Во подкастот на Лазаров, запрашан дали се кае за интервјуто со Заев во вестите на Сител во 2016 година, Латас изјави дека не се кае и дека е горд што тоа е најгледано интервју на интернет со преку 2 милиони прегледи. Според Саше Политико, Латас изјавил дека Заев по интервјуто се обидел да го уништи и него и целото негово семејство за да му се одмазди, дека уредникот на Сител паднал во депресија поради прогонот на СЈО и дека дури размислувал и да се самоубие.

На сето ова, во изјава за Мактел, реагирал екс-премиерот Зоран Заев:

– Многу лош и злобен човек, му помогнав и нему и на неговиот син кој требаше да се лечи во Германија, дојде да ме моли и да плаче во кабинет кога станав премиер, јас простувам и не сум злопамтило особено помагам на оние кои се во неволја без разлика што направиле против мене и моето семејство… Нека му служи на чест што ниту е благодарен па дури и ја манипулира и лаже јавноста дека сум сакал да му наштетам и да му се одмаздам.

Во врска со оваа изјава на Фејсбук се огласи Латас. Тој вели:

– Никогаш, никаде, ни приватно ни службено, ни на улица ни во канцеларија… никаде не сум се сретнал со Зоран Заев освен при неговото гостување во Сител.

– Никогаш, ниту телефонски, не сум разговарал со него, и немам негов телефонски број. Заев лаже. Заев лаже. Заев лаже, ама тоа ви е на сите познато. Но, ни јас не сум верувал дека е гнаса до ова ниво. Да изјави дека „сум плачел кај него во канцеларија за да молам помош да се лекува мојот син во Германија“ е најдолна можна манипулација со трагедија на едно семејство во таква ситуација и со судбина и состојба на, во тоа време, болен млад човек.

– Бидејќи никогаш не сум се ни сретнал ни слушнал со Зоран Заев, ова е лага. И тоа пакувана со злоба и подлост. Болен од карцином, мојот син се лекувал исклучиво со приватни пари за што постојат фактури, обезбедени со продажба на стан, за што е известено и СЈО за да знае која е целта и намерата за продажба на станот и парите од него.

– А Зоран Заев вели „плачеше кај мене во кабинет да му помогнам…“. Па, просудете сами со кого имаме работа. Ова е веќе на граница на негова ментална состојба, ако не и потаму.

– Како би се чувствувал било кој од вас во оваа прилика? Патронот на хајките не издржа да не се појави и сега, и стави тонч на нивната хајка. Политичка. Партиска. Заевистичка, со ова потпишана лично од него – одговара Латас

The post И ЗАЕВ ВЛЕТА ВО ПОЛЕМИКАТА За Саше Политико изјавил дека Латас плачел и од него барал помош за лечење на својот син болен од канцер appeared first on plusinfo.mk.

Пендаровски во интервју на ТВ 24 вчера откри дека советници од Владата на Македонија, но и од Министерството за надворешни работи, биле вклучени во процесот на подготовката на т.н. „француски предлог“, демантирајќи ги премиерот Димитар Ковачевски и министерот Бујар Османи, дека тие сè уште не го добиле предлогот на францускиот претседател Емануел Макрон, па затоа и не се произнесуваат. Претседателот кажа и дека ние немаме шанса во „гола билатерала со Бугарија“, предлагајќи во преговарачкиот процес да се вклучи посредник, а во Комисијата за историја да се побара помош од европски историчари. Тој „удри“ и против бугарската црква, критикувајќи ја за намерата да ѝсмислува име на нашата. Пендаровски недвосмислено посочи и дека ако „францускиот предлог е штетен по Македонија, тогаш ние можеме да одбиеме во преговарачката рамка со ЕУ да влезат бугарските ставови.

„Не биди Хорхе“

Ова недвосмислено поместување на претседателот од курсот што го зазема државниот врв, очекувано наиде на остри критики кај бројни поддржувачи на владејачката коалиција, а дел од нив не се ни трудеа да останат пристојни во критиката.

Најдалеку отиде уредникот на порталот Мактел, Саше Ивановски, кој му предложи на претседателот да биде повеќе како Зоран Заев.

„Идат полека нови претседателски избори и Пендаровски го пуштил својот стар добар политички инстинкт и рефлекс кој толку добро го служеше сите овие години во битката да стигне таму каде што е. Но време е за жртвување претседателе, не е време за самопромоција и билдање на личниот рејтинг. Време е да се жртвуваш како политичар па и како човек за доброто на рајата која те гласаше и која те плаќа да живееш како крал на врвот на Водно. Овој народ друже претседателе 40 години те плаќа да бидеш советник, пратеник, претседател и време е да ѝ вратиш на оваа земја и на овој народ, но не со тоа што ќе одиш по стапките на Хорхе или Бранко и ќе го учиш народот да јаде корења, од корења на народов му паднаа забите и доби чир на желудник. Овој народ сака да јаде стекови и ракови друже претседателе, а за тоа да се деси ќе морате вие горе што сте, да се жртвувате, како Заев или Борис Трајковски, чиј што советник си бил, а си бил близок и со Заев и јасно ти е што зборувам. Биди храбар друже претседателе, знам дека е страшно за човек како тебе да има речиси нула рејтинг и да го пцујат на улица, знам дека за политичарите како тебе тоа е рамно на смрт, вие живеете за да бидете сакани, обожавани, гласани, да влезете во историјата, да ве има на слика на ѕид у школите, улиците да го носат вашето име“, се вели во дел од коментарот на Ивановски.

Разумни ставови

Политикологот Димитар Христов смета дека претседателот Пендаровски дал мошне конкретни и разумни ставови во телевизискиот настап.

– Доста конкретни и разуми ставови истакна претседателот. Сето ова што се случува со Бугарија ја поминува секоја граница, а дебатите меѓу министрите на двете држави не даваат никаков ефект. Може да се размислува околу медијаторство, бидејќи преку тоа може да се најде полесен начин да се надмине спорот. Сите да бидеме свесни дека во овој спор нема да има победник (како и во секој друг спор) и двете страни ќе мора да направат отстапки. Крајно, признавањето на МПЦ-ОА под друго име ни дава до знаење, дека треба убаво и со доза патриотизам да се седне на преговори со Бугарија – вели Христов.

Тој потсетува дека Пендаровски и претходно имал поприземни ставови во врска со спорот со Бугарија за разлика од Владата и министрите, потсетувајќи на неговата осуда за отворањето на бугарскиот културен центар „Иван Михалјов“ во Битола, како и неговиот став дека нема потреба по секоја цена да се решава спорот со Бугарија.

Политичарите не сакаат да бидат непопуларни

Но дека претседателот изненади со својата реторика со која излезе од рамките на воздржаноста на која сме навикнале да гледаме, смета и професорот Денко Малески, првиот министер за надворешни работи на Македонија.

– Изненадува реториката на претседателот во неговиот вчерашен настап, откривајќи јасна дистанца меѓу него и Владата и прилично блиски ставови со опозицијата. Но темата на преговорите со Бугарија е непопуларна, а нема политичар што сака да остане непопуларен – потенцира Малески, во својата изјава за Плусинфо.

Малески се согласува со Пендаровски околу тоа дека францускиот предлог е работен во координација со македонските власти, но се спротивставува на предлогот да се вметне медијаторство во преговорите со Бугарија.

– Ќе ни се повтори Метју Нимиц и 30 години преговори со Грција. Тоа би значело дека големите сили не се заинтересирани за спорот и тогаш се именува посредник од ОН. Но ваквите процеси во дипломатијата се нарекуваат и „преговори на сираци“, за кои никој вистински не е заинтересиран – дополнува професорот.

На иста тема своја експертиза даде и Марјан Ѓочев, поранешен амбасадор на Македонија во Бугарија. Тој е согласен со Пендаровски дека на историските прашања не им е место во преговарачката рамка со ЕУ.

– Би можеле да прифатиме медијаторство во спорот со Бугарија, но само доколку претходно биде испочитуван нашиот став дека во преговорите за нашето членство во ЕУ не сакаме да преговараме за нашата историја, култура и за нашиот јазик. Самото преговарање за работи како историја, култура или јазик се коси со европските вредности – вели Ѓорчев.

Тој е сигурен дека ако не со целокупниот документ, тогаш со елементи од „францускиот предлог“ биле запознаени нашите претставници на власта и дека се подразбира дека нашите ставови биле сондирани и вметнати во конечниот документ. Инаку, за самиот настап на Пендаровски, Ѓорчев вели дека бил израз на национална самосвест.

Не ни требаат странски историчари

Во еден дел од интервјуто, Пендаровски предложи и вклучување на странски експерти во Комисијата за историја на Македонија и на Бугарија. Со ова не се сложува проф д-р Тодор Чепреганов, кој констатира дека во Европа има премалку историчари кои ја познаваат нашата историја.

– Мојот став е дека Комисијата треба да се укине, бидејќи со нејзиното делување не може ништо да се реши. А доколку со заедничката работа на македонските и на бугарските историчари нема напредок, уште помалку ќе ни помогнат странци. Прво, како да бидеме сигурни дека некој европски историчар ќе биде објективен, а второ, во Европа има премалку историчари кои се стручни за нашата историја – вели Чепреганов.

Бугарите не сакаат да се како другите во Уставот

Во интервјуто, претседателот откри и дека Софија не бара Бугарите да бидат наведени само во преамбулата на Уставот, туку и во неговиот нормативен дел, потенцирајќи дека ниту една заедница во државата не е внесена во нормативниот дел на Уставот, па оттука не е можно да влезат ниту Бугарите. Во нормативниот дел на Уставот сега се споменуваат само македонскиот народ, Македонците кои живеат надвор од границите на државата, МПЦ и Исламската верска заедница. Претседателот додаде дека вакви понижувања и потценувања какви што сме имале во последниве две години од Бугарија, не сме доживеале за 20 години преговори со Грција.

На оваа изјава на Пендаровски, поврзана со вметнувањето на Бугарите во нашиот Устав, се надоврза професорот од Правниот факултет во Скопје, Тони Дескоски.

– Одамна тврдев дека најнапред треба да се проанализира бугарското барање за вметнување на македонските Бугари во Уставот. Но, во нашата јавност и на политичката сцена преовлада лекомислената позиција дека станува збор за уште едно малцинство, а дека на тој начин ќе сме направеле уште една разлика меѓу Македонците и Бугарите. Најекспонираниот меѓу лекомислените сега е амбасадор, пратен на служба од некого. А сега почнуваат плачките од вџашените лица, кои се максимално збунети што не се работело за признавање ново малцинство – се вели во постот на Дескоски објавен на Фејсбук.

Дека не се на иста линија претседателот и премиерот, покажува и последната информација проследена од Владата на Република Македонија, со која се потврдува дека Ковачевски сепак ќе патува за Брисел на Министерскиот совет, иако Пендаровски вчера експлицитно потенцираше дека на премиерот таму не му е местото.

КОВАЧЕВСКИ НЕ ТРЕБА ДА ОДИ ВО БРИСЕЛ САМО ЗА ДА СЕ СЛИКА Вакви понижувања од Бугарија не сме доживеале за 20 години преговори со Грција

The post НАСТАПОТ НА ПЕНДАРОВСКИ БЕШЕ ХРАБАР И РАЗУМЕН Претседателот направи јасна дистанца од премиерот и од министрите appeared first on plusinfo.mk.

Од ДУИ ни испратија видео, во кое „креатори на јавното мислење“ зборуваат за 20-годишното постоење и политичко делување на ДУИ.

За Саше Политико, „бродот“ на Македонија одмана ќе скршнел кон Москва, доколку не била партијата на Али Ахмети, цврсто да го одржува курсот кон Вашингтон и кон Брисел.

The post БЕЗ ДУИ БРОДОТ НА МАКЕДОНИЈА ЌЕ СКРШНЕШЕ КОН МОСКВА Саше Политико му благодари на Ахмети (ВИДЕО) appeared first on plusinfo.mk.

Еве, меѓу другото, што пишува Ивановски во својата последна колумна под наслов „Лична молба до премиерот и лидер на СДСМ, Зоран Заев“:

„Познавајќи го премиерот врз основа на блиското минато, познавајќи го неговиот карактер, сигурен сум дека во овие моменти по ветото на Бугарија, во главата на Зоран Заев се врти една мисла која многу често се врти во неговата глава од време на време кога ќе заглави пред некој нерешлив проблем – да си даде оставка од политиката и да оди на местото маркетинг директор на МАМАС, да си шета по светски саеми и да го нуди струмичкиот ајвар кој пред неколку недели беше прогласен од хрватски ВЕЧЕРЊИ ЛИСТ за најдобар ајвар на балканот. Да си спие до 10, да си свирка и да си ужива во животот наместо да ја треска главата и да решава вековни проблеми, да се расправа со луда опозиција и мафија и да трпи хистерична јавна сцена на која никако не можеш да и погодиш што и да било!“

Можно ли е Заев, како што тврди неговиот верен медиумски поклоник, да размислува премиерската позиција да ја замени со позицијата маркетинг директор на ајварот „Мамас“? Во своето емотивно лично обраќање до Заев, во кое не штеди говор на омраза и на сметка на нашите источни соседи, Саше Ивановски пишува:

„Затоа, друже Заев, колку и да ти е згадено од полудените Бугари, колку и да ти се скиснати цревата од опозицијата, колку и да ти идат на нерви хистеричните критизери кои врескаат за секакви ситници, колку и да си уморен од Корона Пандемијата која го прави ренде и буџетот и економијата, те замолувам да издржиш уште некоја година додека да се реформира ВМРО ДПМНЕ за да не се плашиме дека пак ќе дојде Груевизмот на власт. Аман заман премиере, те молам немој да не напушташ пак да не газат со нозе и да не бутаат по затвори, да не тепаат, да не казнуваат, да не бркаат на улица без скршена пара, да гладуваме пак, да дремеме на маргините, доста ни беше такво мачење и искушение“.

Според вордингот во ова обраќање, барем што се однесува до авторот, работата е мошне сериозна. А сега доаѓа и оној најинтересен и најсимптоматичен дел од оваа знаменита колумна, која долго ќе се раскажува. Пишува Саше Политико:

„Јас и ти (се мисли на Заев – н.з.) сме малку и слични, па затоа како една будала која со години се жртвуваше за доброто на земјата на чудење на сите мои блиски ти се обраќам на тебе како иста таква будала која наместо да ужива во својот живот на успешен бизнисмен си го жртвуваше животот жртвуваше да заглавиш во затвор да бидеш убиен го стави семејството на отстрел за подобра иднина на земјава, па затоа мислам дека има шанси да ги слушнеш овие молби и да постапиш како што те замолувам и не само јас, сигурно истото го мислат 99% од членовите на СДСМ…

А зошто сме јас и ти такви будали? Па секоја земја мора да има такви будали, без нив нема да има држава, ако сите сме себични и гледаме сеир или сме опортунисти или аутисти, никогаш немало да стекнеме и нема да имаме понатаму држава… Јбг, некој мора. Така им одговарав 10 години на сите оние кои ме прашуваа зошто трчам по Груевски и јадам ќотек како магаре а живеам како голо куче…“

Останува загатката што се случува со премиерот Заев и дали на било кој начин оваа колумна, во која Заев се нарекува „будала“, а Бугарите се означуваат како „полудени“, е во некаква комуникација со пи-ар службата на македонскиот премиер. Упатените велат дека таа претпоставка би требало да се отфрли, но предупредуваат дека пораките што се испраќаат во овој текст, од човек чија близина со Заев е неспорна, се многу симптоматични и внимателно ќе се анализираат во политичките кругови, во Скопје, но и пошироко.

The post Саше Политико до Зоран Заев: Јас како будала ти се обраќам на тебе како на будала – издржи! appeared first on plusinfo.mk.

„Го осудуваме говорот на омраза и навредите кои Саше Ивановски – Политико, ги упати кон Гордана Силјановска Давкова, носител на листа за пратеници на ВМРО-ДПМНЕ и коалицијата во ИЕ 1. Бараме итно извинување од новинарот, но и од неговите спонзори и мотиватори – семејството Заеви. Дополнително ги повикуваме новинарските здруженија да го осудат ваквиот напад. ВМРО-ДПМНЕ ги почитува новинарите, и не сака сликата за новинар во јавноста да биде лицето Саше Ивановски – Политико. Говорот на омраза и навредите не смеат да прераснат во пракса во општеството“, се вели во соопштението.

The post ВМРО-ДПМНЕ бара извинување од Саше Политико за навредите кон Гордана Силјановска appeared first on plusinfo.mk.