Северина сподели нова фотографија со синот Александар, кој во февруари наполни 14 години, а поводот овојпат е неговиот прв ден во средно училиште. На фотографијата мајката и синот позираат прегрнати на улица во Загреб, а веднаш се забележува колку пораснал тинејџерот.

– Кога попрво прва средно? – напиша Северина покрај фотографијата. Александар е облечен во бела маица и кратки панталони, додека пејачката позира покрај него во лежерно издание.

Северина во последните месеци почесто споделува моменти со синот. Во февруари, по повод неговиот 14. роденден, објави серија фотографии и му посвети емотивна порака. Во јули, повторно објави фотографии од заедничното летување, а следбениците тогаш особено коментираа колку Александар личи на мајка си.

Во мај, пејачката сподели и фотографии од неговата света потврда. Тогаш внимание привлече еден детаљ на подарокот што го добил од кумата – на персонализираната кожна футрола било испишано неговото целосно име, па јавноста дозна дека Александар има и второ крстено име – Михаел.

The post СЕВЕРИНА ОБЈАВИ ФОТОГРАФИЈА СО СИНОТ 14-годишниот Александар тргна во средно appeared first on plusinfo.mk.