Речиси 12 години по смртта на Ејми Вајнхаус, почна снимањето на биографски филм за животот на британската соул-пејачка.

Режисерката Сем Тејлор-Џонсон објави на Инстаграм дека снимањето на „Back to Black”, именуван по вториот албум на Ејми, почнало вчера во Лондон. Таа ја објави и првата слика од глумицата Мариса Абела преобразена во познатата пејачка, со крената коса, тетоважи и големи обетки. Филмот ги следи „живописните рани години на Ејми во Лондон и нејзиното интензивно патување до ѕвездите”, се вели во известувањето.

– Првиот пат кога го видов настапот на Ејми беше на шоу за таленти во џез-клуб во Сохо и веднаш беше очигледно дека не се работи само за талент… Таа беше генијалец. Се чувствувам и возбудено и понизно, бидејќи имам можност да ја реализирам и донесам убавата, единствена и трагична приказна за Ејми, придружена со најважниот дел од нејзиното наследство – нејзината музика – рече Тејлор-Џонсон.

Режисерката е можеби најпозната по хитот „50 нијанси сиво”, како и биографскиот филм „Џон Ленон: Момче кое не ветува”. Сценариото за филмот го напиша Мет Гринхалг. Филмот е заеднички продуциран од „Фокус фичрс”, „Монјументал пикчрс” и „Студиоканал”.

Покрај нејзиниот величенствен глас и големите музички хитови, Вајнхаус ги полнеше весниците и со своето однесување. Таа со години се бореше со зависноста од алкохол и дрога. Почина на 23 јули 2011 од труење со алкохол, на само 27 години. Во 2015 година, британскиот режисер Асиф Кападија сними документарен филм за животот на Ејми Вајнхаус, за што доби и „Оскар”.

The post СЕ СНИМА БИОГРАФСКИ ФИЛМ ЗА ЕЈМИ ВАЈНХАУС Улогата на Ејми ќе ја глуми Мариса Абела appeared first on plusinfo.mk.

И, додека Арон ги покажал своите заносни мускули и мажествен имиџ, Сем, која инаку е фотографка и режисерка, се одлучила за опуштена, спортска комбинација и сосема малку шминка.

Вообичаено излегување за среќниот пар, но нивното заедничко појавување секогаш ја интригира јавноста поради големата разлика во годините и необичната љубовна приказна која ја делат.

Арон ја запзнал сопругата Сем (54) во 2008 година кога имал само 18 години, а можеби тоа не би било ништо чудно доколку таа од него не е постара повеќе од 20 години!

Во моментот на запознавање оваа режисерка имала 42 години, но актерот тврди дека истиот момент кога ја видел знаел дека таа е негова сродна душа и дека сака со неа да го помине животот.

„Веднаш знаев дека Сем е мојата сродна душа. Веднаш знаев дека сакам да го поминам останатиот дел од животот со таа жена. Добро се сеќавам на тој ден, како и на денот кога ја запросив“.

 

View this post on Instagram

 

A post shared by Aaron Taylor-Johnson (@aarontaylorjohnsson)

Познатиот Британец нагласил дека никогаш не ја почувствувал разликата во годините помеѓу себе и својата избраничка, објаснувајќи дека не може да се спореди ниту со еден од своите врсници кога имал 19 затоа што тогаш живеел живот кој немал врска со стандардите на растење.

 

View this post on Instagram

 

A post shared by Artist & Director (@samtaylorjohnson)

„Знаев дека сакам семејство со неа, знаев дека сакам деца и еден месец подоцна таа забремени“.

„Никогаш, ниту една секунда не почувствував пречка меѓу нас поради годините“, додал Арон и истакнал дека убавата русокоса е поенергична од него.

Парот има две деца – 11-годишната Вајлд и 9-годишниот Роми, а Сем од претходниот брак има уште две ќерки.

Интересно е и дека презимето Тејлор-Џонсон кое од венчавката и двајцата го носат всушност го добиле со комбинација од нивните презимиња кои ги имале пред да застанат пред олтар.

 

View this post on Instagram

 

A post shared by Sarabande (@sarabandefoundation)

The post ЈА ЗАПОЗНАЛ ЖЕНАТА НА СВОЈОТ ЖИВОТ КОГА ИМАЛ 18 ГОДИНИ, А ТАА 42 Љубовта на актерот и режисерката (ФОТО) appeared first on plusinfo.mk.