Дали е ова лажна вест?

Веднаш ќе провериме!

Како што веќе најавив токму на Фејсбук, имам намера сериозно да го поставам прашањето на одговорноста и на раководството на Соросовата фондација, на раководството на невладината организација ХЕРА, на раководството на град Скопје, но и на премиерот Зоран Заев, за шокантното поведение на извидничкиот одред, кој за учесниците организирал „игри“ со сексуална содржина, при што има сериозни индиции дека се вршени криминални злоупотреби на малолетници.

Во секоја нормална земја, еден ваков настан би добил сериозен медиумски третман, бидејќи цивилизираните народи се сензибилизирани за прашањето на сексуалните злоупотреби на малолетници, особено кога тие се вршат како лажна „сексуална едукација“. Во секоја нормална земја за вакви злодела се повикуваат на одговорност и сторителите, но и институциите кои биле должни да спречат тие да се случат.

Првиот скопски извиднички одред добил помош од Фондацијата Отворено општество Македонија. Точно е тоа дека помошта не била за проектот за „секс едукацијата“, туку за друг проект. Но, точно е и тоа дека бенефит од тој грант имала целата организација. Од тие причини, според строгите правила за доделување грантови (кои ми се многу добро познати), Соросовата фондација била должна да ги надгледува активностите на својот грантист. И кога веќе тоа не го правела како што треба, сега, кога е утврден голем етички и веројатно и законски прекршок на грантистот, најмалку што мораше да стори ФООМ е да го раскине договорот за грант, јавно да се извини и да вети дека во иднина нема да ја поддржува оваа организација.

Сите кои имале такви односи со Првиот скопски извиднички одред – како Град Скопје и ХЕРА – се должи да постапат на истиот начин. Додуша, Град Скопје се огради од активностите на секс-скаутите, но изостана извинување до јавноста. ХЕРА, пак, им држеше лекции на медиумите и на новинарите, наместо да се соочи со сопствената објективна одговорност.

Конечно, се засрамив од фактот што премиерот Зоран Заев денеска, неколку дена откако скандалот ја тресе Македонија, јавно изјави дека прв пат слуша за таа работа. Замислете, човекот од кого се очекува да бдее над судбината на нацијата, кој има најголема моќ а со тоа и најголема одговорност за општите состојби, изјавува дека прв пат слуша за скандалот!

Но, да се вратиме на веста за наводната цензура на Фејсбук, на која алармира порталот Република. Еве, овој коментар и јас ќе го споделам на Фејсбук. Живо ме интересира дали и тој ќе добие назнака „лажна вест“. Бидејќи, како што добро знаете, сево ова за кое зборувам во овој текст е вистина.

The post Соросовата фондација, ХЕРА и Град Скопје биле должни да се информираат за злоупотребите на секс-скаутите! appeared first on plusinfo.mk.

– Телата на сојузот ги преземаат неопходните мерки во насока ваков или сличен случај веќе никогаш да не се повтори и сите членови да се чувствуваат безбедно при учество во која било активност на национално или локално ниво, согласно извидничката програма – велат од Сојузот на извидници на Македонија.

Оттаму додаваат дека жалат што нивни член се почувствувал небезбедно и се обврзуваат дека ваква ситуација нема да се случи во иднина.

– Воедно, ги охрабруваме сите извидници кои во даден момент се почувствувале небезбедно и непријатно (од која било причина) да нѐ контактираат и согласно нашите можности и ингеренции да преземеме соодветно дејвствие. Телата на сојузот ќе спроведат интерна истрага и од нејзиниот исход и истрагата од надлежните институции ќе преземат мерки за санкционирање на одредот организатор – велат од Сојузот.

Потсетуваат дека од 2017 година со носењето на резолуцијата на Светската извидничка конференција, Сојузот на извидници на Македонија како организација членка се обврзал дека преку извидништвото ќе понуди безбедна едукативна околина за деца и млади, како и улогата што возрасните ја имаат за постигнување на истото.

Во Сојузот на извидници се активни 22 одреди на извидници.

The post СОЈУЗОТ НА ИЗВИДНИЦИ ВОДИ ИНТЕРНА ИСТРАГА ЗА СЕКС СКАУТИТЕ Ваков скандал нема да се случи во иднина appeared first on plusinfo.mk.

Министерството за внатрешни работи пред два дена добило пријава од родител во врска со извидничкиот камп во близина на Скопје, на кој според, тврдењата на родителот, малолетни деца биле вклучени во непримерни активности.

Од МВР за МИА потврдуваат дека извршиле разговор со родителот и оти за случајот е известен Јавен обвинител. МВР, како што, нагласија оттаму постапуваат по насоки дадени од Oбвинителството за расчистување на случајот.

Лицата, кои се инволвирани активностите на извидничкиот камп, по насока на Oбвинителството се повикани на разговор во полиција, потврдија за МИА извори од истрагата.

Од Јавното обвинителство во одговор на прашање на МИА, велат: „Дежурен јавен обвинител е известен за настанот за кој покажувате интерес и издаде насоки до Министерството за внатрешни работи за дејствија кои треба да се преземат со цел утврдување на фактичката состојба“.

Случајот го обелодени „Слободен печат“, во чија редакција се обратил родител, а според неговите тврдења на кампот во близина во Скопје имало непримерни активности во кои малолетници меѓу другото ги боеле своите полови органи и оставале отпечатоци од нив на хамер и симулирале секс позиции до манастир под превезот на сексуална едукација.

Тој сведочел дека неговата малолетна ќерка на кампот, кој се одржал изминатиот викенд доживеала шок и трауми на извидничкиот камп организиран во близина на Скоје, насловен како „Есенски бакнежи и прегратки, секс скаутс и рок енд рол“.

Девојчето се обратило до училишниот психилог со писмена изјава, а родителот во аудио разговор со „Слободен печат“ ја озбразложува и вели дека активностите на кампот биле несоодветни, вклучувале соблекување на облеката и прашања колку сексуални партнери имале децата, глумење секс пози, боење на полови органи, пеење песни во долна облека.

За случајот реагираше Хера, Асоцијацијата за здравствена едукација, која апелира за итно постапување на институциите по допрен глас и за целосно расветлување и разрешување на случајот поврзан со извидничкиот настан „Секс скаутс енд рокенрол“.

The post СЕКС-СКАУТИТЕ ДАВААТ „ОТИСОК“ ВО ПОЛИЦИСКА СТАНИЦА Случајот со децата-извидници заврши во рацете на Обвинителството appeared first on plusinfo.mk.