ВМРО-ДПМНЕ утрово преку соопштение реагира на критиките на новинарот, Сашо Ордановски, за претседателот на САД, Доналд Трамп.

Од владејачката партија велат:

„Сашо Ордановски кој важи за близок до СДСМ излезе со шокантни тврдења и навреди дека американскиот претседател Доналд Трамп е рекетар и неонацист, кој лаже. Од СДСМ нема ниту збор за ваквите навреди, ниту осуда и ниту јавно оградување, што значи дека оваа партија и Венко Филипче се согласуваат со ваквите навреди кон важните стратешки партнери на државата. Оттука јавно прашуваме дали ова не е јасно скршнување од прозападниот курс на СДСМ?“, праша ВМРО-ДПМНЕ, барајќи одговор и од Венко Филипче кој е неговиот став на навредите.

Ордановски претходно рече и дека Трамп е идеолошки вљубен во Путин.

ЗА САШО ОРДАНОВСКИ ТРАМП Е РЕКЕТАР И НЕОНАЦИСТ, КОЈ ТРЕСЕ ГЛУПОСТИ И ЛАЖЕ Ниеден американски претседател не бил вака навредуван на македонска телевизија

The post ДАЛИ И ФИЛИПЧЕ СМЕТА ДЕКА ТРАМП Е РЕКЕТАР И НЕОНАЦИСТ? Реакција на ВМРО-ДПМНЕ по навредите на Ордановски кон претседателот на САД appeared first on plusinfo.mk.

Во шокантното интервју на телевизија Канал 5 во четвртокот, новинарот и аналитичар Сашо Ордановски, човек кој секогап имал блиски контакти со американски дипломати и за кого можело да се каже било што освен дека е антиамерикански настроен, жестоко се нафрли врз американскиот претседател Доналд Трамп.

Паметиме многу јавни настапи во кои се критикувани американската политика и американски политичари, но ниту еден американски претседател до сега не бил навредуван на македонска телевизија и во било кој друг македонски медиум, како што синоќа беше навредуван Доналд Трамп, претседателот на земјата која се смета за најважниот стратешки партнер на Македонија, во интервју за националната телевизија Канал 5.

Ова е кус и нецелосен попис на оценките на Сашо Ордановски за претседателот на САД:

– Релативно лошо образован човек со мали културолошки познавања од светот и од историјата;

– Трамп е тотална тапа;

– Трамп е исклучително нарцисоиден;

– Трамп на еден најрекетарски начин се обидува да се наплати со многу повеќе стотици милијарди евра отколку што помогнал;

– Трамп мисли дека тоа е шоу програма во која тој тресе глупости, лаже и дека тоа нема последици;

– Путин за Трамп е како гуру;

– Путин го има намачкано Трамп како путер на леб;

– Трамп е веќе комплетно на страната на Путин;

– Тој, Илон Маск и неговите се со реторика која многу накликува на неонацизам;

– Трамп е на страната на злото;

– Да не е жена му Словенка, он и не знае кај е Балканот.

Ордановски не го штеди и Илон Маск, за кој вели дека е расист, а не ги штеди и Македонците (нагласува, етничките Македонци), за кои вели дека „толку им сече“.

Интересно е дека водителот и уредник на Канал 5, Гоце Михајловски, шокантниот настап на Ордановски го проследи со коментарот: „Одлично, одлично“.

Погледнете исечок од ова интервју, преземено од ФБ страницата на Богдан Илиевски:

The post 🎥 ЗА САШО ОРДАНОВСКИ ТРАМП Е РЕКЕТАР И НЕОНАЦИСТ, КОЈ ТРЕСЕ ГЛУПОСТИ И ЛАЖЕ Ниеден американски претседател не бил вака навредуван на македонска телевизија appeared first on plusinfo.mk.

Одржувањето безбеден и стабилен регион на Западен Балкан е приоритет за НАТО и за САД, соопшти мисијата на САД во Алијансата.

„Оваа недела, бевме домаќини на шест експерти од Западен Балкан – од Албанија, Босна и Херцеговина, Србија, Македонија и од Црна Гора – во седиштето на НАТО, истакнувајќи го нашиот политички дијалог и практична соработка со Западен Балкан“, се вели во објавата на Мисијата на САД во НАТО.

Како што е наведено, за време на посетата било истакнато ангажирањето млади лица, регионалниот мир и безбедност, како и спротивставувањето на малигните влијанија, вклучително и дезинформациите, хибридните и сајбер закани.

На фотографијата со групата експерти за НАТО се наоѓа и новинарот Сашо Орданоски, кој стои веднаш до заменик-генералниот секретар на НАТО, Радмила Шекеринска.

Maintaining a safe, secure, and stable Western Balkan region is both a #NATO and priority. This week, we hosted six Western Balkans emerging experts for a visit to @NATO HQ, emphasizing our political dialogue and practical cooperation with the Western Balkans.… pic.twitter.com/OWyHjN7JzS

— U.S. Mission to NATO (@USNATO) December 12, 2024

The post 📷 САШО ОРДАНОСКИ СТАНА ЕКСПЕРТ ЗА НАТО Новинарот се фотографираше со Шекеринска и со уште петмина стручњаци од регионот appeared first on plusinfo.mk.

„Политиканти“, поткастот на новинарите Сашо Ордановски и Борјан Јовановски, кој досега се пренесуваше на Слободен печат, официјално ја смени фреквенцијата и премина на порталот Инфомакс.

Ваквиот потег веќе се смета за сериозно засилување на опозициските медиуми.

– На нашиот канал ќе оди старо-нова емисија, која многумина од вас ја знаат и веќе ја гледале на друг медиум. Емисијата ќе ја водат политикантите Сашо Ордановски и Борјан Јовановски. Емисијата ќе се прикажува пред емисијата „Тешки муабети“, односно во 18 часот. Со политикантите ќе биде многу интересно, а секако, понекогаш ќе имаме и заеднички емисии. Ни коментираат: „Добар избор со тешкашите на СДСМ“. Но, тоа е добро, затоа што ние сме тешкашите на ВМРО-ДПМНЕ, а тие се тешкашите на СДСМ, па тука ќе има една борба на џедаите – изјави Александар Митовски, водител и сопственик на Инфомакс.

Потврда за „трансферот“ има и на официјалната Фејсбук страница на „Политиканти“:

The post ПОТКАСТОТ НА САШО ОРДАНОВСКИ И НА БОРЈАН ЈОВАНОВСКИ СЕ ПРЕСЕЛИ НА ИНФОМАКС Сериозно засилување на опозициските медиуми appeared first on plusinfo.mk.