Почна реализацијата на проектот за темелно чистење и уредување на коритото на реката Серава, како и за изградба на нова пешачка патека во општина Бутел, соопшти Град Скопје.

„Проектот опфаќа уредување на просторот покрај реката и изградба на пешачка патека во должина од 1.590 метри, наменета за прошетка, рекреација и за дружење на граѓаните. Долж патеката ќе биде поставено современо лед осветление, урбана опрема и нови клупи, а просторот ќе биде дополнително разубавен со ново зеленило“, соопшти градската власт.

На просторот ќе се изградат нови детски игралишта, со цел создавање безбеден и уреден простор за игра и рекреација на најмладите.

На почетокот на активностите присуствуваа градоначалникот на Скопје, Орце Ѓорѓиевски и градоначалникот на Бутел, Дарко Костовски.

Градоначалникот Ѓорѓиевски на Фејсбук објави дека по две децении темелно се чисти коритото на реката Серава и дека ова е еден од најзначајните и најбараните зафати за жителите на Бутел.

„Она што со години било само празно ветување, денес станува реалност. Со овој проект, просторот покрај Серава конечно ќе добие нов живот и нова вредност за граѓаните. Градиме средина во која граѓаните ќе се чувствуваат горди, безбедни и исполнети“, објави градоначалникот.

The post 📷 СЕРАВА СЕ ОСЛОБОДУВА ОД НАТРУПАНОТО ЃУБРЕ Ќе има патека, клупи, зеленило и детски игралишта покрај реката во Бутел appeared first on plusinfo.mk.

Електродистрибуција најави дека ќе започне со работа во населбата Серава. Компанијата соопшти дека имала средба со граѓаните од оваа скопска населба кои претходно протестираа  на улицата позната како Пластичарска против прекините на струја.  А граѓаните од населбата немаа струја, затоа што со години неконролирано крадат струја, па им се расипал преооптоварениот трансформатор.

Како што велат од Електродистрибуција за Плусинфо, по конструктивните средби со граѓаните, теренските активности започнуваат денес со поправка на тековните дефекти, додека од понеделник екипите на Електродистрибуција интензивно ќе работат на реконструкција на дистрибутивната мрежа во сите улици на оваа населба.

• КРАДАТ СТРУЈА, ГО РАСИПАА ТРАНСФОРМАТОРОТ, ПА ПОЧНАА СО БЛОКАДИ! Екипите немаат пристап да ја поправат мрежата, предупредува Електродистрибуција

„Во насока на надминување на долгогодишната ситуација со загубите и честите дефекти во снабдувањето со електрична енергија во скопската населба Серава, претставниците на Електродистрибуција деновиве одржаа конструктивни состаноци со претставници на општината Чаир, претставници на Министерството за енергетика, како и Министерството за внатрешни работи, каде што се дефинираа конкретните чекори за реализација на планот за реконструкција на нисконапонската мрежа.

Плодната соработка меѓу компанијата и државните институции ќе обезбеди сигурна испорака на електрична енергија во овој регион, како и и правилно мерење на потрошувачката за секој поединечен корисник“.

The post ЕЛЕКТРОДИСТРИБУЦИЈА И ГРАЃАНИТЕ НА СЕРАВА НАЈДОА ЗАЕДНИЧКИ ЈАЗИК Скопската населба добива струја appeared first on plusinfo.mk.

Помала група жители на населбата Серава денеска ја блокираа улицата Никола Карев, позната и како Пластичарска улица, затоа што од неделата немаат струја. А немаат, затоа што со години неконролирано крадат струја, па им се расипал преооптоварениот трансформатор.

„Дефектот во населбата Серава настана на 21.12.2025 (недела) како резултат на долготрајните неконтролирани кражби на електрична енергија од страна на жителите, а воедно и континуираните спречувања на екипите на Електродистрибуција во вршењето на работните активности за одржување на мрежата. Веќе подолг период, жителите на улиците Исмаил Кадаре и Кумбара го спречуваат проектот за реконструкција на мрежата и дислокација на броилата. На екипите на компанијата постојано им се упатуваат вербални закани, со што во целост им се оневозможува функционирањето“, велат од Електродистрибуција за Плусинфо.

Сè додека екипите немаат пристап за реализација на проектот за реконструкција на нисконапонската мрежа, ќе биде невозможно да се санираат дефектите, кои ќе продолжат да се појавуваат и во иднина како резултат на преоптовареноста од нелегалните приклучувања, предупредуваат од Електродистрибуција.

Во овој регион загубите на струја надминуваат 70%, а наплатата изнесува 60%, додаваат од компанијата.

На собирот денеска присутвуваа околу 50 граѓани. Поради блокадата, сообраќајот на булеварот Никола Карев беше целосно пренасочен во двата правци, што предизвика застои и отежнато движење во овој дел од градот.

ПОРАДИ КРАЖБИ НА СТРУЈА НАСЕЛБАТА СЕРАВА ОСТАНА БЕЗ СТРУЈА Жителите на две улици со години не дозволуваат реконструкција на електричната мрежа

The post КРАДАТ СТРУЈА, ГО РАСИПАА ТРАНСФОРМАТОРОТ, ПА ПОЧНАА СО БЛОКАДИ! Екипите немаат пристап да ја поправат мрежата, предупредува Електродистрибуција appeared first on plusinfo.mk.

Дефект во дистрибутивната мрежа денес, кој е резултат на долготрајните неконтролирани кражби на електрична енергија, денеска ги остави жителите на скопската населба Серава без струја.

Дефектот остави без напон цела трафостаница од која се приклучени околу 300 корисници.

Жителите на улиците „Исмаил Кадаре“ и „Кумбара“ веќе подолг период ги спречуваат екипите на Електродистрибуција да извршат дислокација на броилата. Дополнително, според информациите кои ги добивме од компанијата, жителите со години не дозволуваат да се реконструира електричната мрежа.

На прашањето на Плусинфо за кражбите и наплатата на струја во оваа населба, од Електродистибуција одговорија дека загубите надминуваат 70%, а наплатата изнесува 60%.

Електродистрибуција ќе го санира дефектот само ако се овозможи непречен пристап за реализација на проектот за реконструкција на нисконапонската мрежа.

The post ПОРАДИ КРАЖБИ НА СТРУЈА НАСЕЛБАТА СЕРАВА ОСТАНА БЕЗ СТРУЈА Жителите на две улици со години не дозволуваат реконструкција на електричната мрежа appeared first on plusinfo.mk.

Бутел ќе добие кружен тек, пробивање на нови улици, мега парк и уште многу други проекти, најави денеска кандидатот на ВМРО-ДПМНЕ за градоначалник на Скопје, Орце Ѓорѓиевски.

„Денеска сме во Општина Бутел, на крстосницата меѓу улиците Бутелска и Александар Урдаревски, каде што планираме изградба на кружен тек. Овој проект е дел од пошироката стратегија за зголемена безбедност и уреденост во сообраќајот низ целиот град. Преку редизајн на 50 критични крстосници и улици, Скопје ќе се движи кон целта „Нула фатални несреќи до 2030 година“, применувајќи докажани европски стандарди за безбедност во урбаниот простор“, објави Ѓорѓиевски на Фејсбук.

Кружниот тек што ќе се изгради овде ќе значи крај на хаосот во сообраќајот и значително намалување на ризикот од несреќи, додаде тој.

„Оваа точка е една од најфреквентните во Бутел, бидејќи улицата Александар Урдаревски е сообраќаен правец што секојдневно го користат илјадници граѓани, поради близината до градските гробишта. Паралелно со овој проект, следи и целосна реконструкција на улиците Бутелска и Радишанска, на потегот од Расадник-Бутел до населбата Радишани. Со тоа ја враќаме функционалноста и безбедноста на една од најважните сообраќајни артерии во општината. Ќе се постави нов асфалт, подобрена дренажа, пешачки патеки и улично осветлување според најсовремени стандарди“, најави Ѓорѓиевски.

Особено важно е што пред реконструкцијата, додаде, ќе се изгради атмосферска канализација, со што конечно ќе се реши долгогодишниот проблем со поплавите при поројни дождови.

„Во насока на подобра поврзаност и функционален сообраќаен систем, ќе се реализира и проектот за поврзување на улицата Бутелска со булеварот Христијан Тодоровски Карпош, во близина на обиколницата. Со ова решение ќе се елиминираат постојните гужви и ризиците од несреќи и ќе се обезбеди нов, безбеден и уреден влез и излез од Бутел“, вели тој

Посебно внимание посветуваме и на стратегиските правци, меѓу кои е и реконструкцијата на Стар Качанички пат кај Визбегово – проект од огромно значење не само за Општина Бутел, туку и за Општина Чучер Сандево, најави Ѓорѓиевски.

„Со негова реализација директно се поддржува развојот на Економската зона Визбегово, што ќе придонесе за нови работни места, подобра логистика и економски раст на целиот регион. Општина Бутел не е изолирана зона, туку дел од функционалната урбана целина на Скопје.
Затоа, секоја интервенција овде ја планираме во координација со развојот на сообраќајната инфраструктура во соседните општини. Во таа насока, сакам да ги спомнам и два големи проекта што ќе имаат директно позитивно влијание врз Бутел – изградбата на третата лента на булеварот Цветан Димов во општината Чаир и изградбата на булеварот Хрватска во општината Гази Баба. Со нивното реализирање, значително ќе се подобри протокот на возилата и ќе се олесни пристапот кон Бутел, што ќе придонесе за поголема сообраќајна безбедност и рамномерно растоварување на метежот во овој дел од градот“, вели Ѓорѓиевски.

Но, развојот на Бутел не го гледаме само низ призма на сообраќајот, туку и низ создавањето на урбани и зелени јавни простори и затоа во план е изградба на нов мега парк долж булеварот Христијан Тодоровски Карпош, дополни Ѓорѓиевски.

„Овој простор, кој со години беше запуштен, ќе се претвори во уреден, функционален и модерен јавен парк со зелени површини, детски игралишта, фитнес зони и пешачки патеки. Со тоа Бутел конечно ќе добие своја современа рекреативна зона, место за одмор и дружење за сите генерации“, најави тој.

Ѓорѓиевски додаде и дека меѓу најзначајните и долгорочни проекти за овој дел на градот е рекултивацијата на реката Серава и воспоставувањето зелени коридори по нејзината должина.

„Со оваа интервенција ќе се обнови целиот речен појас, ќе се уреди со пешачки и велосипедски патеки, автохтона вегетација и со јавни содржини. Серава ќе стане чиста, безбедна и достапна зона што ќе го подобри квалитетот на живот на жителите на Бутел и на целиот град“, ветува Ѓорѓиевски.

Овие проекти, од кружни текови и реконструкции на улици, до паркови и зелени коридори, не се изолирани мерки, туку се дел од јасна и системска визија за Скопје кое е безбедно, функционално и современо, град што расте со план и се развива во корист на граѓаните, објави Ѓорѓиевски на Фејсбук.

The post ЧИСТА СЕРАВА И МЕГАПАРК ВО БУТЕЛ Кружен тек кон градските гробишта за поголема безбедност, најави Ѓорѓиевски appeared first on plusinfo.mk.

Екипите на ЈП „Комунална хигиена-Скопје“ извршија голема акција за чистење на дива депонија во населбата Серава, општина Чаир. Во текот на ноќта, од локацијата беа подигнати и транспортирани околу 35 кубни метри мешан комунален, кабаст и градежен отпад, кој претходно бил одложен на јавна површина.

Според претпријатието, ваквите „црни точки“ стануваат се почеста појава на јавните и сообраќајните површини во Скопје.

Во текот на минатата година, ЈП „Комунална хигиена-Скопје“ спроведе зголемен мониторинг преку својата Еко-патрола, која од јануари до декември 2024 година подготви и врачи 334 едукативно-информативни записници за граѓани и правни субјекти затекнати при непрописно одлагање отпад.

Од ЈП „Комунална хигиена-Скопје“ апелираат до граѓаните да не го одлагаат отпадот непрописно, со цел зачувување на чистотата и естетиката на јавните површини во градот.

The post НОЌНА АКЦИЈА НА „КОМУНАЛНА ХИГИЕНА“ Исчистена огромна депонија во Серава appeared first on plusinfo.mk.

Информацијата ја потврди Центарот за управување со кризи (ЦУК) од каде што откриваат дека еден пожарникар е повреден и однесен на Токсикологија поради големо количество вдишен чад.

СТРАШЕН ПОЖАР БЕСНЕЕ ВО ЧАИР Гори зграда, има повредени

– Противпожарната единица на Град Скопје имаше поголема интервенција во урбана средина, поточно, во периодот од 01.50 часот гаснеше запален магацин на неутврдена површина на ул. Прохор Пчински во Скопје. Интервенцијата ја извршувале со 7 возила и со 20 пожарникари. На лице место освен единици од Противпожарната единица кои го гасат пожарот биле и полиција и Итна медицинска помош. Според утринскиот службен извештај од Противпожарната единица, еден пожарникар бил однесен на токсикологија поради големо количество вдишен чад. Општина Чаир. Во тек е интервенција за евакуација на станарите на зградата каде што е магацинот, а каде што потоа гореле и дуќани. Противпожарната единица на Град Скопје сѐ уште интервенира ги извлекува станарите, во моментот на информирањево, и по интервенцијата ќе излезе со официјални податоци – велат од ЦУК.

СТРАШЕН ПОЖАР БЕСНЕЕ ВО ЧАИР Гори зграда, има повредени

The post 🎥 ПОЖАРОТ ВО ЧАИР ПРОГОЛТА МАГАЦИН И НЕКОЛКУ ДУЌАНИ Еден пожарникар заврши на Токсикологија appeared first on plusinfo.mk.