Македонскиот ракометен првак Вардар 1961 ја забележа премиерната победа во новата сезона во СЕХА лигата, откако вечерва триумфираше на гостувањето кај новосадска Војводина со 26:16 (11:9) во рамки на вториот натпревар во групата Б.

По стартниот пораз минатата недела во Скопје од хрватски Нексе, ракометарите на Вардар овој пат прикажаа поквалитетна игра, особено во вториот дел, кога со серија од 3:0 прво поведоа со 14:9, а со нова серија од 6:0 дојдоа и до двоцифрена предност (22:11).

Најефикасни во редовите на македонскиот состав беа Тимур Дибиров со седум и Оливие Нјокас со четири голови.

Вардар на 18 февруари во Нашице ќе има можност да му се реваншира на Нексе за стартниот пораз, во рамки на третото коло во групната фаза.

The post ВАРДАР ЈА ДЕКЛАСИРАШЕ ВОЈВОДИНА Македонскиот првак го забележа првиот триумф во СЕХА лигата appeared first on plusinfo.mk.

Македонскиот ракометен првак Вардар, иако обезбеди место на Ф4 турнирот во СЕХА лигата во Задар, сепак нема да се појави во полуфиналето. Таму требаше да игра со Мешков Брест.

Извршниот комитет на СЕХА лигата донесе одлука Вардар да биде исклучен поради еден позитивен случај. Според епидемиолозите во Загреб позитивниот член ќе остане во изолација 10 дена. Другите членови на екипата кои се вакцинирани, но не се поминати 14 дена од моментот на појавата на позитивен случај треба да одат во 14 дневна изолација.

„Вардар беше подготвен да игра со оние играчи кои го има на располагање, но ниту за тоа не доби дозвола. Извршниот комитет донесе одлука Вардар да биде исклучен а на местото на Вардар во полуфиналето ќе игра екипата на ППД Загреб. Сите ракометари и стручниот штаб се вратија во Скопје, со исклучок на позитивниот член кој нема симптоми, но ќе остане во Загреб до понеделник и доколку има негативен тест се враќа дома’,  соопштија .

За Вардар ова требаше да биде 10. учество на Ф4 турнирите, со што влезе во историјата како единствен тим што избори учество на сите завршни турнири.

Вардар останува посветен на остварување на своите цели во ЕХФ лигата на шампионите, домашното првенство и СЕХА лигата, порачуваат „црвено-црните“.

The post ВАРДАР ПО ОДЛУКАТА НА СЕХА ЛИГАТА Изборивме место на Ф4, но нѐ исфрлија поради позитивен случај appeared first on plusinfo.mk.

– Каква срамота. Тие велат дека само Борко Ристовски е позитивен додека за други седум играчи не поминале 14 дена од втората доза на вакцината, па поради тоа тие се критични. Сакавме да го повториме тестот, но тие не ни го овозможија тоа. Сите имаме ПЦР тестови, ги замоливме повторно да ги направат. Дури сакав да одам со 11 играчи, кои имаат потврда за вакцинација, но не ни дозволија ниту такво нешто – изјави Вујовиќ.

Претходно оваа недела, Вардар избори рекордно десетто учество на завршниот турнир во десеттото издание на СЕХА лигата, елиминирајќи го хрватскиот првак ППД Загреб во четвртфиналето.

Противник на Вардар во полуфиналето требаше да биде белорускиот шампион Мешков Брест, на 3 септември во Задар.

The post КАКВА СРАМОТА! Вујовиќ збесна по одлуката на СЕХА да го исфрли Вардар од турнирот appeared first on plusinfo.mk.

Ракометарите на Вардар обезбедија учество на „Фајнал фор“ турнирот во регионалната СЕХА-лига, откако вечерва, во реваншот од четвртфиналето, на гостувањето кај ППД Загреб загубија со 25:22 и ја зачуваа предноста од четири гола од првиот меч во Скопје.

Вардарци по десетти пат се пласираа на завршниот турнир каде играат од самото формирање на лигата, додека хрватскиот тим за прв пат ќе пропушти Ф4.

Загрепчани на полувреме отидоа со водство 12:10, но клучна за севкупниот победник беше серијата од 4:0 на „црвено-црните“ на почетокот на вториот дел. Првиот гол домаќините го постигнаа дури по осум и пол минути.

Најзаслужни за успехот на Вардар се голманот Мартин Томовски кој забележа 12 одбрани и Тимур Дибиров со пет голови.

На „Фајнал фор“ турнирот во Задар, Хрватска, од 3 до 5 септември, во полуфиналето, Вардар ќе игра со Мешков Брест (Белорусија). Втората полуфинална двојка ја сочинуваат Веспрем (Унгарија) и Мотор Запорожје (Украина).

The post ВАРДАР ОБЕЗБЕДИ УЧЕСТВО НА „ФАЈНАЛ ФОР“ ВО СЕХА ЛИГАТА Прво одмерување на силите ќе има со Мешков Брест appeared first on plusinfo.mk.

– Вардар и Металопластика се договорија своите две средби од осминафиналето да ги одиграат во Скопје, на 7 и 8 јуни, и двете со почеток во 17:30 часот – соопшти РК Вардар.

Тоа ќе бидат и последни средби за Вардар сезонава, бидејќи претходно планирано е домашното првенство да заврши на 3 јуни.

The post Вардар домаќин на двете осминафинални средби со Металопластика во СЕХА appeared first on plusinfo.mk.

Ракометарите на Вардар 1961  попладнево загубија на гостувањето кај хрватскиот тим Нексе со 36:32 (15:14) во рамки на четвртото коло во регионалната СЕХА лига.

Натпреварот во Нашице беше резултатски изедначен до 43-та минута, кога хрватскиот тим со серија од 6:1 поведе со 28:23, задржувајќи ја предноста до крајот на натпреварот.

Најефикасен во македонскиот состав беше Тимур Дибиров со девет голови, а голманот Борко Ристовски запиша осум интервенции.

Актуелниот македонски првак со ефект од две победи и два порази е третопласиран на табелата во групата Б со шест бодови.

Следниот натпревар во СЕХА лигата ракометарите на Вардар ќе го играат веќе в петок на домашен терен против украински Мотор.

The post Вардар добро се држеше, ама Нексе беше подобар appeared first on plusinfo.mk.

„Црвено-црните“ се наоѓаа пред пораз, но во последните десетина минути на сцена стапи голманот Борко Ристовски кој спречи неколку чисти погодоци на противникот, а во пенал серијата одбрани два удари и го однесе својот тим во финалето.

А дека ќе биде така не изгледаше до самиот финиш. Загрепчани првата посериозна предност ја создадоа во првото полувреме од 17 до 23. минута кога од 8:9 направија серија од 5:0 за водство од 13:9. „Црвено-црните“ резултатски се вратија во игра, намалија на 13:14 во 28. минута и имаа напад за израмнување. Сепак на полувреме се отиде со резултат 16:13 за хрватскиот шампион.

Во вториот дел, Загреб по само четири минути дојде до +5 (19:14), а на девет минути пред крајот по втор пат имаше највисоки шест разлика (24:18). Следуваше серија од пет гола на Вардар за враќање на неизвесноста и 24:23 во 56. минута. Во 28. минута Вардар напад за израмнување, но тоа што не им успеа тогаш, се случи со звукот на сирената за 26:26 по 60 минути игра.

Покрај Ристовски со 10 одбрани, во победничкиот тим се истакнаа Кристијан Дисингер и Тимур Дибиров со по шест гола.

Во финалето, вардарци в недела ќе играат со Веспрем, додека Загреб во меч за 3. место ќе се сретне со Мешков Брест од Белорусија.

The post Борко Ристовски го однесе Вардар во финалето на СЕХА лигата appeared first on plusinfo.mk.