Земјотрес со локална Рихтерова магнитуда од 4,0 степени утрово бил почувствуван во Струга и околината, соопшти Сеизмолошката опсерваторија при Природно-математичкиот факултет во Скопје.

Според информациите, земјотресот се случил во 07:52 часот, а неговиот епицентар се наоѓал на територијата на Република Албанија, на околу 144 километри југозападно од Скопје.

Според досегашните податоци на Опсерваторијата, потресот бил почувствуван од жителите на Струга и околината со интензитет од III степени според Европската макросеизмичка скала.

The post ЗЕМЈОТРЕС ОД 4 СТЕПЕНИ ГИ РАЗБУДИ СТРУЖАНИ Епицентарот во Албанија, потресот се почувствува и во Македонија appeared first on plusinfo.mk.

Земјотрес со јачина од 3,1 степени по Рихтер ноќеска беше почувствуван во источниот дел на државата.

Според информациите на Сеизмолошка опсерваторија при Природно-математички факултет, потресот се случил во 00:22 часот, а епицентарот бил во подрачјето меѓу Делчево и Берово, околу 120 километри југоисточно од Скопје.

Земјотресот бил почувствуван од жителите на Пехчево, Берово и околните населени места, со интензитет од III до IV степени според Европската макросеизмичка скала.

Засега нема информации за причинета материјална штета.

The post ТЛОТО СЕ СТРЕСЕ КАЈ ДЕЛЧЕВО И БЕРОВО Граѓаните разбудени по полноќ од земјотрес од 3,1 степени appeared first on plusinfo.mk.

Земјотрес со интензитет од 3 степени според Европската макросеизмичка скала е почувтсвуван вечерва во 20 часот и 8 минути во југоисточните делови на Македонија, соопшти Сеизмолошката опсерваторија при Природно-математичкиот факултет во Скопје.

Епиценатрот на земјотрес бил во Грција, на околу 290 километри југоисточно од Скопје, со Рихтерова локална магнитуда од 5 степени.

The post ПОЧУВСТВУВАН ЗЕМЈОТРЕС ВО ЈУГОИСТОЧНА МАКЕДОНИЈА Епицентарот бил во Грција, 5 степени по Рихтеровата скала appeared first on plusinfo.mk.

Телеметриската сеизмолошка мрежа на Македонија вечерва во 19 часот и 50 минути регистрира земјотрес со Рихтерова локална магнитуда ML3,7, чиј епицентар се наоѓа во соседна Република Грција, околу 100 километри југоисточно од Скопје.

Според првичните информации од Сеизмолошката опсерваторија при Природно-математичкиот факултет во Скопје, земјотресот бил почувствуван и во Охрид и околината со интензитет од III степени според Европската макросеизмичка скала.

Сеизмолозите апелираат до граѓаните да останат смирени, да ги следат официјалните информации и да ги почитуваат упатствата за постапување при земјотрес.

The post ЗЕМЈОТРЕС ГО СТРЕСЕ ОХРИД Епицентарот е во Грција, скалата покажа 3,7 степени appeared first on plusinfo.mk.

Послаб земјотрес е почувствуван утрово во Скопје и во други делови од Македонија.

Од Сеизмолошката опсерваторија при Природно-математичкиот факултет информираат дека  утрово во 7 часот и 20 минути е регистриран земјотрес чиј епицентар потекнува од пограничното епицентрално подрачје Урошевац, на 124 километри северно од Скопје, со Рихтерова локална магнитуда од 3,3 степени.

Земјотресот е почувствуван во Скопје и околината со интензитет од 3 степени според Европската макросеизмичка скала.

The post ПОЧУВСТВУВАН ЗЕМЈОТРЕС ВО СКОПЈЕ Епицентарот бил во Косово appeared first on plusinfo.mk.

Земјотрес со интензитет од 3 степени по Европската макросеизмичка скала ноќеска е регистриран во земјава. Епицентарот на земјотресот потекнува од валандонското епицентрално подрачје, 116 километри југоисточно од Скопје.

Сеизмолошката опсерваторија утринава информираше дека земјотресот е регистриран ноќеска во 2.13 часот со Рихтерова локална магнитуда 2,2.

Според досегашните податоци со кои располага Опсерваторијата, земјотресот е почувствуван во Струмица и околината

The post ЗЕМЈОТРЕС ВО МАКЕДОНИЈА Епицентарот во Валандово, почувствуван и во Струмица appeared first on plusinfo.mk.

Министерството за образование и наука ќе продолжи да вложува напори за подобрување на условите во Сеизмолошката опсерваторија, но треба да се потрудат и раководството на институцијата и Универзитетот „Свети Кирил и Методиј“ под чија надлежност е, да бараат и други начини на финансирање и обезбедување опрема. Тоа го истакна ресорната министерка на денешната прес-конференција одговарајќи на новинарски прашања за состојбата на опсерваторијата.

Таа изрази задоволство што опсерваторијата добила проект со кој ќе можат да купат две до три мерни станици. Опсерваторијата е дел од Природно-математичкиот факултет, кој е единка на Универзитетот „Свети Кирил и Методиј“, кој има буџет и треба да води сметка за неговите сопствени приоритети.

– Универзитетите и факултетите во Македонија се борат за својата автономија и јас максимално ги поддржувам во тоа. Но, кога станува збор за нивните потреби генерално во опрема тогаш се повикуваат на државата. Државата своите обврски ги остварува кон универзитетите и кон факултетите, за оваа година тврдам дека сме направиле максимум што сме можеле. И понатаму ќе ги помагаме универзитетите зашто јас тврдам дека она во што со светот ние можеме да се натпреваруваме е науката, високото образование. Но и тие треба да си ја сфатат обврската дека треба да се потрудат и раководството на опсерваторијата и на Универзитетот да бараат разни други начини за финансирање освен од Министерството. Има фондови во Европската унија, ИПА Фондови, компании кои соработуваат со образованието и многу други можности кои можат да ѝ помогнат на државата – рече Јаневска.

Таа додаде дека не треба да бидеме загрижени дека ќе останеме без сеизмолошка опсерваторија, посочувајќи дека имаме долга историја на сеизмичко следење и со земјотреси и со катастрофален земјотрес, а го имаме и Институтот за земјотресно инженерство и инженерска сеизмологија во Скопје.

Со завршување на тригодишната меѓународна иницијатива за следење на движењето на Јадранската микроплоча – AdriaArray, на почетокот на 2026 државава ќе остане без мрежата од 13 сеизмолошки станици со кои се следи сеизмичката активност односно просторно-временската застапеност на земјотресите.

АКО СТРЕСЕ ЗЕМЈОТРЕС, ЌЕ НЕМА КОЈ ДА ГО ИЗМЕРИ Од март ќе останеме без ниту една сеизмолошка станица и без инструменти

The post РАКОВОДСТВАТА НА УКИМ И НА СЕИЗМОЛОШКАТА ОПСЕРВАТОРИЈА ЌЕ ТРЕБА ДА ГИ ЗАСУКААТ РАКАВИТЕ Пари има, само треба да се дојде до нив, им порача Јаневска appeared first on plusinfo.mk.

„Телеметриската сеизмолошка мрежа на сеизмолошките станици инсталирани ширум нашата територија, денес, 24 јануари 2025 година, во 14 часот и 39 минути регистрираше земјотрес чиј епицентар се наоѓа 173 километри западно од Скопје, во Република Албанија, со Рихтерова локална магнитуда МЛ4.1. Според досегашните податоци со кои располага опсерваторијата, земјотресот е почувствуван во северозападните делови на Републиката со интензитет од 3 степени според Европската макросеизмичка скала“, соопшти Сеизмолошката опсерваторија при Природно-математичкиот факултет во Скопје.

The post СТРЕСЕ И ВО СЕВЕРОЗАПАДНА МАКЕДОНИЈА Земјотрес од 4 степени во Албанија appeared first on plusinfo.mk.

Интензитетот во епицентарот е проценет на 5 степени според Европската макросеизмолошка скала.

Епицентарот на земјотресот со јачина од 3,4 степени, кој е регистриран во 5:07 часот, бил во областа Метковиќ, на 5 километри југозападно од Неум, на длабочина од 6 километри, соопшти ЕМСЦ.

Во 07:03 часот е регистриран нов земјотрес со епицентар во морето кај Пељешац, југоисточно од Жуљан, со јачина од 3,8 степени според Рихтеровата скала, соопшти Сеизмолошката служба на Хрватска.

Според податоците на Сеизмолошкиот завод на Србија, земјотрес во текот на претпладнето е регистриран и во Црна Гора. Тој земјотрес бил со јачина од 2,2 степени.

#Earthquake (#potres, #zemljotres) confirmed by seismic data.Preliminary info: M3.7 || 24 km SW of #Metković (#Croatia) || 3 min ago (local time 05:07:18). Follow the thread for the updates pic.twitter.com/b3a91UpnuE

— EMSC (@LastQuake) February 22, 2024

The post СЕРИЈА ЗЕМЈОТРЕСИ ЈА СТРЕСЕ ХРВАТСКА Најсилниот беше со јачина од 3,8 „Рихтери“ appeared first on plusinfo.mk.

Според досегашните податоци со кои располага опсерваторијата земјотресот се случи во 11 часот и 57 минути со Рихтерова локална магнитуда ML3.9 и интензитет од III-IV степени според Европската макросеизмичка скала, а беше почувствуван од населението во Преспа, Охрид и околината.

The post ЗДРМА ВО ОХРИД И ВО ПРЕСПА! Регистриран земјотрес од 3,9 степени по Рихтер appeared first on plusinfo.mk.