ВМРО подготвува ново движење кое треба да прерасне во нивна сателит партија во Македонија. Станува збор за Српска демократска лига, која ќе биде копија на Српската лига – партија со проруски наратив и силна поддршка на „Русија“. Тука од ЗНАМ се издвојува Саша Богдановиќ како можен претседател поради неговите врски со СНС. Тој треба да ја замени улогата на Стоилковиќ, познат по средбите со „Ноќните волци“ на Путин, наведува СДСМ во соопштение.

„Се разговара и со други квислинзи од редовите на СДСМ, уценети или купени, со финансиска помош од ВМРО. За нови движења со кои треба да се збунат гласачите и да се намали поддршката на СДСМ. Тоа е политика на таканаречени ‘карирани стројници’ и ‘кафански конгреси’. Целта е едноставна: раздробување на гласовите и слабеење на вистинската опозиција – СДСМ. Единствената опозиција што не е контролирана, за разлика од сите оние што одат на состаноци (давајќи легитимитет на тендерската коалиција да продолжи со ограбување на државата преку тендери) и што во Собранието гласаат за законите на ВМРО, кои утре ќе бидат злоупотребени за цели на следење на опозицијата“, се наведува во соопштението од СДСМ.

Оттаму додаваат дека тоа е „уште едно copy-paste сценарио по моделот на Вучиќ за контролирана и раситнета опозиција“.

The post СДСМ ТВРДИ ДЕКА САША БОГДАНОВИЌ ЌЕ ПРАВИ НОВА ПАРТИЈА ВО МАКЕДОНИЈА Целта била слабеење на опозицијата appeared first on plusinfo.mk.

СДСМ со партиско соопштение распука по својот неодамнешен член Саша Богдановиќ,кој во последно време го критикува раководството на опозициската партија. Од таму го нарекоа поранешниот градоначалник на Центар „Координатор на СНС за Македонија“ и дека ја продал партијата за пари.

„Очигледно некој треба да му го одземе пристапот од Фејсбук страницата и веб страната на СДСМ и на тој што ги пишува соопштенијата затоа што ако има лични фрустрации од некого не треба да ја користи партијата за свои пресметки. Пишувањава се како лични профили на неколку помали србофобни коалициони портали кои својата политичка кариера ја градат на србофобија кои се длабоко влезени во СДСМ со цел да ја спроведуваат својата србофобна политика.

Мојот став е кажан јавно и стојам позади него а го базирам на настапите на неколку членови од старо новото раководство кои преку свои јавни настапи мораат да ја докажат својата србофобност мораат јавно да излезат и тоа да го потенцираат преку јавни настапи а сега уште повеќе го засилуваат преку соопштенија и прес конференции.

Моите укажувања се и лични до многу другари кои ги знам таму и истиот став го делат многу поранешни подржувачи на СДСМ. Ако сфатите сфатите ако не, запамтете дека омразата води кон самоуништување.

П.С. Како некој не ви сметал пред неколку години кога ви требаше некој да ви пружи рака за да се помогне за државата?!“

The post СДСМ ВО КЛИНЧ СО САША БОГДАНОВИЌ, ТОЈ ИМ ВОЗВРАТИ „Чија партија е усташка и кој e србофоб?“ appeared first on plusinfo.mk.

Чекам денес да се јават сите душегрижници кои коси кубеа за Горан како голем сдсмовец. Истите ги пушти низ вода, а посебно подржувачите, членовите и симпатизерите на СДСМ во Центар, реагира денеска поранешниот градоначалник на Центар од СДСМ, Саша Богдановиќ, на изјавата на партискиот кандидат Горан Герасимовски дека во првиот круг од локалните избори центарци гласале за личност, а не за политика.

• ЦЕНТАРЦИ ГЛАСАА ЗА РЕЗУЛТАТИ, НЕ ЗА ПОЛИТИКА Герасимовски најави победа во вториот круг

„Ги пушти низ вода сите од СДСМ што гласаа за него во прв круг. Не е ни чудо, и претходно менуваше партии. А тоа го покажуваат и бројките за листата за Град Скопје и кандидатот Каја Шукова. Од машинерија направи моторкултиватор. И тоа само со единствена негова цел и интерес“, реагира Богдановиќ.

The post СИМПАТИЗЕРИТЕ НА СДСМ ВО ЦЕНТАР ПУШТЕНИ НИЗ ВОДА?! Саша Богдановиќ жестоко го нападна Горан Герасимовски appeared first on plusinfo.mk.

Поранешниот градоначалник на Центар од редовите на СДСМ, синоќа во поткастот „На претрес кај Ландов“ посочи дека актуелниот градоначалник на Центар од СДСМ Горан Герасимовски ќе изгуби на престојните локални избори.

– Ќе изгуби затоа што по 2021 година, таа структура која носеше позитивни резултати во Центар за СДСМ е тргната на страна, многу луѓе се дистанцирани благодарение на Горан Герасимовски, нема луѓе. Дополнително на тоа, има негатива од 6.300 гласа за него од претходните парламентарни избори во 2024 година, таа негатива само ќе следи на овие избори – посочи Богдановиќ.

Тој вели дека не е лут на СДСМ, туку само укажува на тоа што не чини во партијата и негира дека молчел кога бил градоначалник.

Рече дека Зоран Заев е човекот кој го тргнал од политиката и не му дал шанса за втор мандат.

The post САША БОГДАНОВИЌ ТВРДИ ДЕКА ГОРАН ГЕРАСИМОВСКИ ГУБИ ВО ЦЕНТАР Дали Заев има замешано прсти? appeared first on plusinfo.mk.

Жално е што некој не почека да поминат ни седум дена жалост и веднаш тргнаа да ја искористат трагедијата заради ситни поени и интереси.

Жално е што во тоа се вклучуваат и студенти демонстратори и блокадери од Србија, каде ќе забележите дека единствена цел е блокада на државата и на системот, се со цел урушување на истиот.

Но, во самиот разговор се објаснува дека со формирањето на „пленум“ ќе се направи никој во тоа движење да нема одговорност, а истиот ќе протестира против тие кои имаат одговорност.

Сум за почитување на критичката мисла, сè со цел да се промени нешто во системот и општеството на подобро. Но, кога тие што бараат промена, да имаат име и презиме и да доаѓаат од формални здруженија и организации, каде ќе можат и тие да понесат одговорност, бидејќи системот и општеството кое треба да го менуваме е за сите нас.

Дополнително секое мешање однадвор само дополнително влева недоверба кон тие таканаречени неформални движења. Посебно кон луѓе кои така лесно навредуваат и свештени лица и воедно духовен водач на еден народ, со изрази како да се наоѓаар пред локална биртија. И тие би воделе држава и би оправале систем.

Дали знаете дека тие неформални здруженија подготвуваа државен удар, со користење молотови коктели, заземање државен и приватен имот а без тоа да добиле доверба од народот ?!

Дали знаете дека штетата на туризмот во Србија е пад на туристи и посетители за 40% и со тоа страдаат превозници, таксисти, хотели, ресторани, музеи итн?!

Дали тие неформални движења ќе ја надоместат штетата?!

Дали на крајот зборот “нека почиваат во мир” ќе се замени со правење скара, печење прасиња и реге журки, како што гледавме во Белград и во Нови Сад ?!

Дали ќе се сведе пак на јавно шиканирање на луѓе осудени без суд и без истражни органи, со зборовите “пумпај”, каде ги користеа и ги објавуваа и некои од Македонија кои што и се политичари и носители на јавни функции? Без притоа да реагираат дека со тоа нивно “пумпај”, пред два дена еден од блокадерите со два куршума повреди свој сограѓанин, а жени кои размислуваат на друг начин беа нападнати и повредени со камења и јајца?!

Дали со тоа “неформално” блокадерско движење ќе уништиме и економија и проекти кои го хранат системот и од каде земаме и плати и пензии ?!

Има уште многу прашања. Но, младите, пред сè студентите, треба да размислат дека после завршувањето на студиите ќе имаат и шанса да го креираат и системот и да го менуваат. А со ваков пристап, ќе уништат нешто што функционира и нешто што постои и после и да сакаат нема да можат да сменат, бидејќи истиот систем полн со недостатоци нема да постои и ќе нема ни што да се менува. Едноставно, сè ќе биде – анархија!

(Фејсбук статус на Саша Богдановиќ, поранешен градоначалник на скопската општина Центар)

The post НЕ ПОЧЕКАА НИ СЕДУМ ДЕНА ЖАЛОСТ Ова е „пумпање“ ситни поени, предупредува Саша Богдановиќ appeared first on plusinfo.mk.

Малото зелено парче со димензии 30 по 35 метри е веројатно последната зелена оаза околу плоштадот, а градбата ги засега жителите на улиците Орце Николов, Скопска и Никола Кљусев. Тие уште имаат време да се жалат, а рокот тече.

Според Богдановиќ одлуката уште не е правосилна бидејќи има можност да се поднесе жалба, а актуелниот градоначалник Горан Герасимовски изјавил дека тоа нема никаква врска со неговиот мандат, тврди Фактор.

The post ПЕТКАТНИЦА ЌЕ НИКНЕ ВО ПАРКЧЕТО СПРОТИ „МЕПСО“? Богдановиќ ѝ издал одобрение на фирмата „Сколимекс“ appeared first on plusinfo.mk.

Почитувани,

Во интерес на вистината, а спротивно на тенденциозните тврдења на господинот Трифун Костовски, ниту градоначалникот на Општина Центар, Саша Богдановиќ, ниту било кој во општината, на било каков начин не побарал никаков „рушвет“ на никого, па ниту на господинот Костовски.

Согласно Законот за просторно и урбанистичко планирање („Сл. весник на РМ бр. 51/05; 137/07; 91/09; 124/10; 18/11; 53/11; 144/12; 55/13; 163/13 и 42/14), а како дел од постапката за изработување и донесување на Деталниот урбанистички план Градска Четврт З 12 – Парк 1 и дел од Дебар Маало 2, Општина Центар – Скопје, беше одржана јавна анкета по предлог-планот во ООУ „Коле Неделковски“ во  периодот од 21.1.2020 до 31.1.2020, на која што сите заинтересирани физички и правни лица можеа да достават забелешки и предлози на анкетни листови.

По завршувањето на јавната анкета и изработениот извештај од одржаната јавна презентација и јавна анкета, согласно Законот, предлог планот со вградените прифатени забелешки беше испратен до Град Скопје, како надлежна институција за издавање позитивно мислење.

Планот е сѐ уште во фаза на добивање на позитивно мислење од Град Скопје, бидејќи во текот на постапката, Градот одлучил урбанистичкиот план за градската четврт да го замени со Регулациски план, а неколку месеци по донесувањето на Регулацискиот план, да го поништи истиот. Овој процес резултира со континуирано враќање на ДУП-от на усогласување со наведените документи.

Во планот кој во моментов е во изработка, вцртани се и градежната парцела, и површината за градба, односно во целост се вратени условите за градба врз основа на кои и е добиено предменото одобрение.

За споредба, во планската документација која во моментов е на сила, за предметната локација не се зададени никакви услови, бидејќи градбата е означена како бесправна – дивоградба.

Дополнително, самиот сопственик до Град Скопје, и последователно до Општина Центар, доставил барање за промена на намената од големи угостителски единици во објект од областа на културата со галериски простор, што повлекува дека одобрението кое се проблематизира самиот сопственик планирал да го поништи, а како би добил ново согласно сопственото барање.

The post ОД ТРИФУН КОСТОВСКИ НЕ Е БАРАН РУШВЕТ Општина Центар се брани од тенденциозната изјава за „Кермес“ appeared first on plusinfo.mk.

„Кермес“, синоним на Скопјани до скоро 90-та година од минатиот век, за многумина од нас, пријатели, познаници, денес живи или, пак, заминати од овој свет, претставува култен синоним на едно наше секојденвие.

Во своето функционирање, вообичаено имаше и падови, а ние Скопјаните секогаш се трудевме овој синоним да остане во живот, ама секако, согласно современите дневни потреби на граѓаните, жителите на Скопје и пошироко.

Возобнувањето на култниот „Кермес“ го сметав за предизвик за мене и за моето семејство. Признавам, идентичен предизвик имав и во возобнувањето на денес веќе изградениот храм на „Превета Богородица“, заштитничка на градот Скопје. Едноставно, ми значат трајните вредности и континуитетот.

Црквата ја изградив. Во изградбата на црквата имав силна поддршка од МПЦ. „Кермес“, кој го почнав во 2006 година со градење, за жал не ја доживеа истата судбина – да ја има поддршката од Општина Центар. Зошто е ова така? Заклучувам дека таму кај што има стопан, има и ред, а на места каде што стопани се менлива категорија (читајте градоначалници, кои во своето функционирање најповеќе се заинтересирани за лична афирмација и добробит, а многу малку за тоа што е навистина потребно да се заврши овој објект).

Во дадениов случај, не се работи за незаконско решение, бидејќи од Врховен суд ни е вратена дозволата за изградба на овој објект. Врховниот суд наложи со судска пресуда да се вратат дозволата и маркицата. Дозволата за градба ни е вратена, меѓутоа маркицата на овој објект не постои и е избришана во времето на Никола Груевски, кога од за мене непознати причини инсистираше пропаднатиот објект „Кермес“ (читајте: руини без никакво културолошко значење) да го прогласи без аргументи како културно наследство на град Скопје.

Да појаснам, никаде во архивите не постоеше документ дека „Кермес“ е забележан како културно наследство. Со овој потег на господинот Груевски, на господинот Јанакиевски и на тогашната градоначалничка на Општина Центар Аларова, изградбата беше стопирана и до денес, веќе 15 години, тој започнат, а неизграден комплекс, наликува како грдотија во самиот центар на Градскиот парк.

Со проблемот „Кермес“ се занимаваа и градоначалниците кои дојдоа после госпоѓата Аларова, а тоа се Тодоровиќ, Жерновски и Богдановиќ. Сите ветуваа дека маркицата ќе се врати, дека проектот е изготвен од ИМПУМА и треба да се постави на седница на Советот во Општина Центар, за да може легално да се врати оваа маркица.

Почитувани пријатели, што тука недостасува? Добра мисла? Желба да се заврши проектот или пак желба некој да биде казнет од за мене неразбирливи причини. Што толку лошо имам сторено во својот живот за моите сограѓани, за мојата Општина, за мојот град, за мојата Македонија? Што е тоа што четворица Градоначалници не покажаа ниту трунка добра волја оваа системска грешка да биде исправена? Зошто тоа мене ми се случува? Не верувам дека сум осамен во овие неправди што се прават спрема нас граѓаните на Република Македонија од институциите на системот на централно и локално ниво.

Рушвет? Е, нема пријатели, не давам. Знам многумина кои дале и завршиле работа, ама јас не давам. Тоа е злото во мене? Ако е така, тогаш ќе страдам, ама нека бидат убедени сите горенаведени градоначалници дека еден ден и ним ќе им се врати ова нанесено зло како бумеранг. Дали ќе биде тоа божја правда или правда од искона незнам. Убеден сум дека чесните секојпат ќе останат почитувани, па дури и кога веќе ќе ги нема меѓу нас.

Многумина од Вас ќе го постават прашањето зошто не ја тужам Општина Центар. Сакам да дадам појаснување дека не сум поклоник на судски спорови. Претпочитам заемен договор. Судските постапки во земјава ги добив. Дали треба Општина Центар да ја носам на арбитража во Стразбур? За сега не размислувам на тој план, што не значи дека нема да посегнам и по таа алатка, со цел да си го остварам своето право.

Жално е што во институциите на системот, во локалната самоуправа Општина Центар, немам партнер за договор и да го возобновиме култниот „Кермес“. Констатирам дека партнерството со МПЦ беше навистина прекрасно во изградбата на „Пресвета Богородица“, каде и двете страни се вложивме да тој верски објект го ставиме во функција час поскоро.

За жал, таков однос во Општина Центар од веќе четворица градоначалници кои ја водеа Општината – немам. Итроштините и лагите се од времен карактер.

Се наоѓаме во предвечерјето на локалните избори за Скопје и за Општина Центар и би сакал да го слушнам официјалното објаснување на господинот Богдановиќ зошто во неговиот четиригодишен мандт не успеа да ја врати маркицата? Напоменувам дека во контактите од самото доаѓање на господинот Богдановиќ на оваа функција бевме убедувани дека тоа е формалност, која ќе се заврши многу брзо. Зошто на последната случајна средба пред месец и половина на улица Славејко Арсов, на моето прашање поврзано со враќањето на маркицата, ме упати да го барам одговорот во Градот Скопје? Зошто употребува итроштини со мене кога проблемот не е во Градот Скопје, туку во Општина Центар?

Почитувани, извлекувам заклучок којшто не мора да е точен или можеби ќе ви наликува како несериозен. Стекнав образование во Македонија. Стекнав искуство и знаење во работата во Македонија. Отидов во белиот свет, спечалив за себе и за сопственото семејство. Се вратив со капиталот во Македонија и замислете, најголемиот дел од капиталот го изгубив. Дали е ова клетва? Судбина? Да страдам? Да бидам уништуван од мојот народ, кон кој секојпат сум гаел најдлабоки чувства.

Дали е ова шлаканица за мене? Бидете убедени, ако е шлаканица, тогаш е шлаканица за секој од нас кој се бори да стекне имот на чесен начин и достоинствено да си го проживее животот.

The post Е нема, не давам рушвет за „Кермес“! appeared first on plusinfo.mk.

Зад паркингот кај Холидеј Ин има паднато дрво. За среќа, нема повредени граѓани, но оштетени се две паркирани возила, информира градоначалникот Саша Богдановиќ.

The post ПАДНА ДРВО КАЈ ХОЛИДЕЈ ИН Повредени нема, оштетени се две возила appeared first on plusinfo.mk.

„Вчера, во непосредна близина на влезот на ООУ ‘Коле Неделковски’, падна уште едно дрво. При извршениот првичен увид, дрвото е паднато поради исушените корени, исто како дрвото кое падна пред некој ден на улицата Орце Николов. Екипи на ЈП Паркови и зеленило и службите од Општина Центар го отстранија паднатото дрво кое оштети едно возило. Дрвото, како што се гледа на сликите, има зелени лисја, здраво стебло, но нарушен коренов систем поради кој што може да падне и без посилен ветер“, напиша Богдановиќ на својот профил на Фејсбук.

Градоначалникот за „360 степени“ рекол дека детето било малку изгребано, тоа било во близина на автомобилот.

The post Падна дрво врз автомобил во Дебар Маало, изгреба дете appeared first on plusinfo.mk.