Амбициозна поморска стратегија излезе од бродоградилиштето Нампо во Северна Кореја. Ким Јонг Ун, лидерот на земјата, лично пловеше на новиот брод разурнувач. Тој ги разгледа новите воени бродови и тестирањето и рече дека морнарицата добива моќни капацитети за офанзива.

– Секоја година, во новиот петгодишен план, мора да изградиме два или повеќе површински воени бродови од оваа класа или повисока – рече севернокорејскиот лидер.

Посетата на Јонг Ун траела два дена. Ким го посетил новиот разурнувач „Чое Хјон“, брод од околу 5.000 тони. Тоа е првиот воен брод од новата серија разурнувачи.

Според извештајот, се разговарало и за трет разурнувач од истата класа. И тој брод е планиран за изградба во Нампо.

Државната агенција на Северна Кореја, КЦНА, објави дека Jонг Ун го разгледал и вториот брод од истата класа. Тој брод сè уште се гради во истото бродоградилиште.

BREAKING: Kim Jong Un inspected a new 5,000-ton destroyer and oversaw cruise missile tests, pledging to accelerate the nuclear armament of North Korea’s navy.

The move signals Pyongyang’s push to expand its naval nuclear capabilities and build more advanced warships in the… pic.twitter.com/HN7rmTdwb0

— Defence Index (@Defence_Index) March 5, 2026

Ким ја поврзал програмата со новата национална стратегија усвоена на Деветтиот конгрес и најавил агресивна модернизација на морнарицата.

Програмата за овие бродови веќе се соочила со проблеми. Еден разурнувач од класата „Чое Хјон“ имаше неуспешно прво лансирање минатиот мај. По тој настан биле притворени одговорни службеници.

Државната агенција КЦНА подоцна објави дека бродот бил поправен. Повторно бил лансиран во јуни.

Развојот на новите разурнувачи се смета за дел од пошироката стратегија на Северна Кореја да ја засили морнарицата и да ја прошири ракетната моќ на море.

The post 📷 КИМ ПУШТА РАЗУРНУВАЧИ ВО ВОДА ДОДЕКА ВРИЕ БЛИСКИОТ ИСТОК „Секоја година по 2 нови бродови“ appeared first on plusinfo.mk.