Володимир Журавлов, Украинецот кого Германија го сомничи за учество во саботажата на „Северен тек 1“ и „Северен тек 2“, ќе ѝ биде испорачан на Германија ако одлуката на судот во Пула стане правосилна.

Во приказната има речиси филмски пресврт: Журавлов бил уапсен додека работел на снимање филм инспириран од истата саботажа за која го бара Берлин. Неговото презиме напишано на латиница почнува со „Zh“, што предизвика големо внимание во германските медиуми.

Окружниот суд во Пула ја донел одлуката за екстрадиција на 18 септември, а страните биле писмено известени пет дена подоцна. По правосилноста на одлуката, хрватското Министерство за внатрешни работи треба да го предаде Журавлов на германските власти.

Неговиот адвокат Микола Катеринчук најави жалба, оценувајќи ја одлуката како пристрасна и политички мотивирана. Одбраната претходно се повикувала и на одлуката на полски суд, кој во 2025 година одбил да го предаде Журавлов на Германија. Хрватскиот суд оценил дека полската одлука не го обврзува да го одбие германскиот европски налог за апсење.

Журавлов бил уапсен во Пула на 19 август. Таму пристигнал за да работи како консултант на „Остров на змиите“, политички трилер инспириран од саботажата на „Северен тек“. Филмот го режира Даг Лајман, а меѓу актерите се Шон Пен и Адриен Броди.

Германските истражители го сомничат Журавлов дека бил еден од нуркачите во групата која во септември 2022 година поставила експлозив на гасоводите на дното на Балтичкото Море. Експлозиите на 26 септември оштетија повеќе линии на „Северен тек 1“ и „Северен тек 2“.

Во Германија веќе е во притвор уште еден Украинец осомничен во случајот, Сергеј Кузнецов. Германското федерално обвинителство поднесе обвинение против него во јуни годинава.

The post СУДОТ ВО ПУЛА ОДОБРИ ВОЛОДИМИР „З“ ДА Ѝ БИДЕ ИСПОРАЧАН НА ГЕРМАНИЈА Осомничениот за „Северен тек“ паднал на сет на филм appeared first on plusinfo.mk.

Кремљ ѝ понуди на Европа поевтин руски гас додека цените повторно силно растат. Портпаролот на Кремљ, Дмитриј Песков, посочи и конкретен излез. Неоштетениот крак на „Северен тек 2“, според него, може многу брзо да проработи.

Европскиот гас минатата недела достигна 75 евра за мегават-час, пишува Ројтерс. Тоа е повеќе од двојно во споредба со лани. Цената стигна до највисокото ниво од крајот на 2022 година.

Војната во Иран дополнително го затегна пазарот. Европа истовремено влегува во есента со складишта полни околу 67%. Пред една година тие беа полни речиси 80%.

Песков тврди дека Европа сама си ги зголемува трошоците. Причината, според Кремљ, е купувањето скап гас на спот-пазарот наместо руски енергенти.

– Европејците, секако, треба да бараат поевтини извори на енергија. Рускиот гас одамна можеше да биде поевтина опција за нив – рече Песков.

Тој прецизираше дека мисли и на гас преку гасоводи и на течен природен гас.

Еден крак остана недопрен

Тука Песков повторно го отвори прашањето за „Северен тек 2“. Експлозиите во 2022 година ги оштетија подводните гасоводи „Северен тек“. Сепак, еден крак од „Северен тек 2“ во Балтичкото Море остана неоштетен.

– Ако се водиме од здравиот разум, Европејците одамна можеа да го користат „Северен тек“. Еден негов крак остана недопрен и функционален и може да се пушти за многу кратко време – рече Песков.

Токму овој крак сега Кремљ повторно го става на маса додека Европа се соочува со поскап гас.

Од 180 на 18 милијарди кубици

Падот на рускиот гас во Европа е огромен. Русија во 2018 и во 2019 година испорачуваше околу 180 милијарди кубни метри годишно преку гасоводи.

Минатата година извозот падна за 44%, на само 18 милијарди кубни метри. Тоа беше најниското ниво од средината на 1970-тите.

Затворањето на транзитната рута низ Украина дополнително ги намали испораките.

Истовремено, Европа не успева да ги наполни складиштата како претходните години. ХСБЦ проценува дека резервите до 1 ноември ќе достигнат 73%. Ако прогнозата се оствари, тоа ќе биде најниското ниво за тој датум од почетокот на мерењата во 2009 година.

The post КРЕМЉ Ѝ НУДИ EВТИН ГАС НА ЕВРОПА ПРЕД ЗИМАТА Песков ја извади од фиока идејата за „Северен тек 2“ appeared first on plusinfo.mk.

Уапсениот Украинец во Пула е Володимир Журавлев, нуркачот кого властите во Германија го бараат поради саботажата на „Северен тек“. Но, уште поневеројатна е причината поради која бил во Хрватска, пренесува Јутарни лист.

Журавлев престојувал во Хрватска на снимањето на политичкиот трилер „Остров на змии“, објави германскиот правен портал ЛТО.

Филмот следи таен тим украински нуркачи кои тргнуваат во опасна подводна мисија. Токму Журавлев е осомничен дека лично нуркал при операцијата за поставување експлозиви на „Северен тек“.

Во филмот играат Шон Пен и Адриен Броди, додека режисер е Даг Лиман, познат по „Борновиот идентитет“. Екипата снимала во Загреб, а потоа се преселила на хрватското крајбрежје и во Пула.

Таму полицијата го уапси Журавлев врз основа на европска потерница.

Германците тврдат дека лично нуркал до „Северен тек“

Германското федерално обвинителство го сомничи Журавлев дека бил дел од шестчлена група поврзана со Серхиј К. Истражителите го сметаат К. за наводен водач на операцијата.

Според германската истрага, групата поставила експлозиви на „Северен тек 1“ и на „Северен тек 2“. Операцијата била изведена во близина на данскиот остров Борнхолм.

Журавлев, според истражителите, лично учествувал во нуркањата.

Групата наводно користела едрилица што испловила од германското пристаниште Росток. Пловилото било изнајмено преку посредници со фалсификувани документи. Експлозивите детонираа на 26 септември 2022 година, на длабочина од околу 80 метри. Гасоводите претрпеа сериозни оштетувања.

Журавлев претходно негирал дека учествувал во операцијата.

Двапати се измолкнал, па го нашле во Пула

Германските власти веќе се обидувале да го приведат Журавлев.

Првиот обид бил во Полска во 2024 година. Тој заминал во Украина пред да биде уапсен. „Шпигел“ тогаш објавил дека ја преминал границата во автомобил на украинскиот воен аташе во Варшава.

Нова можност се појавила во 2025 година, кога повторно бил лоциран во Полска. Тамошната полиција го уапсила, но не дошло до негово предавање на Германија.

Третиот обид заврши поинаку.

Хрватската полиција го уапси Журавлев во Пула врз основа на европската потерница. Германските истражители го товарат за заедничко предизвикување експлозија, саботажа и уништување инфраструктура.

Ако биде екстрадиран, тој ќе биде изведен пред судија во Германија.

The post УАПСЕНИОТ ЗА „СЕВЕРЕН ТЕК“ ВО ХРВАТСКА Е БАРАНИОТ „ВЛАДИМИР“ Причината зошто бил во земјата е неверојатна appeared first on plusinfo.mk.

Шефот на руската дипломатија, Сергеј Лавров, денеска изјави дека Соединетите Американски Држави наводно планираат да го купат европскиот дел од гасоводот „Северен тек“, со цел преку него повторно да се транспортира руски гас кон Европа.

– Американците во моментов преговараат, или барем ни кажаа дека тоа е нивниот план – да го купат европскиот дел од „Северен тек“, да го обноват и да ја преземат контролата. Но, ништо освен нашиот гас не може да се пумпа низ гасоводот – изјави Лавров на 12. Меѓународен научен и експертски форум „Примаковови читања“, пренесуваат руските медиуми.

Според него, доколку таквиот план се реализира, Русија би продолжила да испорачува гас, а американската страна би го препродавала на европскиот пазар.

– Русија ќе го пумпа гасот, а тие, како што претпоставувам, ќе го препродаваат со голема маржа – рече Лавров.

Гасоводите „Северен тек 1“ и „Северен тек 2“, кои ги поврзуваат Русија и Германија преку Балтичкото Море, беа оштетени во серија експлозии на 26 септември 2022 година. Инцидентот предизвика меѓународни истраги, а прашањето за одговорноста и натаму останува предмет на политички и дипломатски спорови.

The post САД САКААТ ДА ГО ПРЕЗЕМАТ „СЕВЕРЕН ТЕК“? Лавров тврди дека Вашингтон сака да заработува од рускиот гас appeared first on plusinfo.mk.

Германски „Тагешау“ пишува дека иницијативата е дел од билатералните разговори за можен крај на војната во Украина и дека Американците веќе подготвиле нацрт за евентуален договор со рускиот енергетски гигант „Газпром“.

Северен тек 2, клучен енергетски проект за снабдување на Европа со руски гас преку пристаниште во Љубмин во Германија, беше тешко оштетен во мистериозна експлозија во Северното Море само неколку месеци по почетокот на војната во Украина.

Саботажата на гасоводот предизвика Вашингтон и Москва да си ја префрлаат одговорноста. Германската истрага доведе до индиции дека наводни се вмешани нуркачи од Украина, но случајот остана неразрешен.

Кој е Матијас Варниг? Поранешниот генсек на „Северен тек 2“ ја напушти државната руска компанија во 2023 година. Варниг за германски „Ди Цајт“ изјави дека извршниот директор на „Газпром“ Алексеј Милер гарантирал дека ќе ги покрие трошоците со надеж дека ќе го спаси она што останало, пишува „Фајненшл Тајмс“.

Како се познаваат Варниг и Путин?

„Варниг (69) рече дека станал близок пријател со Владимир Путин во 1990-тите, откако тој отворил канцеларија за заемодавеци на Дрезднер Банка во Санкт Петербург, каде што тогаш Путин, уште непознат за јавноста, раководел со градскиот Комитет за надворешни работи“, пишува „Фајненшл Тајмс“.

„Двајцата толку се зближиле што Путин го замолил Варниг да ги прими неговите ќерки во куќата во Родермарк кога нивната маја била тешко повредена во сообраќајна несреќа. Путин, кој течно зборува германски, ги научил децата на Варниг да скијаат во Давос и го повикал на процесијата на неговиот татко, според интервју кое Варниг, инаку бивш припадник на службите Штази, го дали во 2023 гтодина за „Ди Цајт“. Меѓутоа, Варниг ја нарекол окупацијата Путин врз Украина „неопислива грешка“ и поднел оставка од управните одбори на две енергетски компании под управа на Кремљ откако во 2022 година изби војната во Украина. Варниг за весникот изјавил дека неколку месеци по почетокот на окупацијата му велел на Путин да ѝ стави крај , истакнувајќи дека рускиот претседател е толку изолиран што „единствената личност која сè уште може да му каже нешто – јас“.

Проектот Северен Тек 2 беше замислен како брза лента за рускиот гас кон Европа. Со војната во Украина и западните санкции за руските енергенси земјите од ЕУ почнаа да го увезуваат американскиот ЛНГ.

Идејата за купување на „Северен тек 2“ беше изнесена и во времето на администрацијата на Џо Бајден од страна на американскиот бизнисмен со контакти во Русија, Стефан Линч, но Бајден не беше многу заинтересиран.

Во меѓувреме европските лидери се состанаа во Лондон за да ветат нова подршка за Киев, додека Трамп бара од Украина да го потпише договор за минерални ресурси со САД. Зеленски и Трамп имаа нервозен состанок во Белата куќа по кој Зеленски побрза во Лондон.

Но, „Фигаро“ пишува дека ентузијазмот на некои европски лидери за „моралната лекција што Зеленски му ја даде на Трамп во Белата куќа“, се сведе на француско-британскиот предлог од Лондон „со два потписи: а) едномесечен прекин на огнот со Русија и б) договор Украина-САД за експлоатација на минерални резерви“.

The post ПРИЈАТЕЛ НА ПУТИН ПРЕГОВАРА СО САД ЗА РЕСТАРТИРАЊЕ НА СЕВЕРЕН ТЕК 2 Гасоводот е дел од планот за мир во Украина? appeared first on plusinfo.mk.

„Поради фактот што морскиот гасовод „Северен тек 2“ во моментов не се користи, а имајќи ја предвид имплементацијата на програмата за снабдување со гас и гасификација за потрошувачите во северозападниот регион, „Газпром “ одлучи да го искористи вишокот на гас на руско копно“, се вели во објавата.

Со новото пренасочување кон Русија, доколку Германија во иднина се премисли и одлучи да го пушти гасоводот, таа ќе може да се поврзе само со една низа, додека другата нема да работи до 2028 година, додаваат од компанијата.

„Северен тек 2“ се протега од рускиот брег преку Балтичкото Море до Германија. Неговата изградба беше завршена во септември минатата година, а до декември беше целосно подготвен за работа. Гасоводот требаше да испумпува 55 милијарди кубни метри гас годишно, но по почетокот на руската окупација врз Украина, германските власти ја укинаа лиценцата.

Речено со зборовите на германската министерказа надворешни работи Аналена Бурбок, проектот е всушност замрзнат.

The post СЕВЕРЕН ТЕК 2 НЕМА ДА ПРОПАДНЕ „Газпром“ го пренасочува гасот кон делови од Русија appeared first on plusinfo.mk.

Непосредно пред рускиот напад на Украина, Германија го стопираше проектот. САД воведоа санкции за компаниите и највисоките членови на управата, додека самата компанијата потоа ги отпушти сите вработени.

Германскиот канцелар Олаф Шолц на 22 февруари соопшти дека Германија го суспендира „Северен тек 2“ како одговор на руското признавање на сепаратистичките региони Доњецк и Луганск во источна Украина. Шолц побара од германското регулаторно тело да ги прекине постапките за обезбедување на потребните дозволи за негова изградба.

Украина и САД го поздравија таквиот потег на Берлин, а следниот ден американскиот претседател Џо Бајден нареди воведување санкции против „Северен тек 2“ и целосната управа на компанијата.

The post СЕВЕРЕН ТЕК 2 ВО СТЕЧАЈ Компанијата веќе ги отпушти вработените appeared first on plusinfo.mk.

Американскиот претседател Џо Бајден најави дека САД ќе и се приклучат на Германија во воведување санкции за рускиот проект за природен гас „Северен тек 2“ како дел од санкциите против Москва.

– Ѝ наредив на мојата администрација да воведе санкции за „Северен тек 2“ и неговите корпоративни службеници – рече Бајден.

Мерката, насочена кон една од најголемите геостратешки енергетски иницијативи на Русија, доаѓа откако Германија вчера објави дека го стопира спорниот проект.

Овој потег означува значајна промена во политиката на администрацијата кон Северен тек 2, која претходно вклучуваше санкционирање на некои од помалите субјекти вклучени во проектот, вклучително и некои руски компании и бродови кои помогнаа во изградбата, но уште немаше сакнции кон извршниот директор Матијас Варниг и општи санкции кон целиот проект, пренесе Бгнес.

The post И БАЈДЕН ПО СТАПКИТЕ НА ГЕРМАНИЈА Наредил американски санкции за „Северен тек 2“ appeared first on plusinfo.mk.

– Според мене, ние го доживуваме најопасниот момент за безбедноста во Европа од крајот на Студената војна, рече Борел на заедничката прес-конференција во Вашингтон со американскиот државен секретар Ентони Блинкен.

Запрашан за предупредувањата на САД за претстојната руска инвазија на Украина, Блинкен го негираше паничниот став на Вашингтон, велејќи: „Ова не е паника. Ова се само факти“.

Еден од адутите кој го има Русија во ракавот е гасот кој го испорачува во Европа. Според Жосеп Борел, ЕУ треба недвосмислено енергетски да ги поддржи Украина, но и Западниот Балкан, кои се „соседи на Европа“.

– Мислам дека треба да испратиме силна порака за одлучност да се подобри енергетската сигурност за Европа и за нашите директни соседи Украина и Западен Балкан – изјави тој.

Додаде дека ЕУ се наоѓа среде голема дипломатска криза со Русија, „која не се двоуми енергијата што ја снабдува во Европа да ја употреби како оружје за геополитичка добивка, кога цените на енергенсите пораснаа низ целиот свет“.

– Им кажавме на нашите најголеми снабдувачи на енергенси да се подготват и да обезбедат  сигурно снабдувањето со енергија, достапно и гарантирано не само за ЕУ, туку и за нашите соседи Украина, Молдавија, и Западен Балкан – додаде тој.

Борел истакна и дека ситуацијата налага Европа и светот да пристапат кон диверзификација на снабдувањето со енергенси. Една таква можност би била Европа зимава да се снабдува со гас преку САД во случај на конфликт во Украина и евентуалното повлекувње на рускиот гас.

За ова зборуваше соговорникот на Борел, американскиот државен секретар Ентони Блинкен. Тој наведе дека САД го поддржуваат проектот што ќе овозможи Украина да прима природен гас од Европа и да ја поврзе својата електродистрибутивна мрежа со онаа на ЕУ. За тој проект САД во изминатите години помогнале со 138 милиони долари.

Тој додаде дека САД поддржувале и проекти за соработка во енергетиката на Западен Балкан.

– САД со години ги поддржуваат напорите за конекција на електродистрибутивните мрежи на Западен Балкан со тие на ЕУ, за да се забрза транзицијата од јаглен и фосилни горива – изјави Блинкен.

Последните такви иницијативи се преку Акцискиот план за зелена агенда при што се поврзаа електромрежита на Албанија со таа на Косово, воспоставен е заеднички енергетски пазар, зголемена е употребата на обновливи извори на енергија, и земјите избираат диферзифициран начин за снабдување.

The post НАЈОПАСНИОТ МОМЕНТ ЗА ЕВРОПА ПО СТУДЕНАТА ВОЈНА ЕУ ќе обезбедува енергија за Украина и за Западниот Балкан appeared first on plusinfo.mk.