ВМРО-ДПМНЕ ја повика опозициската партија СДСМ и поранешниот министер за здравство Венко Филипче јавно да се оградат од изјавите на аналитичарот Сашо Орданоски, кои, според опозициската партија, содржат говор на омраза кон САД и поранешниот американски претседател Доналд Трамп.

„Сашо Орданоски е долгогодишен гласноговорник и поддржувач на СДСМ. Неговите јавни настапи секогаш се во линија со ставовите на социјалдемократите, а за тоа СДСМ му се оддолжувала, како што покажува примерот со 350.000 евра добиени од Фондот за иновации за проект што е плагијат“, се вели во соопштението од ВМРО-ДПМНЕ.

Од партијата додаваат дека СДСМ и Филипче мора јасно да ги осудат ставовите на Орданоски, бидејќи во спротивно, како што велат, ќе покажат дека стојат зад неговите изјави.

„Доколку не излезат со осуда, тоа ќе биде доказ дека ги поддржуваат неговите навреди кон САД и Трамп. Со тоа, СДСМ и Венко Филипче ќе се бетонираат на дното на македонската политика“, нагласуваат од ВМРО-ДПМНЕ.

The post СДСМ И ФИЛПЧЕ ДА СЕ ОГРАДАТ ОД ОРДАНОСКИ Од ВМРО-ДПМНЕ побараа јавна осуда за говорот на омраза на новинарот appeared first on plusinfo.mk.

Канал 5 ТВ како општествено одговорен медиум и телевизија која е единствена и уникатна во претставувањето на сите релевантни општествени и политички чинители во Македонија на својата програма, јасно и недвосмислено уште еднаш нагласува дека ставовите на нивните гости никако не се ниту ќе бидат ставови и рефлексија на нашата уредувачка политика, се наведува во реакцијата на директорот Иван Мирчевски.

„Вчудоневидени сме од вчерашниот настап на г-динот Сашо Орданоски кој со неопислива леснотија ја таргетираше новата аминистрација на нашиот најголем стратешки партнер – САД.

Исто така, ги осудуваме искажаните навреди, клевети и шпекулации од страна на Сашо Орданоски кои не би сакале да веруваме дека беа малеволентни вербални стрели при неговото опишување на карактерот, образованието и општествено-политичкото дејствување како на американскиот претседател Трамп така и на неговото потесно семејство и соработници.

За крај, Канал 5 ТВ и натаму ќе остане уникатна демократска медиумска платформа, отворена за сите различните гледишта и ставови, афирмативни или критични, но секој оној кој ќе ја (зло)употреби дадената минутажа и фреквенција на Канал 5 ТВ, треба да очекува дека ќе биде предмет на судот на јавност во Македонија“, се наведува во реакцијата на Канал 5.

The post КАНАЛ 5 ГИ ОСУДИ НАВРЕДИТЕ И КЛЕВЕТИТЕ НА САШО ОРДАНОСКИ ЗА ТРАМП Тоа не се ставови на телевизијата, вели Иван Мирчевски appeared first on plusinfo.mk.

Сашо Орданоски во гостувањето како гостин во емсијата „Само интервју“ на Канал 5 ТВ, емитувана на 20.02.2025 година, во повеќе наврати за американскиот претседател Доналд Трамп изјави дека неговата политика е „нацистичка, рекетарска, дека е неписмен, а на ист начин говореше и за потпретседателот Џеј Ди Венс, како и за шефот на Одделот за владина ефикасност Илон Маск.“

„Со ова јавно ширење на говор на омраза, навреди и уривање на чест и углед на Трамп, Венс, Маск и американската држава, Сашо Орданоски ја вовлече македонската држава и македонските државни интереси во проблем да се бранат од ваквиот говор на омраза пред домашната и меѓународна јавност со последици кои се исклучително сериозни“, се наведува во реакцијата на МАН.

МАН бара Обвинителството веднаш да реагира по јавно допрен глас и да отвори постапка за овој случај.

Здружението најави дека оваа реакција ќе ја испрати до Амбасадата на САД во Македонија, до Кабинетот на претседателот на САД Доналд Трамп, до кабинетот на потпретседателот на САД Џеј Ди Венс, како и до кабинетот на Шефот на одделот за владина ефикасност Илон Маск.

The post РЕАКЦИЈА НА МАН ПО ШОКАНТНИТЕ ИЗЈАВИ НА ОРДАНОСКИ ЗА ТРАМП Здружението бара Обвинителството да реагира по допрен глас appeared first on plusinfo.mk.

Таа уредничка екипа составена од Сашо Орданоски, Ацо Кабранов, Анета Кочишки, Александар Чомовски, Борјан Јовановски, кога тргна сето ова да се готви против мене, знаеше дека нешто мене ми се подготвува. Бевме на состанок, им кажав дека нешто ми се спрема, а истата таа екипа ми го сврте грбот и се обиде да ми наштети.

Ова во 5-часовното гостување во поткастот на Стефан Лазаров го изјави осудениот за предметот „Рекет“, Бојан Јовановски-Боки 13.

– Сашо Орданоски, еден од уредниците, е човек за кој подоцна дознав дека работел за некакви служби кои пренесувале некакви информации од таа телевизија. Многу сум разочаран од Орданоски, бидејќи му подарив целосна доверба, а тој подоцна сведочеше против мене во Јавното обвинителство. Сашо Орданоски знаеше многу работи. Тој одеше заедно со мене на тајни средби со бизнисмени – рече Боки 13 во поткастот.

Го спомна и новинарот Борјан Јовановски за кого рече дека е целосно несериозен лик.

– За Бојан Јовановски не сакам ни да коментирам. Тој е еден целосно несериозен лик. Ние имавме една група на Фејсбук во која членувавме сите, а кога излегов од затвор и кога го вклучив телефонот, прочитав сѐ и сешто што си пишувале за мене меѓусебно. Во таа група прочитав разни гадости и ми стана одвратно што воопшто ги познавам тие луѓе. А во таа група членуваа Орданоски, Борјан Јовановски, Чомовски, Кочишка… Се договарале да пијат кафе и да се зезаат за моето апсење – изјави Боки 13.

Тој раскажа и за односот со тогашниот уредник на 1ТВ, Ацо Кабранов.

– Беше петок кога одлучивме во понеделник да одиме на одмор во Миконос заедно со Сергеј, Кочишка, Лила и Тони. Ацо Кабранов ми се јави во саботата, а ретко се случуваше во неработен ден да ми се јави. Но, тогаш ми се јави за да ме праша како сум, кај сум и што правам. Почна да ме испитува со кого ќе одам на Миконос, кога ќе одам и со што ќе одам. А јас, будала, му кажав сѐ. И доаѓа тој понеделник, а наместо на Миконос, моето летување заврши во затворот во Шутка. Кабранов ѝ ги дал информациите на Вилма Русковска – рече Боки 13.

Анета Кочишки тргна со мене за Миконос, ама подоцна се дистанцираше од мене, додаде Јовановски.

– Не испадна фер, ама не ѝ земам за зло. Едноствано, таа одлучи да се дистанцира од мене. А јас толку многу ја тинтрав додека бевме блиски – посочи Јовановски.

Јовановски се осврна и на водителката Лила Филиповска, со која во тоа време пред апсењето бил многу близок пријател.

– Сакам да знаете дека таа Лила Филиповска го има наместено Сергеј со полиција и дека го има наместено Сергеј во еден кафиќ тука во центар во близина каде што тој живее. Со агент провокатор го повикала Сергеј да се видат. Сергеј видно вознемирен отишол после кај мајка ми. Таа почнала да го прашува и да го испитува за случајот, за тоа каде завршила торбата она го прашува Сергеј. Притоа во тој момент во празен кафиќ седнува само уште еден човек карши блиску до нив. Подоцна, Лила дојде во суд и кажа дека повеќе не ми била пријател. Ти бе госпоѓо тргна со мене на одмор, што се промени? – рече Боки 13.

The post БОКИ 13 СЕ ПРЕСМЕТА СО БАРДОВИТЕ И БАРДОВКИТЕ Што му згрешиле Орданоски, Борјан, Кабранов, Кочишки, Лила… appeared first on plusinfo.mk.