40-годишен маж од гостиварско село е кривично пријавен откако физички го нападнал својот татко и го повредил со нож, соопштија од Надворешната канцеларија за криминалистички работи Гостивар.

Инцидентот се случил по претходна семејна расправија во семејниот дом, по што ситуацијата ескалирала во насилство.

Од полицијата информираат дека против Ш.А. (40) е поднесена кривична пријава поради постоење основи на сомнение за сторено кривично дело „телесна повреда“.

The post КРВАВА СЕМЕЈНА ДРАМА ВО ГОСТИВАРСКО Син со нож го нападнал сопствениот татко по жестока расправија appeared first on plusinfo.mk.

Четири лица биле приведени, а уште неколку случаи се предмет на постапка по седум пријави за семејно насилство регистрирани во текот на последното деноноќие.

Најдраматичниот случај бил пријавен во Гостивар, каде што 44-годишен маж по кратка расправија се заканувал на својата сопруга и се обидел физички да ја нападне.

Според пријавата, нападот бил спречен од нивната малолетна ќерка.

Полицијата го лишила од слобода осомничениот, а според пријавеното, тој подолг период психички ја малтретирал сопругата.

Во Скопје бил приведен 43-годишник кој во семејниот дом во Гази Баба физички ја нападнал својата 21-годишна ќерка, а притоа им упатувал закани и на неа и на нејзиниот партнер.

Во Македонска Каменица бил приведен 45-годишен маж од Виница по пријава дека подолг временски период психички и физички ги малтретирал својот брат и татко, а им упатувал и закани.

Во Кочани, пак, бил приведен 55-годишник откако сопругата пријавила дека со години била изложена на психичко малтретирање и закани.

Полицијата постапувала и по други пријави во Охрид, Скопје и во гостиварско село, каде што биле пријавени закани и агресивно однесување меѓу членови на семејства.

По целосното документирање на случаите ќе следуваат соодветни поднесоци и пријави.

The post ЈА БРАНЕЛА МАЈКА СИ ОД СОПСТВЕНИОТ ТАТКО Четири лица приведени по седум пријави за семејно насилство appeared first on plusinfo.mk.

Во последното деноноќие полицијата евидентирала шест случаи на семејно насилство низ земјава, при што едно лице е лишено од слобода, а во неколку од случаите жртви биле жени, малолетно девојче и повозрасен маж.

Најсериозниот случај завршил со апсење во Тетово.

На 12 јуни во 20:30 часот, полициски службеници од Одделението за криминалистичка полиција при СВР Тетово го лишиле од слобода Б.А. (37) од Тетово, постапувајќи по пријава од неговата поранешна 40-годишна партнерка од тетовско.

Според пријавеното, по прекинувањето на нивната врска во април годинава, тој континуирано ја следел низ градот и телефонски ја вознемирувал од различни броеви. Откако таа одбила да ја обнови врската, почнал да ѝ упатува закани не само нејзе, туку и на членовите на нејзиното семејство.

Во Скопје, 28-годишна жена пријавила дека околу 09:50 часот на подрачјето на Центар, нејзината 56-годишна свекрва С.О. го оштетила нивното возило „Пежо Боксер“, а потоа со употреба на физичка сила ја извлекла од автомобилот и ја турнала на земја. Жената се здобила со тешка телесна повреда, констатирана во ЈЗУ „Св. Наум Охридски“.

Полицијата извршила службен разговор и со Ѓ.А.К. (53) и А.А.Р. (56), откако било пријавено дека на 10 јуни околу 23 часот во семеен дом на Бит Пазар физички ја нападнале својата 16-годишна ќерка и внука. Според пријавата, малолетничката и претходно била физички и психички малтретирана од нејзината мајка, но случаите досега не биле пријавувани.

Во друг случај, 37-годишен скопјанец пријавил дека неговата тетка А.Н. му упатувала закани пред станот на Бит Пазар и се обидела насилно да влезе во домот. Кога не успеала, истурила боја пред влезната врата. За случајот е известен јавен обвинител.

Триесет и четиригодишна жена од скопско пријавила дека околу 19 часот била физички нападната од нејзиниот сопруг С.Ш., иако веќе подолг период не живеат заедно.

Последниот случај бил пријавен од 71-годишен маж, кој информирал дека поради нерасчистени имотно-правни односи бил физички нападнат од својот 42-годишен внук С.О. на подрачјето на Кисела Вода.

Од Министерството за внатрешни работи информираат дека се преземаат мерки за целосно расчистување на сите случаи и дека по нивното документирање ќе бидат поднесени соодветни пријави против сторителите.

The post СВЕКРВА ЈА ИЗВЛЕКЛА СНААТА ОД ВОЗИЛО И ЈА ТУРНАЛА НА ЗЕМЈА Полицијата интервенирала во шест случаи за само 24 часаслучаи appeared first on plusinfo.mk.

Дваесет и четиригодишен скопјанец е приведен откако, по семејна расправија, му го одзел службениот пиштол на својот татко, кој е полициски службеник, и му упатувал закани.

Како што информира Министерството за внатрешни работи, инцидентот се случил во текот на ноќта меѓу петокот и саботата во семејниот дом на подрачјето на Бит Пазар.

„На 13.06.2026 во 01:30 часот во Скопје, полициски службеници од Единицата за интервентна полиција при СВР Скопје го лишија од слобода В.К.(24) од Скопје, постапувајќи по претходна пријава од неговиот 49-годишен татко, кој е полициски службеник“, соопшти МВР.

Според пријавата, околу 01:00 часот, по кратка расправија во домот, 24-годишникот му го одзел службеното оружје на својот татко и почнал да му се заканува.

Сепак, посериозен инцидент бил спречен благодарение на интервенција на нивен роднина, кој успеал да го совлада и да го спречи младиот човек да го употреби пиштолот.

По пријавата, на местото интервенирале полициски службеници од Единицата за интервентна полиција, кои го лишиле од слобода осомничениот.

Од МВР посочуваат дека по целосно документирање и расчистување на случајот, против него ќе биде поднесена соодветна пријава.

The post СИН МУ ГО ОДЗЕЛ СЛУЖБЕНИОТ ПИШТОЛ НА ТАТКО МУ ПОЛИЦАЕЦ Роднина спречил трагедија во Скопје, приведен 24-годишник appeared first on plusinfo.mk.

Две лица се лишени од слобода, а вкупно шест пријави за семејно насилство се евидентирани во последното деноноќие низ неколку градови во државата, соопшти МВР.

Во Струмица, ноќеска околу 00:30 часот, полициски службеници од СВР Струмица го лишиле од слобода 44-годишниот Б.М. од Струмица, по претходна пријава дека на 10.06.2026 година во семејниот дом физички ја нападнал својата 30-годишна сопруга.

Лицето е задржано во Полициската станица Струмица, а за случајот е известен и надлежен јавен обвинител од Основното јавно обвинителство Струмица.

Во Скопје се регистрирани неколку случаи на семејно насилство. Во Гази Баба, 29-годишна жена пријавила дека била физички нападната од нејзиниот сопруг, додека во Аеродром 28-годишна жена пријавила закани од сопругот.

Во Тетово, 40-годишна жена пријавила дека нејзиниот поранешен вонбрачен партнер ја следел, ѝ упатувал закани и ја вознемирувал телефонски од повеќе броеви. Во друг случај, 61-годишник од тетовско село пријавил дека бил физички нападнат од неговиот син, кој дополнително му упатил закани и му го оштетил мобилниот телефон. По пријавата, синот бил пронајден и лишен од слобода.

Во Битола, исто така е регистриран случај на семејно насилство, при што 40-годишен маж е лишен од слобода по пријава дека ја нападнал својата вонбрачна партнерка.

Од МВР информираат дека се преземаат мерки за целосно расчистување на сите случаи, по што против сторителите ќе бидат поднесени соодветни пријави.

The post СЕРИЈА НАСИЛСТВА НИЗ ДРЖАВАТА Две лица уапсени, шест пријави за семејни напади за 24 часа appeared first on plusinfo.mk.

Министерството за внатрешни работи соопшти дека во последното деноноќие биле регистрирани 7 случаи на семејно насилство. Во 2 од нив осомничените биле лишени од слобода.

Меѓу пријавите има физички напади меѓу поранешни сопружници и партнери, закани, како и случаи во кои жртви биле деца.

Особено вознемирувачки е случајот во Тетово, каде што било пријавено дека жена тепала дете на возраст од околу 3 до 4 години на улица. Според пријавата, по реакција на минувачи го оставила детето и заминала. Детето било згрижено од Центарот за социјални работи.

Во друг случај од Тетово, жена пријавила дека поранешниот сопруг со месеци не ги почитувал одлуките на социјалните служби, ѝ се заканувал и ја демнел.

Во Велес, полицијата привела 45-годишен маж по пријава од неговата 18-годишна ќерка дека физички ја нападнал. Според Центарот за социјални работи, тој подолг период ги малтретирал и своите ќерки.

Во Аеродром во Скопје, маж пријавил дека неговата поранешна сопруга физички ги нападнала него и нивните две малолетни деца, при што употребила и тврд предмет.

Во Карпош во Скопје бил приведен 36-годишен скопјанец по пријава дека ја нападнал својата поранешна партнерка. Во Штип, жена пријавила дека добивала закани од поранешен партнер. За случајот биле известени обвинителството и Центарот за социјални работи.

Во Кисела Вода, 36-годишна жена пријавила дека била нападната од сопругот со кого била во бракоразводна постапка.

Од МВР информираат дека по целосното документирање на случаите ќе бидат поднесени соодветни пријави.

The post ТЕПАЛА ТРИГОДИШНО ДЕТЕ НА УЛИЦА, ПА ГО ОСТАВИЛА Седум пријави за семејно насилство за едно деноноќие appeared first on plusinfo.mk.

Основното јавно обвинителство (ОЈО) Скопје поведе постапка и предложи притвор против 36-годишник кој синоќа вршел семејно насилство и телесно ги повредил сопругата и нејзината мајка. Тој се заканил дека ќе ги задави сопствените деца, а кога пристигнале шурата со таткото го пуштил шарпланинецот и го гризнал за надлактицата и потколеницата.

Oд Обвинителството велат дека осомничениот почнал да вика и да се заканува на сопругата и на нивните две малолетни деца на возраст од 6 и 4 години со намера да ги заплажи. Кога жената побарала да престане, тој ја фатил за раката и ја турнал, повредувајќи ја..

„Потоа осомничениот започнал да ја крши покуќнината и со клуб маса замавнал кон мајката на сопругата, која исто така телесно ја повредил на ногата и во градниот кош. Се заканувал дека сите ќе ги убие, па и дека ќе го задави сопственото дете, при што во еден момент извадил и нож со кој замавнувал, предизвикувајќи чувство на загрозеност, несигурност и страв кај оштетените“, информираат од ОЈО Скопје.

Сопругата на 36-годишникот во еден момент успеала телефонски да ги повика своите брат и татко, а кога пристигнале, осомничениот продолжил и ним да им се заканува со нож. Потоа од дворот го пуштил и своето куче од расата „шарпланинец“ кое гризнало еден од оштетените на надлактицата и потколеницата.

Осомничениот 36-годишник се сомничи за кривичните дела телесна повреда, загрозување на сигурноста и предизвикување општа опасност. Поради опасност од бегство и опасност од повторување на семејното насилство, Основниот кривичен суд до ОЈО Скопје достави предлог за определување мерка притвор.

The post СКОПЈАНЕЦ СЕ ЗАКАНУВАЛ ДЕКА ЌЕ ГИ ЗАДАВИ ДЕЦАТА Маж ја претепал сопругата и тештата, пуштил куче да го гризне шурата appeared first on plusinfo.mk.

Три лица се лишени од слобода, а вкупно шест пријави се поднесени за семејно насилство во последното деноноќие, соопшти полицијата.

Како што соопшти полицијата, на 08.06.2026 во 01:15 часот во Скопје, на подрачјето на Гази Баба, полицајци го лишиле од слобода Д.К.(36) од Скопје, постапувајќи по претходна пријава дека на 07.06.2026 околу 23 часот во домот физички ги нападнал неговата 37-годишна сопруга и нејзината мајка, при што употребил и тврд предмет. Тој се заканувал со остар предмет и кршел дел од покуќнината. Откако пристигнал братот на пријавителката, кого претходно го повикала заедно со нејзиниот татко, брат ѝ бил нападнат и каснат од куче домашен миленик на Д.К., кое намерно го пуштил.

На 08.06.2026 во 03:30 часот во СВР Скопје, 43-годишна жена пријавила дека на 07.06.2026 во домот на подрачјето на Ѓорче Петров била физички нападната од нејзиниот сопруг И.С.(48).

На 07.06.2026 во 21:00 часот во СВР Скопје, 54-годишна жена пријавила дека во домот во Скопско била физички нападната од нејзиниот сопруг С.Н.(64).

На 07.06.2026 во 18:35 часот во Скопје, на подрачјето на Бит-пазар, полициски службеници од СВР Скопје го лишиле од слобода Е.А.(36) од Скопје, постапувајќи по претходна пријава дека во домот со остар предмет упатувал закани кон неговата 61-годишна мајка, а потоа откако дошла неговата сестра на двете им упатувал закани.

На 07.06.2026 во 08:13 часот во СВР Скопје, Н.М.(73) од Скопје пријавил дека околу 02:00 часот во семејниот дом на подрачјето на Бит-пазар во кој што живееле и нејзиниот брат Н.М.(60) и снаа А.М.(42) започнала вербална расправија, а потоа во домот пристигнале и нејзиниот втор брат Р.М. со неговата сопруга и според пријавеното сите физички ја нападнале. Исто така, на 07.06.2026 во 15:00 часот, А.М.(42) пријавила дека околу 00:30 часот во домот, по претходна расправија, била физички нападната од Н.М., а потоа откако во домот пристигнале Р.М. и неговата сопруга С.М., Н.М. физички ја нападнала и С.М..

На 07.06.2026 во 23:15 часот во Велес, полициски службеници од СВР Велес го лишија од слобода С.Ј.(43) од Велес, постапувајќи по претходна пријава од неговата 37-годишна поранешна сопруга која забележала повреда кај нивното дете, по поминат викенд со него. Тој бил приведен во полициска станица и известен бил јавен обвинител.

Полицијата презема мерки за расчистување на случаите и по нивно целосно документирање против сторителите ќе бидат поднесени соодветни пријави.

The post ГИ НАТЕПАЛ ЖЕНАТА И БАБАТА, ГО ПУШТИЛ КУЧЕТО ДА ГО НАПАДНЕ ШУРАТА По викенд кај татко му, дете си дошло дома со повреда appeared first on plusinfo.mk.

Во текот на мај 2026 година се пријавени вкупно 191 кривично дело од семејно насилство што претставува зголемување од 70,5 отсто во споредба со истиот месец од претходната година, соопшти Министерството за внатрешни работи.

Најголем дел од кривичните дела се Телесна повреда – 130 и Загрозување на сигурноста – 52.

Од МВР посочуваат дека од потешките кривични дела во овој период извршено е едно убиство на подрачјето на СВР Битола и две тешки телесни повреди.

Најголем број од кривичните дела од семејно насилство во овој период се пријавени во Скопје – 62.

„Во текот на мај МВР поднесе вкупно 137 кривични пријави. И во овој дел има зголемување од 71,3 отсто во однос на мај 2025 година. Мерки на кривичен прогон се преземени против 144 сторители, а како жртви на кривичните дела се 143 лица. Во овој период, по брза постапка се поднесени 18 кривични пријави, мерка притвор е одредена за 15 сторители, а за 48 лица се изречени мерки на претпазливост. Поднесените кривични пријави по брза постапка, споредбено со истиот месец од претходната година бележат зголемување за 800 отсто“, соопшти МВР.

Во мај 2026 година се регистрирани вкупно 19 прекршоци, најчесто за физички напад, како и 499 поплаки, од кои најголем број се на подрачјата на СВР Скопје и СВР Штип.

The post ВО МАЈ СЕ ПРИТВОРЕНИ 15 НАСИЛНИЦИ, КРИВИЧНО СЕ ГОНАТ 144 ЛУЃЕ Драстичен пораст од 70% на пријавите за семејно насилство appeared first on plusinfo.mk.

Убиство на жена од нејзиниот сопруг во град на Пелопонез ја потресе Грција. Обдукцијата покажа дека 41-годишникот ја пробол 39-годишната Василики најмалку 45 пати, пишува Прототема. Смртоносни биле две убодни рани во градите и една во грбот.

Сопругот го признал делото откако бил уапсен. Истрагата допрва ќе ги откри мотивите, додека се шпекулира за убиство од љубомора.

Василики, мајка на две деца била пронајдена мртва во спаната соба од семејниот стан. Претходно крици го разбудиле соседството.

Повеќето убоди ги добила на подот

Обдукцијата открила брутални детали. Според наодите на судскиот лекар, жената била избодена најмалку 45 пати.

На телото биле пронајдени бројни повреди на вратот и на лицето, како и голем број одбранбени рани на рацете, што укажува дека се обидувала да се заштити.

Истражителите утврдиле и траги што упатуваат на физичко насилство пред нападот.

Судскиот лекар заклучил дека најголемиот дел од убодите биле нанесени откако жената веќе паднала на подот. Полицајците ја пронашле во ембрионална положба. Според грчките медиуми, во раката сè уште држела нож.

Осомничениот вчера бил изведен пред обвинител и побарал рок за да ја подготви својата одбрана. Неговиот адвокат тврди дека меѓу сопружниците имало физичка пресметка пред убиството.

Но, ваквото објаснување засега не се совпаѓа со доказите што ги собрале истражителите.

„Патолошки љубоморел“

Пријателка на Василики за грчките медиуми изјавила дека осомничениот со месеци покажувал опсесивна љубомора. Според неа, тој барал сопругата да ги затвори профилите на социјалните мрежи и ширел гласини дека има вонбрачна врска.

– Патолошки ѝљубомореше. Еднаш ја чекал пред школата за танцување. Немаше доверба во неа за ништо – изјавила нејзина пријателка.

Таа додала дека Василики во последно време им се доверувала на блиските дека чувствува голем притисок дома.

– Никој од нас не можеше да замисли дека работите ќе завршат вака – рекла пријателката.

Taa била над него со нож?! 

Иако го признал делото, 41-годишникот тврдел дека се разбудил и ја видел сопругата над себе со нож. Истражителите не се убедени во оваа верзија.

Соседи изјавиле дека слушале расправија и викање пред да се слушнат повиците за помош.

Според нивните сведоштва, конфликтот траел извесно време пред трагичниот крај.

Поради тоа, полицијата проверува дали на убиството му претходел уште еден од честите семејни конфликти.

Децата спиеле, некој им дал седативи?

Особено потресен е податокот дека двете малолетни деца на брачната двојка, на возраст од шест и десет години, спиеле во соседната соба додека се случувало злосторството.

Тие не сфатиле што се случува. За време на претресот била пронајдена и таблета со седативи без рецепт.

Истражителите проверуваат дали децата евентуално добиле супстанции што би можеле да објаснат зошто не се разбудиле.

Не е соопштено дали досега се утврдени такви индиции.

Им отворил врата, имал крв на облеката

Трагедијата била откриена нешто пред два часот по полноќ. Жители на зградата ја повикале полицијата откако слушнале женски крици и повици за помош.

Кога патролата пристигнала, вревата веќе престанала. Полицајците затропале на вратата.

Осомничениот им отворил со видливи траги од крв на облеката.

The post ЈА ПРОБОЛ 45 ПАТИ, Ѝ ОТВОРИЛ НА ПОЛИЦИЈАТА Страшен фемицид во Каламата ја потресе Грција   appeared first on plusinfo.mk.