По децении доминација на социјалдемократите (СДП) на локалните избори во Хрватска, на повидок е пресврт. На изборите одржани во неделата, гласачите во четирите најголеми хрватски градови во голема мера гласаа за актуелните градоначалници, но во Риека најверојатно ќе има пресврт во вториот круг.

Риека доживува големи политички превирања. Независниот кандидат Ива Ринчиќ, поддржан од Младинската акција, освои околу 40% од гласовите, додека актуелниот градоначалник Марко Филиповиќ (независен) остана на 19%. Ова е прв пат СДП да нема власт во овој град.

Во Загреб, град со буџет од 3 милијарди евра, актуелниот градоначалник Томислав Томашевиќ (Можеме!) освои 47,3 проценти од гласовите и оди во вториот круг, во битка со независната кандидатка Марија Селак Распудиќ, која освои 15,74 проценти.

Томашевиќ,освои повеќе гласови во првиот круг од тековните локални избори отколку пред четири години (на 16 мај 2021 година), со што го сруши сопствениот рекорд. Иако без апсолутна победа, тој има значителна предност, а неговата коалиција (Можемо! и СДП) обезбеди мнозинство во Градското собрание, што ѝ гарантира стабилна политичка позиција во случај на реизбор.

Во Сплит, актуелниот градоначалник Ивица Пуљак (Центар) води со 35% и оди во вториот круг со Томислав Шута од ХДЗ, кој има 30%. Иако резултатот не е толку убедлив како на претходните избори, Пуљак го задржува водството, а се очекува неизвесна трка во вториот круг во кој победникот ќе биде одлучен според гласовите на гласачите на другите кандидати.

Претседателот на ХДЗ и на владата, Андреј Пленковиќ, оцени дека Хрватска повторно е „доминантно сина“, истакнувајќи ги одличните резултати на ХДЗ, победите во Осиек и во Сисак, отворената битка за Сплит и катастрофалниот резултат на СДП во Риека.

The post ХРВАТСКИТЕ СОЦИЈАЛДЕМОКРАТИ ГО ИЗГУБИЈА СВОЈОТ БАСТИОН РИЕКА По локалните избори, Хрватска останува „доминантно сина“ appeared first on plusinfo.mk.

По 45 дена интензивни преговори по парламентарните избори, демохристијаните (ЦДУ/ЦСУ) и социјалдемократите (СПД), на поранешниот канцелар Олаф Шолц, конечно постигнаа договор за формирање влада во Германија.

Во среда во 15 часот, раководствата на двете партии ќе и се обратат на јавноста и ќе го презентираат коалицискиот договор, пренесуваат германските медиуми. Како што веќе протекоа информации, е договорена и поделбата на клучните министерства.

Според пишувањата на германскиот весник Билд, СПД ќе управува со Министерството за финансии, Министерството за одбрана и Министерството за правда, додека демохристијаните ќе ги преземат Министерството за внатрешни работи и Министерството за надворешни работи.

Претходните денови главна тема на коалициските разговори беа прашањата поврзани со мигрантската политика, даноците и пензиите, кои предизвикаа најголеми несогласувања меѓу двете страни.

Во текот на преговорите, дел од членството на ЦДУ го предупредуваше партискиот лидер Фридрих Мерц да не прави преголеми отстапки кон СПД, стравувајќи дека тоа може да го наруши правецот што партијата го најави во предизборната кампања – промена на политичкиот курс.

На изборите одржани на 23 февруари, ЦДУ освои 28,5% од гласовите, со што стана најсилната политичка партија, но немаше доволно за самостојно мнозинство, поради што беше приморана да бара коалициски партнер.

Анкета: АфД најпопуларна партија во Германија

Првпат според анкетите десничарската Алтернатива за Германија (АфД) е најпопуларна партија во земјата. Шест месеци по предвремените парламентарни избори во Германија, АфД, според резултатите од анкетата на Ипсос има поддршка од 25 отсто, додека во февруари освои 20,8 проценти од гласовите.

ЦДУ/ЦСУ, која на изборите на 23 февруари освои 28,5 отсто од гласовите, според анкетата има поддршка од 24 проценти.

Социјалдемократската партија на Германија (СПД) и Партијата на зелените бележат намалена поддршка во освоените гласови на изборите, додека партијата Левица го подобри својот резултат од 8,8 на 11 отсто.

The post ГЕРМАНИЈА КОНЕЧНО ДОБИ ВЛАДА Падна договор меѓу ЦДУ и СПД еве кој ги доби најмоќните министерства appeared first on plusinfo.mk.

Премиерот на Албанија Еди Рама присуствува на Конгресот на социјалистичките партии во Берлин, каде е присутен и премиерот на Косово Албин Курти. Организиран со поддршка на германската СПД, овој конгрес ги пречека шефовите на држави и влади, еврокомесари, партиски лидери и други претставници.

Пред неколку дена во албанскиот печат кружеше вест дека Европската социјалистичка партија му забранила на Илир Мета да учествува на конгресот, но таа подоцна беше демантирана.

The post РАМА МУ НАПРАВИ „ЅЕ“ НА КУРТИ Барај ме лично, а не преку шпиони, му порача Рама на Курти appeared first on plusinfo.mk.

Најголема доверба кај испитаниците ужива ЦДУ со 27 отсто . Зелените се на второ место со 21 отсто, додека на трето место е партијата на канцеларот Олаф Шолц со 20 отсто.

На четврто место во анкетата објавена во „Билд“ е десничарската партија Алтернатива за Германија, која во моментов би можела да се надева на 10 отсто од гласовите на наредните избори.

The post ГЕРМАНЦИТЕ НЕ ГО САКААТ ШОЛЦ Паѓа рејтингот на владејачката СПД appeared first on plusinfo.mk.

Според првите прогнози врз основа на преброените гласови, ЦДУ освоила 35 отсто, што е подобрување за два процентни поени во однос на последните избори во 2017 година.

Со 27,5 отсто СПД освои 3,7 процентни поени помалку од последните покраински избори, а со тоа и најслаб резултат во историјата на оваа сојузна покраина во која социјалдемократите се на власт со децении.

Трета е Партијата на зелените, која постигна најдобар резултат во оваа сојузна покраина со 18,4 отсто.

Изборите во најнаселената и економски најсилната сојузна држава поради нивната важност се нарекуваат и „мали сојузни избори“, а најважни избори се годинава во Германија.

Иако гласачите се водат од локалните прашања на покраинските избори, лошиот резултат на СПД во Северна Рајна-Вестфалија се смета за предупредувачки сигнал за социјалдемократскиот канцелар Олаф Шолц.

Како што пренесуваат агенциите, неговата популарност опадна во последните недели поради незадоволството на многу гласачи од неговите постапки во врска со војната во Украина.

Аналитичарите велат дека СПД избрала погрешна стратегија поврзувајќи го Шолц со изборите во Северна Рајна-Вестфалија.

The post ЦДУ ПОБЕДИ ВО СЕВЕРНА РАЈНА-ВЕСТФАЛИЈА Историски лош резултат за социјалдемократите appeared first on plusinfo.mk.

The post ПАДНА ДОГОВОР Новата германска Влада ќе ја прават СДП, Зелените и ФДП appeared first on plusinfo.mk.

Кога во февруари ненадејниот инфаркт  го спречи Бандиќ да се кандидира на локалните избори, никој не веруваше дека младиот Томашевиќ, зелен активист кој пред четири години одвај собра 13.000 гласови, убедливо ќе победи. Со над 200.000 гласови во вториот круг, најмногу во историјата на Загреб, 39-годишниот Томашевиќ вчера го победи конзервативецот Мирослав Шкоро и стана симбол на нова генерација политичари кои сакаат да ги победат „кронизмот и октоподот“.

„Однадвор зелени, а внатре црвени“

– Загребчани, ми ја дадовте довербата, а јас од вас барам учество, учество во носење на одлуки за развојot на овој град – изјави Томашевиќ.

За аналитичарите е нејасно како Томашевиќ ќе расчисти со клиентелизмот наталожен од времето на Бандиќ. Освен планот за поголема достапност на социјалните услуги и за подобро располагање со јавните ресурси, програмата на „Можемо“ не покажува јасна идеолошка артикулација. Па така, движењето ја доби етикетата „однадвор зелени, а внатре црвени“.  Но и покрај сево ова, вечерта на изборната ноќ противникот Шкоро на крај ги повика своите гласачи да го поддржат Томашевиќ, иако претходно остро го критикуваше.

Томашевиќ лесно ќе формира мнозинство во општинското собрание. Со поддршка од левичарската СДП, негова најголема задача ќе биде ревитализирање на чаршијата која беше сериозно оштетена во земјотресите лани во март. Ратсечкиот долг, слабата патна мрежа, сообраќајните метежи, квалитетот на училиштата и на градинките, се дел од проблемите кои Загреб ќе му ги довери на младиот градоначалник.

Изненадување и во Сплит, но и во Вуковар и во Осијек

Изненадија и другите хрватски градови. Во Сплит беше тесно. Со нешто над 56 отсто од гласовите, Ивица Пуљак, кој по професија е атомски физичар, го победи Вице Михановиќ од ХДЗ.

Тој е либерал, но неговата политичка организација веќе се подели на два, објаснува политикологот Дражен Лалиќ, мислејќи на фактот дека на листата на Пуљак се млади луѓе без поголемо искуство во политиката.

Од другите поголеми градови, ХДЗ исто така за првпат го загуби Вуковар, но го доби Осијек, кој секогаш бил на СДП. СДП успеа да ја задржи власта единствено во Риека, кое е нивно традиционално упориште. Според Карло Јурак, познат аналитичар, победите на Томашевиќ во Загреб и на Пуњак во Сплит, ќе бидат лакмус тест за атмосферата во целата земја, која од осамостојувањето ја водат две големи партии.

Криза на големите партии

– Големите партии не реализираат некои свои битни функции, на пример малку регрутираат нови политичари, бидејќи раководството премногу ги контролира – објаснува професорот Лалиќ.

Според него, кризата на големите партии почнала уште во 2013 година и иако во двете партии сепак дошле млади луѓе, тие морале да останат во добар однос со старите партиски лидери, а со тоа и со нивните застарени политики.

За големата битка која резултираше со сериозни порази на големите партии сведочи и фактот дека после првиот изборен круг,  мораше да се прегласува во 14 жупании, 55 градови и 87 општини, бидејќи во првиот круг таму ниеден кандидат не можеше да освои повеќе од 50 отсто од гласовите. Но, утрото по вториот круг на изборите сепак ја потврди големата промена.

Не случајно српскиот патријарх Порфириј на градоначалникот Томашевиќ му честиташе со стиховите на Џони Штулиќ: „Када Загреб израња из сна… ново јутро ќе променити све“.

Подготви: К.Г.
Фотографија: принтскрин (ХРТ)

The post Ниту ХДЗ, ниту СДП, со Загреб и со Сплит ќе раководат некои нови клинци! appeared first on plusinfo.mk.

Претседателот на опозициската Социјалдемократска партија на Хрватска (СДП),  Давор Бернардиќ во првиот телевизиски дуел со лидерот на Хрватска демократска заедница (ХДЗ ), Андреј Пленковиќ, рече дека кога треба да избере помеѓу Туѓман и Тито, го избира Тито, на што актуелниот премиер реагираше дека „тоа е неверојатно“.

– Во ред, јавноста нека знае дека СДП е за Тито – рече Пленковиќ во синоќешната дебата на  хрватската телевизија РТЛ. 

Пленковиќ рече дека тоа е неверојатно и дека лидерот на СДП „избра диктатор“.

Бернардиќ додаде дека и првиот претседател на самостојна Хрватска, Фрањо Туѓман, како што рече, имал свои заслуги. 

The post Пленковиќ: Јавноста нека знае дека СДП е за Тито appeared first on plusinfo.mk.