24-годишна жена од ресенското село Подмочани е лишена од слобода откако била фатена како управува автомобил со брзина од 142 километри на час на делница каде што ограничувањето е 50 километри на час.

Случајот бил откриен на 19 октомври, во 14:30 часот, за време на сообраќајна контрола со радар на регионалниот пат во близина на селото Рајца, во ресенскиот регион. Полициските службеници од ОВР Ресен констатирале дека 24-годишната Е.Н. управувала патничко возило „ауди“ со ресенски регистарски ознаки, движејќи се со брзина речиси трипати поголема од дозволената.

За случајот бил известен јавен обвинител од Основното јавно обвинителство Ресен, по чии насоки возилото е одземено.

Од МВР информираат дека по целосното документирање на случајот против жената ќе биде поднесена кривична пријава за безобѕирно управување со моторно возило, согласно член 297-а од Кривичниот законик.

The post ВОЗЕЛА 142 КИЛОМЕТРИ НА ЧАС КАДЕ ШТО Е 50 ДОЗВОЛЕНО Жената е приведена и ѝ е одземено возилото appeared first on plusinfo.mk.