Во рамките на пошироките кратења, што произлегуваат од намалувањето на финансирањето од државниот буџет, „Дојче веле“ целосно ќе ја укине и затвори грчката програма од 1 јануари 2027 година, соопштија од „Дојче веле на грчки јазик“.

Како што јави дописничката на МИА од Атина, во соопштението се наведува дека ќе биде укината грчката редакција што „обезбедуваше независно информирање на публиката во Грција, дури и за време на воената диктатура“.

– Функционира како значаен канал за дијалог за време на должничката криза во еврозоната пренесувајќи ги германските ставови во грчката јавност. Грција долго време е членка на Европската Унија и е стабилна демократија со разновиден медиумски пејзаж, па затоа „Дојче веле“ треба да пристапи кон кратења во овој сегмент – се наведува во соопштението.

Дополнително, во текстот објавен на „Дојче веле на грчки јазик“ пишува дека грчката програма е единствената што целосно ќе биде укината, грчкиот јазик е единствениот од вкупно 32 јазици на Дојче веле што ќе престане да постои од 1 јануари 2027 година, но и дека кратења има и во други програми, меѓутоа ниту еден друг јазик не се укинува целосно.

Генералната директорка на Дојче Веле, Барбара Масинг истакна дека „заштедите што се неопходни поради државните кратења и недостигот од компензација за договорените колективни зголемувања на платите се исклучително болни“ и дека ја ослабуваат конкурентноста во време кога силното германско и европско присуство добива сè поголемо геополитичко значење.

The post ЌЕ СЕ УКИНЕ ГРЧКАТА РЕДАКЦИЈА НА ДОЈЧЕ ВЕЛЕ Медиумот ќе работи до крајот на годинава appeared first on plusinfo.mk.

Предлог-измените на Законот за туристичка дејност во прво читање го поминаа комисискиот филтер во матичната Комисија за култура и туризам. Членовите на Комисијата дадоа поддршка на предложените измени и ги проследија на понатамошно читање.

Со предложените измени се укинува Агенцијата за промоција и поддршка на туризмот со што вработените и сѐ останато преминува под надлежност на Министерството за култура и туризам.

Со измените, меѓу другото, се предвидува министерот за култура да го формира Советот за промоција и поддршка на туризмот и да се доделуваат субвенции за туризмот.

Според предлагачот, целта на законските измени е институционално унапредување на туристичките политики, зголемена ефикасност и централизирано планирање и синергија меѓу културата и туризмот.

The post СЕ УКИНУВА АГЕНЦИЈАТА ЗА ТУРИЗАМ Вработените и обврските ќе ги преземе Министерството за култура appeared first on plusinfo.mk.

Наставниците веќе ќе немаат обврска податоците и оценките за учениците да ги внесуваат и во печатен и во електронски дневник

Наставниците веќе знаат да пополнуваат електронски дневник кој со години е дел од образовниот систем, велат од Бирото. Електронската евиденција ќе ја водат околу 25.000 наставници и професори. Во електронските дневници, освен оценките, ќе се внесуваат информации за изостаноците и активностите на учениците.

Наставниците веќе подолго време бараат да бидат растоварени од обврската да водат двојна евиденција во воспитно-образовниот процес, но потсетуваат дека нема интернет во училиштата.

Процесот на дигитализација на образованието е една од приоритетите на Владата, чија цел е модернизација и интеграција на националниот образовен систем во европскиот образовен простор, велат од Министерството за образование и наука и додаваат дека се подготвени за почнување на новата учебна година и во услови на пандемија.

– Сметаме дека најважно е, односно најдобро сценарио е наставата со физичко присуство со сите ученици, согласно со распоредите за почеток на наставата. Доколку има драстична промена во епидемиолошката слика, тогаш би требало да го промениме сценариото со хибридна настава – една недела во училиште, една онлајн. Третото најмалку посакуваното сценарио е да поминеме најголем дел од наставата онлајн. Очекувам дека ако сите ги почитуваат протоколите за настава со физичко присуство, ќе успееме и наредната учебна година да ја реализираме на тој начин. До денеска повеќе од 58 отсто од наставниците и соработниците во училиштата се веќе вакцинирани – вели Мила Царовска, министерката за образование.

The post Се укинуваат печатените дневници, од септември само електронски appeared first on plusinfo.mk.

На отворањето на самитот, што се одржува онлајн, генералниот секретар на Советот за регионална соработка, Мелинда Брегу, истакна дека историскиот договор од Белград во 2019 година започна со постепено укинување на роамингот, што конечно ќе биде завршено на 1 јули следната година. Третиот чекор ќе биде намалување на роамингот меѓу земјите од Западен Балкан и оние од ЕУ.

– Договорот од Белград направи голем чекор напред, а третиот чекор, кој ќе биде од среднорочен карактер, е да се намали роамингот меѓу Западен Балкан и ЕУ. Подготовките за ова се веќе започнати и активностите ќе бидат презентирани за време на следниот дигитален самит – рече Брегу.

Таа додаде дека забрзаната дигитализација треба да придонесе за интеграција на пазарот на земјите од Западен Балкан и дека идејата за единствен пазар заснован на слободно движење на луѓе, стоки и капитал ќе биде потврдена на Самитот на лидерите на ЕУ и Западен Блакан во Софија, што ќе се одржи на 10 ноември како дел од Берлинскиот процес.

– Целта е да се создадат нови можности за раст на компаниите и создавање работни места. Регионот на Западен Балкан се соочува со нови предизвици поради пандемијата на Ковид-19 и затоа дигиталната агенда е една од главните за развој во новите услови. Пандемијата драматично го смени светот што го познаваме и ја забрза дигиталната трансформација на општеството и затоа треба во фокусот да бидат паметните политики за дигиталната револуција – посочи Брегу.

Според неа, и покрај кризата предизвикана од ширењето на коронавирусот, со која се соочуваат регионот и светот, на третиот Дигитален самит на Западен Балкан ќе се разгледа можноста за воспоставување партнерство со приватниот сектор во контекст на процесот на дигитална трансформација.

Брегу додава дека на самитот ќе учествуваат високи владини претставници од регионот, Европската комисија, бизнис заедницата и други партнери.

Годинешниот самит, чиј домаќин е албанската Влада, се одржува онлајн, а во негови рамки е планиран завршниот министерски состанок на 2 ноември во Тирана.

По Скопје, кој беше домаќин на првиот дигитален самит на Западен Балкан во 2018 година и во Белград минатата година кога шест економии во регионот го потпишаа Регионалниот договор за намалување на цените на роамингот, самитот во Тирана ќе ги потенцира достигнувањата на дигиталната агенда за Западен Балкан.

Од денес до 28 овој месец преку интернет можат да се следат бројни сесии за мрежно поврзување и поврзување на услуги, дигитални вештини, дигитална економија додека завршниот состанок на самитот ќе се одржи на 2 ноември со министерски панел за дигиталната агенда за Западен Балкан. Се очекува да биде усвоен Меморандум за разбирање за регионалната интероператибилност и услугите за доверба во регионот на Западен Балкан, како и Меморандум за разбирање за планот за дигитална трансформација на 5Г за Западен Балкан.

Дигиталниот самит на Западен Балкан е дел од повеќегодишниот акционен план за регионалната економска област, поддржан од лидерите од регионот во Трст во 2017 година.

Советот за регионална соработка, заедно со ЕУ, владите во регионот, ЦЕФТА и партнерите, е во напредна фаза на подготовка на Акционен план за заедничкиот регионален пазар.

The post Роамингот целосно ќе се укине во 2021 година appeared first on plusinfo.mk.

Членот на Кризниот штаб, епидемиологот Предраг Кон изјави дека по укинување на вонредната состојба во Србија, на сила останува мерката за прогласена епидемија од посебно значење, како и пандемија од Светската здравствена организација, која вклучува вонредни мерки.

Како што јави дописникот на МИА од Белград, кризниот штаб по укинување на вонредната состојба, ќе и препорача на Владата на сила да остане забраната за масовни собири, вклучително и посети во кина и театри, како и спортски настани со гледачи.

Покрај забраната за масовни собири, струката во кризниот штаб се согласи да се укине забраната за движење на лица над 65 години, со останување на препораките за нивно однесување во поглед на социјалната дистанца и рестриктивното движење.

На сила ќе остане обврската за употреба на маски и ракавици во јавниот превоз, како и во рестораните и кафулињата, останува на сила и социјалната дистанца, ќе нема и понатаму настава во училиштата, а останува наставата од далечина.

Според лекарите важно е и понатаму да се применуваат основните мерки за заштита за да се намали можноста од зараза со вирусот – миење на рацете, дезинфекција на површини со кои се доаѓа во контакт.

Особено е важно да се одржува растојанието во затворен простор, а потребна е претпазливост и на отворено.

Шетањето ќе биде дозволено, но не и во група.

Прославите како свадби, крштевки, родендени ќе бидат дозволени од 15 јуни.

The post Во Србија утре се укинува вонредната состојба, свадбите дозволени од 15 јуни appeared first on plusinfo.mk.

Адеми посочува дека владата на денешната седница усвои сет образовни мерки со кои се обезбедува непречено функционирање на воспитно – образовниот систем.

– Учениците од основните и средните училишта не се враќаат во училишните клупи до крајот на наставната година, а тековната учебна година до крај ќе продолжи да се реализира преку организирање на далечинско учење, односно учење од дома. Уписот на првачињата за учебната 2020/2021 година ќе се врши во јуни, а исто така се уредуваат и уписите на високообразовните установи, напиша Адеми.

Деталите за овие мерки, кои се дел од мерките за справување со ковид-19, тој ќе ги соопшти на прес-конференцијата која што е во тек.

The post Се укинува државната матура, учениците не се враќаат во училиштата appeared first on plusinfo.mk.

– Со промената на временските услови и пролетното развивање на вегетацијата, се намали опасноста од појава на пожари на отворено и поради новосоздадените услови Министерството за земјоделство, шумарство и водостопанство на барање на ЈП „Национални шуми“ , ја укинува забраната за движење во шума и шумско земјиште. Решението за укинување на забраната за движење во шума и шумско земјиште стапува на сила од утре 24.04.2020 (петок) година – велат од Министерството.

ЈП „Национални шуми“ ќе продолжат и понатаму да ја следат состојбата со нашите шуми и движењето на граѓаните (рекреативците и сите оние кои извршуваат шумско културни активности). Доколку се процени дека повторно се создале услови за ризик од шумски пожари, забраната повторно ќе се воведе.

Ги потсетуваме сите граѓани дека согласно член 46 од Законот за земјоделско земјиште и член 23 од Законот за ловство, забрането е палење на стрништа, плевел и други растителни отпадоци во ловиштата и друг земјоделски отпад на земјоделско земјиште, како превентивна мерка за заштита од појава на пожари на отворен простор.

Ги повикуваме сите граѓани одговорно да се однесуваат додека се движат низ шума, да се грижат за природата, да не фрлаат догорчиња и запалливи материи со што ќе придонесат за зачувување на животната средина.

The post Од утре се укинува забраната за движење во шума и шумско земјиште  appeared first on plusinfo.mk.