Саша Барон Коен ги изненади фановите со насловната страница за британското издание на „Менс фитнес“ (Men’s Fitness), каде што позира со новоизградено мускулесто тело, трансформација што ја направил пред снимањето на сцените како Мефисто во светот на Марвел. Креаторот на „Борат“ го имаше својот деби настап како озлогласениот негативец во серијата на Disney+ „Ironheart“ на почетокот на летото, објави Варајети.

„Некои славни користат Оземпик, некои имаат лични готвачи, други, пак, тренери. Јас ги користев сите три. Ова не е вештачка интелигенција. Толку сум вљубен во себе што навистина го направив ова“, се пошегува Коен на својата објава на социјалната мрежа Инстаграм, споделувајќи фотографии без маица.

 

View this post on Instagram

 

A post shared by Men’s Fitness UK (@mensfitnessuk)

Во други објави напиша:

„Го претставувам новиот лик: маж во средни години кој ги заменил пивата со протеински шејкови… Формално ја лансирам својата средовечна криза“.

Тој му се заблагодари и на личниот тренер Алфонсо Морети „што го направил невозможното и го трпел по 25 минути дневно.

Морети, пак, на 23 јули ги сподели фотографиите од списанието на својот профил на Инстаграм и напиша дека „не може да биде погорд“ на Коен по нивната заедничка работа.

„Саша му веруваше на мојот процес и точно го следеше планот. Не само што постигна подобро здравје и физичка форма со неверојатен изглед… туку и… тој е на насловната страница на Men’s Fitness! Од Борат до набилдан – целата статија излегува во петок! Засега, уживајте во сликите. Кажете ми дека не изгледа неверојатно!“, напиша Морети.

Фановите на Марвел првично очекуваа Мефисто да се појави уште пред години во „WandaVision“, а Барон Коен отсекогаш бил на врвот на фан-листите за таа улога.

The post 🎥📷 БОРАТ ГО ПОКАЖА МУСКУЛЕСТОТО ТЕЛО ЗА УЛОГАТА НА МЕФИСТО ВО МАРВЕЛ Саша Барон Коен откри 3 тајни на трансформацијата – Оземпик е една од нив appeared first on plusinfo.mk.

Бугарската актерка се појави заедно со Саша Барон Коен во продолжението на комедијата, како Тутар Сагдиева – ќерка на алтер-егото на Саша, Борат, и се сеќава како „полудела од страв“ додека се претставувала како новинарка.

– Тој беше адвокат на претседателот, а тие луѓе обично се поприлично паметни. Не сум сигурна дека го видов тоа како што го гледаа сите други. Саша се криеше во плакар, обидувајќи се да ја спаси својата ќерка – но тој ме спаси мене, Марија! Како продуцент и творец, тој е и мојот учител и ангел чувар – раскажува актерката.

Признавајќи дека улогата на Тутар била вистински предизвик за неа, таа сподели дека имала панични напади пред секоја сцена. Глумицата откри дека имала мало искуство во работење на комедии пред да биде фрлена „во длабочините“.

– Половина од мојот живот го посветив на глумата. Но, повеќето улоги што ги играм беа драматични – од бремени тинејџерки возраст до самоубиства. Значи, комедијата не беше моја работа, вели Марија.

Следната нејзина улога е во комедијата на Џад Апатиу – „Меурот“ и вели дека „Борат 2“ добро ја подготвил за проектот.

The post Бугарската актерка добивала панични напади пред снимањето на секоја сцена од филмот „Борат 2“ appeared first on plusinfo.mk.

Собирот на американско-канадската десничарска група што себе се нарекува „Триотстотници“ (Three Percenters), се одржа во паркот „Херитиџ“ завчера во Вашингтон, САД. Беше насловен како „Марш за нашите права 3“, и на него учествуваа околу 500 приврзаници.

Коен се појави делумно преправен и се претстави како лидер на политичка организација што сака да го спонзорира митингот. Тој со себе зеде и приватно обезбедување, што ги спречи организаторите на собирот да го исфрлат од сцената, но и да не му го исклучат микрофонот кога ќе почне да пее.

Во песната се вели оти противниците на организацијата треба да бидат заразени со коронавирус, но и дека Светската здравствена организација треба да биде „скратена“ како што „тоа го прават Саудијците“.

Организацијата „Триотстотници“ е парамилитантна група основана 2008 година, во пресрет на изборот на Барак Обама како прв црнец претседател на САД. Американските власти ја означуваат како антивладина организација, а многумина во Канада ја сметаат за најопасната екстремистичка група во земјата.

The post Саша Барон Коен упаднал маскиран на десничарски собир ВИДЕО appeared first on plusinfo.mk.