Ако им се верува на филмовите, сексот е нешто во кое можат да уживаат само две исклучително атрактивни особи и тоа и двајцата да се помлади од 35 години. Но, како е тоа во реалноста? Па, седум од секои осум мажи и три од пет жени во нивните 60-ти години обично имаат секс, вели студија од 2019 година.

Истражувањето вели дека тоа не е којзнае колку помалку од сексот што пријавиле дека го имаат младите активни луѓе, оние кои имаат меѓу 18 и 29 години. Всушност, 7 од 10 стари лица во просек остануваат активни, а некои од нив се активни и до својата 70 година. Кај оние кои имаат повеќе од 80 години, на еден од тројца мажи „му се посреќува“, а истата статистика важи и за жените на оваа возраст.

Прашањето е следно: дали покрај сите нови апчиња и разни комодитети сексот кај постарите луѓе може да се подобри? Или пак, како во старата поговорка, тој станува подобар затоа што луѓето се постари и поискусни?

Статија од ИФЛ Наука прави пресек на неколку познати научни истражувања.

40-ти се новите 30-ти, 30-тите се новите 20-ти…

Поминаа цели 8 години откако во напис во Њујорк Тајмс насловен „40-тите се нови 30-ти“ пишуваше дека „20-годишниците имаат многу секс, но 40-годишниците всушност уживаат“, цитирајќи портпарол на една британска вебстраница која во 2015 година нарачала анкета за ова прашање. На анкетата одговориле 800 луѓе. Вебстраницата пак, „Ilicit Encounters“ е сајт каде луѓето бараат вонбрачни врски.

И други студии покажале слични резултати. Истражување од 2015 година, овој пат на повеќе од 1.000 жени на возраст над 18 години, сугерира дека повеќето од нив веруваат дека нивниот сексуален живот се подобрил со возраста. И не само што бил подобар, туку, особено кај жените на возраст меѓу 45 и 55 години, тој бил „луд и откачен“.

Сексуална мудрост да ти било да си го знаеш телото

Има неколку објаснувања зошто сексот станува подобар како што старееме. Едното, барем за жените, е дека тие се чувствуваат поудобно во својата кожа. Ова во 2016 година го изјави Холи Томас, доцентка по медицина на Универзитетот во Питсбург.

– Имаа поголема самодоверба отколку кога беа помлади и тоа им овозможи да бидат послободни во однос на сексуалното изразување – вели таа.

Со возраста и искуството, исто така, доаѓа и поголема свесност за тоа што, точно, ве измачува. Една студија од 2017 година , на пример, покажа дека иако квалитетот на сексуалниот живот генерално се намалува со возраста, контролирањето на аспектите како што се нивоата на контрола, мислата, напорот и искуствата со претходните партнери всушност прават квалитетот, сепак, да се подобрува.

„Наодите сугерираат дека стареењето може да биде поврзано со стекнување вештини и стратегии кои можат да го одат контра на падот на (сексуалниот квалитет на живот) поврзан со возраста, особено во контекст на позитивна врска“, напишаа авторите на студијата.

„Ги резимираме овие наоди како сексуална мудрост“.

Не е подобар сексот туку други се приоритетите

Има ли друго објаснување зошто сексот се подобрува со годините освен ова?

„Што ако, наместо тоа, очигледната разлика во годините е затоа што луѓето родени во 1930-тите имаат различни ставови кон сексот од луѓето кои пораснале по сексуалната револуција во 60-тите и 70-тите?“, прашуваат авторите Мири Форбс, Николас Итон и Роберт Кругер во студија од 2017 година.

Тие откриле нешто друго, а тоа е дека сексот во кој се ужива подоцна во животот веројатно не бил подобар во некоја објективна смисла – повеќе бил резултат на промена на приоритетите во различни генерации.

Ова значи дека како што стареат на луѓето побитно од оргазмот им станува емоционалното поврзување и интимноста.

– Сексуалната активност (не е) секогаш неопходна за сексуално задоволство. Оние кои не биле сексуално активни можеби постигнале сексуално задоволство преку допирање, галење или друга интимност развиена во текот на долга врска – истакна Сузан Тромпетер, вонредна професорка по клиничка медицина на Универзитетот во Калифорнија, Сан Диего, уште во 2012 година.

Не се откажувајте, сѐ е до умот!

Значи, одличен секс може да биде возможен и во постара возраст – но ова не е гарантирано. Понекогаш тоа е поради неизбежните биолошки промени: на пример, како што Стефани Фаубион, директорка на Центарот за женско здравје на клиниката Мајо, изјави за Њујорк Тајмс:

– Се чини дека менопаузата има лош ефект врз либидото, сувоста на вагината и врз сексуалната болка.

Друга студија, пак, вели дека сѐ е до нашиот ум и како размислуваме за сексот. Студијата „МИДУС“ направена кај луѓе постари од 45 години открива дека ако сакате добар сексуален живот по патот, треба само да размислувате позитивно.

Луѓето биле прашани каков очекуват дека ќе им биде сексуалниот живот за една деценија од сега, а по една деценија биле споредени одговорите.

„Сексуално оптимистичките учесници пријавија повеќе сексуално задоволство и поголема сексуална фреквенција една деценија подоцна“, потврдија истражувачите.

„Веројатноста за неделен секс беше значително поголема кај таквите жени доколку имаат високи, а не ниски сексуални очекувања“, се вели во трудот.

Со други зборови, нема ама баш никаква причина да се откажуваме од едно од најслатките задоволства на планетата!

The post КОГА Е СЕКСОТ ВО ПРАШАЊЕ, 40-ТИТЕ СЕ НОВИТЕ 30-ТИ Еве што велат научниците за стареењето и интимата appeared first on plusinfo.mk.

Д-р Марк Ален, професор на Факултетот за психологија при Универзитетот на Волонгонг, Австралија, го спроведе истражувањето на 6.016 лица, сите постари од 50 години. Податоците собрани во 2012 и 2014 година испитале 2.672 мажи и 3.344 жени во повеќе гледишта од нивниот живот, вклучувајќи го тука здравјето, исхраната и сексуалната дејност.

– Ова посочува дека краткотрајно, честиот секс може да има позитивно влијание врз помнењето – посочува написот.

Споредувајќи два теста над истите луѓе од 2012 и 2014, д-р Ален дојде до заклучок дека иако сите повозрасни покажале знаци на губење на меморијата, оние луѓе со повеќе интимни врски се покажале како подобри на тестовите за помнење.

Сепак, замислата дека зголемената сексуална активност може да го забави губењето на меморијата на долг рок, нема поткрепа.

– Овие наоди се засновани на експериментални истражувања кои покажаа дека сексуалната активност ја подобрува епизодната меморија и кај животните што се различни од луѓето – се вели во трудот.

И друго истражување спроведено од Универзитетот „Мекгил“ во Канада, 2016 година, посочува дека жените кои имаат повеќе секс, имаат подобро помнење. Истражувачите откриле сооднос меѓу растот на хипокампусот – делот од мозокот што ги контролира емоциите, меморијата, нервниот систем и сексот.

The post НОВА СТУДИЈА ПОТВРДИ Еве зошто е добро да бидете сексуално активни и по 50-тата година appeared first on plusinfo.mk.

Јапонија – Секс најмногу еднаш неделно

Само 34 отсто од луѓето во Јапонија имаат секс еднаш неделно, што ги прави сексуално најнезадоволни во светот, покажа истражувањето на Дурекс. Долгото работно време е поврзано со недостаток на физички контакт помеѓу сопружниците.

Грција – Разигран секс

Во Грција, 87 отсто од луѓето имаат секс најмалку еднаш неделно, според Дурекс – повеќе отколку во која било друга земја. Тие беа најдобри во една студија која ги опфати сексуалните навики на 30.000 луѓе од 26 националности.

Франција – Секс „набрзинка“

Според истражувањата, Французите сакаат краток секс. Нешто повеќе од половина француски мажи можат да го продолжат сексот со одложување на ејакулацијата, а само шест отсто ќе траат дури 13 минути.

Норвешка – најсилните оргазми

Норвешка е навикната на студените денови, но се чини дека е и светска престолнина на оргазмите, според компанијата за сексуални играчки Лело. Дури 35 отсто од Норвежаните рекле дека доживуваат оргазам секој ден.

Обединетото Кралство – предигра и фетиши на нозе

Британска анкета за секс покажа дека 1,5 милиони луѓе во Велика Британија имаат фетиш за стапала, а Манчестер е градот каде прстите од стапалата најмногу се цицаат во Велика Британија. По него следува Лидс, а потоа Шефилд. Луѓето во Шефилд се и светски лидери во предиграта.

Белгија – Жената „јава“ и има контрола

Позата во која жената е на мажот и се соочува со него е најпопуларната сексуална поза во земјата во која се обожава пиво, покажа истражувањето на медицинскиот сајт на д-р Ед.

Полска – Пенетрација од страна

Спунинг (spooning) е секс-позиција во која партнерите лежат странично, а мажот е зад жената. Се покажало дека им е омилена поза на Полјаците.

Русија – Секс само на „Денот на зачнувањето“

Руската влада го прогласи 12 септември за „Ден на зачнувањето“, охрабрувајќи ги двојките да останат дома и да имаат секс. Паровите кои ќе добијат дете девет месеци од тој ден добиваат награда од државата.

САД – Секс во тројка

САД се вистинското место за оние кои сакаат да пробаат секс во тројка. Според апликацијата за запознавање 3somer, Њујорчаните имаат најголем апетит за секс со двајца партнери, а потоа следуваат луѓето од Лос Анџелес и од Чикаго.

Еден од девет Американци бил во полиаморна врска – врска во која има повеќе луѓе кои имаат секс едни со други со согласност на сите инволвирани. Академското списание Frontiers in Psychology пишува дека дури еден од шест Американци би сакал да проба ваква врска.

Романија – Страв од сексуално преносливи болести

Околу 40 отсто од Романците веруваат дека сексуално преносливите болести можат да се пренесат од човек на човек ако користат јавен тоалет, вели Глобалната анкета за секс.

Бразил – Мажите издржуваат и до 30 минути

Бразилците, кои просечно траат околу 30 минути активен секс, се светски освојувачи на златен медал во сексуална издржливост. Но, 44 отсто од Бразилките признаваат дека го глумат оргазмот, вели Атласот на пингвините за сексуално однесување кај луѓето.

Германија – Обожаваат нудизам

Една третина од Германците го сакаат нудизмот, а нацијата има повеќе свингер-клубови од која било друга земја во Европа. Пингвинскиот атлас пишува дека на дури 23 отсто од Германците добиваат им мирисаат пазувите.

Нов Зеланд – Жените имаат најмногу партнери

Страсните жени во Нов Зеланд уживаат во богато и разновидно време поминато во сексуални активности, со просек од 20,4 сексуални партнери во текот на нивниот живот. Тоа е најголемиот број партнери меѓу жените во светот, според Condoms.uk.

Австрија – Мажите имаат најмногу партнерки

Истражувањето откри дека австриските мажи имаат најголем број сексуални партнери во светот во текот на нивниот живот, во просек 29,3, според студијата на Condoms.uk.

Тајланд – Мамењето е скоро дозволено

Повеќе од половина од тајландското население признава неверство, вели Дурекс. Имањето љубовница е дел од тајландската култура со векови, и постои модерен тренд каде мажите и жените имаат дополнителни „пријатели“ – не секогаш за секс.

Кенија – Најверните во светот

Според глобалниот извештај за родителите, State Of The World’s Fathers, мажите во Африка се со поголема веројатност да имаат деца со две жени или повеќе од остатокот од светот. Но, мажите од Кенија се на врвот на списокот на најлојални на континентот.

Италија – Орален секс и храна

Повеќе од 80 отсто од Италијанците уживаат во орален секс, покажа студија од 2019 година. Четвртина од италијанските парови заедно гледаат порнографија, а 24 отсто користат сексуална помош или храна за возбудување. Речиси половина од паровите таму имаат секс два до три пати неделно.

Индија – Мразат кондоми

Истражувањето на ДУРЕКС покажа дека 95 отсто од Индијанците не користат кондоми, што доведе до разговор на Твитер под хаштагот #HateCondoms со прашањето зошто. Испитаниците сугерираат дека ова ја намалува интимноста и дека во таквиот секс има „недостаток на чувство“ на интимните делови од телото.

Кина – Имаат најмалку оргазми

Според истражувањето на Дурекс, Кинезите имаат најмалку оргазми во светот, а околу 76 отсто од луѓето не можат да доживеат оргазам секој пат кога имаат секс.

The post СЕКС-МАПА НА СВЕТОТ Како и колку се сексаат луѓето во различни земји appeared first on plusinfo.mk.

– Во изминатиот месец беше прекинат молкот со шокантните откритија во рамките на феноменот што го нарекуваме #MeToo. Појави на авторитарно насилство, пред сѐ врз жени, но не само врз нив, нешто што верувам дека нè шокираше и нè потресе сите нас. Некои луѓе со нивниот глас го прекинаа молкот. Дојде време, да преземеме активности во врска со овие обвинувања – рече Мицотакис.

Тој додаде дека проблемот, особено со сексуалната злоупотреба на малолетни лица, не е само правен, туку е многу поширок и посложен за кој треба сите да бидат обединети.

Грчката претседателка Катерина Сакеларопулу рече дека со голема загриженост и жал го следи она што се случува, особено меѓу уметниците.

– Злоупотреба на моќта, насилството, вербално и физичко, без оглед дали е на работно место, во образованието, во личните или семејни односи, не може да се толерираат – истакна Сакеларопулу.

Директорот на Националниот театар на Грција, актерот и режисер Димитрис Лигнадис пред две седмици си поднесе оставка откако неговото име се споменуваше во сведоштвата на актерите, додека пак две од жртвите веќе поднесоа пријави.

Министерката за култура на Грција Лина Мендони, за целиот случај одржа прес конференција и рече дека Лигнадис „е опасен човек“, кој со актерската умешност ги измамил сите и лично неа.

Паралелно, утрово до Обвинителството доставила пријава и запис со барање за целосно расчистување на случајот.

Освен за актерот и режисерот, а сега веќе, поранешен директор на Националниот театар Димитрис Лигнадис, во изминатиот период во Грција, во медиумите постоеја сведоштва на актери кои биле жртви на сексуално вознемирување од нивни колеги и режисери.

The post Актер и режисер во центарот на сексуалниот скандал во Грција appeared first on plusinfo.mk.