Резултатите од денешните прегледи покажале дека Агуеро има срцева аритмија. Клубот соопшти дека Агуеро се чувствува добро и дека ја разбира ситуацијата во која се наоѓа. Искусниот напаѓач ќе отсуствува од тимот во наредниот период.

Аргентинецот, во летниот преоден рок, како слободен играч се пресели во Барселона, откако по десет години го напушти Манчестер сити. Тој дебитираше за Барселона пред две недели, по проблемите со повреда на мускулот.

The post АГУЕРО ИМА СРЦЕВА АРИТМИЈА Се чувствува добро, но од тимот ќе отсуствува подолг период appeared first on plusinfo.mk.

Sвездата на Манчестер Сити, Серхио Агуеро изрази загриженост за евентуално обновување на шампионатот во Англија. Напаѓачот призна дека постои страв кај играчите. Екипите во Премиер лигата се надеваат дека ќе продолжат со тренинзи на 11-ти мај.

– Повеќето играчи се исплашени затоа што имаат семејства, деца, бебиња, родители. Кога ќе се вратиме, замислувам дека ќе биде многу напнато, ќе бидеме многу внимателни. Се надевам дека ќе има вакцина за да се стави крај на сето тоа. Не сум исплашен, но јас сум само со мојата девојка. Не сум контактирал со други луѓе. Тие велат дека некои се заразени, но немаат никакви симптоми и можат да ве заразат. Затоа останувам дома. Можеби ќе се заразите а нема да знаете – вели Аргентинецот.

Агуеро остана во Манчестер за време на изолацијата, додека многу негови соиграчи се вратија во матичните земји.

– Ни беше кажано пред 15 дена дека има датум за обновување на тренинзите и тоа е 4 мај. Сега има нова средба. Ќе биде тешко да се игра Лигата на шампионите во август – рече фудбалерот.

The post Агуеро: Играчите се исплашени, имаат семејства appeared first on plusinfo.mk.