се заразиле Archives - plusinfo.mk

Околу 100.000 куни во Шпанија се заразиле со коронавирус, ќе бидат убиени

МИА — Fri, 17 Jul 2020 11:26:37 +0000

Шпанија нареди да се убијат речиси 100.000 куни на фарма, откако е потврдено дека го пренесувале коронавирусот – соопшти регионалното Министерство за земјоделство.

Хоакин Олона, министер за земјоделство за северо-источниот регион Арагон, рече дека треба да се убијат 92.700 куни, кои инаку имаат цена поради своето крзно.

Локалните власти се сомневаат дека вирусот влегол во фармата преку работник кој потоа го пренел на животните.

Но, министерот Олона вели дека не е целосно јасно дали е можно „пренесување на вирусот од луѓе на животни и обратно“.

Десетици илјади куни се убиени во Холандија од почетокот на пандемијата по откривањето на заразата во 20 фарми, соопштија тамошните власти на почетокот на јули.

Како што пренесува „Гардијан“, на овој потег се одлучиле по откривањето на заразата кај двајца работници во мај, најверојатно од куна, додека Светската здравствена организација (СЗО) соопшти дека може да биде првиот познат случај на пренесување на вирусот од животно на човек.

Во Шпанија, фармата за куни, на околу 100 километри северо-западно од брегот на Валенсија, внимателно се набљудува од 22 мај, откако седум работници се заразиле со коронавирусот,

Властите додаваат дека тестирањето спроведено на 13 јули покажало дека се заразени 87 проценти од куните, поради што е донесена одлука да се убијат за да се „избегне натамошен ризик од пренесување на вирусот на луѓето“.

Шпанија е една од најтешко погодените земји во Европа со коронавирус. Досега, повеќе од 28.400 луѓе починале како последица на Ковид-19.

The post Околу 100.000 куни во Шпанија се заразиле со коронавирус, ќе бидат убиени appeared first on plusinfo.mk.

ИЈЗ: 77 трудници досега се заразиле со вирусот, а 34 поминале без никакви симптоми

плусинфо — Tue, 14 Jul 2020 12:08:51 +0000

До 12 јули во државава се регистрирани 8.197 случаи на ковид-19 во 32 града. Во последнава недела, од 6. до 12 јули, тестирани се вкупно 9.995 материјали во лабораториите во кои се спроведува молекуларно тестирање за присуство на SARS-CoV-2. Регистрирани сe вкупно 1.073 нови позитивни случаи од 26 градови во државата. Најголем дел од регистрираните случаи се од Скопје (n=454; 42,3%) и Тетово (n=96; 8,9%). Следат Свети Николе, Гостивар и Штип – се вели во најновиот извештај на Институтот за јавно здравје на РСМ.

Од случаите кои се епидемиолошки истражени (n=8.048; 98,2%), пријавени се 77 (0,9%) случаи кај бремени жени, од кои 19 биле хоспитализирани во текот на болеста. Триесет и четири од регистрираните се асимптоматски случаи.

Во однос на хронични заболувања, од случаите кои се епидемиолошки истражени (n=8.048; 98,2%), кај 2.410 (29,9%) лица се присутни хронична/и здравствени состојби, од кои 1.637 лица имаат кардиоваскуларна болест, 700 дијабет, 320 се со хронична белодробна болест и 445 со други хронични болести. Од хоспитализираните случаи, кај 980 (59,2%) се присутни коморбидитети.

Од случаите кои се епидемиолошки истражени (n=8.048; 98,2%), регистрирани се 606 (7,5%) случаи на заболување меѓу здравствени работници.

Во овој период (од 6. до 12 јули) има и 36 починати лица од кои 17 се во Скопје, а шест смртни случаи има во Тетово. Вкупно 35 од починатите биле хоспитализирани, а еден починал вон болница. Коморбидитети се регистрирани кај 29 починати лица.

Од случаите кои се епидемиолошки истражени (n=8.048; 98,2%), кај 2.318 или 28,8% од дијагностицираните лица не се регистрирани симптоми на заболувањето. Од нив, 1.455 или 62,8% имале контакт со веќе потврден случај во државата.

The post ИЈЗ: 77 трудници досега се заразиле со вирусот, а 34 поминале без никакви симптоми appeared first on plusinfo.mk.

Двајца вработени во Лекарска комора се заразиле со корона играјќи на свадба

плусинфо — Tue, 09 Jun 2020 18:07:56 +0000

По добиената информација дека две лица вработени во администрација на Лекарската комора се позитивни на корона вирусот,во саботени оработка со ЦЈЗ Скопје направена е епидемиолошка анкета и тестирање на сите вработени во Комората. Според проценката и тестирањето сите вработени се со низок ризик и со негативен тест. Комората немаше прекин во работата и ќе продолжи непречено да работи – информираат од Лекарската комора на Македонија.

Вработените во Комората не се заразиле со вирусот додека биле на работното место, туку додека го користеле годишниот одмор.

Според неофицијални информации, тие биле гости на свадба што се одржала кон крајот на мај во околината на Скопје, во време кога поради епидемијата со ковид-19 во земјата и тие прослави се забранети.

The post Двајца вработени во Лекарска комора се заразиле со корона играјќи на свадба appeared first on plusinfo.mk.