Рокот за предлагање кандидат за нов словенечки премиер истекува вечерва на полноќ, а речиси е сигурно дека Словенечката демократска партија ќе го предложи својот долгогодишен лидер Јанез Јанша.

Доколку добие поддршка во парламентот, тој по четврти пат ќе стане премиер на Словенија.

Досегашниот премиер Роберт Голоб, иако беше релативен победник на изборите, не успеа да обезбеди парламентарно мнозинство. Неговото Движење Слобода сега оди во опозиција.

Политичкиот пресврт стана очигледен откако популистичката партија „Вистина“, предводена од Зоран Стевановиќ, потврди дека ќе го поддржи Јанша.

Со тие потписи, десницата стигнува до потребните 46 пратеници за апсолутно мнозинство.

Малцинска влада со краток рок?

Иако ќе го поддржи Јанша, партијата „Вистина“ нема формално да влезе во владата.

Тоа значи дека идната коалиција ќе биде малцинска, поради што аналитичарите предупредуваат дека може да има краток политички век.

Во новата коалиција влегуваат: СДС на Јанша, Нова Словенија, Демократите на Анже Логар и уште две помали партии.

Предизборна измама?

Особено внимание во Словенија привлекува улогата на Анже Логар. Тој минатата година ја напушти СДС и формира сопствена партија.

Но, сега повторно застанува зад Јанша.

Дел од словенечката јавност ова веќе го коментира како однапред договорен предизборен маневар за собирање мнозинство.

Тајно гласање, неизвесен финиш

Гласањето за новиот мандатар се очекува до крајот на неделата. Изјаснувањето ќе биде тајно, а за избор повторно се потребни 46 гласа.

Доколку Јанша не добие доверба, парламентот во рок од 48 часа може да оди во трет круг, каде ќе биде доволно обично мнозинство.

Ако и тогаш не биде избран премиер, претседателката ќе распише нови избори.

Судир со Брисел?

Враќањето на Јанша се толкува како остро вртење на Словенија надесно.

Иако неговата СДС формално е дел од Европската народна партија, многумина ја сметаат за идеолошки поблиска до европската радикална десница отколку до класичниот десен центар.

Словенечките медиуми веќе предупредуваат дека тоа може да донесе нови политички судири меѓу Љубљана и Брисел.

The post ВРАЌАЊЕ НА „ЧЕЛИЧНИОТ“ ЈАНША Словенија врти во десно, има шанса за малцинска влада appeared first on plusinfo.mk.

„Лекцијата во СДСМ и целиот систем на СДСМ како партија, како поддржувачи, како поранешни експерти, не е научена. Би требало да се застане да се види до каде е ситуацијата, да се направи едно единство во државата. Мислам дека СДСМ мора да ја научи таа лекција и да престане да биде бомбаш- самоубиец со вакви настапи како на Андреј Жерновски или на други, за евроинтеграциите да бараат да биде променет Уставот. СДСМ нема политика којашто ја креира, не поминува кај Македонците”.

Вака изјави Наум Стоилковски од ВМРО-ДПМНЕ во „Вечерното шоу на Богдан Илиевски”. Зборувајќи за блокадите од страна на Бугарија на нашиот евроинтегративен пат Стоилковски објасни дека Македонија се наоѓа во ваква ситуација поради грешките направени од претходната власт.

– Грешка е направена од страна на претходната власт, којашто одеше отворено без размислување и покрај сите предупредувања дека не треба и дека ќе биде злоупотребено сето тоа и дека летвичката ќе се крева сè погоре и погоре.

Стоилковски претходно посочи дека приговорите и барањата од Бугарија се зголемуваат од времето кога Македонија влезе во НАТО.

–  Кога Македонија требаше да го смени Уставот, да го смени името за да влезе во НАТО и во Европска Унија, Софија немаше никаков проблем со ништо во рамки на добрососедството, кога влегуваше Македонија во НАТО немаше никаков проблем од страна на Бугарија, од тогаш наваму на три пати се појавува. Колку отворањето на Уставот сега понатаму ќе биде решение за тоа, и ќе се остава простор Софија во секои наредни предизборија да имаат нови и нови теми поврзани со национализмот.

The post ЛЕКЦИЈАТА ВО СДСМ УШТЕ НЕ Е НАУЧЕНА Погубните политики од минатото ѝ отворија простор на Бугарија да блокира appeared first on plusinfo.mk.

На денешната прес-конференција, пратеникот на ВМРО-ДПМНЕ, Бране Петрушевски, жестоко го критикуваше СДСМ, истакнувајќи дека партијата се занимава со „театар и циркузи“ наместо со суштинска борба против корупцијата и криминалот.

– Времето покажува дека на СДСМ – безрбетна најдобро и оди кога нешто треба да се продава, распродава и да се мести. И тоа е така без разлика дали се работи за местење на тендери или продавање на државата – истакна Петрушевски.

Тој нагласи дека, наместо да го поздрави чинот на справување со незаконити дејствија и фаќање на лица кои бегаат од правдата, СДСМ „секојдневно создава приказни“.

– Очигледно е зошто го прават тоа. Веројатно затоа што во конкретниот случај со Артан Груби не можат ни да се сетат во што се биле заедно вмешани, какви зделки, коруптивни активности или криминал. Поточно, во што сѐ шурувале – рече Петрушевски.

Тој потенцира дека актуелното раководство на СДСМ, вклучувајќи ги Венко Филипче, Оливер Спасовски, Јованка Тренчевска и Јон Фрчкоски, секојдневно „кажуваат приказни за театар, циркузи“, а избегнуваат суштината: решителна борба со криминалот и корупцијата.

– Но, вистината е една, професионална, координирана активност на надлежните служби за да се фати бегалец од правдата покажува дека борбата со корупцијата и криминалот е сега решителна – додаде Петрушевски.

Тој заклучи дека за СДСМ она што го зборуваат за другите, најмногу зборува за нив сами, додека ВМРО-ДПМНЕ ќе продолжи да се фокусира на борбата со корупцијата, криминалот и поставувањето здрави темели на владеење на правото.

The post СДСМ ЗНАЕ ДА ЈА ПРОДАВА ДРЖАВАТА И ДА МЕСТИ ТЕНДЕРИ Петрушевски жестоко ја критикува опозицијата за бегањето од темата Груби appeared first on plusinfo.mk.

Пратеникот на ВМРО-ДПМНЕ Бране Петрушевски ја обвини поранешната владата на СДСМ и нејзиниот поранешен лидер Зоран Заев дека пред четири години се нуделе да примат мигранти во Македонија.

Според него, видеото од тој период покажува како Заев сакал да гради мигрантски кампови и самиот се нудел да ги „вдоми“ мигрантите, а министерот Филипче за тоа не се противел.

– Ова е вистината за темата мигранти во Македонија. Јасно е кој сакал да доведе мигранти, а кој бил против истото. Хистеријата и лажните вести на СДСМ се рушат како кула од карти. За среќа на граѓаните, ВМРО-ДПМНЕ и тогаш и сега води антиемигрантска политика – вели Петрушевски.

Тој додава дека веќе два дена нема одговор од Филипче и СДСМ на оваа тема, и дека тие избегнуваат новинарски прашања.

– Наместо да играат криенка, да одговорат колку мигранти биле спремни да примат во Македонија. Дали се гласни денес само затоа што во 2018 година биле спремни да доведат илјадници мигранти во Скопје? – праша пратеникот на ВМРО-ДПМНЕ.

На крајот, тој истакна дека реформите во СДСМ се повеќе од потребни и дека народот им ја одржал лекцијата на последните три изборни циклуси.

The post 📽️ ЗАЕВ СЕ НУДЕЛ ДА „ВДОМИ“ МИГРАНТИ, ФИЛИПЧЕ МОЛЧИ Видеото од 2018 година открива сè, вели Петрушевски appeared first on plusinfo.mk.

Пратеникот од ВМРО-ДПМНЕ, Антонијо Милошоски, во гостувањето во емисијата „Само интервју“ на Канал 5 изјави дека во Македонија не постои проблем со мигранти и дека, според него, СДСМ ја отвора темата манипулативно за да ја прикрие партиската слабост и одливот на кадри.

– Македонија и Британија имаат потпишано договор за инвестиции, за соработка и за проекти, и нема ниту од една страна тема што опфаќа мигранти. Тоа е тема со која полесно може да се манипулира – рече Милошоски, додавајќи дека СДСМ ја злоупотребува.

Тој истакна дека претседателот на СДСМ, Венко Филипче, се соочува со сериозни внатрепартиски проблеми, особено со, како што рече, „партиски мигранти“ кои заминуваат во други политички опции.

– Филипче се соочува со свои партиски мигранти, кои бегаат затоа што гледаат дека СДСМ ја губи влијателноста што ја имала пред 5 или 10 години. Сега го советуваат оваа тема да ја искористи за покривање – изјави Милошоски.

Како дополнителна аргументација, тој посочи дека бројот на лица кои имаат статус на бегалци или азиланти во Македонија е многу мал.

– Вкупно 14 лица имаат добиено статус на бегалец: девет од Косово, три од Конго и две од Сирија. Истовремено, 14 членови на извршниот одбор на СДСМ си поднесоа оставка. Симптоматично, но можеби случајно – рече тој.

Милошоски потенцираше дека не постои никаков документ, барање или тема наметната од Велика Британија во врска со мигранти и дека доколку постои такво барање, тоа би било целосно одбиено.

– Јавноста може да биде спокојна. Ниту постои барање, ниту ќе се прифати било какво барање за мигранти. Темата е политичка манипулација за да се покрие слабоста и празнината во СДСМ – нема кадар, нема идеи, нема луѓе за дебати – нагласи Милошоски.

Тој заврши дека очекува оваа тема да се користи од страна на СДСМ уште извесен период, до февруари или март, по што, според него, ќе исчезне од фокусот.

The post „НЕМА МИГРАНТИ, ИМА ПАРТИСКИ БЕГАЛЦИ“ Милошоски вели дека Филипче манипулира со лажна тема за да ја покрие кризата во СДСМ appeared first on plusinfo.mk.

Министерот за дигитална трансформација Стефан Андоновски вечерва обвини дека лидерот на СДСМ, Венко Филипче, во 2018 година гласал за одлука за изградба на камп, прифатен центар за мигранти во скопската населба Бардовци.

Тој најави дека деталите ќе бидат објавени утре, а обвинувањата ги изнесе во подкастот „Претрес кај Ландов“.

Според Андоновски, во „Службен весник“ од 23 јануари 2018 година е објавена владина одлука за планирање на прифатен центар за странци за потребите на Секторот за гранични работи и миграција при МВР, со локација во Бардовци.

Тој потсети дека по донесувањето на оваа одлука следеле протести на локалното население во делот меѓу Бардовци и Чучер-Сандево, каде граѓаните јавно се спротивставиле на изградбата на кампот.

– Апсурдно е да се зборува дека ВМРО-ДПМНЕ градело или прифаќало мигранти, без ниту еден единствен доказ дека владата предводена од ВМРО-ДПМНЕ преговарала на оваа тема. ВМРО-ДПМНЕ беше владата која го менаџираше најголемиот бран на мигранти и ја бранеше Европа од Европа – изјави Андоновски.

Тој нагласи дека е „скандалозно“ човекот кој, како што вели, „три дена држи прес-конференции за мигранти“, во 2018 година самиот да гласал за изградба на ваков центар.

Андоновски најави дека утре ќе бидат јавно објавени дополнителни информации за одлуката која, според него, го демантира наративот на СДСМ за наводни мигрантски договори.

The post ДЕНЕС КРИТИКУВА, А ГЛАСАШЕ ЗА МИГРАНТСКИ КАМП ВО БАРДОВЦИ Андоновски го обвини Филипче за манипулации appeared first on plusinfo.mk.

ВМРО-ДПМНЕ ја нападна СДСМ за нивната изборна стратегија во Струмица, предупредувајќи дека партијата е во „тотална паника“ пред локалните избори на 19 октомври. Соопштението беше објавено по прес-конференцијата на Валентин Манасиевски, кој ги изнесе тврдењата за изборниот „криминал“ и насилство на кандидатите на СДСМ.

– СДСМ во Струмица губи, а силеџиите на листите кои тепаат луѓе по улица стануваат нивниот бренд за овие избори. СДСМ не само што нема понуда, туку се во тотална паника од сигурниот пораз кој ги чека на 19 октомври – изјави Манасиевски.

Тој додаде дека партијата е свесна дека криминалите кои ги правеле со години ќе излезат на виделина и дека поради тоа се обидуваат да шират страв и паника меѓу граѓаните на Струмица.

Во соопштението се потенцира дека СДСМ, поради недостиг на квалитетни кадри, нуди кандидати „со сомнително минато, полни со кривични пријави, насилници и силеџии“. Манасиевски повика на одговорност и предупреди дека вакви лица не треба да имаат место во локалната власт.

– Да се потсетиме на видеото каде што кандидатите за советници на СДСМ во Струмица крвнички тепаат туристи. Ова не смее да биде повеќе сликата за Струмица. На народот му е доста од локални шерифи и тепачи, Струмичани сакаат вистински промени – додаде тој.

Манасиевски ја повикаа јавноста да излезе на изборите и да ги поддржи кандидатите кои ветуваат ред и законитост, како и вистински развој на градот.

The post „СДСМ ИМ НУДИ ЛОКАЛНИ ШЕРИФИ И СИЛЕЏИИ НА СТРУМИЧАНИ“ Манасиевски тврди дека е во паника партијата на Филипче appeared first on plusinfo.mk.

Скопје се соочува со серија инциденти на депонии кои се палеа во последните денови, а ВМРО-ДПМНЕ денеска обвини дека зад овие случувања стои „злосторничкото здружение“ СДСМ–ДУИ. Во соопштението на партијата се вели дека поразот на изборите ги натерал претходните власти да прибегнат кон „најопасни и криминални методи“.

„Наместо политики, тие подметнуваат чад и отров палејќи ги скопските депонии. Со тоа не само што прават тешко кривично дело, туку свесно го уништуваат здравјето на граѓаните“, се вели во соопштението на ВМРО-ДПМНЕ.

Според партијата, „со години СДСМ и ДУИ управуваа со ‘Дрисла’ и ‘Вардариште’. Тие ветуваа фабрика за селекција на отпад, зелена зона и чист воздух. Сè остана само на хартија. Единствено што оставија зад себе е смет, диви депонии и труење на луѓето“.

„Скопските градоначалници од ВМРО-ДПМНЕ веќе четири години реализираат конкретни проекти за чистење и уредување на јавните површини, за воспоставување систем за селекција на отпад и за зајакнување на јавната хигиена. Разликата меѓу криминалното наследство на СДС–ДУИ и нашиот одговорен пристап е јасна и видлива“, се вели во соопштението.

Од ВМРО-ДПМНЕ поставуваат низа прашања за овие инциденти:

Зошто депониите почнаа да „горат“ токму пред локалните избори?

Зошто „Дрисла“ повторно загадува и гори отпад?

Дали постои организирана структура зад овие дејствија?

„Затоа повикуваме Министерството за внатрешни работи и Јавното обвинителство итно да спроведат темелна истрага за инволвираноста на овие структури во намерното палење на депониите“, изјавија од ВМРО-ДПМНЕ.

Партијата заклучува дека „граѓаните добро знаат: вистинската еколошка катастрофа се вика СДСМ–ДУИ“ и потенцира дека овие настани се последен очајнички потег на поранешните власти.

The post ДЕПОНИИТЕ НЕКОЈ НАМЕРНО ГИ ПАЛИ ПРЕД ИЗБОРИ Од ВМРО-ДПМНЕ бараат итна истрага, пожарите ги поврзуваат со СДСМ-ДУИ appeared first on plusinfo.mk.

ВМРО-ДПМНЕ остро реагираше на последните обвинувања од СДСМ и ги повика да ги проверуваат своите редови пред да зборуваат за криминал. Во соопштението, партијата ја истакна аферата со Лидија Димова, која беше разрешена како директорка на Агенцијата за европски образовни програми и мобилност поради злоупотреба на финансиски средства.

Димова, заедно со уште две лица, според ВМРО-ДПМНЕ, проневерила околу 20 милиони денари од европски фондови, за што беше обвинета од ОЈО ГОКК. Случајот бил во целосна координација со канцеларијата на Европската Унија, а партијата апелира СДСМ да ги сподели тие забелешки и со ЕУ.

„Пред да излезат со прес-конференции и соопштенија, СДСМ прво нека си го погледнат својот двор. Тие се полни со луѓе поврзани со сомнежи и криминали“, наведуваат од ВМРО-ДПМНЕ.

Посебно внимание се посветува на притисокот што го вршел тогашниот премиер Заев врз Димова да не поднесе пријава за криминал вреден 2,2 милиони евра, средства што Европската заедница подоцна ги побарала назад.

Според ВМРО-ДПМНЕ, овие пари завршиле кај блиски лица и фирми поврзани со нив, преку тендери кои биле фаворизирани.

„Оваа криминална мрежа имала свои влијанија во Националната агенција, а првопријавеното лице било поврзано и со кабинетот на премиерот“, потенцираат од партија.

На крајот, од ВМРО-ДПМНЕ повикуваат Јавното обвинителство да ја заврши својата работа и ги предупредуваат СДСМ треба да престане да ги критикува другите додека има нерасчистени криминали во своите редови.

The post ПРВО ПРОВЕРЕТЕ ВО СОПСТВЕНИОТ ДВОР, ПА ОБВИНУВАЈТЕ Лидија Димова злоупотреби 20 милиони, им одговори ВМРО-ДПМНЕ на СДСМ appeared first on plusinfo.mk.

ВМРО-ДПМНЕ остро ја осуди изјава на СДСМ во која, како што тврдат, македонските граѓани се наречени „будали“. Во реакцијата, ВМРО-ДПМНЕ оваа изјава ја нарече тешка навреда и ја смета за отслик на внатрешната криза и безидејност во СДСМ.

„Ваквата тешка навреда изречена од некогаш сериозната партија СДСМ е само отсликување на состојбите внатре во партијата и нивната тотална безидејност. Внатре наместо разумот владее интересот за спас и бегство од одговорност од криминалите. Не е ни чудно што 30 посто според најновите анкети незнаат кој е лидер на СДСМ. Таму владеат децата на Заев, а пак Филипче не ја игра ниту улогата на статист. Затоа СДСМ има рејтинг кој е на ниво на стратистичка грешка, и 4 до 5 пати помал споредено со ВМРО-ДПМНЕ“, се наведува во соопштението на ВМРО-ДПМНЕ.

Партијата на Христијан Мицкоски посочува дека нискиот рејтинг на СДСМ и фактот што многумина не го знаат нивниот лидер се доказ за длабоката криза во која се наоѓаат.

„СДСМ ликува и се радува што Македонија на патот кон ЕУ ја раздвоија од Албанија и тоа е нивната најголема награда и успех за работењето против својата држава. Откако го искрадоа народот сега го навредуваат дека е будала“, се додава во соопштението.

ВМРО-ДПМНЕ бара од СДСМ итно да ја повлече изјавата и јавно да се извине на граѓаните.

The post СДСМ ГИ НАРЕЧЕ ГРАЃАНИТЕ „БУДАЛИ“ Остра реакција на ВМРО-ДПМНЕ по навредата од опозицијата appeared first on plusinfo.mk.