Од над 70 пријавени позитивни лица пред неколку дена, дури 20 изјавиле дека не контактирале со  заразен со вирусот.

Во врска со тоа како тогаш се заразиле овие лица – дали можеби кријат дека се позитивни, министерот за здравство, Венко Филипче, изјави:

– Има бројни податоци во кои не ги кажуваат контактите и пациентите, точно, одбиваат да кажат и дека имаат симптоми, па ги пријавуваат соседите. Тоа се наоди од Државниот санитарен и здравствен инспекторат. А проверката кога ќе се направи со епидемиолошката анкета, се покажува дека тоа се контакти од постојните кластери.

За тоа која е казната за оние коишто ќе пријават лажни податоци во услови на епидемија, директорката на Државниот санитарен и здравствен инспекторат, д-р Ирина Сотирова Бухова, појаснува:

– За давање лажни информациии се казнува според Кривичниот законик, а не по Законот за здравствена  заштита. Точно, имаме случаи каде комшиите пријавуваат сомнителни или заразени со вирусот во Брза помош, екипата оди на лице место и прашува, а дел од граѓаните велат дека не сакаат хоспитализација. А Брза помош нема право да ги пренесе до болница, ако тие одбиваат, за тоа треба да се задолжени други институции. Имаме изјава од службата за Брза помош дека пациентот којшто пред некој ден одбил да се хоспитализира, утредента починал.

Според Кривичниот законик, член 206 (1), тој што за време на епидемија на некоја опасна заразна болест не постапи според прописите или наредбите со кои се определуваат мерки за нејзиното сузбивање или спречување, ќе се казни со парична казна или со затвор до една година. (2) Ако делото од овој член го стори правно лице ќе се казни со парична казна.

The post Соседите ги пријавуваат, бидејќи кријат дека се заразени со корона вирусот appeared first on plusinfo.mk.

По САД и Канада, сега погодени се и француските кланици и работилници за преработка на месо. Три жаришта на инфекции со Ковид-19 се идентификуваат од 10 мај во Ванде (20 случаи), Кот д’ Амор (69 случаи) и Лоаре (34 случаи).

Министерот за земјоделство, Дидие Гијом, изутринава на ФрансИнфо изјави дека „Се уште не е познато зошто овие три кланици станаа жариште на заразување, регионалните здравствени агенции работат на тоа“, рече тој.

Сепак, според него се верува дека заразата може да се случила во соблекувалната во моментот на смената.

-Ние ги тестиравме сите вработени во трите кланици, но за момент не сме спровеле нов протокол. Можно е да ги тестираме сите работници во кланиците во Франција, или да го намалиме ритамот на работата, ако здравствените власти го побараат тоа, рече Дидие Гијом.

The post Повеќе од 100 вработени во кланици во Франција се заразени од новиот вирус appeared first on plusinfo.mk.