Вратата кон Јужна Кореја е отворена за севернокорејските војници кои завршиле во украинско заробеништво. Владата во Сеул официјално соопшти дека е подготвена да им обезбеди азил на сите заробеници од Северна Кореја кои ќе побараат да се преселат на југ.

„Јужна Кореја ќе ги прифати сите севернокорејски воени заробеници кои се бореле за Русија и биле заробени од Украина доколку одлучат да дојдат во Јужна Кореја“, соопшти Министерството за надворешни работи во Сеул.

Министерството нагласи дека се спротивставува на какво било враќање на заробениците во Русија или во Северна Кореја против нивната волја.

Прашањето би можело да биде една од темите на разговорите меѓу министрите на Јужна Кореја и на Украина, кои се закажани за 30 јуни во Сеул.

Луѓето на Ким на фронтот

Северна Кореја е еден од најблиските сојузници на Русија од почетокот на војната, а западните разузнавачки служби и јужнокорејските власти проценуваат дека Пјонгјанг испратил меѓу 10.000 и 15.000 војници како поддршка на руските сили.

Повеќето од нив биле распоредени во руската Курска област, каде учествувале во борбите против украинските единици кои изведоа прекугранични операции на руска територија.

Според украински и западни извори, севернокорејските војници претрпеле значителни загуби поради интензивните борби и ограниченото искуство со современото бојно поле, особено со масовната употреба на дронови.

Страв од враќање дома

Судбината на заробените севернокорејски војници предизвикува посебно внимание бидејќи враќањето во Северна Кореја често носи сериозни последици за лицата кои биле заробени од непријателска држава.

Поради тоа, Сеул со години ја смета секоја личност родена во Северна Кореја за потенцијален државјанин на Јужна Кореја и има воспоставени механизми за нивно прифаќање и интеграција.

The post СЕУЛ СО ПОНУДА ДО ДЕЗЕРТЕРИТЕ НА КИМ ВО РУСИЈА „Вратата е отворена, никој не смее да биде вратен против своја волја“  appeared first on plusinfo.mk.

Севернокорејскиот лидер Ким Џонг Ун јавно ги пофали офицерите и војниците од инженерската единица на армијата кои се вратија од мисија во Русија, оценувајќи го нивното учество како „херојско однесување“ и „масовен хероизам“.

На свечена церемонија во Пјонгјанг, Ким ги поздрави припадниците на 528-от инженерски полк на Корејската народна армија, кои поминаа 120 дена во странство, извршувајќи борбени и инженерски задачи. Тој истакна дека единицата покажала „апсолутна лојалност“ кон владејачката Работничка партија на Кореја и кон државата, додавајќи дека дисциплината, политичката индоктринација и единството меѓу војниците треба да послужат како пример за целите вооружени сили.

Според севернокорејските медиуми, полкот бил испратен на почетокот на август во рускиот регион Курск, каде учествувал во воените активности на Москва во конфликтот со Украина. Руското Министерство за одбрана минатиот месец потврди дека севернокорејските војници одиграле значајна улога во одбивањето на украинскиот упад во регионот, а подоцна и во расчистувањето на теренот од мини.

Иако официјалниот Пјонгјанг соопшти дека девет војници загинале за време на мисијата, јужнокорејски, украински и западни извори тврдат дека Северна Кореја испратила околу 14.000 војници во Курск минатата година, од кои повеќе од 6.000 наводно биле убиени. Овие бројки не се потврдени од севернокорејските власти.

Ким Џонг Ун најави дека 528-от инженерски полк ќе биде одликуван со Орден за слобода и независност, додека на деветтемина загинати војници им беше постхумно доделена титулата Херој на Демократската Народна Република Кореја, заедно со други државни признанија.

Церемонијата се одржа вчера во главниот град Пјонгјанг, во присуство на високи воени функционери, партиски лидери, членови на семејствата на војниците и бројна публика.

The post ОРДЕНИ И ПОФАЛБИ ЗА ХЕРОИТЕ ОД КУРСК Ким Џонг Ун одликува полк по учеството во војната на Русија appeared first on plusinfo.mk.

Илјадници војници од Северна Кореја се распоредени во Русија за да ѝ помогнат на армијата на рускиот претседател Владимир Путин во нејзината борба против Украина.

Извештајот на колумнистот на „Фајненшл Тајмс“, Гидеон Рахман, откри дека војниците на Ким Јонг Ун во касарните најмногу време трошат на гледање порнографски филмови, бидејќи никогаш немале пристап до Интернет.

Портпаролот на американското Министерство за одбрана, мајор Чарли Диц рече дека не е во можност да потврди какви било севернокорејски интернет навики во Русија и дека тоа прашање треба да ѝ се постави на Москва.

Иако пристапот до Интернет во Северна Кореја е достапен за високи владини претставници, на мнозинството граѓани единствено им е дозволено да ја користат државната мрежа Квангмјонг, преку која не е можно да се пристапи до странски веб-страници.

Украинскиот министер за одбрана Рустем Умеров во интервју за јужнокорејската телевизија КБС изјави дека украинската армија се судрила со мала група севернокорејски војници во близина на руската граница.

The post НАМЕСТO ДА ВОЈУВААТ ПРОТИВ УКРАИНА, ГЛЕДААТ ПОРНО Севернокорејските војници за првпат користат интернет appeared first on plusinfo.mk.