Тој посочи дека во период од само еден месец – од ноември до декември 2024 година, непосредно пред новото раководство да стапи на должност – биле потрошени околу пет милиони евра од средствата наменети за развој на фудбалот.

– За само еден месец се потрошени околу 5 милиони евра. Ние ја затекнавме таа состојба и не баравме изговори, туку веднаш почнавме да воведуваме ред. Само кај трошоците за хотели, чартер летови и авионски билети успеавме да намалиме над еден милион евра. Секој денар го следиме каде оди, бидејќи овие средства не се ничии приватни, туку припаѓаат на фудбалот – изјави Омерагиќ.

Покрај финансиските нерегуларности, тој алармираше и за сериозни проблеми во евиденцијата на играчи, обвинувајќи дека во времето на претходниот претседател Муамед Сејдини постоел систем со фиктивни фудбалери.

Според него, последната пререгистрација спроведена од поранешното раководство евидентирала 44.996 фудбалери, додека по новата пререгистрација, бројката е сведена на 14.210.

– По 15 години, конечно се става крај на еден застарен и нефункционален систем и се воведува ред преку нов Статут изработен со УЕФА и ФИФА, кој не остава простор за импровизации. Да бидеме искрени, досега не зборувавме за реален фудбал, туку за бројки што не постојат. Разликата од речиси 30 илјади играчи не е мала грешка, туку системска манипулација. Со новите правила тоа завршува – нема повеќе клубови што постојат само на хартија, нема лажни записници и нема фиктивен систем – потенцираше Омерагиќ.

The post ОМЕРАГИЌ РАСПАЛИ ПО СТАРОТО РАКОВОДСТВО НА ФФМ Потрошиле 5 милиони за месец, имало 30.000 фантомски играчи? appeared first on plusinfo.mk.

Успешен стопанственик и поранешен фудбалер на Вардар и шампионската генерација на Слога Југомагнат, Омерагиќ беше единствен кандидат на вонредното изборно собрание кое се одржа во Скопје.

– Јас сум човек од фудбалот, еден од вас и знам во која насока треба да го развиваме македонскиот фудбал. Како и во фудбалот, ова е тимска работа, во која треба многу трчање и многу пот за да се постигнат целите. Со работа започнуваме веќе од утре. Имам неколку клучни точки кои ќе ги применам во мојот мандат и пред сè враќање на легендите во структурите на македонскиот фудбал – изјави Омерагиќ, најавувајќи притоа нулта толеранција за корупција во фудбалот.

Изборот на Омерагиќ на вонредното собрание преку свои претставници му го честитаа УЕФА и ФИФА, посакувајќи успеси на македонскиот клупски и репрезентативен фудбал во годините кои доаѓаат.

Изборот на Омерагиќ уследи по оставката која неговиот претходник на должноста Муамед Сејдини ја поднесе на средината од ноември, четири месеци пред да му истече вториот мандат на чело на македонскиот фудбал.

По завршувањето на вонредното изборно Собрание, Омерагиќ одржа состанок со членовите на Управниот одбор на федерацијата.

На состанокот, на предлог на Омерагиќ, членовите на Управниот одбор на ФФМ го избраа Марјан Стојкоски од ОФС Прилеп за потпретседател на Фудбалската федерација на Македонија на местото од досегашниот потпретседател, Лазар Ракиџиев.

На седницата, исто така, беше констатирана оставката од функцијата генерален секретар на Наталиа Илиевска Божиновска.

За в.д. генерален секретар во Фудбалската федерација на Македонија е назначен Дрилог Ганиу, досегашен заменик на првиот оперативец во „Куќа на фудбалот“.

На предлог на новиот претседател на ФФМ, македонската фудбалска легенда, Горан Пандев е назначен за спортски директор на сите македонски репрезентативни селекции.

Еден од великаните на македонскиот фудбал, Илија Најдоски заедно со нашиот поранешен репрезентативец, Агим Ибраими се назначени за советници во кабинетот на претседателот на ФФМ, Масар Омерагиќ.

Омерагиќ е седмиот претседател на ФФМ, по Алексо Кипровски, Љубисав Иванов, Ламбе Арнаудов, Харалампие Хаџи – Ристески, Илчо Ѓорѓиоски и Муамед Сејдини.

The post НУЛТА ТОЛЕРАНЦИЈА ЗА КОРУПЦИЈА ВО ФУДБАЛОТ Омерагиќ едногласно избран за нов претседател на ФФМ appeared first on plusinfo.mk.

Според информации што ги пренесува НетПрес, Кадри Шахиновиќ била вклучена во ФФМ со наводна препорака од претседателот Муамед Сејдини. Засега непотврдени извори наведуваат дека нејзиниот месечен хонорар изнесувал 30.000 денари.

The post ЈА ВРАБОТИЛЕ НА БАРАЊЕ НА ПРЕТСЕДАТЕЛОТ СЕЈДИНИ Членка на Комисијата за помилување на платен список во ФФМ appeared first on plusinfo.mk.

Во однос на изнесените информации во јавноста, Сејдини рече дека анонимноста на пријавите непромислено упатува на фактот дека покрај негова лична дискредитација, се прави обиди за нарушување и на институционалниот капацитет и интегритет на судот.

– Најодговорно тврдам дека ништо од тоа не е точно. Ниту, рачна распределба на предмети, ниту пак 190 застарени предмети. Стојам на располагање, да видите или побарате, официјална информација да Ви доставиме дека нема застарени предмети од областа на даноците, царините и сличните предмети, каде што државата преку јавните органи утврдува обврски кон нашите граѓани – рече Сејдини.

Годишно, нагласи Сејдини, приливот на предмети во Управниот суд е околу шест илјади и во изминатите пет години додека тој раководи се совладува и секогаш е оценуван како ажурен.

– Верувам во довербата на граѓаните кон Управниот суд и кон целото судство, затоа што само со доверба и со верба секое утро дека ќе успееме да им служиме најдобро на нашите граѓани, изјави Сејдини.

Во однос на, како што рече Сејдини, шпекулациите за застареност на предмети, тој како претседател на судот, ниту пак електронскиот систем, располага со податоци кога одреден предмет ќе добие третман на застарен, даночен или царински долг за истите да бидат предмет на манипулација од чија било страна.

– Во областа на даноците и царините работат 18 колеги. Верувајте, тие раководат со движењето на предметите и со решавање на предметите, така што, никој нормален нема да го дозволи тоа, а не пак судии кои макотрпно се трудат да обезбедат правда во оваа држава – нагласи Сејдини.

Освен прекршоците, кои што застаруваат согласно Законот за прекршоци, Сејдини, нагласи дека ретки се случаите на застареност во поглед на даноците и царините, а тоа е кога е веќе изминат апсолутниот рок на застареност од десет години.

За наводната штета од милион евра, нанесена од негова страна, Сејдини рече дека остава да цени јавноста, нагласувајќи дека Управниот суд е сериозна институција и ќе продолжи да работи совесно, траснпарентно и единствено согласно закон.

– Шпекулациите за наводно причинета штета од моја страна од милион евра, наведени во прилогот за кој во истиот наведуваат дека не се утврдени од Финансиската полиција и Државната комисија за спречување на корупција, оставам да цени самата јавност и на совета на тие што го приредуваат ова шоу – изјави Сејдини.

За содржината на претставката, Сејдини рече дека не е запознаен и дека е затечен од тоа што го чул во јавноста.

– Ќе ми беше драго да ги имав кривичните пријави пред мене, односно да бев запознаен, за да можам без и воопшто да овозможиме облевање на јавниот дискурс со неточни сознанија да одговорам – рече Сејдини.

Анонимноста на пријавата, посочи Сејдини, не соодветствува со тоа што се вели дека е од вработени од Уставниот суд.

– Баш би сакал да знам ако е од вработените во овој суд, тогаш сериозно треба да се преиспитам себе си, односно мојата работа, затоа што при преземање на должноста претседател на Управниот суд затекнав 80 вработени, со сѐ судиите, денеска таа бројка е 130, изјави Сејдини, посочувајќи дека тоа, според него не е можно, бидејќи тој лично се гордее со нив и нивната заложба и грижа што ја покажале при преселбата на судот во новите простории.

Во врска со прашањето дека ДКСК оформила предмет за него, тој одговори дека тоа е вообичаена пракса.

– Посакувам успешна работа на колегите од ДКСК, најверојатно после овој прес, кој што е редок во судството, ќе има понатамошни ситуации, ќе се обидам да Ве информирам за се преку соопштенија – изјави Сејдини.

Прашан за обвинувањата за семејни вработувања, Сејдини рече дека сите вработувања се согласно закон.

The post ДОДЕКА ЈАС РАКОВОДАМ РАСПРЕДЕЛБАТА ЌЕ БИДЕ ПРЕКУ АКМИС СИСТЕМОТ Претседателот на Управниот суд одговори на изнесените информации во јавноста appeared first on plusinfo.mk.

– Нѐ радува искрената желба и отвореноста за помош и поддршка од општина Аеродром и градоначалникот Муцунски за започнување на еден ваков голем проект. Ова беше првичен состанок, но сигурен сум дека соработката со општината ќе биде одлична. Верувам дека заеднички ќе создадеме услови да започнеме со проект кој ќе биде обележје на едно време. Ние како Фудбалска федерација сме исклучително активни кога е во прашање подобрувањето на фудбалските услови и на тој начин ќе продолжиме и во иднина – изјави Сејдини.

За важноста на спортската инфраструктура за напредокот на спортот во општината зборуваше градоначалникот на Аеродром, Тимчо Муцунски.

– Фудбалската федерација на Македонија го продолжува континуитетот на квалитетна работа и заедништво, вие сте пример за другите како една успешна федерација може да функционира. Не само заради резултатите на репрезентацијата која ја обедини цела Македонија, туку и за силните напори да го развивате фудбалот на сите нивоа. Наша обврска како општина е да се обидеме да придонесеме за напредок на спортот и фудбалот во општината и токму тоа е целта и на нашата денешна посета на „Куќа на фудбалот“. Инфраструктурата останува засекогаш. Верувам дека таквата политика на Федерацијата ќе трае. Нашата општина ќе помогне во рамки на своите можности да биде вистински партнер во изградба на репрезентативен стадион кој ќе биде гордост на Аеродром и целата држава – истакна Муцунски.

На состанокот присуствуваа и генералниот секретар на ФФМ, Филип Поповски и неговиот заменик, Дрилон Ганиу, како и шефот на кабинетот на градоначалникот Муцунски, Марјан Христов.

The post ВО АЕРОДРОМ ЌЕ НИКНЕ НОВ СТАДИОН Општината и ФФМ потпишаа договор за соработка appeared first on plusinfo.mk.

Поранешниот македонски ракометен репрезентативец кажа дека не ја разбира одлуката на ФФМ и претседателот Сејдини да им се забрани на претседателот и премиерот да ги испратат македонските фудбалери пред да отпатуваат на Европското првенство.

– Тој балон систем што го споменуваат не вели дека фудбалерите не смеат да се видат со претседателот и премиерот за да им посакаат среќа. Ова не е во ред и се надевам дека ќе се најде решение првите луѓе во државата да ги испратат овие херои, спортистите се амбасадори на Македонија – кажа Мојсоски.

Тој го потврди тоа што го кажа и премиерот Зоран Заев во телевизиско интервју, дека иницијативата за средба со фудбалерите дошла токму од нив и стручниот штаб.

– Средбата може да се случи на стадионот, со дистанца, на отворено. Премиерот би посакал среќа и ништо повеќе – кажа Мојсовски.

Во текот на денешниот ден Фудбалската федерација на Македонија соопшти дека согласно протоколите од УЕФА, не се во можност да организираат каков било прием за поединци или лица од државни институции од причина што одговорноста за заштита на фудбалските репрезентативци е огромна и мора да се почитува доследно затоа што последиците се големи.

The post Мојсовски: ФФМ им забранува на Заев и на Пендаровски да им посакаат среќа на фудбалерите appeared first on plusinfo.mk.

– Фудбалерите ме поканија да се сретнеме и јас со задоволство прифатив, но председателот на ФФМ, гопсподинот Сејдини не дозволи средба, ниту во просториите на федерацијата, ниту во ресторан. Сепак, јас и фудбалерите деновиве ке се сретнеме и веке ги поканив таа средба да биде во Владата. Јас немам ништо против Сејдини, но тој треба да ги почитува законите, кој и како избираат раководство на федерацијата и затоа пред некој ден изјавив дека фудбалската федерација е заробена од актуелниот председател. Не може раководството да го бираат делегати од општински фудбалски организации (ОФС), а да не го прават тоа членовите на фудбалските клубови. Јас само упатив апел челниците од ФФМ да го почитуваат Законот, а не да работат на своја рака. Лично немам ништо против Мети, ниту го сакам неговото место, ниту имам некој свој за таа позиција. Едноставно еве и од овде повикувам да се почитуваат законите – рече премиерот Заев.

Изјавата на премиерот Заев поврзана со ова прашање можете да ја слушнете во 1:28:33 од неговото интервју.

The post Заев добил забрана да се сретне со фудбалерите: Не ми дозволија ниту во ресторан! appeared first on plusinfo.mk.

Тој раскажува дека Сејдини сакал да го промени селекторот Игор Ангеловски пред дуелите со Грузија и Косово и смета дека претседателот на ФФМ не е среќен што Македонија ќе игра на Европско првенство.

– Се кроеше некаква политика, да бидам искрен, се кроеше долго време политика околу А-репрезентацијата и селекторот. Претседателот и некои луѓе сакаа да ја нарушат атмосферата во репрезентацијата, но не успеаја. Сејдини се дрзна да го менува селекторот пред дуелите со Косово и Грузија, а токму Сејдини и некои луѓе околу него, кои не ги ни познавам не дојдоа ниту да ни посакаат среќа. Некои луѓе околу претседателот и самиот тој, имам впечаток дека не се среќни што се пласиравме на ЕП. Сејдини по натпреварот со Израел од квалификациите за ЕП, каде завршивме трети на табелата, дојде и сакаше да го смени селекторот Ангеловски. По натпреварот со Израел, дојде во хотелот и ми вели, Горан сакам да разговараме, сакам да го смениме селекторот Ангеловски, му одговорив вие сте претседател, вие одлучувате, но според мене не е моментот вие да го правите тоа, сега пред натпреварите со Косово и Грузија. На крајот, сепак немаше сили да го направи тоа, затоа што цела македонска јавност стои и зад селекторот Ангеловски и зад нас како репрезентација. Некои луѓе работеа против репрезентацијата, ама не успеаја. Глумеа дека се среќни, а во лицето им се гледаше дека не се. Жално е сè што се случува по пласманот на ЕП, некои играчи играат толку време, а тие без срам си поделија премии, кога видов не верував дека си поделиле премии. Овде во Италија, кога зборувам со играчите, со управата во Џенова, ми се чудеа, велат тоа не е можно, а јас им велам тоа е Македонија и сè е можно – вели Горан Пандев за „ТВ 24“.

Пандев истакна дека не сака да навлегува во тоа дали има политика, затоа што не се разбирам ништо од политика.

– Овие луѓе од раководството на ФФМ, членови на УО кои патуваат со нас како репрезентација, се повеќе од 15 години и јас искрено не знам што направиле тие за мак фудбалот. Тие доаѓаат да се шетаат и да се радуваат кога ќе изгубиме. И потоа да зборуваат, како овие репрезентативците за ништо не ги бидува. Пред мечот со Косово очекував претседателот Сејдини барем да дојде во хотелот, да нè поздрави, да ни посака среќа, но од човек кој никогаш немал фудбалска идеја и не бев изненаден што после натпреварот воопшто не влезе во соблекувална да ни честита. Како и да е, оваа генерација заслужи да ги има најдобрите услови за работа, а сакам да потенцирам дека 90% од репрезентативците не ни знаат кој е претседател на ФФМ кој е потпретседател и кои се луѓето кои патуваат со нас, тоа се анти-фудбал луѓе. Јас со Адеми, со Алиоски, со Барди се слушам секој ден како браќа сме – вели капитенот.

– Она што најитно треба да се направи за македонскиот фудбал е да се тргнат луѓето од федерацијата на чело со Сејдини и да дојдат луѓе кои знаат и имаат идеја. Пример нека им биде Ракометната федерација. Видете, не е фудбалот само, ние да фрламе пари, а Сејдини и некои негови другари да кажуваат вака треба, така треба, а да нема никаков напредок во мак-фудбалот – истакна Пандев.

The post Пандев: Првите луѓе на ФФМ како да не беа среќни што се пласиравме на Европско appeared first on plusinfo.mk.

Терминот за одржување на изборното собрание е обелоденет ден по средбата на претседателот на ФФМ Муамед Сејдини со првиот човек на Европската фудбалска асоцијација ((УЕФА) Александар Чеферин.

ФФМ, по вчерашната посета на Сејдини на Нион, соопшти дека „УЕФА и претседателот Чеферин даваат безусловна поддршка на ФФМ во организацијата на Генералното изборно собрание, напоменувајќи дека истото мора да биде независно и без влијание“.

Засега е познато дека Сејдини ќе се кандидира за втор мандат, откако неодамна едногласно беше поддржан од Општинскиот фудбалски сојуз на Кичево.

Сејдини е на чело на ФФМ од март 2019 кога на Изборното собрание во Охрид го наследи на должноста Илчо Ѓорѓиоски.

The post На 14 март ќе се гласа за претседател на ФФМ appeared first on plusinfo.mk.

Во продолжение во целост го пренесуваме обраќањето на Сејдини по добиеното известување од Агенцијата за млади и спорт:

– Најмалку што сакавме во едно вакво време, во денови кога се слави македонскиот фудбал и нашите резултати е да зборуваме за работи кои не се поврзани со играта, лигата или репрезентациите, но некогаш едноставно – немате избор.

Со факти и одлука на хартија да им покажеме и потврдиме колку не знаат и колку не се срамат што не знаат.

За тоа, драг Наумче Мојсовски, директор на Агенцијата за млади и спорт – се одговара.

Во текот на вчерашниот ден, и до мене стигнаа шпекулации дека одредени претставници на клубовите од македонската лига се повикувани во државни институции, присилувани да потпишуваат некаква поддршка за бојкот на Генералното Изборно Собрание на Фудбалската федерација на Македонија, уценувани со поделбата на ваучерите. Шпекулациите одеа дотаму што на големо се споменуваше и името на Премиерот на нашата држава.

Одбивав да верувам во таквите „игри без граници“ сѐ додека не го прочитав соопштението од Агенцијата за млади и спорт објавено на нивната официјална страна.

Во известувањето од Агенцијата за млади и спорт се вели дека при извршен инспекциски надзор во Фудбалската федерација на Македонија се утврдени низа неправилности спротивно на Законот за спорт.

Наведуваат дека решението било обжалено и после сите институционални и законски процедури и рокови, жалбата беше отфрлена како неоснована од страна на Државната комисија за одлучување во втор степен во областа на инспекцискиот надзор и прекршочна постапка, со што Решението стана правосилно и извршно и против него не е дозволена жалба.

И сега доаѓаме до моментот од кој треба да се срамиме сите ние од начинот на кој постапуваат одредени наши инситуции, во овој случај највисокото државно тело за спорт.

Вистина е дека решението на второстепената комисија е конечно и против истото нема право на жалба. Но, има право на тужба против, на овој начин, донесениот управен акт.

Фудбалската федерација на Македонија согласно законите поднесе тужба со која поведе Управен спор против државната комисија за одлучување во втор степен во врска со нејзиното Решение.

И бидејќи овој „сакам кажам – не знам речам“ начин на комуникација е нивен избор, а ние „на сила“ сме принудени да се браниме од нешто што не е вистина, еве, тука пред вас и пред цела јавност ја објавувам пресудата од поднесената тужба против поништеното решение кое Агенцијата за млади и спорт најави дека ќе го спроведува.

Пресудата вели дека тужбата на тужителот Фудбалска федерација на Македонија СЕ УВАЖУВА. Решението се ПОНИШТУВА.

За ова, драг Наумче Мојсовски, директор на Агенција за млади и спорт се одговара.

За ваквиот начин на постапување се известени УЕФА и ФИФА, кои го следат овој случај од моментот кога се вршеше инспекцискиот надзор. Известени се за сите одлуки и начинот на кои се носени тие одлуки.

Недај Боже, никој од нас не посакува, но чувствувам обврска да истакнам дека ваквото постапување може да донесе „квантен скок“ ама наназад за македонскиот фудбал и нашите репрезентации.

Причина за тоа нема да биде Фудбалската федерација на Македонија, ниту јас како претседател, туку срамното и слепо однесување на поединци и институции со цел да се стави рака врз Фудбалската федерација на Македонија.

На крајот, Ве уверувам дека Фудбалската федерација на Македонија ќе продолжи да се спротивставува на било каков притисок кој не доаѓа од фудбалското семејство. За сѐ друго сме отворени за соработка се цел продолжување на сонот кој го живееме, вели претседателот на ФФМ, Сејдини.

Во текот на вчерашниот ден АМС соопшти дека при извршен инспекциски надзор во Фудбалската федерација на Македонија (решение ИП1 бр.14-182/2 од 21.01.2019 година) утврдени се низа неправилности спротивно на Законот за спорт.

The post Сејдини: ФФМ ќе се спротивставува на каков било притисок appeared first on plusinfo.mk.