ЗЈААТ ВО АЕРОДРОМ Од Водовод рекле дека шахтите се сопственост на станарите appeared first on plusinfo.mk.

Општина Аеродром презема активни мерки за заштита на здравјето на граѓаните и започнува со есенската дератизација. Кампањата има за цел да ги уништи глодарите и да спречи ширење на болести кои тие ги пренесуваат.

Во текот на акцијата ќе бидат третирани вкупно 3.000 шахти со 9.000 мамци, со цел да се елиминираат потенцијалните живеалишта на глодарите. Особено внимание ќе се посвети на сите основни училишта и градинки на територијата на општината, за да се обезбеди безбедна и здрава средина за учениците и претшколците.

Есенската дератизација е редовна мерка која се спроведува двапати годишно, со цел да се спречи размножувањето на глодарите и да се одржи хигиената на јавните површини.

„Здравјето на нашите граѓани е наш приоритет. Со оваа акција сакаме да обезбедиме чиста и безбедна средина за сите, особено за најмладите. Апелираме до граѓаните да соработуваат со нас и да пријават секоја појава на глодари“, велат од Општина Аеродром.

The post НЕМА ДА СМЕЕ НИ ГЛУВЧЕ ДА ПРЕТРЧА Општина Аеродром во битка против глодарите! appeared first on plusinfo.mk.

И годинава некои од шахтите на овој автопат се отворени. Една од нив е онаа која се наоѓа под надвозникот кој се наоѓа на потегот на делницата од Групчин до наплатната рампа во Желино. Не се знае колкав период оваа шахта е без капак бидејќи во неа може да се види сѐ и сешто.

Граѓаните кои се соочиле со отворената шахта велат дека се изненадиле бидејќи таму нема никаков знак дека се наидува на опасност на патот.

– Деновиве возејќи кон Тетово морав да застанам на десната лента на автопатот „Мајка Тереза“, бидејќи беше сончево одлучив да застанам под надвозникот во близина на наплатата рампа во Желино. И без да забележам удрив во празна шахта. За среќа тркалото не влезе во празната шахта, но кога мојот сопатник ја отвори вратата што да види – можеше да заврши со нога во празната шахта. Можевме да завршиме и со превртено возило и со повреди. Сега се прашувам каде се надлежните за одржување на патот и зошто не поставиле знак дека тој дел е опасен – реагира возач кој имал непријатно искуство со една од шахтите на автопатот.

Граѓани кои редовно сообраќаат на тој пат велат дека шахтата е отворена подолг период, но не знаат кој е одговорен за тоа за да го информираат.

– Прв пат кога ја видов отворената шахта отворена прашав на наплатната рампа во Желино каде да пријавам дека шахтата е отворена, но работникот ми рече дека и тој не знае каде, па оставив некој друг што знае да го направи тоа. Можеби има и други шахти отворени, зашто е познато дека капаците лесно можат да се земат. Но, не е проблем што шахтата е отворена, туку е проблем што нема знак кој укажува на опасност што значи дека тие што го одржуваат автопатот не поминале тука со месеци – вели друг граѓанин.

Надлежните креваат раце од проблемот. Од Јавното претпријатие за државни патишта велат дека одржувањето на патиштата е на ЈП „Македонија пат“ од каде, пак, велат дека изминатиот период поради кражби ги замениле металните капаци на шахтите со бетонски, но дека дел од нив се оштетени кога приватна фирма го чистела ѓубрето и околината на автопатиштата.

– Врз основа на нашите надлежности постојано вршиме замена на украдени капаци на шахти. Поради честите кражби изработуваме и бетонски капаци. Голем број од бетонските капаци во изминатиот период се искршени и оштетени при косење, кастрење и чистење на автопатите, од страна на операторот избран во постапка за јавна набавка од Јавното претпријатие за Државни патишта. Во врска со ова изготвена е Предмет – Пресметка и веднаш по одобрување на истата од страна на нашиот инвеститор ЈПДП истите повторно ќе бидат поставени велат од „Македонија пат“.

Покрај овој проблем, секој кој барем еднаш поминал на овој автопат забележал дека на десната лента има поставени импровизирани тезги за продажба на овошје. Во есен тука може да се видат тезги со грозје, а напролет тезги со мед и со јагоди. Состојбата не се менува со години и покрај реакциите на возачите.

Од јавното претпријатие за државни патишта велат дека овој проблем треба да го решат Министерството за внатрешни работи и пазарниот инспекторат.

За тоа дека проблемот со години се провлекува од „Македонија пат“ велат дека се свесни, но дека не можат да направат ништо бидејќи немаат ингеренции да ги отстранат дивите продавачи на овошје.

– Овој проблем се провлекува со години. Ние писмено и усно ги известуваме надлежните институции, МВР и Државниот инспектор за патишта при Државниот инспекторатот за транспорт – велат од „Македонија пат“.

Десната лента која вообичаено се нарекува „бавна лента“ или „сообраќајна лента за спори возила“ е наменета за движење на бавни возила кои се движат со брзина помала од предвидената за да не претставуваат пречка за другите учесници во сообраќајот и се користи во одделни делови за запирање на возилата кои имаат одреден дефект со соодветно поставена сигнализација.

Ако е така тогаш оваа лента на автопатот „Мајка Тереза“ не може да се рече дека е безбедна за сообраќај и во функција на возачите бидејќи на делови од автопатот има поставено тезги, а на дел и отворени шахти.

The post ОТВОРЕНИ ШАХТИ, ЈАГОДИ И МЕД НА АВТОПАТОТ „МАЈКА ТЕРЕЗА“ Надлежните си ги префрлаат дупките поради дупки во законите appeared first on plusinfo.mk.

Фотографијата е направена утрово на улицата Ленинова во близина на Клубот на пратениците.

The post (ФОТО) ПРОНАЈДИ ЈА ШАХТАТА По обичај, прво асфалтираме и после копаме по асфалтот appeared first on plusinfo.mk.

Реализацијата на овој проект се однесува на инсталација на 800 системи за заклучување на решетки на сливници и 800 на капаци за шахти. Нивната инсталација ќе се спроведе во текот на периодот кој следува, на целата територија на град Скопје. Доколку овој пилот-проект се покаже како функционално решение на долгогодишниот проблем со кражбите, ЈП Водовод и канализација – Скопје, ќе пристапи кон набавка на поголем број на вакви системи и нивна инсталација.

– Кражбите на капаците на шахтите и решетките на сливници се појава со која ЈП Водовод и канализација – Скопје се соочува во одредени периоди, појава чии последици од штетите кои се нанесуваат, не се проблем само на претпријатието, туку и на сите граѓани на Скопје – велат од претпријатието.

Како за илустрација во текот на минатата 2021 беа украдени 187 решетки на сливници и 163 капаци на шахти, за чија замена ЈП Водовод и канализација – Скопје оддели 4.963.083, 00 денари, а од почетокот на 2022, односно од 9 до 19.01.2022 на две улици, Среќко Пужалка и Финска беа отуѓени 32 решетки на сливници за чија замена беа потрошени 477.376 денари.

Реализацијата на овој проект е само една од активностите кои ЈП Водовод и канализација – Скопје ги презема за превенција на кражбите на капаците на шахтите и решетките на сливниците, со што се делува во насока на сопствена заштита, но и во насока на заштита на граѓаните на град Скопје и зголемување на безбедноста во сообраќајот.

The post КРАДЦИТЕ ЌЕ ОСТАНАТ СО ПРАЗНИ РАЦЕ Во Скопје се инсталираат системи за заклучување на шахтите и сливниците appeared first on plusinfo.mk.

Како што информираат од ЈП „Водовод и канализација“ – Скопје случајот е пријавен, а украдените ќе бидат заменети со нови во најбрз можен рок.

Случајот е документиран и пријавен во полициската станица во Карпош.

– Воедно сакаме да упатиме апел до јавноста и граѓаните, да не се крадат капаци решетки од улиците, бидејќи на тој начин се загрозува безбедноста на граѓаните и учесниците во сообраќајот, се додава во соопштението на јавното претпријатие испратено до јавноста.

The post Внимателно! Шахти и решетки од сливници се украдени од неколку скопски улици appeared first on plusinfo.mk.

Акцијата се спроведува во соработка со Центарот за јавно здравје, а беа опфатени 3.000 шахти и поставени 9.000 мамци.

Со дератизацијата беа вклучени и сите основни училишта и градинки на територија на општината.

The post Извршена пролетна дератизација во Општина Аеродром appeared first on plusinfo.mk.