Од скопската Зоолошка градина информираа дека после три години повторно има бебе белоглав мршојадец.

„Среќни сме што после три години повторно имаме бебе белоглав мршојадец.

Овој вид е трајно заштитен во нашата држава, како еден од најзагрозените, а неговата улога во природата е доста значајна.

Мршојадците се всушност наши еко чувари. Тие се хранат со трупови на мртви животни и со тоа спречуваат ширење на зарази.

Женките птици најчесто се гнездат на ксрпи и несат по едно јајце, чија инкубација трае 48-53 дена.

За продолжување на овој вид, се надеваме дека во скора иднина тоа ќе можеме да го правиме преку реинтродукција односно пуштање на млади единки во природа, со цел да спречиме истребување на белоглавите мрошојади на македонска територија каде што најчесто страдаат од човечки фактор со труење, хранејќи се со затруени животни од човечка рака.

Искрено посакуваме што повеќе бебиња во домот на белоглавите мршојади во Скопје ЗОО“, велат од ЗОО Скопје.

The post ВО СКОПСКАТА ЗООЛОШКА СЕ РОДИ БЕЛОГЛАВ МРШОЈАДЕЦ „Тие се наши еко чувари“ appeared first on plusinfo.mk.

Бебето родено во „водена обвивка“ дојде на свет со помош на д-р Елена Ѓоргиевска-Николовска, гинеколог, која заедно со својата колешка д-р Катерина Николоска, со царски рез ја породиле трудницата која носела близнаци – информираа од Министерството за здравство.

– Како гинеколог-акушер со 18-годишно работно искуство на Универзитетската клиника за гинекологија и акушерство во Скопје, имав прилика заедно со мојата колешка д-р Николоска да породиме пациентка во термин со близначка бременост со царски рез, при што, по породувањето на првото бебе, почна породувањето на второто бебе со „водена обвивка“. Целата екипа во хируршката сала во еден момент беше изненадена од овој природен феномен, и покрај големиот број породувања кои ги правиме секојдневно. Навистина, тогаш сфаќаме колку е совршена природата и како ги создала совршено сите работи – вели д-р Елена Ѓоргиевска-Николовска.

Во текот на бременоста бебето е сместено во матката на мајката, во обвивка која се нарекува „амнионска обвивка“, исполнета со течност, која го штити од бактерии и вируси од надворешната средина во текот на неговиот развој. Обвивката ги поддржува постелката и папочната врвца да ги извршуваат своите функции – да донесат кислород и хранливи материи од мајката кон бебето. На овој начин се развива бебето и преживува заштитено во стомакот на мајката.

– Во текот на породувањето многу ретко се случува „околуплодовата обвивка“ да не прсне и бебето да се роди заедно со обвивката, како што било и внатре во матката, а многу ретко се случува при царски рез, бидејќи околуплодовите обвивки мора да прснат, за да се породи плодот, а речиси никогаш не се случува при спонтано вагинално раѓање, појаснува д-р Ѓоргиевска-Николовска, потенцирајќи дека станува збор за исклучително редок феномен во природата, и се верува дека раѓањето во обвивките им носи среќа и на бебето и на целото семејство.

The post На Гинекологија се роди бебе во „водена обвивка“ – феномен што се случува еднаш во 80 илјади породувања appeared first on plusinfo.mk.