СДСМ нема јасен став за линеарното зголемување на пензиите, еден ден го поддржуваат, друг ден го критикуваат, рече денеска пратеникот на ВМРО-ДПМНЕ, Бране Петрушевски на седницата на Комисијата за финансирање и буџет во Собранието.

– Очигледно е молчењето на СДСМ, што е стратегија откако влетаа во офсајт. Дали СДСМ и пратениците на СДСМ го поддржуваат линеарното зголемување на пензиите што го направи оваа Влада или не го поддржуваат? Затоа што доаѓаат какафонични изјави. Еден ден излегуваат и велат дека тоа е добро, друг ден доаѓа пратеник и објаснува како тоа не било добро, како тоа била дискриминација на оние кои што земале поголеми пензии – рече Петрушевски.

Тој побара некој од партијата да излезе и да каже јасен и официјален став.

– Убаво е да излезе некој и да одговори кој е ставот на СДСМ, со оглед на актуелноста на темата и она што овој период се случува во Уставниот суд, а тоа е преиспитување на уставноста на оваа одлука. Замислете, почитувани граѓани, преиспитуваат дали било дискриминација на оние пензионери кои што земале големи пензии, затоа што не добиле процентно поголеми суми, а овие со мали пензии биле повластени, затоа што добиле два пати по 2.500 денари – кажа Петрушевски.

Според него, апсурдно е што Уставниот суд преиспитува дали постои дискриминација.

Петрушевски вели дека постојат повеќе врски меѓу СДСМ и оваа одлука за приспитување.

– Прво, видовме овде како пратеници на СДСМ ја бранеа Добрила Кацарска, која што е судија-известител, а меѓу другото, позната е по тоа што се изучува на меѓународни факултети како не треба да се суди еден предмет и која што молсаквично напредуваше во својата кариера за време на СДСМ после оние монтирани случаи. Неколку врски има меѓу СДСМ и оваа одлука за преиспиутвање од страна на Уставниот суд. Така што, мора да знаеме дали СДСМ мисли дека ова зголемување на пензиите не е добро – рече Петрушевски.

УСТАВНИОТ СУД УДРИ НА ПЕНЗИИТЕ Кацарска предложи, колегите прифатија да го оценуваат последното линеарно покачување од 2.000 денари

The post ИМА ВРСКИ МЕЃУ СДСМ И ИНИЦИЈАТИВАТА НА КАЦАРСКА ПРОТИВ ЛИНЕАРНОТО ЗГОЛЕМУВАЊЕ НА ПЕНЗИИТЕ Нека реши СДСМ, добро ли е или не ваквото покачување, повика Петрушевски appeared first on plusinfo.mk.