Белгија повторно го зголемила увозот на гас од Русија и сега увезува повеќе отколку пред почетокот на војната во Украина, објавија локалните медиуми, повикувајќи се на податоци од белгиското Министерство за економија.

Според официјалните податоци, рускиот гас минатата година учествувал со над 11 проценти во вкупниот увоз на гас во земјата.

За споредба, во 2019 година, пред војната, Белгија имала слично ниво на зависност од руски енергенси, додека по почетокот на руската воена инвазија во Украина, уделот паднал на околу пет проценти.

Иако Белгија го прекинала увозот на руски гас преку гасоводи, значително се зголемил увозот на течен природен гас (ЛНГ), што повторно ја зголемило вкупната зависност од руските енергенси.

Медиумите оценуваат дека ваквиот тренд оди спротивно на политиките на Европската Унија, која настојува да го намали финансирањето на Русија преку извоз на енергенси.

Минатата година Белгија увезла околу 17,6 терават-часови руски гас, што претставува ниво повисоко од периодот пред воведувањето на европските санкции кон Москва.

The post БЕЛГИЈА УВЕЗУВА ПОВЕЌЕ РУСКИ ГАС ОТКОЛКУ ПРЕД ВОЈНАТА И покрај санкциите, зависноста повторно расте appeared first on plusinfo.mk.

Русија во текот на изминатата седмица лансирала околу 1.600 борбени дронови кон Украина, изјави украинскиот претседател Володимир Зеленски.

Тој на социјалната мрежа X наведе дека во истиот период врз Украина биле употребени и речиси 1.100 авионски бомби со наведување, како и три ракети.

Зеленски посочи дека тоа е значително помалку во споредба со претходниот седумдневен период, пренесува „Украинска правда“.

– Русите се обидуваат да ја преоптоварат нашата противвоздушна одбрана со масовни напади, поради што секојдневното снабдување со ракети-пресретнувачи е од клучна важност. Еднакво е важно притисокот врз агресорот да не ослабне, бидејќи секое ублажување на санкциите само го полни рускиот воен буџет, кој потоа се користи за војната – наведе Зеленски.

Тој го коментираше и денешниот руски напад врз автобус во Херсон, опишувајќи го како „брутален ‘сафари’ лов на луѓе“ во областите во близина на линијата на фронтот.

The post РУСКИ НАПАДИ БЕЗ ПРЕКИН Илјадници дронови и стотици бомби врз Украина appeared first on plusinfo.mk.

Унгарскиот премиер, Виктор Орбан, ги повика европските земји веднаш да ги укинат санкциите врз руската енергија за да ја заштитат економијата од една од најтешките кризи во историјата на Европа, последица од тензиите на Блискиот Исток и војната во Иран.

– Европа се соочува со сериозна енергетска криза и економска опасност. Единствениот излез е веднаш да се укинат санкциите за руската енергија. Не зборуваме за Путин, туку за нашата земја и нашиот народ – изјави Орбан, пренесувајќи ја својата порака до европските лидери.

Како одговор на предупредувањето на полскиот премиер Доналд Туск, кој ја оцени актуелната политика на Орбан и Трамп како „планот од соништата на Путин“, Орбан ги интензивираше повиците за проруска промена на енергетската политика на ЕУ. Според извештаите, тој на Туск му рекол дека наместо да поттикнува конфликт, Европа треба да ги штити своите економии.

Коментарите на Орбан доаѓаат само 10 дена пред клучните парламентарни избори во Унгарија, што додава дополнителен политички контекст, потсетува британскиот „Гардијан“.

The post ОРБАН БАРА УКИНУВАЊЕ НА САНКЦИИТЕ ЗА РУСКАТА ЕНЕРГИЈА Унгарија предупредува на економска криза appeared first on plusinfo.mk.

Британската влада ќе ги пренасочи 2,5 милијарди фунти од продажбата на фудбалскиот клуб Челзи во хуманитарен фонд за Украина, соопшти премиерот Кир Стармер, испраќајќи директна порака до рускиот милијардер Роман Абрамович дека „времето истекува“.

Парите, кои беа замрзнати уште во 2022-рара година поради санкциите воведени по руската инвазија на Украина, конечно добија зелено светло за трансфер. Стармер најави дека Владата е подготвена и на судска постапка доколку Абрамович одбие да ги исполни обврските.

– Можам да објавам дека одобруваме трансфер на 2,5 милијарди фунти од продажбата на фудбалскиот клуб Челзи. Мојата порака до Абрамович е јасна: времето истекува, почитувајте ги обврските и платете сега – порача Стармер од говорницата во Долниот дом.

Британскиот премиер додаде дека Владата нема да се двоуми да преземе правни чекори доколку Абрамович продолжи да го блокира користењето на средствата.

– Подготвени сме да одиме на суд ако е потребно – нагласи Стармер.

Абрамович, поранешен гувернер на рускиот автономен регион Чукотка, беше принуден да го продаде Челзи во 2022 година, откако Велика Британија воведе санкции против него поради врските со Кремљ. Продажбата беше одобрена под строги услови – средствата да се користат исклучиво за помош на жртвите од војната во Украина.

Иако клубот беше продаден уште пред три години, средствата останаа замрзнати на сметка во британска банка, под контрола на компанијата „Фордстам“, поврзана со Абрамович. Причината беше несогласувањето околу тоа дали парите треба да се користат само за Украина или и за други хуманитарни цели.

Со последната одлука на британската влада, дилемите се расчистени, целата сума ќе оди во фонд за помош на Украина, а притисокот врз Абрамович е зголемен до максимум.

The post СО ПАРИТЕ ОД ЧЕЛЗИ ЌЕ ЈА ФИНАНСИРААТ УКРАИНА Стармер ги одмрзнува средствата на Абрамович appeared first on plusinfo.mk.

Украинските сили го погодиле рускиот брод „Дашан“, вреден околу 30 милиони долари, користејќи морски дрон од типот „Морски бебња“, јавуваат украинските служби. Објавена е и снимка од нападот.

Погодениот танкер „Дашан“, кој претходно беше санкциониран од ЕУ, Велика Британија, Канада, Австралија и Швајцарија, украинските власти го сметаат за дел од т.н. „флота во сенка“, која наводно му помага на Кремљ да ги избегнува меѓународните санкции.

Според украински извори, морските дронови на СБУ го погодиле бродот во Црното Море, додека пловел под знамето на Коморите и се движел низ ексклузивната економска зона на Украина кон пристаништето Новоросијск.

Извор за Укринформ потврдил дека танкерот пловел со максимална брзина, со исклучен транспондер, кога бил погоден.

– Танкерот пловел со максимална брзина со исклучен транспондер и претрпел критична штета – изјавил изворот.

Станува збор за заедничка операција на 13-та Главна дирекција на Воената контраразузнавачка служба на СБУ и Украинската морнарица. Првичните информации укажуваат дека бродот е онеспособен.

Проценетата вредност на ваков танкер изнесува околу 30 милиони долари, а во едно патување пренесувал нафтени производи вредни речиси 60 милиони долари.

Заради транспорт на руски суровини и навигација со исклучен систем за идентификација, „Дашан“ веќе бил мета на повеќе меѓународни санкции.

– Во последните две недели, ова е третиот онеспособен танкер од flотата во сенка што му помогнала на Кремљ да ги заобиколи меѓународните санкции – додал изворот.

The post 📽️ УКРАИНА ПОТОПИ РУСКИ ТАНКЕР ОД 30 МИЛИОНИ Украинските сили ја уништуваат „флотата во сенка“ на Кремљ appeared first on plusinfo.mk.

Украинскиот претседател Володимир Зеленски со остар тон ја прозва Унгарија да престане да купува руска нафта.

Во присуство на повеќе од 50 лидери на на самитот на Европската политичка заедница во Копенхаген, меѓу кои и домаќинката Мете Фредериксен, тој подвлече дека повикот на Доналд Трамп кон Унгарија треба да се сфати сериозно, посебно во Будимпешта, јави Ројтерс.

– Треба да го поддржиме повикот на американскиот претседател Доналд Трамп да се престане со купување руска нафта… Момците од Унгарија мора јасно да го чујат тоа – изјави Зеленски.

Меѓутоа, ова не бил единствениот удар упатен кон Кремљ. Украинскиот лидер инсистира на уште построги санкции насочени кон приходите од руска енергија.

– Тоа мора да престане – нагласи тој, додавајќи дека американската енергија може да биде соодветна замена.

„Мирот се добива со сила“ – тврдата порака на Фредериксен

Данската премиерка Мете Фредериксен, копретседателка на самитот заедно со шефот на Европскиот совет Антонио Коста, беше уште поексплицитна во својата анализа на конфликтот.

– Мирот со Русија може да се постигне само преку сила. Мораме да ја зајакнеме Украина и да ја ослабнеме Русија со дополнителни санкции – изјави Фредериксен.

Во нејзиниот говор, таа остро ги осуди тактиките на Кремљ и објасни дека војната претставува „јасен неуспех на Путин“.

– Сакал да го освои Киев, да ја собори украинската влада и да ја подели Европа. Не успеал во ништо од тоа – децидна е премиерката.

Хибридни напади и дезинформации – новиот фронт

Фредериксен предупреди дека Москва не се откажала од притисок врз Европа, туку дека сега користи и хибридни алатки.

– Соочени сме со непријател кој користи секакви алатки. Еден ден тоа се беспилотни летала, следниот ден ги туркаат мигрантите кон границите, ја таргетираат критичната инфраструктура, се бориме со дезинформации и обиди за влијание врз избори – истакнала таа.

Од друга страна, шефот на Европскиот совет Антонио Коста подвлекол дека поддршката за Украина не значи „поддршка за војна, туку за траен и праведен мир“.

The post „МОМЦИТЕ ОД УНГАРИЈА“ КУПУВААТ, ЗЕЛЕНСКИ ОСТРО ГИ ИСКАРА Стоп за руската нафта, порача украинскиот лидер appeared first on plusinfo.mk.

– Ги повикувам сите институции овде зајакнато да се придржуваат до мерките и уште повеќе да се фокусираат на руските обиди да ги избегнат санкциите – рече Јелен.

Таа изјави дека санкциите воведени во декември 2023 година ги попречиле напорите на Русија за производство на стоки неопходни за војната во Украина, но во исто време додаде дека треба да се направи повеќе на тоа поле.

The post „ДА СЕ ФОКУСИРАМЕ НА РУСКИТЕ ОБИДИ ДА ГИ ОДБЕГНАТ САНКЦИИТЕ“ Јелен ги повика европските банки да се придржуваат на мерките appeared first on plusinfo.mk.

Европската комисија пред неколку дена објави предлог за воведување рестриктивна царина за увоз на руско и белоруско жито во износ од 95 евра за тон, што треба да ја намали конкурентноста на овие производи на пазарот на ЕУ, но и натаму е во важст одлуката на Еврпскиот совет за исклучување на храната и земјоделските производи од списокот на производи кои можат да бидат предмет на воведување секторски санкции со цел да се избегнат обвинувањата против ЕУ дека предизвикува недостиг на храна и глад во светот донесена во јуни 2022 година.

– Во однос на трговијата со Русија, ЕУ неодамна воспостави одредени бариери и воведе царини кои го намалуваат увозот на жито од Русија. Вкупниот обем на таквиот увоз низ Европската унија беше околу 2,5 милиони тони во 2022 година – 1 милион тони житарки и 1,5 милиони тони сончоглед. Во 2023 година, овој волумен остана речиси непроменет. Најголем увозник на руско жито е Италија – 478 илјади тони, на второ место е Летонија – 360 илјади тони, Литванија исто така доби одредена сума, сега одбива да продолжи со таков увоз – изјави еврокомесарот за земјоделство Јануш Војчечовски.

Според неговите податоци, Естонија минатата година увезла мал дел од руските житни производи додека Полска увезла 3.500 тони жита и 4.000 тони сончоглед. Храна од русија увезувале и  Унгарија и Словачка.

Еврокомесарот  потсети дека трговијата со храна со Русија останува чувствително прашање за ЕУ, бидејќи санкции во овој сектор би значеле дека ЕУ предизвикува недостиг на храна во светот и би се изгубил голем пазар за европската храна.

– Сега сме отворени за воведување ограничувања за увоз на земјоделски производи од Русија. Но, мораме да запомниме дека трговијата оди во двете насоки. Во 2023 година Европската Унија во Русија извезла земјоделски производи во вредност од 7 милијарди евра, а оттаму увезла стока во вредност од 2 милијарди евра. Мора да го земеме предвид овој фактор. Оваа ситуација во трговијата со Русија е различна од онаа што ја имаме со Украина. Во 2023 година нашиот (земјоделски) увоз од Украина изнесуваше 11,5 милијарди евра, но во Украина извезовме околу 3 милијарди – изјави еврокомесарот.

Тој наведе дека минатата година вкупниот обем на извозот на ЕУ во Украина изнесувал 39 милијарди евра, додека европските земји увезле стоки од Украина за 23 милијарди евра, односно ЕУ останала во „плус“ за 16 милијарди евра.

– Ова покажува дека имаме победници и губитници од либерализацијата на трговијата со Украина. Економијата на ЕУ како целина победува, но земјоделците губат. Затоа мораме да ги надоместиме нашите земјоделци за овие загуби, особено преку државна помош. Ова е важен политички сигнал и таква помош треба да добијат нашите земјоделци – додаде Војчечовски.

Европската комисија пред неколку дена објави предлог за воведување рестриктивна царина за увоз на руско и белоруско жито во износ од 95 евра за тон, што треба да ја намали конкурентноста на овие производи на пазарот на ЕУ.

На 20 март, претставниците на Европскиот парламент и Советот на ЕУ постигнаа прелиминарен договор за продолжување на мерките за либерализација на трговијата за Украина за уште една година, до 5 јуни 2025 година, со истовремено воведување заштитни мерки за увоз на одредени видови на храна од Украина.

Денеска овие предлози формално се разгледуваат од Комитетот на постојани претставници на ЕУ на амбасадорско ниво.

The post ШТО ЈА СПРЕЧУВА ЕУ ДА ВОВЕДЕ САНКЦИИ ЗА ХРАНАТА ОД РУСИЈА? Трговската размена со храна на ЕУ и Русија лани изнесувала 9 милијарди евра appeared first on plusinfo.mk.

Санкциите вклучуваат делумна забрана на нафтата и го исклучуваат најголемиот руски заемодавач Сбербанк од меѓународната СВИФТ платформа.

Унгарија неколкупати ја блокираше потребната едногласност на сите 27 членки, поради свои национални барања, првенствено околу исклучоци од ембаргото за нафтата.

Неименуван дипломат вчера изјави дека  конечно е можен договор, откако останатите 26 земји, се согласија од црната листа на моќници под санкции од ЕУ, да се исклучи поглаварот на Руската православна црква и близок сојузник на Кремљ, патријархот Кирил, со цел да ја смират Будимпешта.

Се очекува договорот од утре да стапи во сила, доколку некоја членка не поднесе приговор.

The post САНКЦИИТЕ ЗА РУСИЈА ЌЕ ВАЖАТ ОД УТРЕ, АКО НЕМА ПРИГОВОРИ Стапува на сила делумната забрана за нафтата appeared first on plusinfo.mk.

Москва воведе санкции против компании од Европската унија, САД и Сингапур, како одговор на санкциите што и беа наметнати од Западот поради воената инвазија на Украина.

На списокот има 31 компанија, од кои повеќето припаѓаат на „Гаспром Германија“, германска филијала на рускиот гигант.

– Во моментов ја оценуваме оваа најава, но засега немаме детали- соопшти германското Министерство за економија и енергетика.

Сојузната агенција за мрежен промет, која го презеде „Гаспром Германија“ по наредба на министерот за економија на почетокот на април, откако излезе од составот на централниот концерн, соопшти дека веќе се во тек подготовки за реакција на можните руски санкции.

„Гаспром Германија“ е еден од најголемите дистрибутери и добавувачи на гас во Германија и, според неговото раководство, е најголемиот складишен капацитет за гас во Германија.

The post 31 ЕНЕРГЕТСКА ФИРМА ПОД САНКЦИИ Русија казнува фирми од ЕУ, САД и од Сингапур appeared first on plusinfo.mk.