Градоначалникот на Крива Паланка Сашко Митовски вели дека е „затечен“ и „во шок“ од содржината на соопштението на СДСМ, во кое неговата партија го напаѓа дека не смее да се договара со централната власт за прашањето за отворање на рудник за антимон во неговиот регион, туку дека за тоа треба да решат граѓаните на референдум.

– Искрено ќе кажам, јас бев затечен од мојата матична партија, тоа за мене беше тотален шок. Од една страна, шок од содржината во соопштението, непријатно за мене да се прочита, од друга страна, она што загрижува е непринципиелниот став на тесното партиско раководство. Од една страна повикуваат на дебата, а јавно се конфронтираат со својот најуспешен градоначалник и тоа се докажа на последните локални избори. Тврдам дека треба пред да се излезе со јавен став, треба да се отвори внатрепартиска дебата за да се предочат сите аргументи за процесот – рече Митовски во интервју за порталот Инфомакс.

На прашањето дали смета дека има политичка заднина судирот на СДСМ со него, Митовски вели дека не може да тврди.

За обвинувањата дека се договарал со премиерот Мицкоски, градоначалникот на Крива Паланка велид дека со Мицкоски комуницирал само во врска со рудникот Тораница и можното негово затворање во мај.

– Тоа е единствената комуникација која јас и премиерот ја имавме минатиот викенд, бидејќи затворање на Тораница би значело дека 400 фамилии ќе останат на улица и тоа е сериозен економски удар за градот – објасни градоначалникот.

Во врска со можното отворање на рудник за антимон во близина на Крива Паланка градоначалникот објасни дека ова е почетна фаза, има многу што да се објасни во иднина, но отворање на овој рудник за градот би значело многу.

– Крива Паланка е рударски град, можеби единствената индустриска гранка по која градот во изминатите години се развивал. Во осумдесетите години во тој рудник работеле околу 800 луѓе, а во Тораница околу 1200 луѓе. На нас како Општина постоечките урбанистички плански документации кои ги имаме не ни се со намена за индустриска зона, за потенцијални инвестиции и нови работни места, сето ова, од таа гледна точка, секоја ваква иницијатива нормално треба да се поздрави но и да се пристапи одговорно. Како клучни придобивки за локалната економија, во моментов на Паланка ѝ е потребна една ваква инвестиција за да си ги задржиме луѓето во градот, нови работни места и зајакнување на буџетските капацитети на локалната самоуправа. Но, како Општина и јас лично нема да дозволиме отворање на рудникот по секоја цена, ќе бараме да се запазат сите стандарди и нови технологии во светски размери – вели Митовски.

ФИЛИПЧЕ НА КРИВО НАСАДЕН Успеа да се скара и со „својот“ градоначалник на Крива Паланка

The post ЗАТЕЧЕН И ВО ШОК ОД НАПАДИТЕ ОД ФИЛИПЧЕ Градоначалникот на Крива Паланка за атакот на СДСМ врз него appeared first on plusinfo.mk.

Венко Филипче јавно го нападна градоначалникот од редовите на СДСМ, Сашко Митовски од Крива Паланка – потег што ретко се гледа во македонската политика, особено ако се има предвид дека партијата на последните локални избори освои само 6 градоначалнички места и доживеа катастрофа.

Дополнителна тежина на судирот му дава фактот што Митовски, заедно со Горан Герасимовски, градоначалник на скопската општина Центар, се смета за еден од поуспешните и перспективни кадри во СДСМ, со потенцијал за повисока позиција во партиската хиерархија.

Конфликтот изби околу најавениот рудник за антимон во кривопаланечкиот регион – тема која во јавноста веќе предизвикува силни реакции. Наместо усогласен настап, се отвори фронт меѓу централното раководство и локалната власт од истата партија.

Филипче во своите јавни настапи директно го прозва Митовски, испраќајќи порака дека „градоначалникот не може сам да одлучува за вакви прашања“ и дека не смее да влегува во договори без поширока согласност. Со тоа практично го стави под знак прашалник легитимитетот на неговиот пристап кон проектот.

Во друга изјава, лидерот на СДСМ потенцира дека „за ваков проект мора да одлучуваат граѓаните“, алудирајќи на можноста за референдум. Со ова Филипче се обиде да ја префрли тежината на одлуката на локалното население, но и индиректно да го коригира ставот на својот сопартиец.

Клучната замерка на Филипче е што Митовски не зазел јасна позиција против рудникот, односно што не се спротивставил на иницијативата. Според оваа логика, градоначалникот требало поцврсто да застане на линијата на партијата и да ја одбие идејата.

Но, Митовски настапи со значително понијансиран став. Тој не кажа „не“ на рудникот, туку постави услови под кои евентуално би можело да се разговара за проектот.

Во својата реакција, градоначалникот порача дека не сака да ја политизира темата, туку бара сериозна и стручна анализа. Според него, не станува збор за едноставно „за“ или „против“, туку за прашање што бара внимателно разгледување на сите аспекти.

Митовски инсистира дека евентуалната експлоатација мора да биде во затворен систем, без ризик за загадување на водата, почвата и на воздухот. Дополнително, бара и конкретни гаранции и механизми за заштита на животната средина.

Овој судир открива подлабок проблем – различни пристапи во рамки на СДСМ за тоа како да се води политика на терен. Централата бара јасни и остри позиции и напад на власта по секоја цена, додека локалните функционери се обидуваат да балансираат меѓу економските интереси и стравувањата на граѓаните.

Во позадина, пак, се наметнува и прашањето за внатрепартиските односи. Кога лидер јавно критикува еден од ретките успешни градоначалници, тоа испраќа порака дека единството во партијата е сериозно разнишано. Ова наспроти глумењето единство во раководството.

Случајот со Крива Паланка така прераснува во многу повеќе од спор за еден рудник – станува тест за тоа како СДСМ ќе ги решава внатрешните несогласувања и дали ќе успее да ја задржи политичката кохезија во период кога секој кадар има голема тежина.

Венко Филипче засега сите разлики ги решава со кавги – се кара со медиуми, со актуелни и поранешни сопартијци што го критикуваат, а сега „отстрела“ и еден градоначалник од редовите на СДСМ.

Кој е следен за отстрел?

The post ФИЛИПЧЕ НА КРИВО НАСАДЕН Успеа да се скара и со „својот“ градоначалник на Крива Паланка appeared first on plusinfo.mk.

Градоначалникот на Крива Паланка, Сашко Митовски се обидел да се стави себеси над полицијата и над законот, обидувајќи се да го одземе од полиција запленетото возило на неговиот брат, јавуваат повеќе медиуми.

Вчера, во 17:45 чaсот во кругот на полициската станица во Крива Паланка, додека униформиран полициски службеник го обезбедувал возилото „рено каптур“, кое по наредба на Јавното обвинителство претходно било одземено во врска со чл.297-а став 2 од Кривичниот законик, сторено од Милан Митовски (брат на градоначалникот на Крива Паланка), дошол градоначалникот Сашко Митовски. Тој го отклучил возилото и ја отворил возачката врата на која имало залепено лепенка од крим-техника, со што ја скинал и се обидел да влезе во возилото.

Полицајците кои биле на местото му наредиле да се оддалечи и градоначалникот Митовски бил спречен да го земе возилото, по што си заминал.

Градоначалникот на Крива Паланка кој нема никакво овластување да одзема возила или да уништува докази кои ги чува МВР може да биде гонет за неколку кривични дела.

The post ГРАДОНАЧАЛНИКОТ НА КРИВА ПАЛАНКА САКАЛ ДА ГО ОДЗЕМЕ ОД ПОЛИЦИЈА ВОЗИЛОТО НА БРАТ МУ Полицајците го спречиле во намерата appeared first on plusinfo.mk.

Градоначалникот на Општина Крива Паланка, Сашко Митовски, вечерва излезе на терен со жителите на селото Огут, заедно со службите од ЈП Државни патишта – Македонија пат, согледувајќи ги состојбите.

– Проблемите на граѓаните се и наши, заеднички и затоа меѓу нив сум во секое време. За жал против природните сили, природните непогоди, не може ништо да се направи, но наша обврска е да се справуваме со последиците, со настанатите штети во најбрз можен рок. Крива Паланка деновиве е погодена од засилени дождови кои во рок од 48 часа бележат околу 55 литри на метар квадратен. Оваа водена маса предизвика појава на повеќе од десет свлечишта на територијата на општината за чиешто санирање се мобилизирани сите надлежни служби и одржан е состанок на општинскиот кризен штаб со изречни заклучоци – рече градоначалникот на Општина Крива Паланка, Сашко Митовски.

Тој истакна дека дел од службите веќе работат на санирање на неколку локации, останатите свлечишта ќе се решаваат по создавање соодветни услови за тоа, бидејќи постои ризик од нивна поголема активност.

The post (ФОТО) ОВАА РЕКА ДО ВЧЕРА БЕШЕ РЕГИОНАЛЕН ПАТ Силниот дожд го сруши единствениот пат кон селото Огут кај Крива Паланка appeared first on plusinfo.mk.

ВМРО-ДПМНЕ бара ОВР ПС Крива Паланка да не го забошотува случајот.

„Шокирани сме од информациите кои деновиве кружат помеѓу кривопаланчани, според кои нешто по полноќ на 14.01.2023 година градоначалникот Сашко Митовски физички нападнал наш сограѓанин без било каква причина. Дополнително на тоа информациите говорат дека настанот во билтенот на МВР бил заведен како Напад од Н.Н. сторител (непознат сторител) како да сме паднати од Марс, а граѓанинот не знае кој го нападнал. Јавно прашуваме до ОВР ПС Крива Паланка дали ваквите срамни и понижувачки информации се вистинити, имајќи предвид што нападнатото лице е полициски службеник, кој во периодот кога е нападнат од градоначалникот не бил на службена должност? Ги охрабруваме сите присутни на настанот да посведочат за истиот, воедно го охрабруваме и оштетениот во настанот да ја води постапката до крај.

Насилието и теророт врз граѓаните од страна на градоначалникот Сашко Митовски мора да запре, за што јавно го повикуваме, доколку имал храброст да нападне граѓанин, да биде храбар и да се соочи со сите последици кои произлегуваат од настанот, да не се заканува и да бара сведоците на настанот да молчат, да не се заканува на оние кои јавно пишуваат за настанот на социјалните мрежи и да не вовлекува други службени лица од Полициската станица во Крива Паланка да прават кривични дела за што со сигурност по промената на власта на престојните предвремени парламентарни избори ќе одговараат“ – пишува ВМРО-ДПМНЕ.

Ако се потврдат нивните информации, партијата најавува дека ќе бара неоптповиклива оставка

од Митовски, зашто, како што вели, „Крива Паланка не заслужува силеџија-каубоец за градоначалник“.

The post ГРАДОНАЧАЛНИК ИСТЕПАЛ ПОЛИЦАЕЦ!? Случајот се крие и забошотува, тврди ВМРО-ДПМНЕ appeared first on plusinfo.mk.