Ќе дува слаб до умерен, а наместа долж Повардарието повремено засилен ветер од северозападен правец. Минималната температура ќе биде во интервал од 1 до 8, а максималната ќе достигне од 18 до 25 степени.

Во Скопје времето ќе биде претежно сончево со слаб до умерен ветер од северен правец. Минималната температура ќе се спушти до 5, а максималната ќе достигне 23 степени.

The post ЌЕ ДУВА СЕВЕРЕН ВЕТЕР Утрово до 1, преку ден до 25 степени appeared first on plusinfo.mk.

Сомнежот дека гасоводот Северен тек е саботиран звучи како нешто од игротеката на Владимир Путин за паника, ескалација и пренасочување на настаните, пишува британски Телеграф.

Нелегалната војна на поранешниот агент на КГБ во Украина предизвика западни санкции без преседан. Сепак, рускиот претседател е убеден дека неговиот народ може да ги издржи економските тешкотии многу подолго и подобро од Европејците.

Пресметката на Путин е дека скокот на цените на гасот и, како последица на тоа, трошоците за живот во Европа, континент кој зависи од руските енергетски извори, на крајот ќе го свртат бранот во негова корист.

Цените на гасот во Европа паѓаат во изминатите четири дена, а потоа во вторникот по веста за наводна саботажа на Северен тек поскапеа за 20 отсто. Во Велика Британија се зголемени за 33 отсто.

Во Северен тек 2 имало 117 милиони кубни метри природен гас во вредност од 237 милиони евра по сегашни цени, пишува британскиот весник. Но, Путин и претходно покажал дека е подготвен да го жртвува скапоцениот гас и да го користи како оружје. Во август Русија согоруваше гас во вредност од 9,3 милиони евра дневно на границата со Финска наместо да го извезува во Европа.

Северен тек 2 никогаш не бил оперативен, а шансите тоа да се случи во блиска иднина се исклучително мали. Германија одлучи да не го одобри проектот непосредно пред почетокот на војната во Украина.

Северен тек 1, кој со години ја снабдуваше Европа со руски гас, не е она што беше некогаш. Русија не го вклучи откако се затвори поради одржување во август.

Зошто Москва би го избрала токму овој момент за да го саботира Северен поток, имајќи предвид дека Русија навистина стои зад нападот?

ЕУ почна да работи на нов пакет казнени мерки против Русија. Унгарскиот премиер Виктор Орбан веќе бара да се напуштат новите санкции и да се укинат постоечките, а новата италијанска влада се чини дека е помалку остра кон Русија од претходната.

На Путин многу му одговара да го скрши моралот на Европа во време кога европските влади се под притисок на гневните гласачи, кои се плашат од претстојната зима.

Времето на саботажа беше совршено. Новиот гасовод меѓу Норвешка и Полска беше пуштен во употреба во вторник, токму кога почнаа да се појавуваат вести за можна саботажа. Се наоѓа многу блиску до Северен тек 2.

Варшава е се поблиску до целосно одвојување од рускиот гас и очекува „независност“ до крајот на годината. Новиот балтички гасовод е само дел од пошироките напори на Европа да најде алтернативни снабдувачи и да ги надополни резервите на гас пред зимата.

Од почетокот на војната во Украина, Норвешка почна да ја заменува Русија како главен снабдувач на природен гас за ЕУ. Подводните експлозии би можеле да бидат предупредување за Норвежаните за тоа што Русија би можела да им направи на нивните гасоводи доколку бидат заглавени во ќош.

Местото на експлозиите на Северен тек 2 е многу блиску до новиот балтички гасовод.

Само минатата недела Москва тврдеше дека Украина планира „терористички“ напад на гасоводот Туркстрим, кој носи руски гас во Европа.

Норвешките регулатори повикаа на зголемена будност по предупредувањата од нафтените и гасните компании дека неидентификувани беспилотни летала биле забележани во близина на нивните офшор објекти.

И покрај тоа што се заканува со нуклеарна војна, Кремљ исто така сигнализира дека би можел да го ескалира конфликтот на начини кои некогаш се сметаа за незамисливи.

Без норвешкиот гас, зимата во Европа би била долга, студена и скапа. Русија повторно се потпира на зимата, фактор што ѝ помогна да ги победи своите непријатели толку пати во историјата, за да обезбеди победа во енергетската војна против Западот.

The post ЗОШТО ПУТИН БИ ГО САБОТИРАЛ СЕВЕРЕН ТЕК? Каква корист би имала Русија од уништување на гасоводи? appeared first on plusinfo.mk.

Три години по потпишувањето, термините и одредниците од Преспанскиот договор се проследени со интересна пракса на нивно користење и толкување во меѓународни рамки, гледано токму од аспектото на острите спротивставувања околу тврдењата дека Договорот не задира во прашањата на националниот идентитет.

Во Норвешка, со пребарување на Македонци (на норвешки Makedoner), норвешкиот академски речник дава објаснување дека супстантивот се употребува (застарено) за лице, жител на Република Македонија, која од 2019 е Северна Македонија (Nord-Makedonia). Веднаш следи супстантивот Северномакедонци (nordmakedoner, слеано), со етимолошко објаснување дека станува збор за актуелна употреба на изведенка од името Северна Македонија. И во норвешкиот толковен речник, со пребараување на зборот Makedonia еден од резултатите што се добиваат е дека станува збор за лице од поранешната југословенска Република Македонија, со тоа што од 2019 се во употреба Северна Македонија и Северномакедонци.

Во Данска, со пребарување на именката Македонци (на дански Makedonier) во Речникот на модерниот дански јазик се добива објаснување дека тоа е „лице од Македонија (од републиката што го смени името во Северна Македонија во 2019 година, или од истоимениот регион на северна Грција) Во продолжение се посочени зборови со блиско значење и сегашната употреба на зборот Северномакедонци.

Во Шведска со пребарување на супстантивот Makedonier (Македонци) во Речникот на Шведската академија се добива кратко неутрално објаснување, односно дека станува збор за жители од Македонија. Но од страна на шведскиот Институт за јазик и народна меморија, една од најзначајните шведски институции во областа на грижата за јазикот и јазичната политика, беше укажано дека со употребата на новото (слеано) име на државата, Nordmakedonien, ќе се јавуваат нејаснотии во однос на придавката и ознаката за националност. Како што беше забележано од страна на овој институт, можеше да се очекува скандинавските медиуми, без посуштинско и попрецизно познавање на одредбите во Договорот за името, да ги употребуваат слеаните ознаки – nordmakedonsk (северномакедонски/-ска) и nordmakedonier (Северномкедонци).

А тоа и се случува. Медиумите во Скандинавија  често известуваат со користење токму на придавката „северномакедонски “ политичари, уметници или спортисти, или пак кога се повикуваат на „северномакедонски медиуми“. Голем број туристички агенцији во Данска, Норвешка и Шведска нудат аранжамни со посети на „северномакедонски винарии“, викенд-тури за Скопје и разгледување на спомениците со „сцени од северномакедонската историја“, а неодамна шведскиот телевизиски водител, во најавата на претставникот на Северна Македонија на „Евровизија“, изнесе неколку податоци за да го упати шведскиот телевизиски аудиториум околу „пласамнот што го постигнале Северномакедонците“ на овој музички натпревар во изминатите години.

Во Шведска не е е ретка ниту појавата на повеќе веб-страници на разни организации и институции, кои на граѓаните, или на своите членови, им нудат услуги во превод на разни јазици, да се понуди и превод на „северноакедонски јазик“. Благајната за осигурување во случај на невработеност, приклучена кон еден од најголемите шведски синдикати на работниците во градежништвото, од пред извесно време, меѓу преведените содржини на други јазици на својата веб-страница, им нуди информации на своите членови и на „северномакдонски јазик“.

Не станува збор само за зачестена пракса на приспособување на термини и идентитетски одредници кои произлегуваат од новото име Северна Македонија, и за „невнимателна“ употреба во речниците во скандинавските земји. Северномакедонци често се споменуваат и во медиумите во Холандија (Noord-Macedoniërs). Во медиумите во Германија често се користат термините Nordmazedonier и Nordmazedonisch. Northern Macedonians или North Macedonians во англиското говорно подрачје.

Иако не се направени некои посериозни и посеопфатни студии и испитувања кои би можеле подетално да го разјаснат емотивниот и психолошки однос на македонските граѓани кон новото име на државата, сепак веројатно со сигурност може да се тврди дека за мнозинството Македонци придавката „северен“, произлезена од нужниот компромис во решавањето на спорот за името, е непосакувана идентитетска одредница, во смисла на чувството за припадност кон модерниот македонски граѓански идентитет.

Претходниот повеќедеценски акроним ФИРОМ исчезна со молскавична брзина штом стапи на сцена името Северна Македонија. Македонските партии, забревтани во беспоштедната трка за освојување на власта, трошат огромна енергија во меѓусебните обвинувања во кои мошне бесмислено се расфрлаат со термините северџани и предавници, од една, или, пак, заштитници на идентитетот, од друга страна.

Околу користењето на Северна Македонија во јавната комуникација во Европа тешко дека нешто некому може да му се забележи. Но за оставрување на можеби невозможната мисија за заштита на употребата на придавката македонски, а не северномакедонски, во контекстот на меѓународниот статус на идентитетските одредници на граѓаните на Северна Македонија, моментно не се гледа раздвижување дури ни како светлина на крајот на тунелот. А за таква мисија е неодложно потребна свесно насочена акција со заеднички сили на меѓународен план – и со надпартиски, национален консенсуз.

The post Северен како непосакуван идентитет appeared first on plusinfo.mk.

Главните улоги во филмот ги играат Антонија Белезелкоска и Лука Митев. Директор на фотографија е Владимир Самоиловски, сценограф Кирил Спасески, костимограф Билјана Гргур, шминкер Горан Игњатовски, а тон снимател Игор Поповски. Филмот е копродукција помеѓу Македонија и Србија. Продуцент е Роберт Насков, а копродуценти се  Милош Љубомировиќ, Горан Тодориќ од Сервиа Филм.

Агенцијата за филм информира дека снимањето ќе се одвива на локации во Скопје и Македонска Каменица до 31 јануари оваа година.

The post Почна снимањето на краткиот игран филм „Северен пол“ appeared first on plusinfo.mk.

Посебно критична е состојбата во северниот дел на земјата, во околијата Скадар, каде состојбата се очекува да се влошува поради фактот што присутните интензивни дожди условија испуштање вода од хидроелектраните на каскадата на реката Дрим, со цел да не дојде до пукање на браните.

Од најпроблематичните зони почната е евакуација а припадниците на армијата приситигнаа на помош на жителите во погодените подрачја во Скадар и Лежа.

– Ситуацијата се влоши синоќа и посебно денеска што резултираше со зголемување на водостојот од околу 50 см на реката Буна, 30 см во Скадарското Езеро. Поплавени се околу две илјади хектари земјоделски површини. Имаме влошување на состојбата во десеттина административни единици, каде патиштата се непроодни поради висината на вода на коловозите. Луѓето се евакуираат со армиски возила – рече меѓу другото градоначалниката на Скадар Волтана Адеми, во скајп врска за „Ора њуз“ телевизија.

Во меѓувреме, испуштањето на вода од ХЕ може дополнително да ја влоши ситуацијата.

Ова го потврдува и самата Адеми, изјавувајќи дека може да се појави потреба за евакуација на поголем број од жителите и за ова цел, таа вели, дека општината презела мерки за сместување.

Во овој дел има проблеми во нормалното снабдување со електрична енергија. Со истиот проблем се соочуваат жителите на планинските населени места во северната околија Тропоја,но таму поради скинати проводници од снежните врнежи.

Во многу делови има појава на големи одрони од камен и земја на патиштата а поради обилните дождови траспукан е на патот Саранда – Борш, во близина на градот Борш, во јужниот дел на земјата.

Надлежните препорачуваат внимателно возење на целата територија на земјата.

The post Поплави во Албанија, најкритично во северниот дел appeared first on plusinfo.mk.

– Не треба да зборуваме за европски суверенитет доколку тоа значи дека се што правиме во иднина ќе биде како што ќе сака Вашингтон – рече Маас во пресрет на инаугурацијата на Џо Бајден, кој на 20 јануари ќе го преземе претседателскиот мандат од Доналд Трамп.

Берлин сака нов почеток во односите со Вашингтон во ерата на Бајден, откако дојде до нивно влошување за време на мандатот на Трамп, пишува германска ДПА. Но, како што Маас додаде, и натаму ќе има спорни точки.

– Германската Влада нема да го смени ставот за „Северен тек 2“. Важно е дека сме во согласност со централните стратешки и геополитички прашања, дека сме на иста страна – рече Маас.

ДПА додава дека со инаугурацијата на Бајден не се очекува промена во американската политика и дека новизбраниот претседател, демократот Бајден, како и републиканецот Трамп, го отфрлаат проектот за гасоводот.

„Северен тек 2“ треба да донесе руски гас директно во Германија, најголемата економија во Европската унија, преку рутата под Балтичко Море.

САД оценија дека гасоводот претставува закана за безбедноста на сојузниците на НАТО во ЕУ поради зголемената зависност од руската енергија и затоа се заканија со нови санкции.

Оние кои го поддржуваат проектот „Северен тек 2“ ги обвинуваат САД дека само сакаат да бидат во позиција подобро да го продаваат сопствениот гас во Европа.

The post Германија не го менува мислењето за „Северен поток 2“, вели Маас appeared first on plusinfo.mk.

Од недела ќе настапи повторно стабилизирање на времето. Ќе дува умерен до засилен северен ветер, а дневните температури ќе опаднат за пет до шест степени.

Според прогнозите, во сабота максималната температура ќе биде 38, а во недела 34 степени. До среда, темепратурите ќе се движат од 12 степени во утринските часови, до максимални 37 степени.

The post В сабота облачно и со дожд, од недела северен ветер appeared first on plusinfo.mk.

– Новите санкции би биле сериозно мешање во европската енергетска безбедност и суверенитетот на Европската унија – се наведува во соопштението на германското Министерство за надворешни работи.

Вашингтон воведе санкции кон крајот на минатата година, наменети за бродовите кои поставуваат цевки во Балтичкото Море и странските државјани кои се вклучени во тие работи. Мерките го одложија завршувањето на проектот, планирано за крајот на минатата година.

Овој месец, група американски сенатори претставија предлог-закон, со кој се предлага санкционирање на компаниите кои обезбедуваат бродови за други активности поврзани со проектот.

Вашингтон предупредува дека ЕУ ќе биде уште повеќе зависна од рускиот природен гас поради гасоводот, на што предупредија Украина и некои членки на ЕУ, како Полска.

Русија, пак, тврди дека САД се обидуваат да го урнат гасоводниот проект за да го отворат патот за американските снабдувачи на природен гас кој, како што тврди Москва, ќе се извезува во ЕУ по повисоки цени од руските.

The post Најавените нови американски санкции за Северен тек 2 наидоа на критики од Германија appeared first on plusinfo.mk.