Најголемата голема бела ајкула некогаш регистрирана во Атлантскиот Океан повторно ги заинтригира научниците. По неколкумесечно отсуство од системите за следење, „Контендер“ повторно испратила сигнал од својот сателитски уред.

Станува збор за импресивен примерок долг повеќе од четири метри и тежок околу 770 килограми, поради што истражувачите ја сметаат за една од најголемите бели ајкули следени во Атлантикот.

Мистериозно исчезнала од радарите

Последниот сигнал од „Контендер“ бил регистриран во април во близина на заливот Памлико Саунд, во американската сојузна држава Северна Каролина.

Потоа ајкулата исчезнала од системите за следење, најверојатно затоа што нурнала на големи длабочини, каде сателитскиот предавател не можел да комуницира со орбитирачките сателити.

Истражувачкиот тим на организацијата OCEARCH минатата недела соопштил дека тракерот повторно испратил сигнал.

ONE YEAR. ONE GIANT.

CONTENDER, the largest male white #shark ever tagged by #OCEARCH in the W. N. Atlantic, was tagged 1 year ago!

His pings have provided critical insight into the movement & behavior of mature male white sharks.#FactsOverFear #SharkTracker pic.twitter.com/jvDIjMXASo

— OCEARCH (@OCEARCH) January 17, 2026

Научниците сè уште не знаат каде е

Сепак, станува збор за таканаречен „Z-пинг“, слаб сигнал кој не овозможува прецизно утврдување на локацијата.

Тоа значи дека перката на ајкулата накратко се појавила над површината на морето, но не доволно долго за уредот да испрати целосни податоци.

Поради тоа, истражувачите засега не можат со сигурност да кажат каде се наоѓа „Контендер“.

Патник од повеќе од 11.000 километри

Врз основа на претходните миграции на големите бели ајкули, експертите претпоставуваат дека таа би можела да се движи кон Кејп Код во Масачусетс или кон атлантските брегови на Канада.

Според OCEARCH, големите бели ајкули во западниот дел на Северниот Атлантик во летниот период редовно мигрираат кон север во потрага по храна.

Таму ги привлекуваат пониските температури и големите колонии фоки, кои претставуваат една од нивните главни цели.

Една од најследените ајкули во светот

„Контендер“ била означена со сателитски уред во јануари 2025 година, недалеку од бреговите на Џорџија и Флорида.

Оттогаш има поминато повеќе од 11.300 километри долж источниот брег на Северна Америка, што ја прави една од најследените големи бели ајкули на планетата.

The post 📽️ ЅВЕРОТ ТЕЖОК 770 КИЛОГРАМИ СЕ ПОЈАВИ ВО АТЛАНТИКОТ Бела ајкула патувала 11.000 километри од Масачусестс кон Канада appeared first on plusinfo.mk.

Ретка снимка на бел, таканаречен албино елен, направила корисничка на Тик-ток. Таа го забележала животното во Северна Каролина. Според извештаите на порталот „Buck Manager“, се работи за албино елен, што значи дека станува збор за ретка генетска мутација која се јавува само во еден случај од 100.000.

Албино елените не само што се ретки, туку во многу култури се сметаат за свети и симболизираат среќа, пишува „Дејли Мејл“. Во келтската митологија, овие елени биле поврзани со мистични моќи. Една легенда вели дека белиот елен во приказната за кралот Артур значел дека е време неговите витези да го продолжат својот поход.

Во јануари оваа година слично животно беше забележано во Гринсборо, но не е познато дали се работи за истиот елен.

@carolynnrs Shared a magical moment with this pretty girl on my way home from work #albinodeer ♬ Winter Melody – Jacob’s Piano

The post 📽️ ДА, ПОСТОЈАТ АЛБИНО ЕЛЕНИ Снимка од реткото животно се појави на социјалните мрежи appeared first on plusinfo.mk.

Кандидатите за претседател на САД од редовите на Републиканската и на Демократската партија, Доналд Трамп и Камала Харис, ќе мора да се натпреваруваат во системот наречен Изборен колеџ (electoral college) за да ја освојат власта.

Секоја сојузна држава во САД носи одреден број поени, односно електорски гласови, во зависност од бројот на жители.

Државите можат да имаат најмалку 3 поени, а најмногу има Калифорнија со 54.

Без оглед на тоа дали разликата во гласовите е 1, 10 или стотици илјади, кандидатот што ќе добие повеќе гласови во една држава „ги зема“ сите бодови. Ова правило не важи за Небраска и за Мејн кои даваат 2 електора на кандидатот со најмногу гласови и еден по електорски округ. Мејн има 2, а Небраска 3 електори.

Победува кандидатот што ќе освои најмалку 270 електори. Според анализата на повеќето експерти, Харис може да смета на 226 електори, додека, пак, Трамп има 219.

На овогодинешните избори околу 240 милиони луѓе имаат право на глас, но неколку држави наречени „swing states“ ги држат резултатите во свои раце. Сега, во последните месеци од изборите, и двете кампањи се во полн ек за да ги придобијат неопределените гласачи во овие држави.

Аризона

Демократите во 2020 година ја освоија претседателската функција со поддршка на државата на Големиот Кањон која со тесен глас ја поддржа кандидатурата на оваа партија за првпат од 1990-те години.

Оваа држава се граничи со Мексико стотици километри и стана жариште на националната дебата за имиграцијата. Бројот на премини преку границата во последните месеци се намали од рекордниte вредности, поради што ова прашање стана главна грижа на гласачите.

Трамп повеќепати ги критикуваше досегашните резултати на Харис во однос на имиграцијата, бидејќи претседателот Џо Бајден ѝ ја довери обврската за ублажување на кризата на границата.

Трамп вети и дека ќе ја спроведе „најголемата операција за депортација“ во историјата на САД ако повторно стане претседател.

Аризона беше и домаќин на жестока расправа за пристапот до абортусот откако републиканците во државата се обидоа да вратат 160 години стара, речиси целосна забрана за прекин на бременоста, но беа спречени.

Прашањето стана експлозивно низ целата земја од 2022 година кога Врховниот суд на САД ја укина значајната пресуда која им даваше на жените уставно право на абортус.

Џорџија

Тековниот список на држави кои се пресудни во изборите целосно се совпаѓа со списокот на места каде што републиканските функционери поддржани од Трамп се обидоа да ја спречат победата на Бајден на изборите во 2020 година.

Во округот Фултон во Џорџија, наводното мешање во изборите доведе до еден од четирите кривични прогони против Трамп.

Тој и уште 18 други се обвинети за заговор за поништување на неговиот тесен пораз од Бајден во државата. Трамп негира каква било вина, а малку е веројатно дека случајот ќе биде слушнат на суд пред изборите.

Третина од населението на Џорџија се Афроамериканци, оваа земја има најголем удел на Афроамериканци во САД, и се верува дека оваа демографија беше клучна во тоа што Бајден ја „сврте“ државата во 2020 година.

Забележано е извесно разочарување од Бајден меѓу американските црни гласачи, но кампањата на Харис се надева дека ќе го анимира ова гласачко тело.

Мичиген

Државата на Големите езера го избра победничкиот претседателски кандидат на последните 2 избора. И покрај поддршката за Бајден во 2020 година, таа стана симбол за негативната реакција на целата земја бидејќи претседателот го поддржа Израел за време на војната во Газа.

За време на прелиминарните избори за Демократската партија во Мичиген во февруари, повеќе од 100.000 гласачи ја избраа опцијата „без обврски“ на своите гласачки ливчиња, дел од кампања организирана од активисти кои сакаат американската влада да ја прекине својата воена помош за Израел.

Имено, Мичиген има најголем удел на арапско-американско население – демографска група која ја загрозуваше поддршката за Бајден. Но, Харис зазеде поостар тон кон Израел.

Трамп го истакна значењето на државата на неговиот потенцијален пат до победата. Коментирајќи ги настаните на Блискиот Исток, тој го повика Израел да ја заврши својата кампања против Хамас во Газа, но „бргу да го направи тоа“.

Невада

Сребрената држава гласаше за демократите на последните неколку избори, но постојат знаци за можен пресврт кај републиканците.

Неодамнешните просеци објавени од фирмата за следење анкети 538 покажуваат дека анкетите некогаш покажале дека Трамп ужива голема предност пред Бајден, но таа предност се намали откако Харис влезе во трката.

Демократите се надеваа дека кандидат кој повеќе ќе им се допадне на помладите и поразновидните гласачи ќе ја намали разликата.

И двајцата кандидати се борат за освојување на значајното латино население во државата.

И покрај фактот дека американската економија покажа силен раст и отворање на работни места откако Бајден го презеде претседателството, закрепнувањето по Ковид беше побавно во Невада отколку на други места.

Со 5,1% невработеност, оваа држава има највисока стапка на невработеност во САД, по Калифорнија и по округот Колумбија, според најновите статистички податоци на американската влада.

Ако Трамп повторно дојде на власт, вети враќање на планот за пониски даноци во сите сегменти и помалку регулативи.

Северна Каролина

Изгледа дека анкетите во државата Tar Heel се заострија откако Харис го презеде своето место на врвот на демократската листа, а некои аналитичари сега ја означуваат државата како клучна во определувањето на победникот.

Тоа можеби се одрази на одлуката на Трамп таму да го одржи својот прв митинг на отворено откако во јули беше извршен обид за атентат врз него.

– Оваа држава е многу, многу важна за победа – им рече тој на насобраните.

Од своја страна, демократите решија да му дадат платформа на гувернерот на државата, Рој Купер, на последната вечер од својата партиска конвенција.

Северна Каролина се граничи со Џорџија и ги споделува некои од нејзините главни изборни грижи, како и оние во Аризона, уште една држава од Сонцето.

Трамп победи во Северна Каролина во 2020 година, но тоа го направи со само нешто повеќе од 70.000 гласови, што ги поттикна надежите на демократите дека би можеле да ја освојат оваа „виолетова“ држава (која би можела да гласа и за црвена и за сина) во оваа изборна година.

Пенсилванија

Двете страни исто така упорно водеа кампања во државата Кистон, каде што Доналд Трамп преживеа обид за атентат. Државата се покажа како клучна на изборите во 2020 година, поддржувајќи го Бајден. Постои длабока емоционална врска со работничкиот град Скрантон, каде што порасна Бајден.

Економијата е главна тема овде, како и на многу други места. Инфлацијата нагло порасна низ целата земја под администрацијата на Бајден, пред да се намали постепено.

Жителите на Пенсилванија не се единствени меѓу Американците кои го чувствуваат притисокот врз трошоците за живот како последица на инфлацијата. Но, цените на храната пораснаа побргу во нивната држава отколку во која било друга, според податоците на компанијата за пазарни истражувања Datasembly.

Би-Би-Си претходно објави за тоа како луѓето се мачат да се справат со овој проблем во Ери, округ кој е водечки во однос на остатокот од Пенсилванија, каде што дури еден од осум луѓе се смета за „несигурен во снабдувањето со храна“.

Високата инфлација може да ѝ наштети на Харис низ САД, бидејќи анкетите покажуваат дека гласачите имаат неповолна перцепција за економијата. Трамп се обиде да ја нападне поврзувајќи ја со економијата на Бајден.

Висконсин

Републиканците го избраа Милвоки за домаќин на нивната конвенција во 2024 година. „Badger State“ го избра победничкиот претседателски кандидат и во 2016 и во 2020 година, со разлика од нешто повеќе од 20.000 гласови секојпат.

Експертите сугерираат дека во маргиналните држави како оваа, влијание би можеле да имаат кандидатите од трети страни кои водат кампања против политиките на двајцата главни кандидати.

Трамп ја опиша оваа држава како „навистина важна.

– Ако го освоиме Висконсин, ќе ја освоиме целата работа – рече тој.

Летната Републиканска национална конвенција се одржа во Милвоки.

Харис одржа митинг во истиот град кога нејзината партија официјално ја номинираше за претседателска кандидатка на Демократската партија, јавувајќи се преку пренос во живо.

The post ТРАМП И КАМАЛА ЌЕ СЕ БОРАТ ЗА 7 ДРЖАВИ Како функционираат претседателските избори во САД? appeared first on plusinfo.mk.

Полицајците посетиле маж со криминално досие во градот Шарлот за да извршат налог за апсење за нелегално поседување огнено оружје, изјави на прес-конференција началникот на полицијата Џони Џенингс.

Кога стигнале во домот на бараниот, мажот во предниот двор отворил оган. Полицајците потоа пукале и го убиле напаѓачот. Но, од куќата биле испукани и дополнителни истрели.

Полицијата потоа успеала да го обезбеди објектот и да уапси две лица во куќата. Тие сега се на распит и се сметаат за лица од интерес.

За време на операцијата биле застрелани осум полицајци, рече Џенингс. Тројца им подлегнале на повредите, а еден е во критична состојба.

The post 📽️ ПРЕСТРЕЛКА ВО СЕВЕРНА КАРОЛИНА Убиени се тројца полицајци appeared first on plusinfo.mk.

Шерифот на округот Сампсон, рече дека полицијата добила итен повик од некој што го познава сопственикот на куќата. Тој што се јавувал им рекол на инспекторите дека четворица мажи и една жена биле мртви во домот.

Кога пристигнала полицијата, нашле тела на луѓе на возраст од 30 до 80 години. Сите биле пронајдени во различни простории од куќата.

Инспекторите рекоа дека наводите потврдуваат дека жртвите биле целно застрелани, но не дадоа други детали за тоа што ги поврзува жртвите или што довело до пукањето.

Засега не се знае кој е убиен, и дали е во тек потрагата по напаѓачот или се работи за изолиран инцидент.

Бројни полициски екипи се на терен и вршат увид.

Ова е втор масовно убиство во САД во рок од три дена. Полицијата во сојузната држава Мејн сѐ уште трага по масовниот убиец кој во средата на 25 октомври уби најмалку 18 лица и рани од 50 до 60 лица во масовното пукање што се случи во градот Левистон.

The post 🎥 ПРОДОЛЖУВА ХОРОРОТ ВО САД Ново масовно убиство во Северна Каролина appeared first on plusinfo.mk.

– Жртвите на пукањето, што се случи во Роли, главниот град на сојузната држава Северна Каролина, се на возраст од 16 до 52 години – изјави началничката на полицијата во градот, Естела Патерсон. Меѓу нив има и полицаец кој не бил на должност.

Мотивот на напаѓачот сè уште не е познат. Надлежните не соопштуваат дали имало семејна врска меѓу насилникот и жртвите.

Според Петерсон, тинејџерот повредил и две лица – полицаец кој бил примен во болница и веќе е отпуштен, како и 59-годишен маж кој сè уште е во критична состојба.

Првите истрели се слушнале нешто по 17 часот (23 часот по средноевропско време) на патеката во градот со 500.000 жители. Голем број припадници на полициските сили веднаш биле распоредени да го пронајдат сторителот.

Градоначалничката Мери-Ен Болдвин на прес-конференција рече дека „полицијата на Роли околу 20 часот успеала да го опколи осомничениот”.

Агенциите претходно јавија за шест смртни случаи во пукотницата.

Пукањата со смртни последици се редовна појава во САД, земјата која плаќа висока цена затоа што голем број луѓе поседуваат огнено оружје, што лесно се добива.

– Во борбата против ова зло, мораме да направиме многу повеќе – повика градоначалничката Болдвин.

Во 2021 година во САД од огнено оружје беа убиени околу 49.000 лица, додека една година претходно беа застрелани 45.000. Тоа е повеќе од 130 смртни случаи дневно, од кои повеќе од половината се самоубиства.

The post ИЗРЕШЕТАЛ ПЕТМИНА, НИКОЈ НЕ ЗНАЕ ЗОШТО Тинејџер на 15 години обвинет за стрелбата во Роли, Северна Каролина appeared first on plusinfo.mk.

Шерифот на округот Медисон Бади Харвуд, испорача по една полуавтоматска пушка во секое од 6-те училишта во неговиот округ, поттикнат од пукањето во основно училиште во Јувалди, Тексас, во кое загинаа 19 деца и двајца наставници.

– Оружјето ќе се чува во сеф – додаде шерифот.

Државните образовни службеници и Канцеларијата на шерифот работат заедно за да ја подобрат безбедноста откако нападот во Јувалди ги откри системските грешки и лошите одлуки што доведоа до повеќе од еден час хаос што заврши со убиство на напаѓачот од страна на органите на редот, според истрагата на Комисија од државцниот парламент на Тексас.

The post СЕКОЕ УЧИЛИШТЕ ДОБИВА ПУШКА Шериф во Северна Каролина смисли како да се справи со насилствата во училиштата appeared first on plusinfo.mk.

Американската војска издаде предупредување до жителите во повеќе окрузи на Јужна и Северна Каролина, дека од 22 јануари до 4 февруари во континуитет ќе се одржи воена вежба, во која војниците ќе се подготвуваат за пресметка со герилски борци.

Вежбата е дел од програмата „Робин Сејџ“ на војската и е дел од „обуката за неконвенционално војување“. Според тоа што беше објавено во известувањето до јавноста, војниците ќе треба да го совладаат непријателот во сценариото кое предвидува борба со припадниците на герилските трупи на ослободителното движење „Пајнленд“.

Од војската предупредија дека жителите на окрузите во кои ќе се одржуваат вежбите можеби ќе слушнаат истрели од пешадиско и артилериско оружје, уверувајќи ги дека во текот на воените игри исклучиво ќе се користи вежбовна муниција.

Инаку, вкавите соопштенија на војската на САД станаа редовни пред секоја вежба, откако во 2002 година локален шерив усмрти еден, а тешко повреди друг војник помислувајќи дека се двајцата се вооружени разбојници.

The post АМЕРИКАНСКИТЕ ТРУПИ СЕ ПОДГОТВУВААТ ЗА ГЕРИЛСКА БОРБА СО ДОМАШЕН НЕПРИЈАТЕЛ Војниците ќе се најдат во средиштето на граѓанската војна со замислен непријател appeared first on plusinfo.mk.

Тој истакна дека сите гласови повторно ќе бидат преброени рачно, бидејќи разликите се многу мали, а процесот ќе почне при крајот на неделава.

Победата во Џорџија носи 16 електорски гласови.

Остануваат да се пребројат уште гласовите во Аризона и Северна Каролина, каде се преброени 98 отсто од гласовите.

Засега во Аризона, која носи 11 електорски гласови, води Џо Бајден со 49,4 отсто, наспроти Доналд Трамп кој засега има 49 проценти од гласовите.

Во Северна Каролина води Трамп со 50 отсто од гласовите, Бајден има 48,7 проценти, а победата во таа држава носи 15 електорски гласови.

The post Џорџија ги пребројува гласовите рачно, Аризона и Северна Каролина се уште бројат appeared first on plusinfo.mk.

Епицентарот бил на околу 4 километри југоисточно од градот Спарта.

Земјотресот ги потресе зградите, но нема извештаи за какви било штети или повредени.

Тоа е најсилниот земјотрес што ја погоди земјата од 1916 година, кога бешерегистриран земјотрес со јачина од 5,5 степени. 

The post Земјотрес 5,1 степени во Северна Каролина, најсилниот од 1916 година appeared first on plusinfo.mk.