Неговото следно судење е закажано за 22 септември. Доколку биде прогласен за виновен, на Матар му се заканува затворска казна до 25 години.

Матар е обвинет дека го повредил Ружди минатата недела пред авторот на „Сатански стихови“ да одржи предавање во образовен центар во близина на езерото Ири.

Ружди беше хоспитализиран со тешки повреди, а писатели и политичари од целиот свет оценија дека ова е напад на слободата на изразување. Нападот го осуди и макеоднскиот ПЕН Центар.

Матар за новинарите изјави дека е изненаден што писателот преживе. Во интервју за американски Њујорк пост од затвор, Матар призна дека „прочитал само неколку страници“ од романот на Ружди „Сатански стихови“ и дека идејата за нападот ја добил откако видел објава на Твитер дека авторот ќе биде гостин во Институтот Чаутаука во американската сојузна држава Њујорк.

– Прочитав само неколку страници, не ја прочитав целата книга до крај. Не ми се допадна таа личност, мислам дека не е добар. Тој е некој што го нападна исламот, ги нападна моите верувања и религиозниот систем – рече Матар и додаде дека гледал видеа од Ружди на Јутјуб“.

The post НЕ ЈА ЧИТАЛ КНИГАТА АМА БИЛ НАВРЕДЕН Напаѓачот на Салман Ружди се изјасни за невин appeared first on plusinfo.mk.

– Не ми се допадна тој човек, мислам дека не е добар. Тој е некој што го нападна исламот, ги нападна неговите верувања и религиозниот систем – нагласи Матар и додаде дека гледал видеа од Ружди на Јутјуб, според АП.

Матар, исто така, рече дека го почитува ајатолахот Хомеини, но одби да каже дали нападот бил инспириран од фатвата што поранешниот ирански врховен лидер ја издаде против писателот по објавувањето на „Сатански стихови“. Тој ги отфрли тврдењата дека бил во контакт со иранската Револуционерна гарда.

Во петокот Ружди требаше да одржи предавање за уметничката слобода во Чаутаука, но 24-годишниот Матар го нападна со нож. Состојбата на 75-годишниот писател, роден во Индија, и понатаму е сериозна. Ружди, сепак, е изваден од вентилаторот и може повторно да зборува.

Матар, кој е обвинет за обид за убиство и напад, изјави за Њујорк Пост дека отишол во Бафало еден ден пред нападот, а потоа во Чаутаука, на околу 40 милји. Купил билет за трибината, а потоа ноќта пред закажаниот настап на Ружди во институтот спиел на тревата.

Семејството на Матар дошло во САД од Либан, прво се населило во Калифорнија, пред неговите родители да се разведат. Таткото се вратил во Либан, а мајката се преселила во Њу Џерси.

Мајката на Матар изјавила дека откако патувал на Блискиот Исток во 2018 година, каде што отишол да го види својот татко, нејзиниот син се вратил како променет човек и дека станал поповлечен и попосветен на исламот.

The post НАПАЃАЧОТ Е ИЗНЕНАДЕН ШТО РУЖДИ ПРЕЖИВЕАЛ Не ми се допадна тој човек, тој го нападна исламот appeared first on plusinfo.mk.