Граѓаните нема потреба да ги носат во полициска станица потврдите за платените санкции од сообраќајниот систем „Безбеден град“, кои ги платиле во банка или електронски, информира Министерството за внатрешни работи.

„Системот на МВР автоматски е поврзан со системот на Министерството за финансии. Граѓаните се должни при уплатата да ја пополнат уплатницата како во правната поука на записникот, а тоа значи дека треба точно да се внесе единствениот број од записникот во делот „повикување на број“ и „цел на дознака“ во уплатницата“ соопшти МВР.

Министерството апелира до граѓаните да не ја носат потврдата од платената санкција во полициска станица, со што ќе го заштедат своето време и ќе избегнат непотребен метеж.

The post 🎥 НЕ ГИ НОСЕТЕ ПОТВРДИТЕ ЗА ПЛАТЕНИ КАЗНИ ОД „СЕЈФ СИТИ“ ВО ПОЛИЦИСКА СТАНИЦА Системот на МВР е поврзан со системот на Министерството за финансии appeared first on plusinfo.mk.

Во периодот од 01.03.2026 до 31.03.2026 од страна на системот „Безбеден град“ на подрачјата на градовите и Коридорите каде се поставени камери, регистрирани се вкупно 26.241 прекршок.

Од вкупниот број регистрирани прекршоци за минување на затворен сигнал (црвено светло) констатирани се 70 прекршоци што претставува намалување на 68,2% во споредба со февруари. Најголемиот број прекршоци се за управување на возило со брзина поголема од дозволената 25.230, а во текот на месецот се регистрирани дури 941 прекршок за управување на возило со измината важност на сообраќајната дозвола.

Изречени се вкупно 544 мерки забрана за управување со возило, чиј број бележи намалување од 16,7% во однос на минатиот месец. Од нив 70 се за минување на црвено светло, а 474 се за брзо возење, од кои 362 за брзина поголема од 80 км на час во населено место, 70 за брзина поголема од 10 км – сопствено ограничување на возило и 42 за брзина поголема од 170 км на час во ненаселено место.

Полицијата апелира до сите учесници во сообраќајот да ги почитуваат сообраќајните правила и прописи и сите заедно да придонесат за посигурни и побезбедни патишта.

The post СО КАЗНИ БРЗО СЕ УЧИ ШТО Е ЦРВЕНО СВЕТЛО НА СЕМАФОР „Безбеден град“ во март регистрирал 68,2% помалку прекршоци во споредба со февруари appeared first on plusinfo.mk.

Секој совесен и одговорен возач, покрај грижата за сопствената безбедност, безбедноста на своите сопатници и другите учесници во сообраќајот, се труди при возењето да ја зголеми и ефикасноста во потрошувачката на гориво.

Така, знаеме дека возењето со помала брзина, оптимален број на вртежи на моторот, избегнување нагло сопирање и стартирање на автомобилот, негово редовно сервисорање, оптимален притисок на пневматиците, дури и во зависност од надворешната температура и сл., ни заштедува гориво.

Очекувам деновиве некој надлежен орган, вклучително и здруженијата на возачи, да нè потсетат на можностите за штедење гориво при управувањето со возилата, во услови на високите и растечки цени на горивата.

Подолго време размислував јавно да споделам една хипотеза (претпоставка која треба дополнително да се истражи и да се докаже), дека системот „Безбеден град“ (Safe city), покрај зголемената безбедност на улиците и патиштата (и, нека ми простат некои, финансиска корист за државниот буџет од наплатените санкции за прекршоци во сообраќајот), во вистинско време, токму пред налетот на нафтениот шок, сосема неочекувано, можеби ни носи заштеди од намалената потрошувачка на гориво, како за семејните буџети, така и за трговското салдо на земјата.

Велам можеби затоа што системот „Безбеден град“, функционира само еден цел месец, февруари, но веројатно позитивни ефекти во заштеди на гориво, иако во помал обем, можеби се остварени и во претходните два “подготвителни” месеци, декември во минатата и јануари во оваа година.

Серијата податоци за вкупна потрошувачка на нафтени деривати во замјава во тековниов месец (март) ќе претрпи влијание од значително зголемените малопродажни цени на горивата заради растот на цените на нафтата на светските берзи со почетокот на војната меѓу САД/Израел и Иран, со последици и врз другите земји од Заливот.

За очекување е дека високите цени барем донекаде ќе влијаат да се намали потрошувачката на нафтени деривати.

Првичен поглед на податоците за увоз на нафтени деривати во првите два месеци од годинава не нуди можност за сигурен заклучок дека се остварени заштеди како резултат на повнимателното управување со возилата по воведување на системот „Безбеден град“.

Но, од она што го слушам од луѓето околу мене, сепак се чувствува ефектот од смалена потрошувачка на гориво како резултат на поревносното почитување на сообраќајните прописи.

Ќе се обидеме со користење на филтри во статистичката анализа да ја тестираме мојата препоставка за дополнителната, непредвидена и правовремена корист со заштеда на гориво од системот „Безбеден град“.

Но, до тогаш ќе бидам благодарен на секој што ќе го прочита овој текст и доколу во коментарите го сподели сопственото искуство.

The post Ни заштедува ли гориво системот „Безбеден град“ – во вистинско време? appeared first on plusinfo.mk.

The post ВО ФЕВРУАРИ КАМЕРИТЕ НА „БЕЗБЕДЕН ГРАД“ ФАТИЛЕ 19.066 ПРЕКРШОЦИ На 653 возачи им се изречени забрани appeared first on plusinfo.mk.

Во периодот од 16.02.2026 до 22.02.2026 системот „Безбеден град“ на подрачјата на градовите и на Коридорите каде се поставени камери, регистрирал вкупно 4.910 прекршоци, соопшти МВР.

Од вкупниот број регистрирани прекршоци, најголем број се за управување на возило со брзина поголема од дозволената 4.691. За минување на затворен сигнал (црвено светло) има 16 прекршоци што претставува намалување на 51,5% во споредба со минатата седмица кога биле регистрирани 33 прекршоци. Во првата недела од месецот биле регистрирани дури 163 прекршоци за минување на затворен сигнал.

За управување со возило со измината важност на сообраќајната дозвола констатирани се 203 прекршоци.

Исто така, изречени се вкупно 117 мерки „забрана за управување со возило“, чиј број бележи намалување од 20,9% во однос на минатата седмица, а во првата недела од месецот биле регистрирани дури 288 мерки „забрана за управување со возило“. Од 117 мерки кои се изречени изминатата седмица 16 се за „минување на црвено светло“, а 101 се за „брзо возење“, од кои 75 за брзина поголема од 80 км на час во населено место, 19 за брзина поголема од 10 км на час и седум за брзина поголема од 170 км на час во ненаселено место.

– Апелираме до сите учесници во сообраќајот да се почитуваат сообраќајните правила и прописи и сите заедно да придонесеме за посигурни и побезбедни патишта – велат од МВР.

The post САМО 16 ВОЗАЧИ ФАТЕНИ НА ЦРВЕНО ВО ПОСЛЕДНАТА СЕДМИЦА На автопатите се вози и со над 170 на час appeared first on plusinfo.mk.

Граѓанинот што смета дека не сторил сообраќаен прекршок, а добил налог за плаќање казна за сторен прекршок преку системот „Сејф сити“, може да се пожали во која било полициска станица, вели министерот за внатрешни работи, Панче Тошковски.

Тој вели дека во одредени полициски станици на возачите им било кажувано дека не се надлежни и дека приговорот треба да се поднесе во најблиската полициска станица според адресата на живеење, а тоа не е точно.

– Кога беше пишуван законот и кога беше замислено ова решение, така е запишано и така ќе го имплементираме. Имаме малку потешкотии кај одредени полициски службеници, но ќе се корегира тоа. Граѓанинот може да пристапи буквално во секоја полициска станица каде тој смета дека треба. Таа која му е најблиску, до која му е наједноставо да пристапи… Така е замислен системот и така се имлементира – рече министерот Тошковски во гостување на ТВ21.

Кога граѓанин ќе дојде во полициска станица и ќе донесе документ каков и да е, полицискиот службеник е должен да го прими документот, без оглед дали е во полициска станица во Берово, Делчево, Дебар, во Гевгелија, каде било, категоричен е Тошковски.

– Секој еден полициски службеник, во секоја полициска станица е должен да го прими граѓанинот и должен е да прими каков било писмен акт кој граѓанинот ќе му го даде. Понатаму, во рамки на системот на МВР, ќе се утврди како ќе биде постапено, согласно нашите процедури и подзаконските акти – вели Тошковски.

Министерот нагласи и дека според подзаконскиот акт, во врска со поплаката граѓанинот треба да добие одговор од полицијата во рок од 24 часа од поднесувањето, на контакт телефонот што ќе го остави во полицискат станица.

Тошковски повтори дека рокот за плаќање на половина сума од казната за сообраќаен прекршок  е 8 дена, а после тоа треба да се плати целата сума.

МВР отвори посебен шалтер во Одделот за граѓански работи, на приземјето во зградата на МРТВ за „Безбеден град“, кој е за поднесување барање за промена на контакт-податоците што ги доставиле граѓаните при регистрација на возилата, доколку има промена на податоците или граѓаните добиле известување со неточни податоци. Шалтерот работи секој работен ден од 8 до 17 часот.

Промена на податоците граѓаните може да извршат и низ станиците за технички преглед на возила во државата, каде што е распореден деташиран референт на МВР.

The post ПОПЛАКА ЗА КАЗНА ОД „СЕЈФ СИТИ“ МОЖЕ ДА СЕ ПОДНЕСЕ ВО КОЈА БИЛО ПОЛИЦИСКА СТАНИЦА Нема веќе „ние не сме надлежни“ appeared first on plusinfo.mk.

Претседателот на Уставниот суд, Дарко Костадиновски, во изјава за медиумите денеска информира дека за системот „Сејф сити“ се формирани четири предмети. Тој нагласи дека овој проект покажал дека нашиот менталитет може многу брзо да се менува, односно да се прилагодува на правила.

– Формирани се четири предмети. Точно е дека ќе се постапува, бидејќи станува збор за новина во нашата држава. По тие предмети ќе се постапува брзо. Не можам однапред да давам своја анализа. Веќе еднаш го имам кажано мојот личен став. Дали овој проект има легитимна цел? Да. Дали општествено е оправдан? Да. Дали мерките што ги предвидува се пропорционални на целта што сака да се постигне? Мојот став е – да. Дури и го искористив како пример на прашање од ваш колега на една меѓународна конференција, кога бев прашан зошто сум толку упорен во развивањето на уставната култура и дали сум оптимист. Да, оптимист сум. Токму овој проект „Сејф сити“ на сите нас ни покажа дека нашиот менталитет може многу брзо да се смени, односно да се прилагодува. А на што се прилагодува? На правила. Не сме безнадежен случај. Во нашата држава, ако има вистинска и реална подготвеност од сите актери за почитување на владеењето на правото, имаме добра перспектива и добра иднина. И оптимист сум – рече Костадиновски.

The post „НE СМЕ БЕЗНАДЕЖЕН СЛУЧАЈ“ Костадиновски смета дека „Сејф сити“ има легитимна цел, но ќе го испитаат appeared first on plusinfo.mk.

Во периодот од 09.02.2026 до 15.02.2026 системот „Безбеден град“ на подрачјата на градовите и Коридорите каде се поставени камери, регистрирал вкупно 4.490 прекршоци, што е за 10% помалку во споредба со првата седмица во февруари кога биле регистрирани 4.991 прекршок, соопшти Министерството за внатрешни работи.

Од вкупниот број регистрирани прекршоци најголем број се за управување на возило со брзина поголема од дозволената 4.297, потоа за минување на затворен сигнал (црвено светло) 33, а за управување со возило со измината важност на сообраќајната дозвола констатирани се 160 прекршоци.

Изречени се вкупно 148 мерки „забрана за управување со возило“, чиј број бележи намалување од 48,6% во однос на минатата седмица. Од забраните 33 се за минување на црвено светло, а 115 се за брзо возење. Од нив 99 се за брзина поголема од 80 км на час во населено место, 12 за брзина поголема од 10 км на час сопствено ограничување на возило и 4 за брзина поголема од 170 км на час во ненаселено место.

– Апелираме до сите учесници во сообраќајот да се почитуваат сообраќајните правила и прописи и сите заедно да придонесеме за посигурни и побезбедни патишта – велат од МВР.

The post МИНАТАТА НЕДЕЛА „СЕЈФ СИТИ“ СНИМИЛ 4.490 ПРЕКРШОЦИ Речиси 4.300 биле за брзо возење appeared first on plusinfo.mk.

Во текот на последната седмица констатирани се 4.991 сообраќајни прекршоци преку системот „Безбеден град“, од кои за брзо возење 4.674.

Во периодот од 02.02.2026 до 08.02.2026 од страна на системот „Безбеден град“ на подрачјата на градовите Скопје, Тетово и Куманово, и коридорите на кои се поставени камери, регистрирани се вкупно 4.991 прекршок, од кои 641 мерка за сторен прекршок од страна на возачи кои управувале возило со странски регистарски ознаки.

Од вкупниот број регистрирани прекршоци најголемиот број се за управување на возило со брзина поголема од дозволената 4.674, потоа за минување на затворен сигнал (црвено светло) 163, а за управување со возило со измината важност на сообраќајната дозвола констатирани се 154 прекршоци.

Изречени се вкупно 288 мерки „забрана за управување со возило“, од кои 163 се за „минување на црвено светло“, а 125 се за „брзо возење“.

Во рамки на предвиденото дозволено отстапување во брзината на движење толерирани се 22.434 возила.

– Апелираме до сите учесници во сообраќајот да се почитуваат сообраќајните правила и прописи и сите заедно да придонесеме за посигурни и побезбедни патишта – велат од МВР.

The post ИСТОЛЕРИРАНИ СЕ 22.434 ВОЗИЛА КОИ ВОЗЕЛЕ НАД ДОЗВОЛЕНАТА БРЗИНА Последната недела имало скоро 5.000 прекршоци appeared first on plusinfo.mk.

Во Охрид и во Струга се планира поставување на вкупно 40 сообраќајни камери, кои ќе бидат дел од современиот систем за надзор „Безбеден град“ (Safe City), наменет за детекција на прекршоци и зголемување на сообраќајната дисциплина. Според најавите, системот треба да започне со работа пред стартот на летната туристичка сезона, пишува OhridNet.

Во моментов, четири камери веќе се физички монтирани на автопатската делница Охрид–Кичево, на потезите меѓу селата Горенци и Требеништа, како и Ботун и Ново Село. Иако уредите се поставени, тие сè уште не вршат санкционирање, бидејќи се наоѓаат во фаза на техничка проверка и тестирање, која веќе е завршена.

Од СВР Охрид посочуваат дека воведувањето на овој систем има за цел значително да придонесе кон подобрување на безбедноста на патиштата, преку намалување на сообраќајните прекршоци, незгоди и последици по учесниците во сообраќајот.

The post „БЕЗБЕДЕН ГРАД“ ДОАЃА ВО ОХРИД И ВО СТРУГА Ќе има вкупно 40 камери appeared first on plusinfo.mk.