Митевска беше почесен гостин на гала приемот на 37. Европски филмски награди на 7 декември во Луцерн, Швајцарија, каде лично ја прими наградата.

Церемонијата на Европските филмски награди е овозможена од Европската филмска академија и Европски филмски награди Продукција гГмбХ.

– Многу ретко можам да зборувам на македонски. Ви благодарам поради ова. Пред 25 години долго време бев прва жена продуцентка, а сестра ми Теона беше прва режисерка. Ни требаа години и години да се докажеме во многу мачо балканското општество. Бевме жени и сакавме промена – да докажеме дека филмот не е само и ексклузивно за машки филмски професионалци. Сакавме да правиме европски копродукции со вклучување повеќе жени и најважно, сакавме да правиме бескомпромисни филмови. Не беше лесно и уште не е. Но верувавме дека уметноста, филмот ќе го промени светот – рече Лабина Митевска на церемонијата на доделувањето на Европските филмски награди.

Награда, според жирито, ѝ се доделува на Митевска како почит кон дарбата на една семејна продукција, страстно посветена на европската кинематографија.

Еуримаж наградата за меѓународни копродукции ја доделува Европската филмска академија во соработка со „Еуримаж“ заедно со фондот за поддршка на културата на Советот на Европа.

The post 📽️ ЛАБИНА МИТЕВСКА ЈА ДОБИ НАГРАДАТА „ЕУРИМАЖ“ Признание за семејна продукција која е страстно посветена на европската кинематографија appeared first on plusinfo.mk.