Опозициската СДСМ преку соопштение со наслов „Зар и ти сине Мечка?“ остро реагираше на, како што велат, „пресвртот“ во уредувачката политика на порталот Инфомакс и „Мечка“. Од партијата упатија критики и кон новинарот Александар Митовски, обвинувајќи дека медиумот започнал со напади кон нив и кон претседателот Венко Филипче.

Во продолжение интегрално го пренесуваме соопштението:

„СДСМ со жалење и големо разочарување го следи неодамнешниот пресврт на ‘Инфомакс’ и водителот Мечка, кој одеднаш започна жестоко да напаѓа сè што е поврзано со нашата партија и со претседателот Венко Филипче.

Долги години ‘Инфомакс’ и Мечка се претставуваа и работеа како независен и критички глас кон сите власти.

Се сеќаваме дека токму кога еден член на ВМРО насилно упадна во нивното студио за време на подкастот ‘Тешки муабети’ и се обиде да ги нападне водителите, тие го осудуваа насилството и бараа заштита токму од ВМРО-ОКГ.

Сега, кога СДСМ жестоко ја критикува политиката на Владата на Христијан Мицкоски и неговата ВМРО-ОКГ, истиот тој глас почнува да ги напаѓа токму по оние кои најгласно ја бранат иднината на Македонија од автократија, корупција и изолација.

СДСМ виде и во своите редови дека ‘парата буши и каде што бургија не може’, но тоа не значи дека ќе молчиме пред оние кои сега се продаваат додека им вртат грб на принципите.

Не можеме сите да се продаваме за пари.

Не можеме сите да ја продаваме иднината на земјата за да штитиме една партија и нејзината криминална банда која повторно ја враќа државата во старите, мрачни денови на Никола Груевски.

На Мечка и на сите кои сега ја менуваат страната им порачуваме: чесноста и принципиелноста не се на продажба.

Кој еднаш се продал, тешко потоа може да се претставува како ‘независен’.

Довербата се заслужува со години, а се губи за секунда.

СДСМ останува посветена на европската иднина на Македонија, на борбата против корупцијата и на заштитата на граѓаните од катастрофалните политики на сегашната власт.

Никој со уцени, напади или платени кампањи нема да нè натера да замолчиме“, велат од СДСМ.

The post СДСМ ПРОДОЛЖУВА ДА СЕ ПРЕСМЕТУВА СО МЕДИУМИ На ред дојде и Инфомакс appeared first on plusinfo.mk.

Ѝ порачуваме на Ленче Ристоска, десната рака на Катица Јанева, за која многумина веројатно оправдано сметаат дека беспоговорно реализираше агенди на Заев и други фактори, да не глуми жртва, вели ВМРО-ДПМНЕ во соопштение, со кое реагира на нејзината оставка и на нејзиното образложение за таа одлука.

„Додека со Јанева делеа и множеа, и палеа и гасеа, и додека одеа по облаци, каде едната од нив во раката имаше ташна од Луј Витон, и откако после повеќе од 10 години таа не заврши ниеден од споменатите случаи, кокетирајќи со кого ќе ѝ дојде на ум, праќајќи абери и до ВМРО-ДПМНЕ, сега сфаќа дека правда во оваа држава ќе има, и мора да има, без разлика дали на Заев му се допаѓа тоа или не. И без разлика на нејзината лојалност кон било кого.

Не навлегувајќи во нејзината реакција и процедурите во обвинителството кои се нивна работа и одлука, сепак не можеме да споменеме една дилема која ни се јавува додека ја гледаме како мисли дека народот заборавил на Катица Јанева и трите грации од кои очекуваа правда и наместо правда добија Луј Витон афера, но ако беше Ленче Ристоска обвинител со вредности и критериуми и личност која не е врзана со СДСМ и Заев ќе имаше бар еден случај со кој ќе го докажеше тоа. Ќе имаше бар еден случај со кој ќе докажеше дека сака правда или ако ништо друго ќе се обидеше да провери барем една од стотиците наши индиции за сторен криминал на претходната влада на СДСМ и ДУИ.

Наместо да ги амнестира оние кои ја направија обвинител во СЈО, СДСМ и ДУИ, и да глуми жртва апелираме до нејзе да сфати дека моралот не е само збор туку е во својата суштина однесување и делување. Дела, а не зборови. Нејзините зборови ќе имаа поголема смисла ако зад нив имаше дела.

Иако според она што е образложено предметите Талир се предадени на обвинител кој е од обвинителство кое има стварна надлежност над нив, наместо да се заради било каква, а веројатно и партиска подобност држени надвор од секоја логика кај Ристова, како што обвинителството под контрола на СДСМ и ДУИ ги држеа кај нејзе со години, за да го држи уценето ВМРО-ДПМНЕ со ненормално долги постапки. На пример постапките за Талир траат 10 години и ако правдата функционираше досега ќе имаа епилог, било каков. Ние не навлегуваме во епилогот туку дека требаше да го има. Ако има вина пресуда, ако нема ослободување. Но не. Нема епилог, туку се добива впечаток дека Ристоска ги држеше кај себе за ВМРО-ДПМНЕ да биде уценето.

ВМРО-ДПМНЕ исто како и целиот народ очекува правда, владеење на правото и бескомпромисна борба против корупцијата без разлика на функција, партиска, етничка или било каква друга припадност. Кој згрешил, кој прекрши закон мора да одговара. Затоа овие обиди на Ристоска да глуми жртва ги сметаме за нејзиното дополнително одработување против правдата во Македонија и во заштита и обид за дефокусирање на темата од криминалите на СДСМ и ДУИ и обид да се продолжи перцепциската пресметка против ВМРО-ДПМНЕ и да се продолжи со праксата за перцепциска вина на партијата, кои СДСМ и ДУИ го правеа со години, за да ги кријат своите криминали и за да ги прават предавствата на народот и државата. Ова фрлање пердуви, иако и самата знае дека не е аргументирано и не е правно и праведно, е само уште еден доказ за нејзините намери и цели.

Заврши времето на политички агенди и инструментализација на правдата. Да беше Ристоска со вредности како што кажува, ќе си одеше од СЈО кога се делеа награди, кога лапаа награди, покачувања, дополнителни плати кои ги делеа сите таму и кога шетаа Луј Витон торбици. Таа не само што остана таму туку продолжи да биде десна рака на Катица Јанева. За сега да глуми жртва и борец за вредности. Народот памети се. И среќа нема кратка меморија како што Ристоска, исто како и Заев сметаат.

За крај не сакаме да навлегуваме во детали за нејзините обиди за лобирање кај ВМРО-ДПМНЕ, и неуспешната амбиција да оди во странство, кое ако успееше сигурно Ристова немаше вака да реагира и ќе ѝ беше сеедно дали Талир или било кој предмет е кај нејзе или не е.

Ја познаваме добро Ристоска, а некои од нашите членови и предобро, и оваа глума не проаѓа. А не проаѓа ни кај народот кој сака правда кој е свесен за улогата на СЈО и изневерените очекувања, и за предавствата и криминалите кои се случуваа со години во државата, додека Ристова беше обвинител, не ги забележуваше, и со прст не мрдна да ги спречи и санкционира“, се вели во соопштението на ВМРО-ДПМНЕ.

The post СДСМ ЈА БРАНИ РИСТОСКА, ОЧЕКУВАНО, ТАА БЕШЕ НИВЕН ИГРАЧ И ПИОН Предметите за ВМРО-ДПМНЕ ги држеше кај себе, за да бидеме уценети, обвинува партијата appeared first on plusinfo.mk.

Прорускиот бизнис-партнер на Зоран Заев, Миодраг Давидовиќ – Дака, е човек со контроверзно минато, кој е на црната листа на САД поради сомнежи за корупција и злоупотреба на влијание на Балканот, вклучително и Македонија – рече денеска на прес-конференција пратеникот од ВМРО-ДПМНЕ Бране Петрушевски.

– Дака стана познат за македонската јавност во времето на Заев, кога во 2020-тата година, излегоа аудио снимки за тоа како Зоран Заев земал пари за да се види со Дака и да направат некаков бизнис.

Во аудио снимката која пред неколку години излезе на социјалните мрежи, Дака вели дека дал 300 илјади евра и 2.000 квадрати земјиште на Заев за возврат да добие услуга. Понатаму во снимката, Дака вели дека Заев овие пари ги искористил за инженеринг на референдумот за името.

Освен Заев, во аудио снимката на која разговараат Дака и Зоки Милески Кичеец, кој инаку е главен посредник на Заев во случајот, се споменува и името на Драги Рашковски, поранешен генерален секретар на Владата на Заев, што значи дека тогашната власт на СДСМ и те како добро била поврзана со контроверзниот проруски бизнисмен Дака, па дури и го рекетирале за да можат да спроведат инженеринг на референдумот за името.

Ја користиме оваа прилика за да им се заблагодариме на СДСМ, кои многу добро ги знаат сите фирми на Дака, со кои нивниот шеф Заев веројатно има соработувано и заработувано, за укажувањето за фирмата Хронос Сум дека била во сопственост на прорускиот бизнисмен Дака.

Владата предводена од ВМРО-ДПМНЕ нема да прави како што правеше власта на СДСМ и Заев, туку напротив, веднаш ќе ги преземе сите законски можности за оваа фирма да не гради и да не инвестира во енергетски објекти, иако фирмата ги има исполнето сите услови и законски критериуми, нешто што во времето на СДСМ и Заев беше мисловна именка – рече Петрушевски.

The post НЕМА ДА ДОЗВОЛИМЕ ФИРМАТА НА КОНТРОВЕРЗНИОТ ДАКА ДА ГРАДИ ВО МАКЕДОНИЈА Ќе ја спречиме, иако ги исполнува сите услови, вели Петрушевски appeared first on plusinfo.mk.

Претседателот на СДСМ, Венко Филипче со 3,6% рејтинг од граѓаните сè уште ги слуша лошите совети на Зоран Башановиќ и на Зоран Заев, рече денеска Валентин Манасиевски од ВМРО-ДПМНЕ.

– Освен лојалистите на Заев, веќе никој нема доверба во Филипче и во СДСМ. Филипче заедно со Заев и Башановиќ ја доведоа СДСМ на раб на статистичка грешка – рече Манасиевски.

Филипче функционира само по директива на Заев, додаде тој, а сега со новиот пиар шеф Башановиќ продолжува кон тонење во политичкото мочуриште.

– Истите луѓе на Заев кои до пред неколку години заедно го водеа СДСМ, сега се здружени со Филипче и одат кон пропаст. Во Македонија нема опозиција поради Филипче и СДСМ. Нивните празни флоскули и демагогии кои ги шират во јавноста не поминуваат и граѓаните тоа го казнуваат – рече Манасиевски.

Реформи, дистанцирање и оградување од Заев и од Филипче му се потребни на СДСМ, за да биде конструктивна, легитимна и кредибилна опозиција, додаде Манасиевски.

The post СДСМ ОДИ КОН ПРОПАСТ Поради Заев и Филипче, Македонија нема опозиција appeared first on plusinfo.mk.

Поради работите кои владата на СДСМ ги прифати, сега преговорите со ЕУ нема да изгледаат како преговори за затворање кластери туку како преговори за историски настани, битки и револуционери, рече Сергеј Попов, пратеник од редовите на ВМРО-ДПМНЕ, во гостување на телевизија 24, каде говореше на темата за европската интеграција на земјава.

– Во оваа моментална ситуација со овие моментални работи, коишто СДСМ во претходната влада ги прифати, нашите преговори нема да изгледаат како преговори од област во област или од кластер во кластер, туку ќе изгледаат како преговори од историски настан до историски настан, од битка до битка, од револуционер до револуционер, каде што нашите историчари во име на нашите евроинтеграции ќе треба да капитулираат и да прифаќаат ретуширање на македонската историја – вели пратеникот Попов.

Попов истакна дека доколку се започнат преговорите ќе завршат на првата идентитетска одлика на македонскиот народ, а како што вели тој, ставот на ВМРО-ДПМНЕ е дека за да се случи нешто на патот кон ЕУ мора да има предвидливост за истото.

– Да бидеме јасни, вечерва да се усвојат уставните измени, преговорите нема да завршат никаде, односно ќе завршат на првата битка, на првиот револуционер или на првата идентитетска одлика на македонскиот народ со којшто бугарските политичари или бугарските историчари не се согласуваат. ,Затоа ставот на ВМРО-ДПМНЕ и пред изборите, а и сега, е дека уставни измени може да има само кога ќе имаме предвидливост што ќе следи по уставните измени. Ние не можеме да си дозволиме да бидеме во тој процес вечно, вечно да се обезличуваме и да се плакнеме национално без да знаеме каде ќе стигнеме – рече Попов.

The post ПОРАДИ СДСМ ЌЕ МОРА ДА ПРЕГОВАРАМЕ ОД РЕВОЛУЦИОНЕР ДО РЕВОЛУЦИОНЕР Пратеникот Попов за позицијата на Македонија во преговорите со ЕУ appeared first on plusinfo.mk.

СДСМ и Венко Филипче имаат историски најниска доверба од граѓаните, посочи ВМРО-ДПМНЕ во соопштение.

„Лошиот пиар, небулозните и клеветнички соопштенија и прес-конференции, полни со навреди и со непристоен речник, ги донесоа СДСМ и Венко Филипче до рејтинг од 4,9% и 3,6%. Сепак, Филипче, не е загрижен за неговиот и за лошиот рејтинг на СДСМ, кој од анкета до анкета во континуитет се топи и што целосно потфрлија фалименто соопштенијата напишани од новиот партиски пиар шеф Зоран Башановиќ, затоа што целосно живее во свој паралелен универзум. Со месеци ги слушавме СДСМ и Филипче како, по којзнае кој пат, ги лажеа граѓаните како новите анкети ќе покажат дека поддршката на ВМРО-ДПМНЕ од граѓаните паѓа, додека, пак, кон СДСМ се зголемувала“, соопшти ВМРО-ДПМНЕ.

И тоа со месеци го повторуваа на лажните прес-конференции и по јавните настапи, се додава во соопштението.

„Но, последното истражување на јавното мислење откри уште една лага на СДСМ, со што повеќе од јасно е дека на следните избори оваа партија на чело со Филипче ќе се соочи со многу полош резултат од оној од последните изборни циклуси. Тоа значи дека нема да биде изненадување за никој доколку СДСМ на следните избори освојат и помалку од 100.000 гласови. Тоа го покажуваат резултатите од последната анкета“, се вели во соопштението.

Тоа што е позагрижувачки, додава ВМРО-ДПМНЕ, е што на Бихаќка никако да им дојде памет дека треба да ги променат политиките и да ги променат новите пиар шефови Башановиќ и Шчекиќ, луѓе кои по насока на Зоран Заев се таму и го уништуваат СДСМ.

„А, тој што свесно го дозволува уништувањето на СДСМ е токму Венко Филипче, кој тоа го прави по насока и со целосна послушност кон Зоран Заев. Послушноста на Филипче кон Заев се гледа и по што негови луѓе се дел од таканаречените нови партиски структури, меѓу кои е и Стојан Коциров, кој до пред само некоја година како директор ја водеше фирмата блиска до семејството Заеви, поточно до Вице Заев, Сара Инженеринг ДОО Струмица“, соопшти ВМРО-ДПМНЕ.

Сè поизвесно е дека СДСМ ќе продолжи да тоне со ова раководство предводено од Венко Филипче, кое нема намера ниту да спроведе внатрепартиска кадровска реформа, ниту, пак, да се огради од Зоран Заев, потенцира ВМРО-ДПМНЕ.

„Партија со највисока доверба кај граѓаните од 24% и понатаму продолжува да е ВМРО-ДПМНЕ, што е резултат на досегашната работа, реализираните проекти и исполнетите ветувања. Граѓаните добро знаат да направат разлика и токму затоа, продолжуваме со исто темпо на работа, нови проекти и успешни мерки за сите граѓани“, се додава во соопштението на ВМРО-ДПМНЕ.

The post И ТОА ЌЕ СЕ СЛУЧИ, СДСМ ЌЕ ПАДНЕ ПОД 100.000 ГЛАСОВИ Филипче ја уништува партијата по насока на Заев appeared first on plusinfo.mk.

Доказ за тоа дека блискоста на Зоран Заев и Венко Филипче и ден денес се негува е новиот директор на фирмата „Сара Инженеринг ДОО Струмица“, која е блиска до семејството Заеви.

Членот на новиот Централен одбор на СДСМ Стојан Коциров, кој воедно е и поранешен претседател на младите во Струмица на СДСМ, е нов директор на оваа струмичка фирма, тврди ВМРО-ДПМНЕ во соопштение.

„Станува збор за фирма со која до пред само некоја година управувал лично Вице Заев. Истата фирма била и добитник на голем број тендери во Струмица кога Заев бил градоначалник, но и низ цела Македонија, кога Заев бил премиер. „Сара Инженеринг ДОО Струмица“ е меѓу должниците на Управата за јавни приходи за нецелосно исплатени даноци, како и меѓу фирмите кои добивале кредити од Еуростандард пред банката да биде затворена со стечај.

Заев сѐ уште го води СДСМ и го контролира Филипче. Го мести за претседател, му мести ПР, му мести луѓе за членови на ИО и ЦО, и неговите луѓе кои се блиски соработници на Филипче, ги става директори на фирми блиски до неговото семејство“ – се вели во соопштението на ВМРО-ДПМНЕ.

The post БЛИЗОК ЧОВЕК НА ФИЛИПЧЕ СТАНА ДИРЕКТОР НА ФИРМА НА ЗАЕВИ Стојан Коциров е член на Централниот одбор на СДСМ, посочува ВМРО-ДПМНЕ appeared first on plusinfo.mk.

Колку и СДСМ и Венко Филипче да се обидуваат да ја сокријат кризата во која се наоѓаат, и повторно да се претстават како жртва, толку стратегијата им станува попровидна. Можат да бидат иронични за анкетите, но не можат да ја сменат реалноста па затоа повторно глумат жртва, се вели во соопштение на ВМРО-ДПМНЕ.

„Обидите за создавање нов имиџ преку склопените пи-ар пораки на Башановиќ не можат да го сокријат фактот дека Филипче се наоѓа далеку од врвот на довербата кај граѓаните, ниту дека СДСМ е под 5% доверба.

Поддршката за ВМРО-ДПМНЕ и за претседателот Мицкоски останува стабилна, и тоа не е поради кампањи туку поради перцепцијата кај граѓаните дека Владата работи и има резултати.

Граѓаните можат да направат разлика. СДСМ има само фасада позади која стојат истите структури, истите луѓе и истите лоши пракси и не можат да ја избришат колективната меморија за периодите на економска нестабилност, двоцифрена инфлација и одлуките кои директно ги засегнаа националните интереси.

Особено кога станува збор за Филипче, чиј профил останува обременет со скандали кои не може да се покријат со ниту еден пи-ар. Кризата во која се наоѓаат не е резултат на никакви напади, како што стои во нивните соопштенија, туку на одамна изгубениот кредибилитет на Филипче и на членови од највисокото раководство. Тоа што се сведени на неколку проценти доверба е поради длабоко разочарување кај граѓаните.

СДСМ е против СДСМ, а тоа што измислуваат дека некој води црна кампања против нив е доказ дека се во паника. Не постои кампања што може да уништи кредибилна партија“ – се вели во соопштението на ВМРО-ДПМНЕ.

The post ПОДДРШКАТА ЗА ПРЕМИЕРОТ МИЦКОСКИ ОСТАНУВА СТАБИЛНА Според ВМРО-ДПМНЕ најголемата кампања против СДСМ доаѓа одвнатре appeared first on plusinfo.mk.

Лично мислам дека она што ви го правеа и што уште ви го прават Грците и Бугарите на европскиот пат е европска срамота. Тие работи треба да останат билатерални, да ги решава Македонија со Грција и со Бугарија, а не да постојат вета, некакви забрани за македонскиот пат во Европа, рече претседателот на хрватската Социјалдемократска партија (СДП), Хајдаш Дончиќ по вчерашната средба со неговиот домаќин, лидерот на СДСМ, Венко Филипче.

На заедничката прес-конференција по средбата, Дончиќ напомена дека СДП силно ја поддржува европската перспектива на Македонија.

– Македонија низ историјата секогаш била во извонредно добри односи со Хрватска, и стопански и културни и политички. Така и ќе остане. Мора да знаете дека ЕУ е само средство за остварување на вашите национални цели, а тоа се благосостојба и добар живот за граѓаните. На тој пат имате искрен пријател во СДП на Хрватска и во мене. Тој пат е трновит, можеби ЕУ не е идеална, но за мали народи како нашите, во овој момент не гледам подобра асоцијација, не постои – рече лидерот на СДП.

На средбата станало збор и за збратимување на градовите, чии градоначалници во Македонија се од СДСМ, а во Хрватска од СДП, со цел нивна подобра подготовка за членство во ЕУ.

The post ТОА ШТО ВИ ГО ПРАВАТ ГРЦИТЕ И БУГАРИТЕ НА ЕВРОПСКИОТ ПАТ Е ЕВРОПСКА СРАМОТА Лидерот на хрватската СДП беше гостин кај Филипче appeared first on plusinfo.mk.

По дебатата меѓу Јон Фрчкоски кој е директор на Центарот за анализа на СДСМ и Наум Стоилковски од ВМРО-ДПМНЕ се поставува прашањето дали зад ширењето паника за мигранти од Велика Британија и барањето да се бомбардира Македонија како Иран и Венецуела стои „кокаинска политика“, односно партиски изјави дадени под дејство на моќни дроги, пишува порталот Експрес во коментар.

Јон Фрчкоски јавно призна дека ја излажал јавноста дека ќе се повлече од директорска функција во СДСМ.

По скандалот со фотографии на коишто тој користи дрога, Фрчкоски јавно порача дека се повлекува за да не биде товар на СДСМ, но во дебата призна дека сè уште е директор на центарот за анализи на СДСМ.

Тоа што е поскандалозно е однесувањето на СДСМ во последните години, од каде не само што се правеа паники од непостоечки мигранти по договорот на Македонија со Велика Британија, туку и повикаа на „бомбардирање“ на државата по теркот на САД врз Иран.

Оттука, иако македонската јавност е сведок дека од нивните панични најави нема ништо, а повикот за воена интервенција беше осуден, сепак останува прашањето коешто СДСМ треба да си го побара од раководството, дали ваквите ставови се правени врз анализи на Јон Фрчкоски под еуфорија можеби предизвикана од дрога?

СДСМ по локалните избори направи повеќе обиди за консолидација кои освен внатрешни потреси и поделби, донесоа и дополнителен пад на рејтинзите и дополнителни раслојувања на партијата.

Дел од таа состојба секако се должи и на работата на партискиот Центар за анализи којшто треба да го определи наративот во јавноста.

Во моментов тој е воден од лице кое во јавноста се поврзува со користење на опојни дроги и со јавно искажана лага дека се повлекува од позицијата.

Последните рејтинзи на партиите објавени денеска логично е СДСМ да се запраша каде греши и ако е во прашање кокаин да смени нешто во својата политика, пишува Експрес.

The post СТРАДА ЛИ СДСМ ОД „КОКАИНСКИТЕ ПОЛИТИКИ“ НА ФРЧКОСКИ? Паниката за миранти и повикот за бомбардирање можеби е резултат на еуфорија од дрога appeared first on plusinfo.mk.