– Русија има намера да свика официјална седница на Советот за безбедност на ОН по провокациите поврзани со гасоводите Северен тек 1 и 2 – објави на Телеграм портпаролката на руската дипломатија Марија Захарова.

Руската дипломатија претходно побара одговори од Џо Бајден за причината за истекувањето во Балтичкото Море.

– Американскиот претседател мора да одговори дали САД ја извршија својата закана – напиша Захарова на Телеграм, осврнувајќи се на изјавата на Бајден на почетокот на февруари дека Вашингтон ќе го укине Северен тек 2 доколку Москва воено интервенира во Украина.

– Ако Русија ја окупира (Украина), нема да има повеќе Северен тек 2 – рече Џо Бајден на 7 февруари, две недели пред руската офанзива.

Европската Унија најави одлучен одговор на „секое намерно нарушување на европската енергетска инфраструктура“.

Во меѓувреме шведската разузнавачка служба (САПО) соопшти дека води истрага за експлозиите и истекувањата на гасоводите „Северен поток“ во Балтичкото Море, нарекувајќи ги „саботажа“. САПО ја презема истрагата од полицијата затоа што „тоа може да се однесува на сериозно кривично дело кое барем делумно може да биде насочено кон шведските интереси“, се вели во соопштението. Во него се додава дека „не може да се исклучи дека странска сила е одговорна за тоа дело“.

Поради истекување на гас, се послаби се изгледите за неизбежно обновување на руските испораки во Европа. Поправка на оштетениот гасовод Северен тек 1 е една од опциите по проценката на штетата, рече операторот во средата, при што аналитичарите посочуваат дека гасот од Русија може да стигне и до Европа преку преостанатиот неоштетен гасовод.

Операторот на гасоводот „Северен тек“ сака да ја утврди штетата што е можно поскоро, односно штом владите ја укинат забраната за пристап до зоната на истекување гас, рече портпаролот.

ој одби да даде детали за можните трошоци и кој ќе ги сноси.

Портпаролот на компанијата „Северен тек 2“, Улрих Лисек, изјави дека „во моментов никој не може сериозно да каже каква е ситуацијата таму долу“, но дека „структурниот интегритет на гасоводот секако е многу нарушен“.

Аналитичарите, од друга страна, сметаат дека рускиот гас сепак би можел да пристигне во Европа преку гасоводот „Северен тек 2“ со капацитет од 27,5 милијарди кубни метри гас годишно. Алексеј Гривач од Фондот за национална енергетска безбедност со седиште во Москва, рече дека гасоводот сè уште треба да се тестира и дека сè уште е под оперативен притисок.

– Ако работите се решат, може да функционира, под услов да има дозвола од регулаторот“, рече Гривач.

Германија го блокираше проектот за гасоводот Северен тек 2, кој требаше да ги удвои испораките на руски гас, откако Русија официјално призна два отцепени региони во источна Украина, само два дена пред почетокот на нејзината инвазија на соседната земја.

The post СОВЕТОТ ЗА БЕЗБЕДНОСТ НА ООН ДА ЗАСЕДАВА ЗА СЕВЕРЕН ТОК Русија го прозива Бајден да каже дали САД извршилe саботажа appeared first on plusinfo.mk.

„Њујорк Пост“ пишува дека лобист, наводно поврзан со проектот за гасоводот „Северен тек 2“, донирал пари за кампањата на Џо Бајден, тогашен кандидат за претседател на Демократската партија, пред претседателските избори во САД во 2020 година.

„Њујорк пост“ известува за информации од американската Федерална изборна комисија, кои покажуваат дека во октомври минатата година, поранешниот американски дипломат Ричард Барт издвоил 4.000 американски долари за изборниот штаб на Бајден, а покрај тоа, во март 2020 година испратил уште 10.000 долари на политички комитет што го поддржал кандидатот на демократите.

Лобистот ги претставува интересите на компании партнери на руски „Газпром“.

Според весникот, Барт ги застапува интересите на компании партнери на „Газпром“ во „Северен тек 2“. Меѓу нив се германски Унипер и Винтершал, австриски ОМВ, француски Енџи и англо-холандски Шел. Како што е наведено во публикацијата, во документите доставени од Барт до ОМВ се наведува дека неговите активности за лобирање се однесуваат на „заштита и натамошно унапредување на интересите на компанијата во дебатата за природниот гас како елемент на европската енергетска безбедност и санкциите против Русија“.

-Кога Ричард Барт донираше во Фондот за победа на Бајден, тој не откри дека е регистриран странски агент и затоа нема право да обезбедува средства, изјави за„Њујорк Пост“ претставник на Американскиот демократски национален комитет (НКДП). Тој уверува дека Барт можел да помине низ процесот на избор на донатори затоа што не ги открил своите работодавци.

НКДП, исто така, извести дека парите добиени од Барт се вратени неделава, откако се отворила истрагата од страна на весникот.

Советник за надворешна политика на Трамп

Барт од 1983 до 1985 бил помошник државен секретар за европски и канадски прашања, а од  1985 до 1989 година бил американски амбасадор во Германија. Тој, исто така, бил шеф на американската делегација во преговорите со СССР за развој на Договорот за ограничување и намалување на оружјето за стратешки напади (СТАРТ I). Според весникот, Барт „моментално е директно вклучен во активности за лобирање за „Северен тек 2 АГ “(проектна компанија за реализација на проектот„ Северен тек 2 “).

Тој, наводно, бил и советник на изборниот штаб на поранешниот американски претседател Доналд Трамп за прашања од надворешната политика.

Гасоводот е речиси готов

Весникот потсетува и на минатонеделната изјава на американскиот претседател Џо Бајден дека изградбата на гасоводот „Северен тек 2“ е речиси завршена и дека воведувањето санкции против проектот ќе биде контрапродуктивно за односите на САД со Европа.

Проектот „Северен тек 2“ вклучува изградба на две линии на гасоводот, со вкупен капацитет од 55 милијарди кубни метри годишно, од брегот на Русија преку Балтичко Море до Германија. Работите беа прекинати во декември 2019 година, откако швајцарската компанија „Allseas“ се откажа од поставувањето цевки поради можни санкции на САД. По пауза од една година, од декември 2020 година продолжи изградбата на гасоводот.

На почетокот на април, гасоводот беше завршен 95 отсто.

The post Бајден примил пари од лобист на „Северен тек 2“ appeared first on plusinfo.mk.