Според телевизијата, нова вицепремиерка за борба со корупцијата ќе биде поранешната пратеничка Славица Грковска, а Бисера Костадиновска-Стојчевска ќе биде нова министерка за култура.

Оливер Спасовски останува во МВР, Благој Бочварски во Транспорт и врски, Горан Милевски во Локална самоуправа, Фатмир Битиќи – вицепремиер за економски прашања, Бојан Маричиќ во евроинтеграции, Љупчо Николовски се враќа во Министерството за земјоделие. Јована Тренчевска се предлага за ресорот труд и социјала на местото на Јагода Шахпаска.

Овој состав треба вечерва да добие зелено светло и од Извршниот и од Централниот одбор во СДСМ. Планот е утре составот заедно со програмата да влезе во Собрание.

Новата влада би требало да се гласа следниов викенд.

The post ТУПАНЧЕСКИ ВО ПРАВДА, ПЕТРОВСКА ВО ОДБРАНА Четири жени ќе министеруваат во владата на Ковачевски appeared first on plusinfo.mk.

Како што јави дописникот на МИА од Софија, размената на искуства во подготовката на прописите ќе биде дел од програмата за соработка во областа на вработувањето и социјалната политика за периодот 2022-2024 година, што ќе ја подготват двете соседни земји.

За време на разговорот министерот Донев ги презентирал антикризните мерки на бугарската Влада за поддршка на вработувањето, бизнисот и семејствата, а како што информирал Бугарија во моментов има најниска стапка на невработеност од 4,8 отсто.

The post ЗА ТРУДОВОТО ЗАКОНОДАВСТВО ЗА ВО ЕУ Бугарија ќе и помогне на Македонија appeared first on plusinfo.mk.

Таа посочи дека социјалната реформа ги дава своите резултати. Изминатата година во време на пандемија со законски измени е зголемен опфатот на дополнителни 6 500 домаќинства, (приматели на гарантирана минимална помош), преку олеснети критериуми за влез во системот на социјална заштита, како и зголемен детски и образовен додаток.

Во врска со Проектот за подобрување на системот на социјални услуги министерката Шахпаска посочи дека тој е заснован на неколку принципи кои претставуваат темел на социјалната реформа.Тој претставува целосно менување на концептот во пристапот и давањето на социјалните права и услуги на граѓаните.

– Преку принципот на плурализација, го вклучуваме невладиниот сектор, физички лица и приватни субјекти, како даватели на услуги. Суштината е зголемување на опфатот на даватели на услуги кои претходно поминуваат низ процес на обуки. Излегуваме од стариот систем на социјална заштита кога даватели на социјалните услуги беа Центрите за социјална заштита – рече министерката Шахпаска.

Исчекорот со социјалната реформа , појасни министерката е и во тоа граѓаните да ги вадиме во системот на социјална заштита преку процесот на активација на пазарот на труд , преку индивидуален план за највработливиот член од семејтвото во ризик.

Министерката посочи дека преку децентрализацијата како процес на спуштање на социјалните услугите на локално ниво, општините се главните носители на услугите кон граѓаните, со вклучување на граѓанскиот сектор. Притоа, го истакна значењето на вклучување на најтешко вработливите граѓани кои се дел од заедницата како даватели на услуги преку овој проект. Истовремено, се проширува и лепезата на социјални услуги, кои досега никогаш не биле достапни за граѓаните.

– Граѓанинот претставува стожер на социјалната реформа. Се што правиме и како Влада и како Министерство е да го олесниме животот на граѓаните – подвлече министерката Шахпаска.

The post Шахпаска: Граѓанинот претставува стожер на социјалната реформа, ги унапредуваме и приближуваме социјалните услуги appeared first on plusinfo.mk.

– Поаѓаме од стандардите коишто се воспоставени од Меѓународната организација на трудот и тука се препознаваат три категории: отсуство мајчинство, татковство и родителство. Би бил флексибилен периодот на родителството, да може едниот родител да отстапи дел од правото за тоа родителско отсуство на другиот родител…ќе гледаме да го најдеме балансот бидејќи предолгото отсуство на жената од пазарот на трудот ја става неа во подредена состојба –  рече министерката Шахпаска.

The post Шахпаска: Породилното ќе трае околу една година, и таткото ќе може да земе отсуство од работа appeared first on plusinfo.mk.

Тврдењето дека состојбата е стабилна, како што рече, го темели на основа на сите досегашни податоци од отворањето на градинките.

– Пред фактите и бројките и боговите молчат. Во петокот имавме 34 нови позитивни вработени. Ако ви кажам дека бројката во претходните недели се движеше 58, 56 што значи скоро е преполовен бројот на позитивни и само осум нови позитивни деца. Стабилна е состојбата. Ширењето на инфекцијата меѓу децата во градинките досега не постоело и бројките одговараат на вкупната епидемиолошка состојба во државата – рече Шахпаска одговарајќи на новинарско прашање по увидот на изградбата на детска градинка во Драчево.

Таа додаде дека во прилог на тврдењето е и информацијата од општината Кисела Вода, каде во градинките во моментов нема ниту еден позитивен воспитувач, ниту едно позитивно дете.

– Ова говори дека со почитување на протоколите и препораките на Комисијата за заразни болести состојбата во градинките може да се одржува стабилна – нагласи министерката за труд и социјална политика.

Според неа, во моментов има 7.500 слободни места за згрижување на децата, бидејќи од 21.350 слободни места за сместување на деца по протокол, згрижени се 13.400 дечиња.

The post Шахпаска: Состојбата во градинките е стабилна, има 34 нови позитивни вработени и 8 деца appeared first on plusinfo.mk.

– Ниту во моловите нема да работаат сите работници, тоа го регулира Министерството за економија со Законот за трговија. Во Моловите ќе работаат само една смена од 10 до 18 часот, а 2% од целиот промет кој ќе го направат во недела во текот на целата година ќе бидат наменет за изградба на нови градинки. А вработените што ќе работат во недела ќе добиваат 100 процентен надомест дополнителен на основната дневница – рече Шахпаска.

Контролата на почитувањето на ова законско решение, додаде таа, ќе го врши Државниот инспекторат за труд, УЈП и пазарниот инспекторат. А секој кој ќе работи во недела треба да го пријави работењето во надлежните институции.

The post Шахпаска: Ниту во моловите нема да работат сите работници, вработените ќе добиваат 100% поголема дневница appeared first on plusinfo.mk.

– Ова законско решение мора да има исклучоци со цел непречено функционирање на државата и онаму каде што техничко-технолошкиот процес мора да продолжи, снабдувањето на граѓаните со електрична енергија, водоснабдувањето, собирањето на комуналниот отпад, здравствената и социјална заштита, функционирањето на малите групни домови, медиумите, културните институции, угостителството – рече таа.

Шахпаска додаде дека ќе продолжат да функционираат сите оние дејности коишто  претставуваат задоволување на елементарните потреби на секое семејство. Притоа, нагласи таа, сите што ќе работат во недела, ќе имаат надомест на плата согласно Закон и колективен договор, а дополнително овие работници ќе имаат и слободен ден за одмор.

The post Недела ќе биде неработен ден, ама не за сите – поголема дневница и слободен ден за тие што ќе работат appeared first on plusinfo.mk.

За подобро сузбивање на оваа појава, меѓу другото, потребно е заострување на казните, размислување за квалификација на семејното насилство како посебно кривично дело, тоа да се гони по службена должност.

Ова се дел од ставовите на учесниците на денешната завршна конференција за промоција на финална анализа во рамки на проектот „Евалуација на стандардите за фер судење и пристап до правдата во судски предмети за семејно насилство и криминал од омраза“, во чии рамки биле спроведени повеќе активности, меѓу кои мониторинг на судски постапки од област на семејно насилство и криминал од омраза, увид во правосилни судски предмети од област на семејно насилство, анонимизирање на правосилни судски пресуди во Основниот кривичен суд во Скопје.

Министерката за труд и социјална политика Јагода Шахпаска, која учествуваше на конференцијата, истакна дека насилството во семејството претставува еден од најсериозните проблеми на денешницата и затоа, како што рече, кон негово решавање се пристапува енергично, темелно и одлучно.

Таа потенцира дека многу од предизвиците на кои се упатува ќе бидат надминати со примената на новиот закон за спречување и заштита од насилство врз жените и семејното насилство, кој е во финална фаза во собраниска процедура. Апелираше на поголема свеснсот за овој проблем и пријавување, бидејќи, како што рече, само 15 проценти од случаите се пријавуваат.

– Со новиот закон се регулира постапувањето на институциите со должно внимание при заштитата на жените од сите форми на родово-базирано насилство и жртвите на семејно насилство, меѓусебната координација на институциите и организациите, мерките за превенција од родово-базираното насилство врз жените и семејното насилство, собирањето податоци за родово-базираното насилство врз жените и семејното насилство, како и брзо и ефикасно постапување на институциите, посебно судот во постапување и изрекувањето итни и на привремени мерки за заштита – рече таа.

Министерката додаде дека жртвите се ослободени од судски трошоци во текот на судската постапка и имаат право да поднесе тужба пред граѓански суд за утврдување одговорност за непостапување со должно внимание од страна на надлежните институции.

За јавните обвинители како дел од судската постапка проблем во водењето на случаите е повлекувањето на предлогот за гонење, немањето материјални докази поради што треба да се одлучува во случај на два искази на инволвираните страни, но и задоцнетото пријавување на случаите.
Исто така, рече јавната обвинителка Лидија Ракчевиќ Вучкова, има честа промена на искази особено на децата кои како сведоци се доведени во состојба да сведочат против своите најблиски. Затоа, смета таа, со цел јавниот обвинител подобро да може да ја води постапката потребно е да се обезбеди стручна поддршка и во истражните одделенија да има и психолози.

Судијката во Основниот кривичен суд во Скопје Билјана Коцевска смета дека голем проблем во пристапот до правтата е што овие случаи се гонат на предлог на жртвата. Со тоа смета таа голем број случаи остануваат нерешени, и затоа вели дека е добро да се размисли ова да биде засебно кривично дело, кое ќе се гони по службена должност. Според неа, потребно е и заострување на казнената политика.

Коцевска вели дека е потребна и работа и со жртвата и со насилникот за нивна целосна ресоцијализација, но, како што истакна потребно е и тие да бидат заштитени односно да не се дозволи со медиумиски информации во јавноста жртвите да бидат ревиктимизирани или насилниците однапред осудени.

Адвокатката Марта Гусар, меѓу другото, посочи дека е неопходно во сите постапки пред сите надлежни органи да бидат испочитувани предвидените рокови. Инаку, потенцира таа, не можеме да зборуваме за некаква заштита на жртвата по две години од насилството. Тука, додава, може да зборуваме за фемицид кој може да се случи ако насилството толкав период остане неказнето или пиради тоа што жртвата се одлучила да го пријави.

The post Шахпаска: Се пријавуваат само 15 проценти од случаите на семејно насилство appeared first on plusinfo.mk.

– Ние како дел од кризниот штаб секој понеделник поднесуваме извештај до владиниот кризен штаб во врска со состојбата за позитивни на коронавирус, како воспитувачи и негуватели така и за број на дечиња. Последниот извештај говори дека пандемијата е сведена на минумим што се однесува на објектите за сместување на деца во предучилишна возраст, односно во градинките и во дневните центри. Поледната бројка беше дека има 20 позитивни воспитувачи односно вработени, а немаше деца позитивни на коронавирус – рече министерката.

Со оглед на тоа што пандемијата во моментов стивнува, како што информира таа дел од градинките во земјава поднеле барање за зголемување на капацитетот, пред се во групите јасли, каде се згрижени деца од 0 до 2 години.

– Ние денеска писмено се обраќаме до Комисијата за заразни болести, затоа што сепак тие се најкомпетентни, го следат текот на болеста, не само на локално, регионално, туку и на светско ниво и од нив очекуваме одлука дали ќе има зголемување на опфатот на деца во групите јасли, но не и за другите – појасни Шахпаска.

Таа потенцира дека ваквата состојба во градинките упатува на констатацијата дека пандемијата не се шири внатре во нив и оти случаите кои се регистрирани се заразиле надвор.

The post Шахпаска: Состојбата во градинките е стабилна, пандемијата не се шири во нив appeared first on plusinfo.mk.

Според Бектеши, засега е разговарано само со угостителите и со компаниите од туристичката дејност. Тие мислат дека не треба да се направат никакви измени и во овие два сегмента до средината на наредната година најверојатно ќе остане да важи постоечкото законско решение.

Министерот е дециден дека во трговијата на мало нема да има никакви измени, односно дека малопродажните објекти ќе продолжат да работат согласно Законот за трговија. Но, за измени се размислува во трговијата на големо. Кај големите магацини или маркети има неколку опции – рече Бектеши.

Тите, како што рече, ќе бидат пратени на разгледување во Влада, а откако ќе биде добиено „зелено светло“ и од коморите, ќе се донесе такво решение.

Коморите порачуваат да не се брза со одлуката недела да биде неработен ден. Тие веќе ги добиле информациите од Министерството за труд, но треба да ги разгледаат и потоа да излезат со свои предлози.

– Во моментот сме при крај со анализата. Ќе отвораме дискусија. За туристичките агенции и угостителите најверојатно ќе остане постоечкото решение до средината на наредната година, а за Законот за трговија се прават неколку опции, посебно за трговијата на големо каде ќе има одредени измени, но тие нема да бидат веднаш зашто треба да бидат информирани сите бизниси во земјава. Секако, треба првично да бидат информирани и во соработка со стопанските комори да се донесат такви решенија – истакна Бектеши.

Неговиот личен став, рече, се совпаѓа со оној на угостителите и туристичките работници.

-Јас исто мислам како што мислат угостителите и туристичката дејност. Нашиот став е дека нема да има измени во Законот за туристичка дејност и угостителство, имајќи предвид дека во постоечкото решение е предвидено и работното време – подвлече министерот.

Претседателот на Стопанската комора на северозападна Македонија, Неби Хоџа рече дека во петокот имале состанок во Владата со вицепремиерот за економски прашања, Битиќи и министерката Јагода Шахпаска.

-Ги истакнавме нашите барања, да се почитуваат некои правила, делот од бизнисите кои оперираат за викенди да можат да си ја вршат дејноста, но треба да се запази и делот на сите вработени за да имаат еден ден одмор во текот на неделата и тоа да се почитува. Истакавме и дека не треба да се брза со ова прашање зашто информациите од Министерството за труд ги добивиме. Треба да ги разгледаме и да излеземе со наши предлози – рече Хоџа.

Министерството за труд и социјална политика најави законнски измени околу потребата за изгласување на недела за неработен ден за сите сектори, освен одделни исклучоци. Иницијативата за недела неработен ден беше на синдикатите.

The post Недела неработен ден: Шахпаска предлага да биде, Бектеши и коморите сѐ уште мерат appeared first on plusinfo.mk.