Решението за превозниците со системот за влез и излез во шенген зоната се движи во насока на издавање на долгорочни работни визи, коишто треба да значат регулиран престој на сите наши превозници кои влегуваат во Шенген зоната без разлика дали се работи за камионски превоз или автобуски превоз, изјави денеска од Кочани вицепремиерот и министер за транспорт Александар Николоски.

-Швајцарија веќе издава такви визи за македонските превозници, Хрватска најави дека има законска процедура за усвојување на соодветен закон во хрватскиот Сабор, и работиме координирани со Министерството за надворешни работи и со Министерството за внатрешни работи, и во координација со премиерот  уште неколку држави да прогласат вакви визи за македонските превозници што ќе значи едно целосно решение на проблемот – рече Николоски.

Тој додаде дека редовно се одржуваат технички состаноци за решавање на проблемот и апелираше од овие разговори да не се прави естрада како што прават во регионот.

–  Апелирам да гледаме ние да си го решиме нашиот проблем, а што ќе прават Албанија, Косово, Црна Гора, Србија и Босна и Херцеговина е нивни проблем, и драго ми е што нашите превозници тоа го сфатија и што заеднички работиме на решенија за македонските превозници- рече Николоски.

Тој очекува до септември да биде донесено решение за проблемот иако системот ќе почне да се применува од април. За македонските превозници примената  ќе биде одложена до крај на септември.

The post СЕ ДОГОВАРААТ ДОЛГОРОЧНИ РАБОТНИ ВИЗИ ЗА ПРЕВОЗНИЦИТЕ ВО ЕУ Николоски очекува конечно решение до септември appeared first on plusinfo.mk.

Индустриското производство во септември годинава е зголемено за 2,7 % во однос на септември минатата година, а за 2,3% во периодот јануари – септември годинава споредено со истиот период лани, објави  Државниот завод за статистика.

Податоците покажуваат дека растот главно е поткрепен од преработувачка индустрија која за една година пораснала а 3,1%. Другите два сектора рударството и снабдувањето со енергенси бележат пад од 1,7 односно 2,5 %.

Најголемо влијание врз годишниот порастот на индустриското производство во септември  има во одделите: „производство на прехранбени производи“ од 8,3%,  „производство на електрична опрема“ од 8,2% и „производство на моторни возила, приколки и полуприколки“ од 7,7%.

Зголемувањето во преработувачката индустрија е резултат на зголеменото производство на основни фармацевтски производи и фармацевтски препарати од 6,0%, на производите од гума и производи од пластични маси од 83,3%,  како и производство на други неметални минерални производи од 18,9% и на мебел од 7,7%.

Интересен е податокот дека годишното производство на тутунски производи (цигари и други тутунски производи) е зголемено за 184,1%. Неговиот раст од јануари до септември пак изнесува 42,3%.

Извор:ДЗС

Според главните индустриски групи, производството во септември 2025 година, во однос на септември 2024 година, бележи пораст кај Енергија за 1,6%, Интермедијарни производи, освен енергија за 6% и Капитални производи за 3%.

Опаѓање е забележано кај Трајни производи за широка потрошувачка за 5,6% и кај Нетрајни производи за широка потрошувачка за 0,6%.

The post ИНДУСТРИСКОТО ПРОИЗВОДСТВО ЗАБЕЛЕЖА РАСТ ОД 2,7% Рекордот го држи производството на тутунски производи appeared first on plusinfo.mk.

Времето утре, 24 септември, ќе биде сончево и топло со мала до умерена облачност. Ќе дува слаб до умерен ветер од јужен правец. Температурите ќе бидат во интервал од 11 до 33 степени.

Во Скопје ќе биде сончево и топло со мала до умерена облачност. Ќе дува слаб до умерен јужен ветер. Температурите ќе бидат во интервал од 13 до 33 степени.

До среда ќе се задржи претежно сончево и топло време за овој период од годината. Од четврток попладне следува период на променливо облачно време со повремени локални врнежи од дожд.

Во петок врнежите ќе бидат проследени со локална појава на грмежи, а ќе дува умерен до засилен југоисточен ветер. Дневната температура ќе биде во опаѓање, особено во деновите од викендот.

The post ЌЕ ВРНЕ В ЧЕТВРТОК, УТРЕ СТАБИЛНО Уште еден топол ден пред крајот на месецот appeared first on plusinfo.mk.

Вредноста на синдикалната минимална кошница за септември 2025 година изнесува 65.077 денари и е намалена за 430 денари споредено со август годинава, кога беше 65.507 денари. Со изнајмен стан од 60 метри квадратни, пак, изнесува 80.452 денари, соопшти Сојузот на синдикати на Македонија (ССМ).

Според пресметката на ССМ, од минималната синдикална кошничка едно четиричлено семејство за храна и пијалаци треба да одвои 23.394 денари или 35,9%, за облека и обувки 5.725 денари или 8,8%, за станарина, вода, електрична енергија  и греење 6.096 денари или 9,4%. За лична хигиена и одржување  хигиена во домот 2.636 денари или 4,0%, за транспорт 4.716 денари или 7,2%, за комуникации 3.417 денари или 5,3%, за здравје 1.174 денари или 1,8%.

На едно четиричлено семејство во септември за образование му биле неопходни 7.097 денари или 10,9%, рекреација и култура 5 592 денари или 8,6%, за ресторани и хотели 4 131 денари или 6,3% и за останати стоки и услуги 1 100 денари или 1,7%.

Доколку живеат во изнајмен стан потребни им се дополнителни 21.471 денар.

The post ЗА 430 ДЕНАРИ ПОЕВТИНИ СИНДИКАЛНАТА КОШНИЧКА Во септември таа изнесува 65.077денари appeared first on plusinfo.mk.

Денеска Македонија одбележува 34 години од својата незавинсност сувереност и самостојност.

Што се случи на вој ден

Пред 34 години на денешен ден, над 95% од граѓаните на референдум се изјаснија за самостојна и суверена држава. Претходно, на 25 јануари 1991 година, беше усвоена Декларацијата за независност од првото повеќепартиско македонско Собрание, а 2 дена подоцна пратениците го избраа Киро Глигоров за прв претседател на самостојна и суверена Република Македонија.

Важни чекори за утврдување на државноста беа усвојувањето на новиот Устав на 17 ноември 1991 година, монетарното осамостојување и  воведувањето на денарот на 26 април 1992, формирањето на сопствени вооружение сили. Меѓународно-правниот субјективитет на државата дефинитивно беше потврден на 8 април 1993 година, кога со акламација во Генералното собрание на Обединетите нации, беше примена како 181. полноправна членка на Светската организација. Поради противењето и притисоците од страна на Грција, која не го прифаќаше уставното име на Република Македонија, зачленувањето во ОН беше под привремената референца: Поранешна Југословенска Република Македонија.

Пат со предизвици и искушенија

Низ 33-годишното самостојно опстојување, државата помина низ низа проблеми и тешкотии. Трицифрената инфлација на почетокот на 90-те години, грчкото ембарго, косовската бегалска криза и конфликтот во 2001 година беа вистински предизвици и закани за младата македонска држава што го забавија нејзиниот пат.

Спорот со Грција поради името, по долгогодишни разговори под покровителство на Обединетите нации, конечно беше решен на 17 јуни 2018 година во Преспа со попишување договор меѓу двете држави. Со тоа се отвори патот на земјава кон НАТО и ЕУ. На 27 март 2020 година Северна Македонија стана 30 членка на НАТО. Како земја кандидат за членство во ЕУ веќе 18 години, со добиена прва препорака за почеток на преговори во 2009 година, државава сега се соочува со блокада од Бугарија.

Одбележување на денот

Под слоганот „Од сон до реалност, за вечност“ денеска со повеќе активности во организација на Владата, се одбележува Денот на независноста – 8 Септември. Свечената академија ќе се одржи во Македонската филхармонија во Скопје, на која ќе се обрати претседателот на Владата, Христијан Мицкоски.

По повод одбележувањето, собраниска делегација предводена од потпретседателот Антонијо Милошоски, составена од пратениците Сергеј Попов и Славјанка Петровска, ќе положи цвеќе во вечното почивалиште на првиот претседател на Републиката, Киро Глигоров, вечното почивалиште на поранешниот претседател на Републиката, Борис Трајковски и вечното почивалиште на првиот претседател на Владата, Никола Кљусев.

Признанија за истакнати спротисти

Активностите стартуваа синоќа со почесна артилериска стрелба со истрелување на 10 плотуни од артилериски орудија од состав на артилерискиот баталјон на Армијата, во касарната „Илинден“ во Скопје.

На свеченост во Собранието во петокот беше доделена годишната награда за животно део „* Септември“ на македонскиот одбојкар, тренер и универзитетски професор Јошко Миленковски.

Покрај Миленковски, признанија за остварувања во областа на спортот им беа врачени и на Хамид Бакија, Зоран Николовски, Виктор Тевчев и Кирил Манев.

Претседателот на Собранието Африм Гаши на приемот што го организираше во Законодавниот дом по повод Денот на независноста, упати порака за единство, сплотеност и визија за иднината на Северна Македонија. Во своето обраќање, Гаши ја нагласи важноста на суштинската сплотеност меѓу граѓаните, почитување на различностите и градење на заедничка иднина без поделби.

– Главната порака што сакам да ја упатам на оваа годишнина од независноста е сплотеноста. Ние, како млада држава, имаме потреба од многу нешта, но мислам дека пред сè и најмногу ни е потребна сплотеноста. Не униформна и погодна, туку суштинска сплотеност. Таа што ги почитува разликите и истите ги претвора во богатство, а не во поделба. Секој од нас треба да почувствува одговорност да не поттикнува поделби, туку да гради мостови, да не ја користи разликата како ѕид, туку како прозорец преку кој се гледаме поблиску еден со друг – рече Гаши.

Претседателот на Собранието нагласи дека по 34 години државност „време е Северна Македонија да се издигне на нивото што го заслужува“.

Честитки по повод празникот

По повод празникот, честитки до граѓаните упатија клучни политички фигури. Претседателката Гордана Сиљановска Давкова потсети деа 34 години потоа, сè уште водиме битка за суверена, рамноправна, европска, правна држава, членка на Европската Унија“.

„Изминативе три децении се соочивме со бројни внатрешни поделби и кризи, со надворешни притисоци и предизвици, со отстапки и компромиси неусогласени со  референдумската одлука од 1991 година, па и со меѓународното и национално право. Политиката, за жал, нè учи дека неправдите не се отстрануваат со потег на перото, туку со макотрпна домашна и меѓународна борба, со правни аргументи и внимателни политички активности, со макотрпно градење пријателски сојузи, а не со непромислени и избрзани акти, со внатрешно единство, а не со поделби, со самопочит, но и со меѓусебна почит.  Патот кон правото и правдата води преку европеизирана држава, втемелена на копенхагенски критериуми, преку демократска власт, ограничена со систем на ефикасни спреги и кочници, преку компетитивна и просперитетна економија, преку партиципативна политичка култура, преку силно граѓанско општество и слободни медиуми“, напиша Сињановска во честитката.

Министерот за одбрана, Владо Мисајловски, во својата честитка повика со гордост да се потсетиме на историскиот чин пред 33 години и да ја чуваме и развиваме татковината за идните генерации.

„Денот на независноста е симбол на нашата одлучност самостојно да ја градиме својата иднина“, напиша тој. Мисајловски потенцираше дека Армијата е еден од најсилните столбови на државата, гарантирајќи ја безбедноста и територијалниот интегритет и претставувајќи пример за дисциплина, чест и љубов кон татковината. Тој нагласи дека денес Армијата е модерна и рамноправна членка на НАТО, симбол на независноста како секојдневна одговорност.

Претседателот на Уставниот суд  Дарко Костадиновски, исто така испрати честитка до граѓаните. Тој нагласи дека 8 Септември 1991 година е ден кога „граѓаните запишаа историја на која треба да сме горди“. Костадиновски подвлече дека овој датум ги задолжува сегашните и идните генерации да ја сакаат и градат татковината со решителност и одговорност.

„Денес вистинската љубов кон татковината значи да се гради правната држава. Врвен патриотизам претставува вистинската посветеност на владеењето на правото“, напиша тој, во честитката.

Леститики поо повод празникот упатија и партиите.

The post 34 ГОДИНИ НЕЗАВИСНА И САМОСТОЈНА МАКЕДОНИЈА Пат поплочен со предизвици и искушенија appeared first on plusinfo.mk.

Под влијание на Антициклон и на стабилна, сува и топла воздушна маса од југ, односно од Африка и во следните денови во нашата Република Македонија времето ќе биде сончево со појава на умерена локална облачност и со натпросечно високи температури на воздухот за овој период од годината.

Повеќе детали за прогнозата на Славчо Попоски ОВДЕ.

The post НАТПРОСЕЧНО ВИСОКИ ТЕМПЕРАТУРИ Септемвриското лето продолжува и овој викенд appeared first on plusinfo.mk.

Според моменталните излази на најажурниот прогностички модел ECMWF (Европски центар за Среднорочна прогноза), месец септември 2025 година во нашата Република Македонија ќе биде потопол од повеќе деценискиот просек и тоа за 1 до 2 степени, што значи дека летните температури со поумерен интензитет ќе продолжат и во текот на месец септември.

Повеќе за деталната прогноза на Славчо Попоски на следниот ЛИНК.

The post ПЛАНИРАТЕ ГОДИШЕН ОДМОР В СЕПТЕМВРИ? Времето ќе биде на ваша страна appeared first on plusinfo.mk.

Австралија ќе ја признае палестинската држава, објави австралискиот премиер Ентони Албанезе – и тоа официјално за време на годишната сесија на Генералното собрание на ОН во Њујорк во септември.

На тој начин, Австралија им се придружува на Франција, Велика Британија и Канада, кои исто така објавија слична намера.

– Признавањето е „врз основа на обврските што ги презеде Палестинската власт кон Австралија“ – рече Албанезе.

Обврски вклучуваат исклучување на Хамас од палестинската влада, демилитаризација на Газа и одржување избори.

– Решението со две држави е најдобрата надеж на човештвото да го прекине циклусот на насилство на Блискиот Исток и да го прекине конфликтот, страдањето и гладот во Газа – рече Албанезе.

The post И АВСТРАЛИЈА ЈА ПРИЗНАВА ПАЛЕСТИНСКАТА ДРЖАВА Признавањето ќе се случи на самитот на Обединетите нации во септември appeared first on plusinfo.mk.

Според податоците забележан е раст на просечната нето плата во однос на септември 2023 година од 9,8%.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: „административни и помошни услужни дејности“ за 12,6%, „преработувачка индустрија“ за 11,7 5 и во секторот „уметност, забава и рекреација“ од 11,4%.

Податоците покажуваат дека зголемување на просечната месечна исплатена нето-плата по вработен, во однос на претходниот месец, е забележано во секторите: „рударство и вадење на камен“ од 5,8%, „административни и помошни услужни дејности“ од 5% и во „преработувачка индустрија“ од  2,8%.

Просечната месечна исплатена нето-плата по вработен, во август 2024 година, изнесуваше 41.097 денари. Тоа значи дека за еден месец просечната нето-плата пораснала за 488 денари.

Просечната  бруто-плата по вработен, во септември изнесува 62.573 денари.

The post ПРОСЕЧНАТА ПЛАТА ЗА ЕДЕН МЕСЕЦ ПОРАСНА ЗА 488 ДЕНАРИ Во септември достигна 41.585 денари appeared first on plusinfo.mk.

Во септември 75,4% од туристите биле странци, а остатокот домашни туристи. Учеството на странските туристи во ноќевањата е 68,1%.

Податоците покажуваат дека во периодот јануари – септември 2024 година, во однос на истиот период од претходната година, бројот на туристите е зголемен за 8,3 %, а бројот на ноќевања за 5 отсто.

Турците и во септември се најбројни туристи (34.844). По нив се Србите (8.155) и Германците (5. 607). На четврто место се Полјаците (4.717), а на петто Холанѓаните (3.594).

The post НИКОЈ НЕ МОЖЕ ДА ГИ СИМНЕ ОД ТРОНОТ Турците се најбројни туристи во земјава appeared first on plusinfo.mk.