Обвинителството во Милано денеска соопшти дека италијанската полиција запленила „значајни“ докази при претресот на домот на еден од четворицата Италијанци, против кои се води истрага за учество во „Сараево сафари“.

Помеѓу запленетите докази има фотографија од осомничениот, 65-годишен маж кој живее во областа Александрија, со техничка опрема и придушувач. Претресот е спроведен врз основа на сведочењата на неговата поранешна сопруга и поранешна партнерка.

Поранешната партнерка на осомничениот изјавила дека тој имал ноќни кошмари бидејќи во 90-тите години од минатиот век убивал муслимани во Босна и Херцеговина.

– Ми кажа дека знаел да отпатува од Милано со авион, во кој имало и други луѓе и викендот го поминувале … како снајперисти и пукале врз муслимани, навела поранешната партнерка на осомничениот во чиј дом бил извршен претрес.

Тој за време на испитувањето се повикал на правото на молчење.

Другите осомничени се 80-годишен поранешен возач на камион од покраината Порденоне, 64-годишен бизнисмен кој живее во Бријанца и лице од Тоскана.

Осомничените плаќале големи суми пари на силите на босанските Срби за да можат да пукаат во цивили од нивните позиции за време на опсадата на Сараево, што траеше од 5 април 1992 до 29 февруари 1996 година односно 1.425 денови.

Според официјалните бројки на БиХ, за време на најдолгата опсада во историјата на модерното војување, во Сараево убиени се повеќе од 11.500 луѓе, меѓу кои и неколку стотици деца. Голем број од овие жртви беа застрелани од снајперисти распоредени на ридовите околу градот.

Обвинителството во Милано минатата есен почна прелиминарна истрага по жалбата на италијанскиот новинар и писател Ецио Гаванеци, заснована првенствено на две сведоштва во документарниот филм „Сараево сафари“ на словенечкиот режисер Миран Зупанич, објавен во 2022 година.

The post ПРОНАЈДЕНИ ЗНАЧАЈНИ ДОКАЗИ ЗА СЛУЧАЈОТ „САРАЕВО САФАРИ“ Претрес во дом на италијанец кој „имал мерак да убива муслимани“ appeared first on plusinfo.mk.

Австриски и германски државјанин се под истрага поради сомнежи дека учествувале во таканареченото „сараевско сафари“. Приказната за богати странци кои плаќале огромни суми за да пукаат врз цивили за време на опсадата на Сараево во 1990-тите години добива нов тек.

Според австрискиот весник „Кронен цајтунг“, двајцата наводно патувале во Босна и Херцеговина меѓу 1992 и 1996 година и од позиции на војската на босанските Срби пукале врз цивили во опколениот град.

Истражителите се сомневаат дека ваквите „тури“ биле прикривани како ловни експедиции на Балканот.

„Најтешки воени злосторства“

Поранешната австриска министерка за правда Алма Задиќ побарала темелна истрага за случајот.

– Станува збор за сомнежи за најтешки воени злосторства, кои мора темелно да се истражат и да се гонат. Не смее да има простор за неказнивост – изјавила таа.

Во Италија веќе неколку месеци се водат слични истраги.

Тие биле отворени по пријава на миланскиот писател Ецио Гавацени, кој тврди дека во „човечките сафари“ учествувале државјани од повеќе европски земји, меѓу нив Австрија и Германија.

Документарец ја отвори Пандорината кутија

Случајот повторно се актуализирал по документарниот филм „Сараево сафари“ на словенечкиот режисер Миран Зупанич.

Филмот содржи сведоштва според кои богати странци плаќале огромни суми за да пукаат врз луѓе во Сараево, без воени или идеолошки мотиви.

Според наводите, станувало збор за сурова забава.

Гавацени, кој напишал и книга за случајот, изјавил дека „секоја земја треба да си ја заврши домашната задача“.

И до 100.000 евра на ден

Белгиското обвинителство веќе потврдило дека отворило истрага за можна вмешаност на белгиски државјани.

Поранешниот италијански магистрат Гвидо Салвини изјавил дека меѓу осомничените има државјани на
Белгија, Франција, Германија и други европски земји.

Италијански медиуми претходно објавија дека за ваквите „тури“ се плаќале и до 100.000 евра дневно.

Контакти и со Хаг

Обвинителството на Босна и Херцеговина потврди дека работи на предмет поврзан со „Sarajevo Safari“.

Воспоставен бил контакт со италијанското обвинителство и со Меѓународниот резидуален механизам за кривични трибунали во Хаг.

Австрија исто така води истрага против две лица осомничени за учество во снајперските активности.

Една од најдолгите опсади во модерната историја

Опсадата на Сараево траеше 44 месеци, од април 1992 до декември 1995 година. Градот секојдневно беше изложен на гранатирање и снајперски напади.

Според достапните податоци, за време на опсадата загинаа повеќе од 11.000 луѓе.

Доколку истрагите ги потврдат наводите, случајот би можел да стане еден од најморничавите примери за странско учество во злосторства за време на босанската војна, не поради идеологија или воена стратегија, туку како платено убивање цивили.

The post СЕ ШИРИ ИСТРАГАТА ЗА „САРАЕВСКОТО САФАРИ“ ОД 90-ТИТЕ За пукање кон луѓе се плаќало по 100.000 евра дневно? appeared first on plusinfo.mk.

Во судот во Милано денеска е сослушан 80-годишен маж, под сомнение дека бил еден од учесниците во „Сараево сафари“ односно плаќал за со снајпер да убива цивили за време на опсадата на главниот град на БиХ, Сараево, што траеше од 5 април 1992 до 29 февруари 1996 година.

Осомничениот е поранешен возач на камион, кој според неговиот адвокат, тврди дека е невин.

Италијанската полиција во октомври отвори истрага за патувањата на „воени туристи“ откако италијанскиот весник „Ил Џорнале“ во јули минатата година објави дека голем број Италијанци, претежно богати симпатизери на крајната десница и ентузијасти за оружје, наводно оделе на ридовите околу Сараево за време на војната во БиХ, за да пукаат во цивили, а за тоа им плаќале на војската на босанските Срби околу 100.000 евра дневно.

Осомничениот 80-годишник италијанските медиуми го опишуваат како страстен ловец, сопственик на неколку огнени оружја и носталгичен по фашизмот, наводно јавно се фалел дека отишол во БиХ за да „лови луѓе“.

Обвинителството во Милано минатата есен почна прелиминарна истрага по жалбата на италијанскиот новинар и писател Ецио Гаванеци, заснована првенствено на две сведоштва во документарниот филм „Сараево сафари“ на словенечкиот режисер Миран Зупанич, објавен во 2022 година.

Обвинителството на БиХ минатата недела потврди дека одделението за воени злосторства ги истражува осомничените странски државјани поради наводни убиства на цивили во текот на 1.425 дена опсада на Сараево.

Поранешната градоначалничка на Сараево, Бенјамина Кариќ во 2022 година поднесе кривична пријава во БиХ по прикажувањето на документарниот филм „Сараево сафари“.

Градскиот совет на Сараево кон крајот на јануари усвои резолуција со која му се дозволува на сегашниот градоначалник Самир Авдиќ да „се придружи на кривична постапка“ во италијанските судови. Овој потег има за цел да понуди поддршка на италијанското обвинителство во овој случај.

Според официјалните бројки на БиХ, за време на најдолгата опсада во историјата на модерното војување, во Сараево убиени се повеќе од 11.500 луѓе, меѓу кои и  неколку стотици деца. Голем број од овие жртви беа застрелани од снајперисти распоредени на ридовите околу градот.

Според Меѓународниот кривичен трибунал за поранешна Југославија, ова беше случај на тероризирање на цивилното население. Сепак, ниту еден снајперист никогаш не беше лично повикан на одговорност, осудени се само воени и политички лидери.

The post СОСЛУШАН ПРВИОТ ОСОМНИЧЕН ЗА „САРАЕВО САФАРИ“ Поранешен возач на камион негира вмешаност во снајперски напади appeared first on plusinfo.mk.

Застрашувачки тврдења од овој вид беа изнесени во документарниот филм „Сараево Сафари“, на словенечкиот автор Миран Жупанич, кој за прв пат беше прикажан на документарниот фестивал организиран од телевизиската мрежа Ал Џезира Балкан на почетокот на годинава, а премиерно беше прикажан во редовната програма на таа телевизиска куќа вчера.

По првата проекција на филмот, градоначалничката на Сараево, Бенјамина Кариќ, поднесе кривична пријава за воени злосторства против непознати сторители за кои се претпоставува дека убиле сараевчани од забава за време на војната.

Градоначалничката Кариќ во вторникот на Твитер објави дека добила известување од државното обвинителство дека е назначен обвинител кој во соработка со полициските агенции ќе ги истражи наводите во извештајот.

Na moj upit u kojoj fazi se nalazi Krivična prijava koju sam podnijela Tužilaštvu BiH a vezano za dokumentarni film Sarajevo Safari, stigao je odgovor: pic.twitter.com/r7YtmUoxKc

— Benjamina Karić (@BenjaminaKaric) November 1, 2022

„По донесувањето на одлуката на обвинителството, вие како барател ќе бидете писмено известени за тоа“, се наведува во дописот на Обвинителството на БиХ. Откако во септември поднесе кривична пријава, Кариќ појасни дека тоа го смета за своја човечка обврска.

„Ловци на глави“

– Сметам дека е правилно и моја должност да реагирам на овој начин на фактите претставени во документарниот филм „Сараево Сафари“, во режија на Миран Жупанич, според кои странски државјани, „ловци на човечки глави“ плаќале да пукаат во невини цивили за време на опсадата на Сараево – вели градоначалничката.

Филмот на Жупанич е заснован на нарација на личност која тврди дека има словенечко потекло и која добила можност да учествува во морбидната хајка на луѓе организирана со летови преку Белград до Пале. Организаторите на ваквите „сафари тури“ не се споменуваат.

– „Сараевското сафари“ беше специфично, незамислив вид лов на нормален ум, лов на луѓе. За време на опсадата на Сараево, на богатите странци, кои платиле одредена такса, им било дозволено да пукаат во луѓето во слободниот дел на градот од српските позиции. Жртвите беа цивили кои во тој момент се најдоа во ќорсокакот на снајперските пушки на тие сурови странци – објаснува режисерот Жупанич за Ал Џезира Балкан.

Филмот е исполнет и со автентични снимки од убиствата на цивили во Сараево за време на опсадата, а дел од него е и исповедта на Стана и Самир Чишиќ, чија ќерка била убиена од снајперски куршум во центарот на градот кога имала само една година и шест дена. Мајката на Стана пред камерата изјавила дека е очигледно дека снајперистот го гаѓал нејзиното дете бидејќи негова цел не биле ниту мајката, ниту нејзините две другарки кои стоеле веднаш до девојчето.

The post ЗЛОСТОРНИЦИТЕ ЌЕ СЕ СООЧАТ СО ПРАВДАТА Богати странци плаќале за со „снајпер“ да убиваат деца во Сараево (ВИДЕО) appeared first on plusinfo.mk.