Ефикасен систем за управување со отпад согласно стандардите и регулативата на Европската унија која е пресликана и во националното законодавство е возможно само преку воспоставување одржлив регионален систем за управување со отпад. Овој систем ќе овозможи решавање на проблемите со отпадот, ќе овозможи негов соодветен третман, селекција, рециклирање и одлагање, со што ќе се отворат можности за развој базирани на кружна економија. Во ЕУ овој систем креира околу 500.000 нови работни места на годишно ниво.

Ова се клучните пораки од панел дискусијата „Воспоставување на регионален систем за управување со отпад како основа за циркуларна економија“, која се одржа денеска во организација на Македонската асоцијација за управување со цврст отпад.

Пред присутните се обрати и министерот за животна средина и просторно планирање Муамет Хоџа.

– Посветено работиме на промени на системот за регионално упорствување со отпад, а како и за секоја темелна реформа, е потребна поширока акција од сите вклучени страни. Отпадот во земјата веќе предолго е отворено прашање, кое мора да добие одржливи решенија. Во светот сите развиени земји се стремат да ги намалат количините на отпад преку селектирање и рециклирање. Нашата национална цел е да се намалат количините на отпад и да се ограничи депонирањето на максимум 65% од комуналниот отпад до 2034 година – нагласи Хоџа.

Македонската асоцијација за управување со цврст отпад – МАСВА, во која членуваат компании од оваа индустрија и експерти, апелира дека само преку интензивна соработка помеѓу сите чинители, може да се направи конкретен исчекор во процесот.

Претседателот на МАСВА Михаил Матески истакна:

– Создавањето одржлив систем за управување со отпад, преку селекција, рециклирање и копроцесирање бара интензивни инвестиции и тесна соработка. Системи за селекција, рециклирање и третман на отпад и примена на стандардите на Европската унија во оваа област, имаат докажани позитивни ефекти за заедницата. Кај нас состојбите се алармантни и мораме да го зајакнеме стручниот пристап и ангажман на сите засегнати страни за да го забрзаме овој процес кој е веќе започнат. Одговорност од сите вклучени страни е неопходна, а немање конкретни активности веќе не е опција. Функционален регионален пристап за одржливо постапување со отпадот ни е потребен час поскоро.

На панел дискусијата говореа Филип Иванов, експерт за животна средина и член на МАСВА, м-р Ана Каранфилова Мазневска, раководител на сектор за управување со отпад во Министерството за животна средина и просторно планирање, проф. д-р Алекнсадар Димитров од Технолошко металуршкиот факултет при УКИМ, како и Фатмир Ејуп, генерален директор на Алпак Еко Скопје. Гостин на панел дискусијата беше и проф. д-р Александра Аниќ Вуќиниќ, претседател на Хрватската асоцијација за управување со отпад – ХУГО.

Новите трендови и технологии во областа, како и побрза примена на постоечките модели во земјата беа во фокусот на панел дискусијата.

Според официјалните податоци, во земјава речиси 99,8% од собраниот комунален отпад завршува на депонии, принцип кој одамна е напуштен во Европската Унија. Таму, наместо депонирање, се применува селекција, рециклирање и компостирање, односно преработка на оној дел од отпадот кој не може повторно да се употреби, со што значително се намалуваат количините на депониран отпад. Структурата и количините на отпадот во земјава покажуваат дека потенцијалот за рециклирање, компостирање и копроцесирање е значителен, но не се реализира поради недостиг од селекција, инфраструктура и системска поддршка.

Дел од панел дискусијата беше и селектирањето и рециклирањето на отпадот во земјата. Иако има напредок во овој сегмент, не целосно воспоставениот систем за управување со отпад генерира одредени аномалии. Имено, за да се постигнат поголеми видливи ефекти, потребна е проактивна улога од сите чинители.

Покрај соодветната селекција и рециклирање, на трибината беше истакнато дека копроцесирањето не е само препорачан метод за отпадот што не може да се рециклира, туку е и можност за добивање на алтернативно гориво, што во услови на глобална енергетска нестабилност е од големо значење за нашата земја. Овој метод користи делови од отпадот за добивање на алтернативни горива, процес кој докажано претставува современа, безбедна и еколошки одржлива технологија која со децении се применува во развиените индустриски земји и во Европската Унија. Во дел од овие земји, употребата на алтернативните горива, особено во цементната индустрија надминува 90% од вкупните енергетски потреби. Во голем број развиени земји, цементарниците се и законски обврзани да користат алтернативни горива. Причините за тоа се строго контролираниот процес на производство на цемент, при екстремно високи температури – пламен до 2000°C и материјал над 1450°C.

Националниот план за управување со отпад и циркуларната економија, предвидува дека од отпадот што нема да се депонира, приближно 25% мора да се третира како R1 – гориво за енергетска употреба, што е потврдено и во документите на UNECE за националната политика на отпад.

Според податоци на Државниот завод за статистика, во 2024 година биле генерирани 790.866 тони комунален отпад. Годишното количество по жител изнесувало 438 кг. Од вкупно генерираните количини, 637.471 тони биле собрани од јавните комунални претпријатија, додека останатиот дел завршил на нестандардни депонии.

МАСВА е единствена асоцијација во која членуваат над 40 компании, организации и индивидуални експерти кои работат во насока на развој на кружната економија и одржливото управување со отпад. Асоцијацијата е членка и на Меѓународната асоцијација за управување со отпад ISWA.

The post БЕЗ КРУЖНА ЕКОНОМИЈА ОТПАДОТ ЌЕ ТАЛКА НАСЕКАДЕ Целта е до 2034 година да се депонира најмногу 65% од комуналниот отпад appeared first on plusinfo.mk.

Каја Шукова, кандидатка за градоначалничка на Скопје од СДСМ, во интервју за ТВ 21 нагласи дека воведувањето систем за селекција на отпад на ниво на домаќинства е суштински чекор за справување со зголемените количини на отпад и за намалување на притисокот врз Вардариште и депонијата Дрисла.

– Мора да почнеме со селекција на отпад уште од дома. Ако граѓаните добијат соодветни канти, контејнери и камиони што ќе го подигнуваат селектираниот отпад, количините можат да се намалат и до 50% во првиот период. Тоа значително ќе го олесни процесот на собирање, транспорт и третман – изјави Шукова во интервју за ТВ 21.

Според неа, Скопје мора да воспостави систем кој паралелно ќе се справува со санацијата на Вардариште и со намалување на вкупната количина отпад која се пренесува до Дрисла. Овие две активности се тесно поврзани.

– Колку е помалку отпадот, толку се поефикасни и поевтини решенијата за неговото третирање – рече Шукова во интервјуто.

Селекцијата на отпадот од изворот домаќинствата е темел на секој успешен систем за управување со отпад, смета Шукова. Граѓаните ќе бидат клучни партнери во решавањето на овој долгогодишен проблем, истакна таа.

Шукова предупреди дека санацијата на Вардариште е сериозен технички и финансиски предизвик, кој бара професионален пристап, точни податоци и стабилно финансирање.

– Во Вардариште има, според проценките, над 2 милиони кубни метри отпад тоа е огромна количина. Еден кубен метар чини околу 10 до 15 евра за отстранување. Само тоа зборува за сериозноста на ситуацијата. Санацијата не е едноставен процес и бара систем за извлекување гасови, набивање на земјата со глина и, можеби, идно зазеленување, но не и парк барем не во следните 15 до 20 години – изјави Шукова.

Таа посочи дека отпадот кој сè уште се наоѓа на оваа локација е стар, длабок и активен, на некои места достигнува длабочина од над 14 метри. Присуството на гасови што настануваат со распаѓањето на отпадот претставува реална опасност од самозапалување, особено ако нема контрола и извлекување на гасот.

– Санацијата на Вардариште не смее да се третира како козметичка мерка. Таа бара системски, научно базиран и долгорочен пристап, со јасен финансиски план. Скопје заслужува решенија што ќе гарантираат безбедност и здрава животна средина за сите негови граѓани – рече Шукова.

The post МОРА ДА ВОВЕДЕМЕ СИСТЕМ ЗА СЕЛЕКЦИЈА НА ОТПАД Тоа ќе го намали притисокот врз депониите, вели Каја Шукова appeared first on plusinfo.mk.

Македонската ракометна репрезентација денеска продолжува со натпреварите од главната рунда на Светското првенство. Со почеток во 15:30 часот, избраниците на Кирил Лазаров ќе ги одмерат силите против Катар, тим кој е предводен од тренерот Веселин Вујовиќ кој е добро познат на македонската јавност.

Во драматичните отворања на главната рунда, Македонија освои бод против Австрија благодарение на мајсторскиот погодок на Филип Кузмановски во последната секунда, додека Катар го загуби натпреварот против Холандија со гол примен со звукот на сирената.

Историјата на меѓусебните дуели помеѓу овие две селекции е кратка. Единствената средба се случи на Мундијалот во Шпанија во 2013 година, кога Македонија триумфираше со 30-34, а Кирил Лазаров блесна со девет гола.

Иако крајниот пласман не е од суштинско значење, денешниот натпревар носи надеж и можност за нашите ракометари да ја потврдат својата борбеност и квалитет. Победа би можела да нè донесе на четвртото место во групата, а минимален бод ни дава шанса за подобар пласман од 19-21 место.

– Очекувам неизвесен натпревар. Катар има силна селекција со натурализирани играчи кои прават разлика. Но, верувам во нашиот тим и во уште една одлична борба на теренот – изјави селекторот Лазаров пред денешната средба.

Ракометната легенда Веселин Вујовиќ, кој во минатото на кратко ја водеше и Македонија,смета дека фаворитската улога за победа ја имаат „црвено-жолтите“.

– Ја гледам Македонија и според начинот на којшто игра, трча, се бори, прави голем чекор кон модерниот ракомет. Мислам дека Лазаров избра поперспективни ракометари наместо некои поквалитетни. Нема да биде лесно да го кренам тимот по ваквиот пораз од Холандија, лошо е чувството. Македонија повеќе ни одговара отколку брзата Холандија, ќе се обидеме да одиграме најдобро што знаеме. Би рекол дека Македонија е благ фаворит поради полетноста и младоста. Посакувам добар меч и нека победи подобриот – рече Вујовиќ.

Адути на Катар се нивниот селектор Веселин Вујовиќ, кој добро го познава македонскиот тим, другите двајца Балканци, Марковиќ и голманот Суљаковиќ, како и Кубанецот со катарски пасош, Франкис Марсо.

Македонската публика е повикана да застане зад нашите ракометари, без разлика на крајниот резултат. Оваа генерација покажува дека македонскиот ракомет има светла иднина и дека успехот не се мери само со пласман, туку и со срце на теренот.

Денеска во групата 2 се играат и мечевите Холандија – Франција и Унгарија – Австрија.

Во последното коло од групната фаза (сабота) од 15:30 ќе играат Холандија и Австрија, по нив од 18:30 следи дуелот Унгарија-Катар, а како шлаг на вечерта од 20:30 репрезентатцијата на Македонија ќе ги одмери силите со фаворитот Франција.

Инаку во нашата група по досегашните одиграни натпревари прва е Франција со 6 бода, потоа следи Холандија со 4. По три бодови имаат Унгарија и Австрија, Македонија е петта со 2 бода, а на последното место е Катар со нула бодови.

The post ПРОТИВ КАТАР ОДИМЕ НА ПОБЕДА Лазаров ќе се надмудрува со легендарниот Вујо appeared first on plusinfo.mk.

Македонската ракометната репрезентација одигра неверојатен натпревар и ја анулираше негативата од седум гола разлика од првата средба и да слави над Фарските острови со 34-26 на домашен терен и да обезбеди пласман на СП 2025.

Иако пред самиот натпревар оние „минус седум“ делуваа превисоки, но македонските ракометари досега на домашен терен има успеано неколку пати да направи пресврти. Па Фараните ја научија лекцијата – никогаш да не се потценува Македонија, па нашиот национален тим одигра меч за паметење во кој стигна до толку посакуваните осум гола позитива.

По израмнетите почетни десетина минути кога беше 5:5, Македонија имаше водство од 10:9, кога следуваше одличен период за нашите ракометари.  Со серија од 5:1, избраниците на Кирил Лазаров стигнаа до тогаш највиски пет гола позитива (15:10), а на полувреме се замина со предност на Македонија од 19:15.

Во вториот дел беше 21:17, кога со низа од три гола, Македонија во 37 минута прв пат стигна до седум гола разлика (24:17), разлика со која загуби на првата средба во Торшавн. Потоа имавме и 25:18, а во 48 минута ги имавме и највисоките девет голови предност и тоа 28:19.

Во последните 10 минути Македонија влезе со предност од 30:21, па беше и 31:22, а во 55 минута повторно имавме посакувано водство од осум гола (31:23). Гостите намалија на 31:24, а потоа Марко Митев со еден одличен пробив погоди за 32:24 на точно две минути до крајот на мечот, воедно и изнудувајќи исклучување од Расмусен.

Гостите го искористија последниот тајмаут, Десното крило на Теигум биеше крај дирекот, по што Пешевски даде гол за 33-24 и ерупција од воодушевување во преполната сала. Гостите погодија за 33-25, а Лазаров зљеде тајмаут на половина минута до крајот. Пешевски го постигна голот за 34-25, Фарските острови стрелаа за 34-26, но нашите ракометари искусно ја задржаа топката до самиот крај и заслужена победа и пласман на СП 2025.

Пешевски одигра перфектен меч со осум гола од осум обиди, седум гола постигна Филип Кузмановски, а шест Марко Митев.

Со оваа победа репрезентацијата на Македонија си обезбеди по деветтипат пласман на ракометните Мундијали.

Своето видување за натпреварот го изнесе селекторот Кирил Лазаров, кој изјави дека ова е еден од посреќните денови во неговиот живот.

– Јас сакам да се заблагодарам на сите кои веруваа дека овие момци може да направат пресврт и подвиг. Сакам да се заблагодарам на публиката која покрај лошиот резултат на гости дојде дома да не бодри по којзнае кој пат. Пресреќен сум што може да кажам дека го одигравме најдобриот натпревар. Тотална контрола на играта, без судиска поддршка во текот на целите 60 минути. Добивме една квалитетна репрезентација за која кажав во повеќе наврати уште со која пред да играме дека е добра, а многумина ми ја сфаќаа изјавата како алиби за евентуален неуспех. Може да бидам слаб и да изгубам, но тоа да го поднесам стоејќи, па да тргнам и да продолжам понатаму. Се вративме од многу лош резултат, прифаќам дека бевме слаби, но имаше и други фактори кои придонесоа да бевме уште послаби. Ова е голема работа за македонскиот ракомет, затоа што ќе биде првпат оваа нова генерација без старите играчи преку бараж да се пласира за СП 2025. Едно е квалификации, друго е бараж. Имаме големо срце. Никогаш не сум бил алиби-играч, нема да бидам ни алиби-тренер. Ова е еден од посреќните денови во мојот живот и со мојата Македонија – изјави по средбата селекторот Лазаров.

The post 📷 📽️ НИКОГАШ НЕ ЈА ОТПИШУВАЈТЕ МАКЕДОНИЈА! Нашите ракометари анулираа 7 гола негатива и обезбедија пласман на Светско! appeared first on plusinfo.mk.

На годинашниот конкурс пристигнаа 36 романи. Комисијата во првата селекција одбра 19 наслови, а сега списокот го стесни на десет романи:

– „Не кажувам“, Петар Андоновски, „Полица“;

– „Мина“, Игор Анѓелков, „Или-или“;

– „Единствен матичен број“, Лидија Димковска, „Три“;

– „Среќните луѓе не слават родендени“, Сашо Кокаланов, „Или-или“;

– „Гени, мени, сени (потеклото на бабите)“, Владимир Лукаш, „Супрема издателство“;

– „Ако се родат некакви чувства: зборник за љубовта на Гоце и Јанка“, Блаже Миневски, „Матица македонска“;

– „Заборав“, Томислав Османли, „ВиГ Зеница“;

– „Сѐ уште можам нешто да сторам“, Фросина Пармаковска, „Или-или“;

– „Зелениот дворец“, Сибо, „Арс Либрис“;

– „Бела Сама“, Виолета Танчева-Златева, „Три“.

Наградата „Роман на годината“ е поддржана од Министерството за култура на Република Северна Македонија, а нејзин генерален покровител е Комерцијална банка АД, Скопје. Наградата се состои од паричен износ од 150.000 денари, плакета и оригинална статуетка.

Според пропозициите, насловот на наградениот роман и името на авторот ќе бидат соопштени на прес-конференција на 15 март.

The post ДЕСЕТ НАСЛОВИ ВО ТРКА ЗА „РОМАН НА ГОДИНАТА“ Селектирани се oд 36 пристигнати дела appeared first on plusinfo.mk.

Македонската ракометна репрезентација полека ќе почне да се собира и подготвува за втората фаза од квалификациите за Европското првенство, која ќе ја отвориме со два порази претрпени од селекцијата на Португалија.

На двата меча против споменатата селекција, Кире Лазаров се одлучи да им даде шанса на многу млади играчи и не повика неколку искусни репрезентативци, но сега за пресметките со Турција и Луксембург се враќаат Георгиевси и Талески.

Во поширокиот список на Кирил Лазаров од 35 ракометари, посебно остава впечаток тоа што повторно го нема Дејан Манасков, а останува да се види кои играчи ќе „преживеат“ по кратењето кое сигурно ќе го има.

ЕХФ неделата за репрезентациите е закажана за крајот на овој месец, па така Македонија на 26-ти април ќе гостува кај Луксембург, а четири дена подоцна ќе ја пречека Турција во Скопје.

The post ЛАЗАРОВ НАРЕДИ ДУРИ 35 РАКОМЕТАРИ Георгиевски и Талески добија повик, Манасков повторно надвор од репрезентацијата appeared first on plusinfo.mk.

Како што може да се погледне на социјалните мрежи, македонската навивачка група полека се собира во Порто, па така македонски песни, знамиња и други реквизити се дел од атмосферата низ улиците на главниот град на денешниот наш противник.

Најавена е пеколна атмосфера на „Драгао“, која ќе трае цели деведесет минути. Македонските навивачи се надеваат дека тие ќе слават на крајот од натпреварот, како што беше случајот пред пет дена во Палермо, против репрезентацијата на Италија.

Натпревар започнува во 20:45 часот, а влогот ќе биде голем за двете репрезентации. Португалија игра за шесто учество на СП во низа, а Македонија посакува деби на светскиот собир во Катар.

The post СЀ Е ЦРВЕНО-ЖОЛТО Фалангата го направи Порто – македонски град! (ВИДЕО) appeared first on plusinfo.mk.

Фудбалерот на шведски Малме со потекло од Ресен, Ердал Ракип за прв пат е дел од националниот тим. Тој со задоволство ја прифати поканата на селекторот Благоја Милевски и конкурира за настап на натпреварите против Лихтенштајн и Германија.

– Прв пат пред неколку години Благоја Милевски ми понуди да играм за Македонија. Во тој период ми требаше време да размислам. За мене е голема чест што добив понуда да играм за репрезентацијата на Македонија и донесов одлука дека сега е вистинскиот момент да прифатам. Разговаравме со моето семејство и среќен сум што ќе играм во дресот на македонската репрезентација. Македонија е домот за моето семејство и одлуката сега воопшто не беше тешка – изјави Ракип.

Тој смета дека оваа репрезентација има голем потенцијал и очекува да напредува во наредните години.

– Ги гледав последните натпревари на македонската репрезентација. Оваа селекција игра добар фудбал, во тимот има многу млади фудбалери кои формираат одлична екипа. Јас имам 25 години, сметам дека веќе сум во зрели фудбалски години и мислам дека во следните неколку години ќе напредуваме. Се обидувам да се вклопам во тимот, но без наметнување, туку улогата да си дојде сама по себе. Оваа репрезентација ќе напредува секоја наредна година. Ништо не доаѓа веднаш. Тимот е млад и желен за докажување – вели Ракип.

За претстојните средби Македонецот од Шведска очекува добри игри и ако се пружи шанса, две победи.

– Секој натпревар е тежок. Треба да издвојуваме победа против Лихтенштајн, а потоа не очекува многу тежок меч на домашен терен против Германија. Во фудбалот секогаш има шанса за победа, но треба да се одигра максимално во текот на сите 90. минути. Но, да оставиме времето да покаже, сега сме фокусирани на мечот со Лихтенштајн. Чекор по чекор и секогаш да се стремиме кон победи – истакнува Ракип.

Дуелот со Лихтенштајн е на 8 октомври на гостински терен, додека Германија ќе гостува во Скопје три дена подоцна.

The post ДЕБИТАНТОТ РАКИП Е НЕСТРПЛИВ За мене е голема чест што ќе играм за Македонија appeared first on plusinfo.mk.

Дебитантот во „црвено-жолтиот“ дрес, Ердал Ракип кој настапува за шведски Малме, денеска дојде на првиот собир на македонската фудбалска селекција во пресрет на мундијалските квалификации, при што беше беше пречекан од селекторот Благоја Милевски и дел од новите соиграчи.

Ракип е засилување на Македонија во средниот ред, особено откако Енис Барди отпадна од списокот поради повредата која ја здоби на последниот меч со Романија во септември, па сега од фудбалерот кој оваа година со неговиот тим има искуство со настапите во Лигата на шампионите.

Репрезентативците полека пристигнуваат во базата, додека попладнево од 17 часот го има воведниот тренинг со што започнува подготовката за гостувањето во Лихтенштајн во петок од 20.45 часот, меч кој е од исклучителна важност да се победи за да се задржат шансите за второто место, а потоа во понеделник во Скопје е спектаклот со Германија, исто така од 20.45 часот.

The post ПРИСТИГНА ДЕБИТАНТОТ ВО „ЦРВЕНО-ЖОЛТИОТ“ ДРЕС Ердал Ракип се приклучи на репрезентацијата appeared first on plusinfo.mk.

Зборовите на официјалното лице, упатени до претседателот на олимпискиот комитет на Гвинеја, ги цитира агенцијата „АФП“.

– Поради ковид-19, владата, загрижена за здравјето на гвинејските спортисти, за жал одлучи тимот да не се натпреварува на Олимписките игри во Токио, соопшти Соу.

Во исто време, извор на АФП близок до владата на земјата смета дека одлуката е поврзана и со недостаток на средства за покривање на трошоците за патувањето во Јапонија.

Пет спортисти требаше да се натпреваруваат за Гвинеја на Олимписките игри во Токио: Фатумата Јари Камара (борење во слободен стил), Мамаду Самба Ба (џудо), Фатумата Ламарана Туре, Мамаду Таиру Ба (двајцата во пливање) и Аисата Дин Конте (трчање на 100 м).

The post За да ги заштити спортистите од ковид-19, Гвинеја го откажа настапот на ОИ appeared first on plusinfo.mk.