Понекогаш најубавите подароци доаѓаат во внимателно одбрани сетови кои носат целосно искуство за нега и разубавување. Подарок сетовите се симбол на внимание, практичност и стил, спој на производи што совршено се надополнуваат и создаваат комплетна рутина во едно пакување. Токму затоа се одличен избор за 8 Март, кога сакате со еден гест да покажете грижа и благодарност.

Во dm можете да изберете сет кој одговара на различни потреби, желби и типови кожа, и да подарите повеќе од производ – да подарите доживување.

Слатка мирисна приказна носи подарок сетот Afrodita Cosmetics Sweet Cherries, кој може да биде прекрасно изненадување за 8 Март. Содржи гел за туширање и млеко за тело кои нежно ја чистат и хидрираат кожата. Гелот помага во спречување на сушење, додека млекото за тело обезбедува интензивна хранлива нега и долготрајна мекост. Мирисот на цреша ги буди сетилата и го претвора секојдневниот ритуал во вистинско уживање, оставајќи ја кожата пријатно намирисана и негувана.

За оние кои за 8 Март би одбрале подарок што носи блескав и изедначен тен, сетот Garnier Skin Naturals Vitamin C нуди комплетна рутина. Мицеларната вода е наменета за чистење на лице и врат, отстранува шминка и нечистотии со еден потег без потреба од плакнење и е погодна за сите типови кожа.

Серумот „brightening“ со 3,5% витамин Ц, ниацинамид и салицилна киселина помага во намалување на темните дамки и изедначување на тенот. Серум-кремата со SPF 25 дополнително хидрира, осветлува и штити од штетните влијанија на надворешните фактори, создавајќи видливо посвеж изглед.

 

View this post on Instagram

 

A post shared by dm_makedonija (@dm_makedonija)

Доколку сакате за 8 Март да подарите мирис што остава впечаток, сетот Tesori d’Oriente Ayurveda нуди вистинско ориентално доживување. Дезодорансот обезбедува заштита до 24 часа без да остава траги на облеката, со интензивен мирис на амбер, портокал и лимон. Парфемот ги комбинира фините нијанси на овошјето амла и растението пачули, дополнети со цитрусни и амбер ноти за длабоко и опуштачко мирисно искуство. Хармонијата на овие мирисни ноти создава чувство на релаксација и самодоверба.

За подарок за 8 Март што ја става негата во фокус, сетот L’Oréal Paris Hyaluron Specialist нуди интензивна хидратација и „anti-aging“ грижа. Маската за лице со хијалуронска киселина за само 15 минути обезбедува длабинска хидратација и освежен изглед. Дневната крема со два типа хијалуронска киселина ја хидрира површината и продира во епидермисот за враќање на волуменот, додека SPF 20 обезбедува заштита од UVA и UVB зраци. Ноќната крем маска хидрира, ги измазнува фините линии и остава чувство на удобност и смиреност, погодна и за чувствителна кожа.

Подарок сетовите се внимателно креирани комбинации што овозможуваат целосна рутина во едно елегантно пакување, а 8 Март е совршена прилика тие да станат дел од нечие секојдневие. Тие се избор кога сакате да подарите мирис, грижа, текстура и момент посветен само на себе затоа што малите пакувања носат големи радости. Во dm секој сет е можност за насмевка што трае.

The post МАЛИ ПАКУВАЊА, ГОЛЕМИ РАДОСТИ Совршени подарок сетови за 8 Март во dm, по секогаш поволни цени appeared first on plusinfo.mk.

Секој ден е можност да се чувствувате посебно, да си подарите внимание, омилен мирис или мал ритуал за разубавување што носи самодоверба. А кога доаѓа 8 Март, денот посветен на жената, вниманието станува уште поважно.

Во dm ве очекуваат повеќе од 1.800 парфеми, шминки и подарок сетови по секогаш поволни цени. Тоа ги прави идеален избор за подарок за 8 Март, но и за секој ден кога сакате да изненадите некоја драга личност или себеси.

Во богатата понуда ќе ги пронајдете омилените мириси и подарок сетови од брендови како NIVEA, Elode, La Rive, како и елегантни парфеми со потпис на Elie Saab, Sabrina Carpenter, Tom Tailor и Antonio Banderas.

За комплетен изглед, тука се и декоративните производи од Maybelline, L’Oréal, Max Factor, како и практични сетови и додатоци за шминкање од Real Techniques. Без разлика дали избирате маскара, кармин, течна пудра, руменило, лак за нокти или палета со сенки за очи, во dm ќе најдете инспирација за подарок кој ќе измами насмевка и ќе внесе дополнителна доза самодоверба во секојдневието.

Посебно место во понудата имаат и dm марките Balea и trend !t up. Со производите од Balea, негата на лицето и телото станува едноставен и достапен ритуал, од хидратантни креми и серуми до практични сетови за секојдневна грижа. trend !t up нуди декоративна козметика за модерни, креативни и впечатливи изгледи, од интензивни маскари и кармини до тренди нијанси за нокти. Овие производи се одличен избор за подарок за 8 Март, но и за сите денови кога сакате да си подарите квалитет по секогаш поволна цена.

Во dm изборот е внимателно креиран за да одговори на различните потреби и стилови на секоја жена. Од класична елеганција до модерна свежина, секој може да го пронајде својот совршен подарок.

За вашите подароци да бидат подготвени со дополнително внимание, dm нуди бесплатно пакување на сите подароци купени во dm до 8 март. Мал гест што прави голема разлика и го прави изборот уште поедноставен.

Затоа што секоја жена заслужува внимание, не само на 8 Март туку секој ден.

Во dm, мојот ден? Секој ден!

The post МОЈОТ ДЕН? СЕКОЈ ДЕН! Откријте повеќе од 1.800 идеи за подарок за 8 Март во dm appeared first on plusinfo.mk.

– Честитки за него за одличниот натпревар. Се бореше, веруваше иако беше во негатива од два сета и еден брејк. Не бев ниту јас на ниво. Многу предизвикувачки услови, ветровито. Не беше лесно да се најде вистинското темпо. Мислам направив доволно за да победам. Имав и среќа што не заостанав. Се надевам дека ќе бидам подобар во иднина – изјави Ѓоковиќ.

Негов следен ривал ќе биде Алексеј Попирин, кој го елиминира Томаш Мартин Ечевери по пет сета.

– Го видов како победи во трилер од пет сета. Сака да игра сервис+форхенд. Имавме одличен натпревар во Австралија. Мислам дека има добри движења, Станува збор за комплетен играч. Висок е, сервира добро, и ќе биде тешко да се игра против него. Можеби клучот ќе биде ако добро ги прочитам неговите сервиси. Затоа очекувам голем предизвик и пред се силен противник – изјави Ѓоковиќ.

The post ЃОКОВИЌ СО МНОГУ МАКА ГО ПОБЕДИ ФЕРНЛИ Ноле во осминафиналето ќе игра со Попирин appeared first on plusinfo.mk.

– За прв пат македонските бачила од високопланинските региони добија струја. Со средства од Програмата за рурален развој за 2019 година, набавени се и распределени 50 фотоволтаични панели во вредност и истите се распределени на бачилата низ целата држава: Битола, Штип, Радовиш, Македонски Брод, Дебар, Кавадарци, Гостивар, Свети Николе, Кичево и Велес. На овој начин ќе придонесеме сточарите да добијат пристојни услови за живот и полесно производство, што претставува голема поддршка за сточарите. Освен фотоволтаици набавени се и 150 метални водопоила кои за прв пат се изработени од нерѓосувачки материјал (инокс) со долготраен квалитет и распределени се на 83 локации на територијата на државата како и пластични црева за вода. Со ова заокружуваме набавка на се што е потребно за подобрување на условите на бачилата. Вкупниот износ на набавената опрема изнесува вкупно 23,875,076 денари со ДДВ – изјави министерот Трајан Димковски.

Исто така, тој истакна дека наша цел е да инвестираме во развојот на сточарството, да создадеме услови, пат, вода, струја и преку нашата грижа да ги зачуваме овие богати екосистеми и да им помогнеме на сточарите полесно и поефикасно да го работат она што најдобро го знаат. Во таа насока е и интервентната мерка која ја донесовме во услови на пандемијата со Ковид 19, а тоа е зголемена субвенција за задржано женско јагне, со што вкупната финансиска поддршка за женско јагне изнесува 2.500 денари по грло.

Директорот на АФПЗРР, Николче Бабовски, рече дека Владата со министерството и Агенцијата ќе продолжат да создаваат услови за развој на сточарството и на агро секторот.

– Средства за рурален развој и финансиска поддршка на земјоделството има. Тоа го докажавме и со вчерашната исплата на средствата за мерката задржани женски јагниња и јариња. На 4.945 сточари кои во минатата година задржаа во матичните стада женско јагне и јаре исплативме 88, 6 милиони денари. Преку навремената и неселективна исплата на субвенцииите и за земјоделците и за сточарите покажуваме една посветеност за создавање на поволни услови за развој на агро – секторот. На овој начин директно вбризгуваме нови средства, свеж капитал, кој сточарите ќе можат да го реинвестираат во обнова на стадото, во набавка на потребната сточна храна или потребна прихрана за стоката со што ќе овозможиме квалитетно домашно производство на млеко и месо – Изјави директорот Николче Бабовски.

Во изминатиов период, освен набавката на фотоволтаици и водопоила, извршено е пробивање на 2,5 км земјени патишта до пасиштата и реконструкција на 22 км постоечки земјени патишта до пасиштата. Со ова овозможивме полесен пристап до бачилата и полесен транспорт што е од големо значење за сточарите.

Со Годишната инвестициона програма за 2020 година, поради неминовна потреба од справување со недостигот на вода, како и недостигот на вода за напојување на добитокот во сушниот летен период, се планира да се изработат и 10 бушотини за бунари за вода, со што донекаде ќе се подобрат условите за чување и напасување на добитокот на пасиштата кои се соочуваат со недостиг на вода.

Градоначалникот на општина Штип посочи дека општината секогаш ќе дава поддршка за доработка на непристапните патишта и воедно апелираше да се користат мерките коишто значат развој на оваа дејност за да се надмине побрзо кризата.

Со распределба на наведената опрема како и спроведување на активностите согласно годишните инвестициони програми на ЈП за стопанисување со пасишта, значително ќе се придонесе во унапредувањето на сточарството, преку значително подобрување на условите за користење на пасиштата во државна сопственост, со цел одржување на бројот на добитокот во државата и со тенденција за негово зголемување.

Модернизацијата на бачилата, особено снабдувањето на бачилата со електрична енергија, ќе овозможи и модернизација на производствениот процес за преработка на млекото во млечни производи.

Сето ова претставува потврда за нашите напори да го модернизираме секој сегмент од земјоделското производство, што ќе придонесе за развој на сточарското производство но и за развој на економијата во целост.

The post Македонските бачила од високопланинските региони добија струја со фотоволтаични комплети appeared first on plusinfo.mk.