На 75-тата, нова седница, тие расправаа по Предлог на одлуката за продолжување на рокот за постоење на кризна состојба на дел од територијата на државата, заради висок ризик од зголемен обем на влез и транзитирање на мигранти и заради заштита на јавното здравје од илегална миграција во услови на пандемија.

Според опозицијата, Парламентот незаконски постапува во поглед на продолжувањето на траењето на кризата.

Пратеничката од ВМРО-ДПМНЕ Гордана Силјановска Давкова рече дека, ако кризата трае повеќе од 30 дена, тогаш Владата треба да прогласи вонредна состојба.

– Веќе седум години, спротивно на Уставот и владеењето на правото, Парламентот потврдува одлуки на Владата за шест месеци. И така ние си живееме во бесправна состојба, рече Силјановска Давкова.

Пратеникот од СДСМ Диме Велковски смета дека континуирано се воведува кризната состојба по барање на безбедносните структури заради можните проблеми кои можат да се случат.

– Не велам дека во моментов има некоја голема криза, туку можна криза. Тоа е прво одговорност кон сопствената држава, меѓутоа и кон НАТО-партнерите, вели Велковски.

Продолжението на 75-тата и другите седници, дополнително ќе биде закажано.

Утре нема пленарна седница во законодавниот дом, а задутре ќе има седница посветена на пратенички прашања. Седницата на која ќе се дискутира по Интерпелацијата на претседателот на Собранието Талат Џафери, поднесена од пратеничката група на ВМРО-ДПМНЕ, е најавена за четврток.

The post ПРАТЕНИЦИТЕ ГИ ЗАСУКАА РАКАВИТЕ Во собранието се одржаа седум пленарни седници appeared first on plusinfo.mk.

Дојче вели: Четири големи кризи што ја одбележаа ерата на Ангела Меркел

По шеснаесет години, канцеларката Меркел наскоро ќе се пензионира политички. Нејзините мандати беа обележани со кризи низ кои мораше да управува. ДВ ги анализираше записниците од сите седници на Бундестагот и утврди кои кризи се најголеми.

Ковид-19. Тој збор за првпат беше изговорен во Бундестагот попладнето на 12 февруари минатата година.

„Драги колеги! Во меѓувреме, вирусот што се шири од Кина има глобални ефекти“. Така го започна говорот во пленарната сала сојузниот министер за здравство, Јенс Спан.

Во тоа време, имаше само неколку случаи што се претворија во пандемија. Само во Германија, повеќе од 90.000 луѓе починале со вирусот или од вирусот. Во Бундестагот, пратениците се расправаа за заштитни маски и редоследот на вакцинација, за заклучување и укинување на мерките, пренесува Дојче веле.

Врз основа на записникот од собраниските седници, анализирани од ДВ, коронавирусот досега се споменуваше од говорницата повеќе од десет илјади пати, најчесто во рамките на дебатата одржана на 14 мај минатата година. Во тоа време, на дневен ред беше Законот за заштита од заразни болести, како и пакетот за финансиска помош. Пандемијата стана доминантна политичка тема.

И тоа е последната голема криза во ерата на Ангела Меркел.

Протоколите на Бундестагот документираат дека пред короната, германската политика и мандатот на канцеларката Ангела Меркел од 2005 година беа обележани со три кризи: пристигнување на повеќе од милион бегалци, финансиска криза и климатска криза.

– За време на нејзината кариера, канцеларката очигледно беше најзагрижена за кризата со еврото и финансиската криза – рече Урсула Вајденфелд, новинар и биограф на Ангела Меркел.

„Бидејќи клучното прашање беше како да се одржи Европа заедно“. И каква улога игра Германија во таа Европа?“

„Чадори“ за спас од банкрот

Во парламентот, Меркел направи повеќе за да ги поддржи земјите како Грција, Португалија или Ирска, односно да ја спаси земјата од банкрот со „чадори“ во форма на помош од милијарда долари. Различни форми на финансиска помош во Бундестагот се споменати повеќе од 2.000 пати.

– Ако еврото пропадне, тогаш Европа ќе пропадне – рече Меркел во мај 2010 година.

Координацијата помеѓу парламентот и федералната влада во тоа време беше многу добра, се сеќава либералот Херман Ото Золмс, пратеник со речиси четири децении искуство.

– Благодарение на тоа, успеавме релативно брзо да ја ставиме под контрола финансиската криза – се сеќава тој во интервју за ДВ.

Меѓутоа, Меркел честопати мораше да изврши притисок врз сопствените демохристијани, за да се согласи да им помогне на земјите на кои им се заканува банкрот. Раздорот во конзервативниот табор имаше последици: „Мора да се потсетиме на фактот дека Алтернативата за Германија всушност произлезе од отпорот кон политиката на Ангела Меркел за спасување на еврото“.

– Станува збор за странец кој се позиционираше десно од Демохристијаните – вели Урсула Вајденфелд.

Бегалци и мигранти

Нешто подоцна, од 2015 година, Алтернативата за Германија се фокусираше на прашањето за миграцијата – бројот на луѓе кои избегаа од Сирија и други земји и побараа засолниште во Германија, нагло скокна таа есен. За само една година, речиси милион бегалци пристигнаа во Германија.

Сирија е еден од термините што најчесто се споменуваше во дебатите во Бундестагот за време на ерата на Ангела Меркел – на седницата во декември 2015 година, дури и повеќе од 600 пати. Тоа беше денот кога пратениците го поддржаа ангажманот на Бундесверот во борбата против Исламската држава.

Во август 2015 година, Меркел ја изговори својата позната реченица „ќе успееме“ („Wir schaffen das“). Може да се добие впечаток дека личните убедувања на Ангела Меркел може да се видат за прв пат“.

Но, дури и пред 2015 година, оваа тема се дискутираше во Бундестагот. Канцеларката ја нарече интеграцијата „клучна задача на нашето време“ и зборуваше за тоа во нејзиниот прв говор на канцеларката во Бундестагот во 2005 година.

Во тоа време, таа немаше поим колку навистина задачата ќе стане голема. Терминот „интеграција“ беше споменат околу 350 пати во парламентарната дебата во февруари 2016 година, додека „бегалците“ беа споменати 380 пати, а „азил“ 360 пати.

Дали тонот на дискусијата се промени во последните децении, покрај темите за кои се дискутира? Да, ни кажува Херман Ото Золмс. „Со влегувањето на Алтернатива во парламентот, изборот на зборови стана поостар“.

Климатската криза

Ова е тема што со години беше во фокусот на Бундестагот – всушност, ниту една друга тема не беше во првите редови толку долго колку што беше климатската криза. Терминот „заштита на климата“ се споменува во четири петтини од седниците на Бундестагот откако Меркел стана канцелар – документиран е во 768 од вкупно 958 сесии.

Во својот прв говор на крајот на 2005 година, Меркел ја претстави заштитата на климата како економска тема: „Денес, извозот на технологија и заштитата на климата се тесно поврзани. Мислам дека можеме да ја демонстрираме нашата улога на ова поле како светски шампиони во извозот“.

Во следните две години, Меркел се претстави како „канцелар на климата“, стоејќи во црвена јакна пред топењето на глечерите. Германија тогаш беше пионер и лидер во обновливите извори на енергија.

Но, откако повеќе од 12.000 пати беше спомната „заштита на климата“ во Бундестагот, билансот е просечен. Додуша, Бундестагот усвои закони кои поттикнуваат употреба на обновлива енергија и заштита на климата – но ова беа компромиси, активистите велат дека потезите дошле предоцна или не отишле доволно далеку. Само минатата година, пратениците го одобрија излегувањето на Германија од експлоатација на јаглен до 2038 година.

Во тековната предизборна кампања пред гласањето на 26 септември, заштитата на климата е една од најважните теми – поплавите во јули им покажаа на луѓето колку е реална заканата. Со оглед на опасностите од суша, топлина и поплави, „климата“ може да биде еден од најчесто споменуваните зборови во следниот Бундестаг.

The post ШТО ЈА ОДБЕЛЕЖА ЕРАТА НА МЕРКЕЛ Ова се четирите најголеми кризи со кои се справи канцеларката appeared first on plusinfo.mk.

Поради тоа поголем дел од новинарите седницата можеа да ја следат само од прес центарот во Собранието.

Инаку денеска по осум месеци пратениците се вратија во големата сала во Собранието и таму ја одржаа седницата. Поради пандемијата на коронавирусот, пленарните седници се одржуваа во помалата „Кристална сала“ сала без присуство на медиуми и каде немаше електронско гласање.

Од Собранието информираат дека протоколот за присутво на пленарната седница до медиумите била испратена на 5 јуни.

The post Само вакцинираните новинари ќе ги следат собраниските седници appeared first on plusinfo.mk.

Причини за неможноста да се одржи седница има неколку, и тоа недоаѓање на сите пратеници од владејачкото мнозинство – СДСМ и ДУИ на седниците поради коронакризата или други лични причини, проблемот во пратеничката група на ДУИ, како и противењето на опозициските партии да присуствуваат на седниците и да прават кворум за работа на Парламентот.

Џафери на денешната средба со новинарите најави разврска на ваквите случувања во Собранието, особено за намерно недоаѓање на седниците од страна на пратениците од владејачкото мнозинство односно поконкретно од пратеничката група на ДУИ.

– Сите пратеници имаат обврска да дојдат на работа, а калкулациите се друга работа. Мислам ќе има разврска – рече Џафери, потврдувајќи на прашање дека тоа се однесува и за проблемот во пратеничката група на ДУИ, но и воопшто.

Претседателот на Собранието потенцира дека навреме ги информира пратениците за доставените закони и за одржувањето на седниците, а се друго е лична одговорност.

– И Деловникот и Уставот е таков, пратеникот не може да се повикува на одговорност за начинот на работа и општење по однос на функцијата. Пратеникот може самиот да се изјасни како ќе настапува понатаму. Е сега никој не кажува дека од ДУИ некој излегува како самостоен или независен. Тоа право го има секој од пратениците. Тоа не може никој да го казнува. А од друга страна да делувам како пратеник од таа пратеничка група, а да не доаѓам, е тоа веќе е лична одговорност – рече Џафери.

На првата наредна седница на дневен ред покрај законските текстови и годишни извештаи, ќе бидат ставени и двете интерпелации поднесени од опозоцијата за министерот за правда Бојан Маричиќ и вицепремиерот за борба против корупција Љупчо Николовски. Вчера Алијанса на Албанците и Алтернатива поднесе интерпелација за министерот за внатрешни работи Оливер Спасовски, по случајот со Сашо Мијалков.

The post Џафери ќе ги „превоспитува“ пратениците, особено тие од ДУИ за редовно да доаѓаат на седници appeared first on plusinfo.mk.

На дневен ред на Комисијата за деловнички и мандатно-имунитетни прашања е Предлог-законот за лобирање, во прво читање и расправата за примена на Деловникот на Собранието од надлежност на Комисијата за деловнички и мандатно-имунитетни прашања.

Членовите на собраниската Комисија за труд и социјална политика ќе расправаат за Предлог – законот за изменување и дополнување на Законот за семејството и Предлог – законот за изменување на Законот за превенција, спречување и заштита од семејно насилство, и двата по скратена постапка и во второ читање. На дневен ред е и разгледување на Извештајот на Законодавно-правната комисија, по Предлог на законот за спречување и заштита од насилство врз жените и семејното насилство, во второ читање.

Измените и дополнувањата на Законот за комплементарна и алтернативна медицина и на Законот за лековите и медицинските средства, и двата во прво читање, ќе се најдат пред членовите на Комисијата за здравство.

Предлог-законот за рамномерен регионален развој во второ читање е единствена точка на дневен ред на Комисијата за европски прашања.

Членовите на Комисијата за финансирање и буџет ќе расправаат за Годишниот извештај за работењето на Агенцијата за супервизија на осигурување за 2019, Годишниот извештај на Агенцијата за супервизија на осигурување за состојбата и движењата на осигурителниот пазар во земјава во 2019 и за финансиските извештаи на Агенцијата за супервизија на осигурување за 2019 година.

The post Седници на пет собраниски комисии appeared first on plusinfo.mk.

– Сметаме како ВМРО-ДПМНЕ и како пратеничка група на ВМРО-ДПМНЕ и коалицијата „Обнова на Македонија“ дека нема никакви пречки Собранието да продолжи да функционира нормално, бидејќи мнозинството на пратеници коишто се потребни за одлучување во Парламентот по сите видови на мнозинства за носење собраниски одлуки е во моментов и оперативно и достапно – рече пратеничкта Стојановска.

Ако може, дополни, според проценките на Филипче и Заев сите останати да одат на своите работни места, па дури, нели, се прекина и породилното отсуство на мајките родилки зошто да не можат и пратениците и на ВМРО-ДПМНЕ и на власта да доаѓаат во Парламент и да носат одлуки и да гласаат.

– Не можат само корона кризата да ја користат како заштита затоа што нивното мнозинство е тенко, што не можат седница да започнат затоа што мнозинството не им e присутно во сала. Тоа се ред на работи коишто уште од стартот се случуваат и верувам дека ќе се случуваат се додека овој парламентарен состав биде во функција – додаде Стојановска.

Меѓудругото пратеничката на ВМРО-ДПМНЕ, Дафина Стојановска, изјави дека тие како партија се подготвени за утрешната комисиска расправа за ребаланс на Буџетот.

The post Стојановска: Онлајн седниците се параван на власта за тенкото мнозинство appeared first on plusinfo.mk.

Прашањето за онлајн работа на пратениците се актуелизира вчера откако пратеничката група на ВМРО-ДПМНЕ потврди дека пратеничка од редовите на оваа партија е позитивна на ковид-19. Таа била позитивна на вирусот пред повеќе од една недела, а две недели претходно не доаѓала на работа во Собранието.

Претходните денови беше објавено дека позитивни на тестот за ковид-19 биле и пратениците Лазе Танески од СДСМ и Исмаил Јахоски од ДУИ. Таневски се тестирал бидејќи сакал да патува во странство, а Јахоски имал симптоми на ковид-19 и беше хоспитализиран.

По направените епидемиолошки анкети, од Центарот за јавно здравје информираа дека нема потреба од изолација на други пратеници, бидејќи мерките во Собранието се почитувале.

Координаторот на пратеничката група на СДСМ Јован Митрески вчера соопшти дека на координативна средба во Собранието ја објаснил потребата од промена на собранискиот Деловник, со цел воведување работа на далечина само за пратеници кои имаат решение за изолација.

– Тоа значи дека само оние пратеници кои се заболени или пак се наоѓаат во изолација поради контакт со заболено лице, присуствата на седниците на Собранието и на работните тела да можат да ги извршуваат онлајн – изјави Митрески.

Според него, вакви примери на комбинирано работење на парламентите има низ целиот свет, па во време на сериозни предизвици, потребни се институции со целосен капацитет, вклучително и Собрание кое ќе биде во можност да ги извршува своите функции и во вакви околности.

– Пратениците треба да им служат на граѓаните во секакви околности, вклучувајќи ја и панемијата – рече Митрески.

Од друга страна пратеникот од ВМРО-ДПМНЕ Антонио Милошоски, пренесувајќи го ставот на неговата пратеничка група, изјави дека од уставно-правен аспект Собранието не може да работи и да одлучува преку онлајн апликации, бидејќи според него, постои јасна уставна норма во Членот 69, која налага присуство на собраниските седници на мнозинство од вкупниот број на пратеници.

Според Милошоски, работа од далечина би била можна доколку во Уставот пишувало „учество“, а не „присуство“ на седницата, како што е утврдено и со Деловникот во членот 29 во којшто се наведува дека пратеникот има право и должност да „присуствува на седниците“ на Собранието и да учествува во работата и во одлучувањето.

– Од етички аспект, би било нееднаквост доколку пратениците физички не одат на работа во Собранието, а во исто време се бара градежниците, медицинскиот персонал, продавачите, возачите, наставниците, судиите, чиновниците и приватниците физички да бидат на своите работни места за са си ја заработат својата плата – потенцира Милошоски на својот профил на Фејсбук.

Осврнувајќи се на ставот на владејачкото мнозинство за потреба од ефикасни институции, Милошоски нагласи дека за такво нешто е потребна соработка на власта со сите други пратенички групи и „уважување на нивните ставови и мислења кога се работи од интерес на граѓаните“.

Според него, со онлајн собраниски седници се ризикува „политичка криза во Собранието, дополнително се воведува уште една правна несигурност“ и сите закони усвоени на овој начин „порано или подоцна може да паднат на Уставен суд“.

Меѓутоа, според координаторот на пратеничката група на ДУИ, Изет Меџити во Деловникот стои „присуство“ и со измените сака да се направи дека присуството може да е физичко или пак онлајн.

– Да не ги измачуваме тие што се пациенти во моментот, да не ги носиме, со посебен третман, па да ризикуваме… Не сакаме да дојдеме во ситуација да блокираме битни процеси – изјави Меџити.

Според него, можно е во следниот период да се зголеми бројот на пратеници инфицирани со ковид-19, па затоа не смее да се дозволи блокада на сите процеси.

– Затоа како владејачки парии сакаме само да одиме на прецизирање. Не се работи за некоја голема промена, туку само за прецизирање што сфаќаме под зборот присуство, дали само физичко присуство или и онлајн присуство – рече Меџити.

Координатор на пратеничката група на Алијанса на Албанците и Алтернатива, Скендер Реџепи смета дека со одржување онлајн седници може да дојде до злоупотреба на правата на пратениците инфицирани со коронавирусот, потенцирајќи дека во Собранието има доволно услови и се што е потребно е добра комуникација помеѓу власта и опозицијата.

– Може ли некој во таква здравствена состојба да се вклучи онлајн, ако е на респиратор поставен и целата јавност да го гледа него како тој се вклучува во Собрание. Тоа е тешка злоупотреба на граѓанските и здравствените права. Собранието има доволно услови, се што треба е добра координација меѓу опозицијата и власта – рече Реџепи.

Опозициската ВМРО-ДПМНЕ уште претходно најави дека „нема да и прават кворум на власта“, а прашање е дали во Собранието ќе присуствуваат пратеници од Алијансата на Албанците и Алтернатива.

Собраниски извори брифираат дека претседателот на Парламентот нема да откаже ниту една седница се додека може да се соберат доволен број пратеници за работа на Собранието, односно кворум од најмалку 61 пратеник, без разлика дали тие се од власта или од опозицијата. Од таму потенцираат дека опозицијата треба да има предвид дека ова се специфични услови за работа и дека треба да преземе одговорност и да придонесе за функционалноста на институцијата. Во однос на гласањето за точките на дневен ред, велат дека демократски е секој да се изјасни онака како што смета, но дека во случајов опозициските пратеници и од македонскиот и од албанскиот блок треба да учествуваат во работата на Собранието.

Владејачкото мнозинство во Собранието брои 62 пратеници од СДСМ, ДУИ, Беса и коалициските партнери, а опозицијата 58 пратеници од ВМРО-ДПМНЕ и од коалицијата и Алијанса на Албанците и Алтернатива.

The post Власта е „за“, а опозицијата е „против“ онлајн работењето на Собранието appeared first on plusinfo.mk.

„Се одлагаат сите јавни седници и расправи закажани во Кривичниот оддел на Апелацискиот суд Скопје за деновите 29 и 30  јуни 2020 година и за деновите 01, 02 и 03 јули  2020 година“, стои во соопштението од Апелационен суд Скопје.

За денот на одржување на одложените седници странките и јавноста ќе бидат дополнително известени.

The post Апелацискиот суд следната недела нема да заседава appeared first on plusinfo.mk.