Најмалку четири лица загинаа, а 17 сè уште се водат како исчезнати откако се урна недовршенa зграда во филипинскиот град Анџелес, недалеку од Манила, додека спасувачките служби продолжуваат да бараат десетици луѓе за кои се стравува дека се закопани под урнатините.

Деветкатната зграда, која сè уште била во изградба, се урна околу три часот наутро по локално време. Според првите информации, во зградата во моментот на несреќата имало многу градежни работници (пријавени се  30 до 40 лица затрупани под урнатата зграда).

– Осум лица кои беа во близина на зградата беа спасени, додека уште 11 лица, вклучувајќи го и раководителот на градилиштето, успеаја да избегаат -изјави портпаролот на градот Џеј Пелајо за радиото DZBB.

Тој додаде дека на градилиштето имало голем број работници.

Според информациите од раководителот на градилиштето, меѓу 30 и 40 лица се водат како исчезнати-  рече Пелајо, додавајќи дека операциите за пребарување и спасување се во тек.

Локалните власти објавија дека 65-годишен маж од Малезија, кој наводно престојувал во хотел веднаш до градилиштето, починал. Според противпожарната служба, тој успеал да контактира со спасувачите по телефон додека бил закопан, но починал пред да можат да го извлечат.

Gumuho ang isang ipinapatayong gusali sa kahabaan ng Teodoro Street, Brgy. Balibago, Angeles City, Pampanga, madaling araw nitong May 24, 2026.

Ayon sa Angeles City Public Information Office, nagpapatuloy ang search and rescue operation para sa mga napaulat na natabunan ng… pic.twitter.com/WSrBVfw5tf

— GMA News (@gmanews) May 24, 2026

Снимките од местото на несреќата покажуваат огромни количини бетон, срушени скелиња и заштитни мрежи што паднале на улицата.

-Големи парчиња бетон го отежнуваат спасувањето – рече Пелајо.

Еден сведок изјави дека слушнал гласен татнеж непосредно пред уривањето. Таа рече дека накратко ја изгубила свеста и се разбудила опкружена со урнатини што покривале две улици.

Филипините се соочија со серија несреќи во градежништвото во последните години што експертите ги припишуваат на лошото планирање, лошиот надзор и проблемите во управувањето со проектите.

На почетокот на годината, уривањето на депонијата во Себу Сити одзеде животи на 11 работници.

The post 📽️ СЕ УРНА ДЕТВЕТКАТНИЦА ВО ИЗГРАДБА ВО ФИЛИПИНИ Десетици работници се затрупани, има загинати appeared first on plusinfo.mk.

Најмалку 10 лица загинаа, а се стравува дека десетици се под урнатините, откако денеска се урна дел од трикатна станбена зграда во близина на индискиот финансиски центар Мумбаи, соопштија властите.

Несреќата се случи во индустрискиот град Биванди, 40 километри северо-источно од Мумбаи, а градскиот комесар Пнаќа Аши рече дека стравува дека речиси 26 семејства останале под урнатините.

Сѐ уште не е позната причината за уривањето на зградата со 54 станови, а станарите велат дека почнале да бегаат откако се појавиле пукнатини.

Како што пренесуваат медиумите, досега се извлечени 11 повредени лица.

При отстранување на урнатините учествуваат членови на градските служби и Националните сили за одговор на катастрофи.

Причината за уривањето на повеќето стари или нелегално изградени згради во Индија обично се бара во обилните врнежи, а бројот на вакви несреќи се зголемува за време на сезоната на монсуните, од јуни до септември. 

The post Се урна зграда во Индија, десетици мртви (ФОТО) appeared first on plusinfo.mk.