Полициски службеници од СВР Тетово лишиле од слобода две лица на возраст од 58 и 37 години од тетовско, по пријава за сексуално насилство врз малолетничка.

Од МВР информираат дека случајот бил пријавен вчера околу 16:45 часот од 62-годишна жена, баба на девојчето. Според пријавата, 58-годишниот маж е осомничен за кривично дело „обљуба со злоупотреба на положба“ врз малолетничка.

Според информациите, настанот се случил во декември 2024 година, кога тогаш 15-годишната девојка се враќала од Тетово со комбе управувано од осомничениот. Во пријавата се наведува дека тој со употреба на физичка сила извршил обљуба врз неа.

По извесен период, малолетничката ѝ го раскажала случајот на својата 37-годишна мајка, која во тој период била во врска со осомничениот, но, според полицијата, таа не го пријавила настанот.

Двете лица се задржани во полициска станица, а за случајот е известен јавен обвинител. Од Министерството за внатрешни работи велат дека по целосно документирање ќе следува соодветен поднесок.

The post МАЛОЛЕТНИЧКА ТВРДИ ДЕКА БИЛА СИЛУВАНА ВО КОМБЕ Тетовската полиција приведе две лица appeared first on plusinfo.mk.

Една жена која побегнала од Северна Кореја во Јужна Кореја поднела и граѓанска и кривична тужба против Ким Јонг Ун и против неколку високи функционери на режимот, обвинувајќи ги за систематско мачење и за сексуално насилство кое го претрпела за време на повеќекратното затворање во севернокорејските затвори, објави Гардијан.

Чои Мин Кјунг, 53-годишна жена која пристигнала во Јужна Кореја пред повеќе од 1о години, бара оштета од 50 милиони вона (околу 37.000 долари) од Северна Кореја.

Според нејзините адвокати и според организациите, вклучени во случајот, ова е првпат бегалка од Северна Кореја да покрене ваква правна постапка пред јужнокорејски судови.

– Поминаа 13 години откако се преселив во Јужна Кореја, но сè уште страдам од тешка траума поради последиците од мачењето и живеам зависна од лекови. Лузните по целото мое тело сведочат за ужасната реалност на човековите права во Северна Кореја – изјави Чои за Гардијан.

Чои побегнала од Северна Кореја во 1997 година, но била принудно вратена од Кина четирипати меѓу 2000 и 2008 година. За време на последната репатријација во 2008 година, поминала 5 месеци во 3 различни притворски центри во провинцијата Северен Хамгјонг.

Систематско малтретирање и мачење

Во тужбата, во која Гардијан имал увид, детално се опишуваат конкретни форми на злоставување – од сексуално насилство за време на груби и нехигиенски прегледи на телесните отвори без ракавици, до тешки претепувања што довеле до пукање на ушното тапанче и до губење свест. Се наведува и дека била приморувана да поминува повеќе од 15 часа дневно во неприродни телесни положби.

Еден од нејзините адвокати е Ли Јанг Хјун, исто така бегалец од Северна Кореја. Севернокорејскиот центар за човекови права, кој помогнал во подготовката на тужбата, најави дека случајот ќе биде искористен како основа за поднесување приговори до механизмите на ОН за човекови права и до Меѓународниот кривичен суд.

– Овој случај може да создаде правен преседан во јужнокорејската судска пракса, бидејќи речиси и да нема случаи што се однесуваат на злосторства против човештвото. Бидејќи и други жртви покажаа интерес за поднесување тужби, ова може да го отвори патот за колективни постапки и да помогне во поширок процес на барање одговорност – рече аналитичарот за човекови права Сонгјоп Ли.

Директна одговорност на Ким Јонг Ун

Ким Џонг Ун е наведен како директно одговорен во двата поднесоци, со акцент на неговата командна одговорност и бидејќи сите државни функционери делуваат под негова „ефективна контрола“.

Во тужбата се цитира и извештајот на Истражната комисија на ОН од 2014 година, која документира широк спектар на злосторства против човештвото во Северна Кореја, вклучувајќи мачење, сексуално насилство, произволни притвори и политички логори каде што се наоѓаат околу 80.000 до 120.000 луѓе.

Јужнокорејскиот устав ја третира Северна Кореја како дел од иста држава, поради што судовите формално имаат надлежност над вакви случаи. Во тужбата, како адреса за доставување документи, е наведена севернокорејската мисија при ОН во Њујорк бидејќи директна комуникација со властите во Пјонгјанг не е можна. Иако нема начин да се спроведе евентуална пресуда, нејзиното симболично значење, според адвокатите, може да биде огромно.

The post „МЕ ЗАТВОРИЈА, МЕ ТЕПАА, МЕ СИЛУВАА“ Бегалка од Северна Кореја го тужи Ким Јонг Ун за злосторства против човештвото appeared first on plusinfo.mk.

Јахјага на нејзината страница на Фејсбук информира дека за реализација на иницијативата вчера, во канцелариите на Фондацијата Јахјага, потпишала договор за соработка со амбасадорот на Германија во Косово, Јорн Роде.

Јахјага, која по завршувањето на мандатот на чело на косовската држава, со својата фондација се посвети на унапредување на правата на жените и рехабилитацијата на жртвите на воени злосторства, рече дека целта на иницијативата за отворање на музејот е зголемување на општата свест кај народот и борбата против стигмата која ги опкружува преживеаните.

„Прашањето на преживеаните од сексуалното насилство за време на последната војна во Косово е една од најсериозните рани на целата земја, така што нашата главна цел е да ја зголемиме општата свест кај луѓето и да се бориме против стигмата што ги опкружува преживеаните. Исто како што ветив дека нема да оставам камен на камен додека не се исполни правдата, ветувам и дека секогаш ќе бидам покрај нив. Нема траен мир без правда за преживеаните од сексуалното насилство во Косово“, напиша Јахјага.

The post ЌЕ СЕ ИЗГРАДИ МУЗЕЈ НА СИЛУВАНИТЕ МАЖИ И ЖЕНИ ВО ВОЈНАТА ВО КОСОВО Нема траен мир без правда за преживеаните од сексуалното насилство, рече Јахјага appeared first on plusinfo.mk.

Тој информираше дека има бројни извештаи за сексуално насилство за време на „одвратните акти на терор од страна на Хамас на 7 октомври“ во кои беа повредени илјадници, убиени повеќе од 1.200 луѓе и киднапирани околу 240 луѓе.

Говорејќи за преостанатите заложници кои се држат во Газа, Гутереш рече дека сите тие „мора веднаш и безусловно да бидат ослободени“.

– Дотогаш, со нив мора да се постапува хумано и на Меѓународниот комитет на Црвениот крст мора да му се дозволи да ги посети – истакна шефот на ООН.

The post ТЕРОРИСТИТЕ ОД ХАМАС СЕКСУАЛНО СЕ ИЗЖИВУВАЛЕ ВРЗ ЖРТВИТЕ Гутереш бара темелна истрага на злосторствата appeared first on plusinfo.mk.

– Сите полови и возрасни групи се погодени – изјави Костин за весниците на германската Funke Media Group и францускиот весник Ouest-France во забелешките во кои имаше увид ДПА пред денеска да бидат објавени.

Костин ги обвини руските војници дека намерно користеле сексуално насилство како воено оружје „за да ги понижат Украинците”.

– Во многу случаи, луѓето се силувани, мачени и потоа убиени од руски војници. Често силувањето се случува пред очите на роднините и децата – рече Костин.

Руските команданти често наредувале или барем поддржувале силување, тврди Костин. Неговите изјави не можат да бидат проверени од независен извор, забележува ДПА.

Венцел Михалски, директор на германскиот огранок на Хјуман рајтс воч, исто така гледа систематски пристап кон насилството кога станува збор за руската инвазија на Украина која започна на крајот на февруари.

– Злосторствата врз цивилите се дел од воената тактика на руските војници во Украина – изјави Михалски за весниците на Функе Медиа Груп.

– Насилните дела извршени од војниците, вклучително и силувањето, не се казнети од руските политички лидери и војската. Напротив, силите кои дејствуваат со особена бруталност сè уште се почитуваат-  рече тој.

Според украинскиот јавен обвинител, речиси 8.500 цивили се убиени во Украина од почетокот на војната пред околу девет месеци, вклучувајќи 440 деца. Повеќе од 11.000 цивили се повредени.

The post „ЧЕСТО СИЛУВАЊЕТО СЕ СЛУЧУВА ПРЕД ОЧИТЕ НА ДЕЦАТА“ Русите користат сексуално насилство како оружје во војната appeared first on plusinfo.mk.

Околу 17 отсто од студентите во Србија биле изложени на некаков облик на сексуално насилство на универзитетот, од кои околу 90 отсто се студентки, а околу 10 отсто се студенти, соопшти денеска Виктимолошкото друштво на Србија, јави Бета.

Според истражувањето спроведено од Друштвото по повод Европскиот ден на жртвите (22 февруари), повеќе од една четвртина од испитаниците познаваат студент кој бил изложен на некој облик на сексуално насилство на факултет, а најчестиот облик е вербално сексуално вознемирување.

„Ова е проследено со невербално сексуално вознемирување, физичко вознемирување и сексуално вознемирување со користење современи технологии, додека сексуалната уцена, силувањето и обидот за силување се најретките форми на сексуално насилство на факултетите“, се вели во соопштението на здружението.

Истражувањето, како што наведоа, покажало дека најголемиот број студенти повеќепати биле жртви на сексуално насилство, кое е најизразено кај вербалното вознемирување од сексуална природа, односно во повеќе од 78 проценти од случаите.

„Повторената виктимизација е висока и кај невербалното сексуално вознемирување (63,9 проценти) и физичкото сексуално вознемирување (55,4 проценти)“, се вели во соопштението.

The post 17% ОД СТУДЕНТИТЕ ВО СРБИЈА ИЗЛОЖЕНИ НА СЕКСУАЛНО НАСИЛСТВО Од нив 90% се студентки appeared first on plusinfo.mk.

Девојка на возраст од 22 години од внатрешноста на Македонија се обратила до Сител, откако нејзин пријател ја предупредил дека во групата биле објавени една нејзина фотографија од Фејсбук и уште две експлицитни од девојка која наликувала на неа. Девојката пријавила во полиција, но оттаму само и рекле дека вакви групи имало многу, известува телевизијата.

Секторот за компјутерски криминал и дигитална форензика презема соодветни мерки и активности во врска со случајот, велат од МВР. Од здруженијата кои се занимаат со сексуално насилство велат дека групата всушност никогаш не ни згаснала. Се појавиле повеќе групи со исто или слично име и со иста цел, објавување фотографии од девојки и споделување нивни лични податоци. „Јавна соба“ е кривично дело кое до сега има повеќе од 100 жртви, тврди извршната директорка на Коалицијата Маргини, Ирена Цветковиќ.

Првата ваква група на социјалните мрежи беше откриена пред една година.

The post Групата „Јавна соба“ и натаму објавува експлицитни фотографии од девојки, до сега повеќе од 100 жртви appeared first on plusinfo.mk.

Според грчките медиуми, досега има над 100 поплаки за двајца професори, едниот на Факултетот за геологија, другиот на Филозофскиот Факултет, а за најмалку два од случаите, Обвинителството започнало прелиминарна истрага.

Поголемиот дел од пријавите се однесуваат на поранешен, сега веќе пензиониран професор од Факултетот за геологија, а според поранешна студентка Лина Салтабаси, која сега е претседателка на Асоцијацијата на жени претприемачи, станува збор за „болна тема што се отвора по 30 години“, бидејќи првата пријава била уште во 1984 година, а во изминатите 30 години постојат над 100 пријави.

Голем дел од исповедите на студентките се преку социјалните мрежи, но дел се испратени и до ректорот кој побарал од Обвинителството да започне истрага.

The post Повеќе од 100 поплаки за двајца професори кои злоставувале студентки во Грција appeared first on plusinfo.mk.

– Со овие мерки, жените жртви на насилство и нивните деца (доколку ги имаат) се ставаат во многу тешка и во некои случаи и во животно загрозувачка ситуација. Во држава во која е прогласена вонредна состојба, децата се дома цел ден, се затворени сите кафулиња, ресторани, кафани, затворени се спортските обложувалници, како и сите останати можности за социјални активности, пријателите се дома со своите семејства, затворени се сите места каде може да се канализира агресијата и единствено што останува достапно е семејството, сопругата/партнерката, децата, родителите – велат од Националната Мрежа против насилство врз жените и семејно насилство.

Добро познат факт е, додаваат, дека потребата да се поседува моќ и контрола над другите се едни од основните причини за семејното насилство.

– Во оваа ситуација во која сите се чувствуваме повеќе или помалку исплашени поради чувството дека ја губиме контролата над своите животи, насилниците ќе пробаат да ја повратат сопствената контрола преку жртвите. Вонредната состојба не мора да значи зголемување на бројот на случаите на насилство (иако не е исклучено дека може да порасне), но секако значи зголемување на интензитетот на насилството во семејства и врски во кои веќе постоело. Жртвата нема да каде да отиде, не може да избега од насилството со одење на работа, или кај пријатели, и е во текот на целиот ден изложена на насилството – порачуваат од Националната Мрежа против насилство врз жените и семејно насилство.

Вонредната состојба, според нив, го отежнува пристапот на жртвите до сервиси за помош и заштита.

– Медицинските установи се борат да одговорат на коронавирусот, здравствените системи се преоптоварени, центрите за социјална работа работат со јавувања, што севкупно земено им го отежнува на жртвите пристапот до заштита. Апелираме до сите надлежните институции – Министерството за труд и социјална политика, Министерството за внатрешни работи и Министерство за здравство независно од моменталната состојба, да постапат професионално при пријава на насилство и да ги преземат сите мерки што им се на располагање во насока на заштита на жртвата и нејзините деца (доколу ги има). Сите повици за пријава на семејно насилство треба да бидат третирани како највисок приоритет, и да се преземат сите мерки за заштита – посочуваат од Националната Мрежа против насилство врз жените и семејно насилство.

Ги охрабруваат сите жени кои преживуваат некаква форма на семејно или интимно партнерско насилство да го пријават во институцијата/организацијата во градот во кој живеат.

The post Зголемен е ризикот за семејно и сексуално насилство во периодот на вонредна состојба appeared first on plusinfo.mk.