Најдоброто решение, рече понатаму Симовски, е Заводот за статистика самиот да ги контактира овие луѓе и тие да дадат изјава за нивната припадност. Ваквите тврдења на првиот човек на Завод за статистика предизвикаа реакции во јавноста.

Но, заменик директорот на Заводот за статистика, Иљми Селами, во изјава за ТВ21 вели дека Симовски греши.

– Не знам што сакал да каже директорот и најдобро е него да го прашате. Но, знам дека тоа што го кажа е грешка. Како прво, такво нешто не е предвидено ни со закон, ни со методологијата. Законската одредба е општа и вели дека ќе даде податоци коишто се однесуваат на лицата коишто се надвор од земјава – вели Селами.

Доколку се случи тоа што го кажа директорот Симовски, албанската опозиција најавува иницијатива за спречување.

The post Селами го демантира Симовски – етничката и верската припадност на печалбарите можат да ја соопштат роднините appeared first on plusinfo.mk.