Министерот за внатрешни работи Панче Тошковски не е задоволен од работата на директорот на Бирото за јавна безбедност Сашо Тасевски, но рацете му се врзани и не може да предложи кадровска промена на оваа позиција. Ова тој го изјави во поткастот на Плусинфо, во разговор со уредникот Бранко Героски.

Министерот Тошковски детално ги објаснува причините за своето незадоволство од начинот на кој техничката влада на Талат Џафери ги комплицира односите во врвот на МВР.

Во разговорот, Првиот човек на овој ресор објавува ексклузивни детали од доверливиот извештај за спроведувањето на операцијата за замена на личните документи и за одговорноста на раководни лица за големите пропусти.

Тема на разговорот се и очекувањата на Тошковски од изборите, посебно во изборната единица број 6, за кои постои загриженост и кај него, но и кај претставници на меѓународната заедница.

Како адвокат по професија и бранител на неколку случаи покренати од поранешното Специјално јавно обвинителство, Тошковски коментира како и зошто дојде до распад на македонското правосудство, но и за тоа како ќе изгледа правдата во Македонија ако ВМРО-ДПМНЕ дојде на власт.

The post 🎥 НЕ СУМ ЗАДОВОЛЕН ОД ДИРЕКТОРОТ НА БИРОТО ЗА ЈАВНА БЕЗБЕДНОСТ, НО НЕ МОЖАМ НИШТО ДА СТОРАМ Министерот за внатрешни работи Панче Тошковски во поткастот на Плусинфо appeared first on plusinfo.mk.

Посакувајќи му што поскоро опоравување на повредениот началник, министерот Спасовски го повторил својот став дека напад на припадник на македонската полиција е напад на државата, поради што мора да има најстроги санкции за тој кој ќе се осмели да изврши таков чин на насилство.

– Насилството е последното прибежиште на криминалците, последниот обид да ги заплашат оние кои се задолжени за спроведување на законот. Затоа казната од правосудните органи треба да е брза, навремена, строга и без отстапки. А последниот удар на полицијата до конечна пресметка со криминалот – најсилен – порача Спасовски по посетата на повредениот полициски началник.

Полицискиот началник на ОВР Струга вчера беше нападнат со нож од 44-годишниот С.Н. од село Велешта кој бил во бегство, но потоа е фатен и лишен од слобода.

Напаѓачот од Велешта е обвинет за убиство во обид врз полиицскиот началник Д.А. и одреденен му е 30-дневен притвор, по што тој е спроведен во КПУ Скопје.

The post (ФОТО) НАПАД НА МАКЕДОНСКАТА ПОЛИЦИЈА Е НАПАД НА ДРЖАВАТА Министерот Спасовски го посети повредениот началник на ОВР Струга appeared first on plusinfo.mk.

Тој рече дека тоа е уште еден сокриен семеен бизнис со адреса на избран и именуван владин функционер.

– Му го честитаме најновиот бизнис на директорот на БЈБ Сашо Тасевски, на чијашто адреса од неодамна има регистрирано компанија поврзана со информатичка технологија и компјутери. Очигледно, човекот има многу време, па покрај директорувањето со полицијата, со најважниот инструмент за спречување на криминалот и корупцијата, сега семејно ќе водат и бизнис – рече Стоилковски.

Тој посочи дека на 12 октомври лани, 2022 година на домашна адреса на Сашо Тасевски е регистрирано Друштво за трговија, услуги и производство СМАРТИОТ ДООЕЛ со ограничена одговорност на едно лице, чиј сопственик и управител е синот на Сашо Тасевски.

– Сашо Тасевски е должен да одговори, со што тоа семејно се занимаваат на домашна адреса, со што тргуваат, какви услуги се нудат и што произведуваат? Колкав бизнис е во прашање и кои се клиентите до сега? Дали и колку позицијата директор на БЈБ добро влијае при склопување на зделки на фирмата на неговата домашна адреса?

За блискоста на семејството Тасевски и до сега имало случаи и скандали за кои што на прашањата на прес конференциите останаа неодговорени, од тоа дали Тасевски семејно присуствувале на пукањето од автоматска пушка, до тоа дали Сашо Тасевски го сокрил синот во случајот напад врз полицаец во градски парк?

Не веруваме дека Сашо Тасевски ќе го остави синот да не успее како бизнисмен и дека нема да му помогне во развојот на фирмата на домашна адреса.

И како последно прашање за Тасевски денеска е, зошто за основањето на фирмата на домашна адреса не ја известил Државната комисија за спречување корупција? Тоа му е должност и обврска, а треба да е и пример за другите, особено по аферата „Тајни имоти” за неговите сопартијци – рече Стоилковски.

The post САШО ТАСЕВСКИ НА СВОЈА АДРЕСА ИМА ФИРМА ЗА ТРГОВИЈА СО КОМПЈУТЕРИ Стоилковски од ВМРО-ДПМНЕ прашува дали директорот на БЈБ ќе се посвети на семеен бизнис appeared first on plusinfo.mk.

The post МВР ДЕМАНТИРА ДЕКА СИНОТ НА ТАСЕВСКИ ТЕПАЛ ПОЛИЦАЕЦ ВМРО-ДПМНЕ лаже appeared first on plusinfo.mk.

„ВМРО-ДПМНЕ постави прашања, а директорот на БЈБ и ЈО молчат. Сашо Тасевски мора да одговори, дали едно од четирите лица кои биле фатени и евидентирани од полицијата под сомнение дека сакале да употребат бела прашкаста материја, и притоа ја нападнале полицијата бил негов син?

Сашо Тасевски мора да одговори, дали настанот кој се случил во 1 часот по полноќ, а напаѓачите биле однесени во ПС Карпош во 1.45 часот, е заведен во полициски билтен дури во 6.30 часот сабајлето, под притисок?

Дали таквиот притисок или нешто друго е причина за во полицискиот билтен наместо четворица, да бидат запишани три лица? И фали четвртото лице е синот на Тасевски?

Сашо Тасевски да не се крие и да даде одговори. Истовремено ЈО да не чека и да отвори истрага“, се наведува во соопштението на ВМРО-ДПМНЕ.

The post ВМРО-ДПМНЕ БАРА ТАСЕВСКИ ДА ПРИЗНАЕ Дали како директор на БЈБ го сокривте името на синот во тепачка на полицајци? appeared first on plusinfo.mk.

Притоа, примачот на пораката се повикува да го контактира испраќачот со некакво објаснување за наводните дела.

МВР ги известува граѓаните дека станува збор за лажна порака која не е испратена од страна на МВР, ниту од било која институција за спроведување на законот.

„Овие електронски пораки се класичен обид за измама во кој целта на измамниците е да дојдат до личните податоци на испраќачот со цел нивна понатамошна злоупотреба. Затоа апелираме на посебно внимание, овие пораки да не се отвораат, а уште помалку да се контактира испраќачот преку доставениот линк и да се споделуваат личните податоци кои ќе ви бидат побарани“, велат од МВР.

Истовремено се појавија СМС-пораки со наводна содржина од УЈП кои се исто така лажни.

„Исто така, предупредуваме да не отварате линкови и датотеки кои се испратени во прилог на е-маил пораката која доаѓа од непознат испраќач, со цел заштита на вашиот компјутерски систем од малициозен софтвер“, велат од МВР.

„Воедно, информираме дека ваквите обиди за измама се со меѓународен предзнак, имајќи предвид дека електронски пораки со слична содржина во изминатиот период беа испраќани и на граѓани во земјите од регионот“, се додава во соопштението.

The post НЕКОЈ ПУШТА МЕЈЛОВИ И СЕ ПРЕТСТАВУВА КАКО ДИРЕКТОР НА БЈБ Од МВР апелираат дека се работи за меѓународна измама appeared first on plusinfo.mk.

„Мојата преспектива е следна – Гоце Делчев за мене е Македонец и толку! Политичарите и историчарите можат до задутре да зборат што сакаат. Тој 1940 и која година е донесен овде во Свети Димитрија, значи Георги Димитров дозволи моштите на Гоце Делчев да бидат тука“.

Вака изјави пејачот Бени Шакири вечерва на „Само Вистина“ на Канал 5 пред да биде прекинат од диџејот Мирко Попов. Шаќири заедно со Попов и глумецот Сашо Тасевски дебатираа за состојбите во земјата.

Мирко Попов, од друга страна, смета дека треба им се даде шанса на преговоритеи:

– Гоце Делчев и Даме Груев кога умреле 1900 и која сигурно вака викале никад нема да нѐ биде, ќе загинеме ама многу е тешка ситуацијата. А, денес имаме држава и сите слободо зборуваме македонски, имаме право да се мешаме во политика од време на време – рече Попов, откако повеќе пати побара сепак да се даде шанса на преговорите со Бугарија.

– Ако идат преговорите во бескрај и ништо не се разбираме, во еден момент може и јас ќе се согласам и ќе речам доста више, не збориме со вас. Но, во моментов мислам дека уште треба да збориме.. Што побргу ги разрешиме тие очигледно наметнати проблеми, решението на проблемот со Грите е доказ, тоа помалку ќе се замараме со глупости, уместо да зборуваме за уметноста и културата во Македонија се расправаме со Бугарија и сме поглупи и посиромашни – рече Попов.

Тасевски му возврати на Попов дека отстапките кои Македонија ги направи кон Грција само ги засилиле апетитите на Бугарија да постави нови барања кон Македонија.

The post ГОЦЕ ДЕЛЧЕВ ЗА МЕНЕ Е МАКЕДОНЕЦ И ТОЛКУ! Бени им одговори на Мирко Попов и на Сашо Тасевски appeared first on plusinfo.mk.

„Вакциниве ги пречекавте ко невеста од Пустец. Народна веселба за стар младоженец. Она кога си преплашен дека ќе останеш неженет за потсмев на цело село и одеднаш ко ќе ти речат: ‘Најдовме невеста за тебе. Малку е со фалинки, ама невеста е. И наместо два милиони евра (читај: вакцини), во мираз ти носи само 24 илјади, ама земај да не останеш и без нив‘. Особено ЕУ ако ти е стројник, не се одбива. Не ти е по ќеф ни невестава ни миразот, ама ај седи неженет“, пишува Тасевски.

The post Тасевски: Вакциниве ги пречекавте ко невеста од Пустец appeared first on plusinfo.mk.

– Каква вакцинација!!! Овде вакцините нема да стигнат ни во јуни. Уште им верувате дека ги нарачале? Уште не сфативте колку се неспособни? Епски неспособни! Еј на Србија ѝ стигнаа милион вакцини од Кина и три тона вухански лилјаци за слободно да замезат после вакцината. Пред две недели им стигнаа 500 илјади од руската вакцина „Спутник“. Па „Фајзер“ добија колку со нив пикадо да си играат. Нашиве една вакцина не можат уште да увезат. Таква неспособност мајка само еднаш раѓа. Оставете, решиле сите да прележиме ковид. Мислам, кој прележи, прележи, кој не – здравје Радово – коментира Тасевски.

The post Тасевски: Каква вакцинација! Ние до јуни нема да добиеме вакцини! appeared first on plusinfo.mk.

„Ние не сме оние кои загубеното ќе го вратат. Мојата генерација прокоцка и пропушти многу нешта. Бевме надиграни и изиграни. Затоа без нервози. Мора прво да прифатиме дека сме надиграни. Понижувањата кои ќе следат ќе бидат уште пострашни. Во сопствената татковина ќе се чувствуваме како гости. Ќе бидеме цел на разни дискриминации по етничка основа. Ќе минуваме низ истите драми како во 19 и 20 век. За нас историјата се повторува. Нејзината лоша страна. Конечно ќе го досегнеме дното. Тогаш ќе почне вистинскиот отпор. И пак чичо Јово на ново. Ќе дојде нова генерација Македонци кои ќе мораат со крв да го плаќаат она што сегашната квислиншка банда на власт лесно го распродаде. Се молат идиотските пера на СДС и самонаречени граЏански интелектуалци, да не вадат наслови од постов од типот, Тасевски повикува на војна, зашто пишувам за некои идни генерации, во некое далечно идно време, оти од нас се виде до каде сме и шчо напрајфме. Криво ми е само што си ги познаваме дедовците кои се бореа да создадат македонска држава и ја создадоа, а ние дозволивме домашните велепредавници и странски слуги да ја раскрчмат. Добро е што тие наши дедовци не дочекаа да го видат сето тоа. Умреа некако горди што, ете, на внуците им оставиле барем држава“, напиша Тасевски.

The post Сашо Тасевски: Во сопствената татковина ќе се чувствуваме како гости appeared first on plusinfo.mk.