На ден 24.07.2025 година, се евидентирани вкупно 12 пожари на отворен простор, од кои 7 се активни, 3 се под контрола и 2 се изгаснати, информираше Центарот за управување со кризи во објава на официјалната Фејсбук страница.

Меѓу активните пожари набројани се жариштата во село Нивично кај планината Голем Готен, кај прилепско Бешиште, кај Церово и Групчин, пожарите кај Крапа, Грешница, Латово и Црешнево во Македонски Брод.

Шумскиот појас, кој гори на планината Готен од страна на Берово, во моментов е ставен под контрола, изјави за МИА, Димитар Гошевски, командир на Територијалната противпожарна единица (ТППЕ)-Берово.

Тој вели дека на терен се пожарникари, доброволци, вработени во ЈП „Национални шуми“ и се надева дека нема да се дозволи негово проширување.

Под контрола е пожарот меѓу селата Драгоево и Селце на планината Серта. Командирот на Територијалната Противпожарна единица-Штип, Благој Ренџов, изјави дека досегашните анализи покажуваат дека 70 до 80 отсто од пожарите на отворено се подметнати.

– На терен од вчера сме 15 пожарникари со четири возила, а денеска имаме уште четири возила од македонската интервентна единица и сме горе на сртот, пробуваме да го сопреме огнот да се шири – изјави Ренџов.

Изгаснати се пожарите кај далеководите во скопско Чучер Сандево и кај кумановско Речица.

Изгаснат е пожарот на депонијата „Краста“ во Куманово, информираа денеска надлежните од ЈП „Чистота и Зеленило“. Пожарот избувнал утрово, и според првичните проценки станува збор за самозапалување.

– Пожарот избувнал во горниот дел од депонијата, веројатно од самозапалување. За два и пол часа, пожарот го санираа наши екипи со цистерна, со затрупување на земја. Помогнаа и општествено-одговорни компании, на кои им изразуваме благодарност – изјави директорот на претпријатието, Ненад Стојановски.

Депонијата „Краста“ функционира од 1958 година и зафаќа површина од 12, 5 хектари. Тука се складира сметот на градот со над 100.000 жители. Дневно на депонијата се изнесува од 120 до 150 тони смет.

The post 7 ПОЖАРИ СЕ АКТИВНИ, 2 СЕ ИЗГАСНАТИ Жариштата кај Серта и Готен се под контрола appeared first on plusinfo.mk.

Во акцијата биле вклучени и дронови, за кои пред неколку дена директорот на Бирото за јавна безбедност Александар Јанев најaви дека ќе вршат мониторирање на шумските појаси на територијата на целата држава. И.А. и Е.А. биле затекнати при незаконска сеча на дрва за огрев во шумски предел кој до неодамна беше зафатен со пожар на планината Серта и покрај активната забрана за движење во шума.

„Од нив биле одземени трактор со приколка, две моторни пили и исечените дрва. Подоцна, по насоки од јавен обвинител од Основното јавно обвинителство Штип, била добиена наредба и бил извршен претрес во нивниот дом во с.Селце, при што биле пронајдени и одземени испратници и одобренија за сеча на дрвна маса, издадени од ЈП „Национални шуми“, фотокопии од лични карти за кои се поднесувале барања за добивање на одобренија за сеча, воздушна пушка, две канти со бензин, импровизирана направа за центрирање на оптика за огнено оружје и други предмети поврзани со делото“, информира МВР.

Исто така, од страна на полициски службеници од Одделот за криминалистичка полиција- Сектор за економски криминал и корупција и СВР Штип бил извршен увид и била одземена документација во ЈП „Национални шуми“ – Штип. По целосно расчистување и документирање на случајот, СВР Штип против двете лица ќе поднесе кривична пријава по член 235 став 3 од Кривичниот законик.

Директорот Јанев апелира до граѓаните дека предизвикувањето пожари и нелегалната сеча на дрва се кривични дела за кои се пропишани високи казни.

Министерството за внатрешни работи продолжува со интензивните активности за откривање и санкционирање на други кривични дела во врска со незаконска сеча на дрва, како и за откривање и санкционирање на лица кои предизвикуваат пожари во шумски предели.

The post 📽️ ПОЛИЦИСКИТЕ ДРОНОВИ ДАВААТ РЕЗУЛТАТИ Приведени две лица за незаконска сеча на планината Серта appeared first on plusinfo.mk.

Од страната на Неготино изгорени се околу 5.500 хектари, а од штипската скоро 3.000 хектари. Освен растителниот, настрада и животинскиот свет. Штетите се огромни и ќе бидат потребни децении за повторно се врати животот на планината.

– Во моментот дивеч таму претпоставувам дека нема. Ќе треба да помине малку време за да почне дел од дивечот да се враќа, меѓутоа на него ќе му требат одредени услови за да биде таму. Во моментот дивечот таму нема ниту храна, ниту место каде да се крие. Така што тоа буквално ќе биде пустина – изјави Кире Михаилов, заменик генерален директор на ЈП Македонски шуми.

Во наредниот период ќе се започне со чистење на она што го оставија пламените јазици. На овој начин опожареното подрачје ќе се подготви за втората фаза, а тоа е пошумување со автохтони видови растенија. Но проблемот е голем, бидејќи во расадниците на Македонски шуми, нема доволен број садници коишто се потребни.

– Нашите расидници во изминатите години не работеле со капацитет со којшто требало да работат и имаме недостиг на садници. Така што ќе мора да поработиме максимално и во овој сектор за да можеме во текот на оваа сезона, не знам колку ќе успееме, но во наредната да дојдеме до бројките коишто ни се потребни и да излеземе на конкретното барање на теренот – изјави Михаилов.

Освен на Серта, во изминатиот период огнот беснееше и во Радовишко и во Струмичко. На планината Плачковица пеплосани се 197, а во Струмичко 400 хектари.

The post 12.000 ФУДБАЛСКИ ИГРАЛИШТА ИЗГОРЕА НА СЕРТА Ќе бидат потребни децении за да се врати животот на планината appeared first on plusinfo.mk.

– Можам да кажам дека како Влада во периодот кој што следи ќе направиме големи структурни реформи во секторот за управување со кризи, нешто кое што е многу значајно. Но, истовремено започнавме процедура за носење на Законот за пожарникарство со што значително ќе бидат подобрени условите за работа на овие луѓе. Дојдов заедно со луѓето овде кои што се со мене за да изразам голема благодарност на луѓето кои што изминатите неколку недели, ќе повторам го жртвуваа и својот живот за да се справат со огнената стихија. Од мое име и од името на Владата голема благодарност. И би посакал пред сѐ ова да не ни се повторно, но знам дека и доколку се повтори и доколку тоа е повторно потребно, тие повторно нема да го штедат својот живот и повторно ќе го ризикуваат истиот за да ја совладаат огнената стихија. Но, пред се да не ни се повтори ова, да посакам многу здравје и нормално понатаму да правиме се што е во наша моќ да ги подобриме условите за работа на овие луѓе – порача Мицкоски.

The post ВЕТУВАМ ПРОМЕНИ ВО СЕКТОРОТ ЗА УПРАВУВАЊЕ СО КРИЗИ Мицкоски им се заблагодари на храбрите луѓе кои се бореа со пожарот на Серта appeared first on plusinfo.mk.

Командирот на Територијалната Противпожарна единица (ТППЕ) – Штип, Благој Ренџов при вчерашното гаснење на пожарот на старата депонија меѓу штипските населби Пребег и Мерите е повреден, односно при интервенцијата се здобил со скршеници на двете раце.

Првиот човек на штипските пожарникари во штипска Клиничка болница е хоспитализиран синоќа околу 20.30 часот и е задржан на болничко лекување, откако претходно бил опериран.

Пожарникарите велат дека во изминатите речиси две недели заедно со нив ги гаснел пожарите на планината Серта и во штипскиот и неготинскиот дел, не штедејќи се за да се стават пожарите под контрола на неколку локации. 

The post ГИ СКРШИЛ ДВЕТЕ РАЦЕ ПРИ ГАСНЕЊЕ ПОЖАР Опериран е командирот на штипската противпожарна служба appeared first on plusinfo.mk.

– Дејствуваат два „ер трактори“ на ДЗС и истите ќе дејствуват во попладневните часови. Овде имаме и еден засебен крак на планина Серта, којшто започнува некаде зад полигонот Криволак и се движи во насока на военото стрелште Пенуш и во насока на реката Брегалница. Тука имаме фокусирано повеќе лица на терен, покрај поголем број на локални пожарникари, имаме 30 припадници на полициските Тигри, десет припадници на Армијата, како и 40 припадници на ДЗС, чијашто цел е патот направен од НАТО што се движи околу полигонот Криволак да не дозволат огнот да ја премине линијата. На планината Серта имаме уште една активна точка, а тоа е под ловиштето. На сите овие места делуваат локалните пожарникари – вели Ангелов.

Првиот човек на ЦУК денеска соопшти дека на територија на Македонија има девет активни шумски пожари и пожари на отворено.

Вкупно на територијата на државата ангажирани се 150 припадници на Армијата, 30-тина припадници на МВР, како и 40 припадници на ДЗС. Засега во гаснењето на пожарите, како што изјави Ангелов, дејствуваат само наши летала, односно двата „ер трактори“ на ДЗС, два хеликоптери на МВР, како и два хеликоптери на Армијата.

– За жал, од странските летала останат е само црногорскиот хеликоптер, којшто покажа некој дефект и моментално му се врши сервисирање и доколку биде успешно отстранет, тој ќе продолжи денес со дејство, рече Ангелов.

На територија на општина Чашка, над селата Габрени, Мокрени и Богомила, пожарната линија е многу долга, вели Ангелов, а утринава дејствувале еден армиски и еден полициски хеликоптер, додека од копно дејствуваат локални пожарникари, потпомогнати од 30 припадници на Армијата и тим од Национални шуми.

Во општина Чашка има пoжар и на врвот Лисец, каде работат локални пожарникари со помош од 25 припадници на Армијата.

Активен е и пожарот меѓу селата Тажево и Брезница во општина Македонски Брод. Таму утрото бил упатен еден армиски хеликоптер, но поради густиот чад не можел да дејствува.

– Нешто подоцна повторно се упати хеликоптерот, но густиот чад не дозволи. Од копно работат 30 припадници на Армијата кои им помагаат на локалните пожарникари и на тимот од Национални шуми – информира Ангелов.

Пожар има и во атарот на селото Фариш, каде интервенираат 30 припадници од Единицата за брзо распоредување, а попладнево таму требало да се упатат двата „ер трактори“ на ДЗС, но поради појавата на жешки точки на планината Серта, наспроти селото Калањево, тие се пренасочени.

– Изби нов пожар на територија на општина Гевгелија, над селото Мрзенци, каде што попладнево ќе делуваме со „ер тракторите“ за да не дозволиме ширење на пожарот. Во текот на вчерашниот ден се појави нов пожар на местото викано Мукос, општина Чашка. Истиот е префрлен од страната на Прилеп и на тој може да се дејствува само со воздухоплови, бидејќи теренот е непристапен и да се стаса до него и да се гаси од копно потребни се 30 км пешачење по земјен пат. За овој пожар од лицето на МВР кое дежура на врвот Солунска глава, информациите се дека гори на три места и дека пожарот оди кон врвот – вели Ангелов.

The post СЕ ШИРИ ПОЖАРОТ НА СЕРТА Се прават напори огнот да не го зафати воениот полигон Криволак appeared first on plusinfo.mk.

– Локациски пожарот се одвива зад стрелиштето Пенуш во насока на воениот полигон Криволак, но е далеку од полигонот Криволак. Полигонот е далеку од загрозен. Сепак ако продолжи со ова темпо ќе имаме сериозни проблеми со овој пожар – вели Ангелов.

Тој најави дека во текот на утрешниот ден ќе бидат ангажирани сите хеликоптери и авиони за ставање на пожарот под контрола од Пенуш до Криволак. Ангелов истакна дека од левата страна на планината Серта има уште две жаришта, едното над штипското село Пухче, а второт во неготинскиот дел.

Ангелов изрази благодарност што министерот за внатрешни работи, Тошковски неколку пати ги посетува пожарникарите и припадниците на полицијата и на Армијата, доброволците кои ги гаснат пожарите во земјава.

– Министерот денеска виде дека единицата од ДЗС е облечена во обични униформи, коишто не се отпорни на оган и тоа ми дава надеж дека Владата брзо ќе се зафати со надминување на овие проблеми. Чекор по чекор, бидејќи состојбата е навистина многу лоша во овој момент – изјави Ангелов.

Министерот за внатрешни работи, Тошковски, кој денеска ги посети припадниците на МВР кои учествуваат во гаснењето на пожарите истакна дека во идниот период мора да има системски решенија.

– Жално е што една држава како Македонија, да се моли на господ да заврне дожд, за да можеме да кажеме дека пожарите се изгаснати. Ова е недозволиво и она што сме денесе е навистина е такво ниско ниво на способност на државата да се справи со ваков тип на предизвици и не смееме наредната година повторно да ни се случи ова. Поради тоа ќе се вложат максимални напори од страна на Владата да се фокусираме на суштинско и системско решавање на овој проблем, за да догодина не се соочуваме вака неспремни со оваков тип на предизвици – рече Тошковски.

Тошковски изрази благодарност до сите земји кои испратија професионалци, хеликоптери и авиони и помогнаат во гаснењето на пожарите во воздух.

– Но, секако уште еднаш голема благодарност и до сите оние Македонци, коишто се на теренот, еве ќе се заблагодарам и на доброволецот Даре, кој денеска и раката ја скрши при гасењето на пожарите, но остана со своите колеги и луѓе, се со цел да може да помогне при справувањето со оваа состојба. Факт е дека ова дереџе не смееме да го дозволиме во иднина, факт е дека системот не функционира, факт е дека треба да се реорганизираме максимално да се посветиме на Центарот за управување со кризи во иднина да ја зајакнеме позицијата на истиот, за да може соодветно да се справува на сите овие предизвици – вели Тошковски.

Посочи дека треба да се изнајдат суштински решенија за справување на проблемите и системот да функционира.

Командирот на ТППЕ-Штип, Благој Ренџов за МИА вели дека во моментов активни жаришта се над селата Селце и Пухче, станува збор за стрмен, карпест и непристапен дел на планината. Сите екипи кои учествуваат во гаснењето на пожаритре утре во раните утрински часови ќе бидат на овие две локации на планината Серта.

The post ШТИП ПОВТОРНО ОБВИЕН ВО ЧАД Нов пожар на планината Серта appeared first on plusinfo.mk.

На другиот дел на Серта, околу воениот полигон Криволак, исто така нема активно горење, но се надгледува од два домашни хеликоптери.

Третиот дел од Серта, на штипската страна над селата Драгоево и Селце, се забележани две огнени точки, врз кои се дејствува со воздухопловите. Дополнително се испратени и црногорскиот и српскиот хеликоптер.

– Врз пожарот на Серта имаме апсолутна контрола, благодарение на дождот е изгасен и во голем дел. Да не дозволиме повторно разгорување – информира Ангелов преку видео-обраќање.

Според првиот човек на ЦУК, тежок пожар има и кај Битола, во подножјето на Пелистер, каде што дејствува еден „канадер“, а во 10 часот ќе му се придружат и двата „ер-трактори“ на ДЗС.

The post 📽️ ДОЖДУ, ТИ БЛАГОДАРИМЕ! Дел од пожарите под контрола, објави Стојанче Ангелов appeared first on plusinfo.mk.

„На регионалниот пат Р1 103 Неготино-Штип, кај крстосница 20км – Неготино преку превојот Серта е нормализиран сообраќајот за сите видови возила, во двата правци“, соопшти АМСМ.

Патот беше затворен поради активен пожар и заради безбедност на учесниците во сообраќајот.

АМСМ во понеделникот, 15 јули, информираше дека сообраќајот на регионалниот пат Неготино – Штип, кај село Пепелиште, од истиот ден во 16:15 часот, е во прекин за сите видови возила, во двата правца.

The post НОРМАЛИЗИРАН СООБРАЌАЈОТ НЕГОТИНО-ШТИП Може да се вози во двата правци со сите видови возила appeared first on plusinfo.mk.

Соопштението, велат оттаму, е заради „транспарентно и вистинито информирање“ откако во медиуми и на социјални мрежи имало објави во врска со пожарите во реонот на армискиот полигон Криволак.

Дека немало никави експлозии кај Криволак потврди и директорот на ЦУК Стојанче Ангелов. Денеска имало 29 активни пожари, од кои 18 се изгаснати, а преостануваат 13 за гаснење.

Дождот попладнево помогнал да се совладаат пожарите кај Серта кај селото Драгоево, Калањево, во општина Коњче и кај Ново Село на планината Огражден. Но, во средината на Серта уште има траги на горење на кои службите ќе се фокусираат утре наутро, најави директорот на ЦУК Стојанче Ангелов.

За утре останува да се гаснат пожарите на ловиштето на планината Серта, додека пожарот кај Битола се шири накај зимзелената шума на Пелистер. Има активни пожари во Росоман, Чашка, Зелениково и Студеничании други жаришта, информираше Ангелов.

Два полициски хеликоптера Mи-171 и Бел-412 од Одделот за воздухопловни единици учествуваа денеска во гасењето на пожарите во државата. Ми-171 дејствуваше на планината Серта, на територијата на општина Неготино, на пожарот кај селото Подлес, на територијата на Кавадарци и на пожарот на територијата на Радовиш.

Како што соопшти МВР, за време на дејствувањето, хеликоптерот во 32 налети исфрли над 80 тони вода.

Чад, но и намалена видливост на улиците има во Штип по големиот пожар што избувна над штипските села Селца, Драгоево и Пиперово. Градоначалникот на Општина Штип Иван Јорданов за вечерва околу 22 часот најави и кризен штаб за состојбите на пожарите над овие села.

Пожарот во Неготинско го зафати и ридот со ендемично лале, подрачје под заштита на локалната самоуправа, реагираат  неготинци.

„Орлов баир,  ридот што ја преживеа една од најтешките битки во Првата светска војна, ридот на кој живее ендемичното лале – тулипа маријана, не ја преживеа неспособноста на 21 век“, гласи коментар објавен на Фејсбук.

Исто така, голем пожар избувнал денеска во Струмичко меѓу селата Водоча и Вељуса, кој поради силниот ветер и топлото време зафатил површина од околу 80 хектари и ширејќи се во сите правци зафатил и неколку викендици. Пожарникарите успеале да спасат производствени погони од опожарување.

Според информацијата од ТППЕ Струмица, големиот пожар избувнал во 10:10 часот, a бил целосно ликвидиран околу 18:30 часот.

The post НЕМА ОПАСНОСТ ОД ПОЖАРИТЕ ЗА ОБЈЕКТИТЕ НА КРИВОЛАК Дождот згасна некои жаришта, остануваат 13 активни низ целата земја appeared first on plusinfo.mk.