Санкт Петерсбург Archives - plusinfo.mk

🎥 ПУТИН ЌЕ ОДГОВАРА НА ПРАШАЊА НА СТРАНСКИ НОВИНАРИ Сесијата со медумите може да трае со часови

плусинфо — Fri, 05 Jun 2026 07:34:25 +0000

Рускиот претседател Владимир Путин денеска ќе одговара на прашања од странски новинари, на вториот ден од Меѓународниот економски форум што се одржува во Санкт Петербург.

– Претседателот Путин ќе се сретне со претставници на меѓународни медиумски организации за да разговара за внатрешната и надворешната политика на Русија – соопшти неговиот советник за надворешна политика, Јури Ушаков. Претходните години таквите сесии со новинари вообичаено траеја и по неколку часа.

На традиционалната средба на рускиот претседател со раководители и претставници на водечки светски новински агенции во Санкт Петербург се очекува учество на новинари и уредници од повеќе континенти, а настанот и годинава привлекува значително меѓународно медиумско внимание. Средбата се одржува во формат на директни прашања и одговори, што им овозможува на новинарите лично да му поставуваат прашања на рускиот лидер.

Според достапните информации, на разговорот присуствуваат претставници на најголемите светски агенции, меѓу кои американските Associated Press и Bloomberg, француската Agence France-Presse, како и медиумски организации од Европа, Азија, Блискиот Исток и Латинска Америка. Организаторите ја претставуваат средбата како можност за директна комуникација меѓу Кремљ и меѓународните медиуми.

Се очекува во фокусот на прашањата да бидат војната во Украина, односите меѓу Русија и Западот, како и актуелните геополитички и економски предизвици.

Москва го користи Меѓународниот економски форум за да ја претстави Русија на меѓународната сцена и да покаже отпорност по повеќе од четири години војна во Украина и санкции, и покрај забавениот економски раст.

Форумот вчера започна во отежнати услови, откако напад со украински дрон предизвика тревога што траеше неколку часа. За време на пристигнувањето на учесниците над делови од градот имаше црн чад, од пожарот што го зафати нафтениот терминал.

Според информации од Кремљ, на Форумот се регистрирани околу 20 илјади учесници од повеќе од сто земји. Меѓу учесниците има делегации од Американската стопанска комора и од германски компании.

Германско-руската стопанска комора за првпат по неколку години организира сопствен настан на форумот.

На форумот присуствуваат и неколку пратеници од крајно десничарската партија „Алтернатива за Германија“. Тие заминаа за Русија и покрај препораките на германското Министерство за надворешни работи да се воздржат од такво патување.

The post 🎥 ПУТИН ЌЕ ОДГОВАРА НА ПРАШАЊА НА СТРАНСКИ НОВИНАРИ Сесијата со медумите може да трае со часови appeared first on plusinfo.mk.

📸 ВАГНЕРОВЦИТЕ УШТЕ СИНОЌА ЗНАЕЛЕ ДЕКА ШЕФОТ ИМ Е МРТОВ? Седиштето во Санкт Петерсбург блесна во облик на крст

плусинфо — Thu, 24 Aug 2023 11:39:57 +0000

Зградата на Вагнер во Санкт Петерсбург синоќа беше осветлена во облик на крст откако во авионската несреќа загинаа Евгениј Пригожин и Валери Чекалов. Додека руските власти уште не се огласиле во врска со случајот и многуте непознаници околу несреќата, каналот „Сива зона“ на Телеграм поврзан со Вагнер, синоќа потврди дека Евгениј Пригожин загинал во авионска несреќа.

– Главата на Вагнер, рускиот херој и вистински патриот Евгениј Викторович Пригожин почина како резултат на дејствијата на руските предавници. Но, тој ќе биде најдобар дури и во пеколот. Слава на Русија! – објавија тие.

Британски аналитичари вината за срушениот авион ја наоѓаат во местенка на руската служба ФСБ, на генералите Шојгу и Герасимов или пак лично на Владимир Путин. На Твитер се шири и фотографија на која наводно има противавионска муниција на парче од срушениот авион, што фрла сомнеж за тоа дали во авионот било пукано.

#BREAKING Windows in the shape of a cross are now lit at the Wagner Center in St. Petersburg pic.twitter.com/VYD2y5ODnB

— War Monitor (@WarMonitors) August 23, 2023

The post 📸 ВАГНЕРОВЦИТЕ УШТЕ СИНОЌА ЗНАЕЛЕ ДЕКА ШЕФОТ ИМ Е МРТОВ? Седиштето во Санкт Петерсбург блесна во облик на крст appeared first on plusinfo.mk.

(ВИДЕО) УБИЕН Е ПОЗНАТ РУСКИ БЛОГЕР 16 лица се ранети во експлозија во кафулето

плусинфо — Sun, 02 Apr 2023 17:58:15 +0000

Во експлозија во кафуле во вториот по големина руски град Санкт Петербург денеска е убиен познатиот руски воен блогер Владлен Татарски, потврди руското Министерство за внатрешни работи, јави ДПА.

„Во инцидентот едно лице загина. Станува збор за воениот блогер Владлен Татарски, а повредени се 16 лица“, соопшти руското МВР.

Татарски, чие вистинско име е Максим Фомин, имаше повеќе од 560.000 следбеници на Телеграм и беше еден од најпознатите воени блогери, кој често даваше критички коментари за војната на Русија во Украина.

Експлозијата, наводно, се случила во кафуле кое некогаш било во сопственост на Евгениј Пригожин, основачот на приватната војска на Вагнер, која се бори на руска страна во Украина.

Засега не се знае кој е одговорен за експлозијата.

A moment of explosion in Saint Petersburg. In this building gathered the club Cyber Z Front. During the explosion, Z "war correspondent" aka Telegram influencer Vladlen Tatarsky presented. pic.twitter.com/SDS1biVaas

— Leaf Gatherer, Stardust Collector, and Ruingazer (@ruingazer) April 2, 2023

The post (ВИДЕО) УБИЕН Е ПОЗНАТ РУСКИ БЛОГЕР 16 лица се ранети во експлозија во кафулето appeared first on plusinfo.mk.

Околу 100 навивачи се заразиле со коронавирус на натпреварите на ЕУРО 2020

плусинфо — Thu, 24 Jun 2021 19:20:16 +0000

Данските и финските власти соопштија за први позитивни случаи на коронавирус кај навивачи, кои следеле натпревари од групната фаза на ЕУРО 2020 во Копенхаген и во Санкт Петерсбург.

Данските здравствени власти потврдија вечерва дека најмалку седум луѓе имале позитивен тест на коронавирус, откако присуствувале на натпреварите одиграни на стадионот „Паркен‘ во Копенхаген.

Здравствените власти повикаа неколку илјади навивачи, кои го следеле натпреварот меѓу Данска и Белгија на 17 јуни да се тестираат, по што е потврдено присуство на делта сојот на Ковид-19 кај петмина од нив. Другите два случаи се констатирани по натпреварот меѓу Данска и Русија, одигран на 21 јуни, исто така, во Копенхаген.

Паралелно со ова, финскиот информативен јавен сервис извести за 80 инфекции со вирусот меѓу луѓе, кои изминатите денови влегле во Финска од Русија, каде следеле натпревари од Европското првенство.

Рускиот Санкт Петерсбург е меѓу 11-те домаќини на ЕУРО2020, а локалните власти минатата недела ги заострија мерките против Ковид-19 во градот, кој треба да биде домаќин и на еден четвртфинален натпревар.

Европската фудбалска асоцијација (УЕФА), од своја страна, изрази денеска задоволство од малиот број заразени со коронавирус на Европското првенство, кое продолжува викендов со натпреварите од нокаут фазата.

– Вкупниот процент на позитивни тестови по одигрувањето на групната фаза на Европското првенство и натаму е низок – се наведува во соопштението од УЕФА.

The post Околу 100 навивачи се заразиле со коронавирус на натпреварите на ЕУРО 2020 appeared first on plusinfo.mk.